إعادة النظر بشكل كامل لطريق الشمال من خلال إجراء تعديلات

[بوهلال]

إعادة النظر في المشروع وتوسعة وإزالة بعض التقاطعات الحالية.. 20 جسراً جديداً على طريق الشمال و 40 معبراً للمشاة بالدوح ة لتعزيز السلامة المروريةجاسم سلمان وحسن علي: علمت "الشرق" ان هناك توجهاً لإنشاء أكثر من 20 جسرا جديدا على طريق الشمال في إطار عملية إعادة النظر بشكل كامل لطريق الشمال من خلال إجراء تعديلات كثيرة من إضافة جسور جديدة وتعديل الجسور الحالية وتشمل هذه التعديلات توسعة الجسور الموجودة على مداخل المناطق على طول طريق الشمال من خلال توسعتها حتى تكون أعرض وأكثر قدرة على استيعاب الأعداد المتزايدة للسيارات الداخلة والخارجة على هذه المداخل، كما سيتم تعديل الطرق الخدمية الموازية لطريق الشمال بحيث تكون على عدة مسارات تخدم سكان هذه المناطق وتخفف الازدحام ومن بينها طريق الخدمات في منطقة الخريطيات الموازي لطريق الشمال ومن بين المشاريع المتعلقة بإجراءات السلامة المرورية مشروع بناء 40 جسراً للمشاة على مختلف الطرق بمدينة الدوحة للتقليل من نسبة حوادث الدهس فيها. التفاصيل إعادة النظر بالمشروع وتوسعة وإزالة بعض التقاطعات الحالية..20 جسراً جديداً على طريق الشمال و40 معْبَراً للمشاة بالدوحة إنشاء وتوسعة الطرق الخدمية الموازية لطريق الشمال توسعة الطريق الخدمي في الخريطيات ليكون من عدة مسارات مخططات لبناء 40 جسراً للمشاة على مختلف الطرق في الدوحة تأجيل نفقيّ المول والتضامن للانتهاء من مخطط مشروع القطارات

وين المهندسين يوم كانو يدرسون المشروع هههههه نايمين

[بوسلمان 2010]

المهندسين مايلامون كل شركة غير كم شركة امسكة المشروع

[سيف الحرية]

مسلسل التخبط ...

[بوحمد111]

وما زال التطور قائم والله يستر من الجاي

المهندسين نظرتهم من ٣ الى ٤ سنين وما بعد ذلك لكل حادث حديث وهذا الي حاصل

[لاجئ عاطفي]

اول مره اشوف مشروع مجزء كل شي بروحه الحين وبعد انتهاء المشروع اكتشفوا انه ناقص ويبيله تعديل؟؟؟ والله تعبنا من هالتخبط والعشوائية في العمل وصباح الخير يا اشغال

[QtriHero]

ليش ماتكون في محاسبه على المشاريع الحيويه ..

ويتحاسب المسئول عن هذا التخبط الاداري والهندسي واهدار المال العاام..

[الصغيره]

الله يعين اهل الشمال وش حالتهم بهم حاله بعد كذا يعيدون النظر ويحفرون من جديد بس اهدار للمال وللوقت وللارواح يااااااااااا الله كن بعونهم

[بوهلال]

نداء الى الخرجي اطلع من مكتبك شوي تعال الصبح مع المدارس شوف جسر الخريطيات + الخيسه (الشاحنات) تزاحمنا يسار ويمين على الجسور عاد من زين وكبر الجسور حتى زاحمنا وخاصه عند اشارات جسر الخريطيات والله من كثرهم تقول انك عند احد مداخل الصناعيه

[Hamad-7]

قسم بالله تخطيط فاشل مهندسين فشله .. اكبر واهم شارع فالدوحه
مسوينه هالشكل لاتخطيط صح ولا هم يحزنون

شارع عام 3 خطوط بس عبالهم الدوحه قبل 7 سنوات محد يفكر فالمستقبل

تخطيط الشارع نفسه غلط .. ( تعبنا ونقول مانبي دوارات ولا اشارات ) لاااااااااازم ختم يادوار يا اشارات تحت كل جسر ( ياخي الناس تطورو والله تعلمو من دبي وشارع الشيخ زايد شلون !! )

خروج من الشارع الجانبي للشارع العام وبعده بـ 100 متر خروج من الشارع الريسي للفرعي ( يعني اهم الهوشه تصير في هالـ 100 متر )

الله يعين بس

[بوعلي2]

انا من شفتهم ردوا حفرو الشارع عند مدينة عين سنان شمالا وانا غاسل يدي من شغلهم :weeping:

الحين من نمر جنب عن سنان نحس بنزله السياره مكان ماحفرو ياخساره والله شارع مثل هالشارع حفروه وخربوه

ياخسارره وتوه جديدللاسف

ولفة الزباره فيها نزله بعد

والماي يتجمع عند طلعة الجسر الي تدخلك عين سنان ينترس الشارع كله ماي




الله كريم

[الموضوعي]

مب قلت لكم ان عندنا غباء في قطر وان اكثرهم ماسكين مناصب

[al-sadd]

والله انه شارع فنان !!
مادري ليش العالم تتكلم عنه انه ظيق ومب عدل بالعكس 5 خطوط
و وسيع ومافي احسن منه

والله اتمنى لو يخلونه ولا يعدلون عليه

انا كل وييك اند اروح الغاريه
وبالعكس الشارع حلو وفحدود نص ساعه اله واصلين الغاريه بدون مشاكل
اتمنى يخلونه نفس ماهو

واخيراً حفظنا اماكن الرادارات ^^"

[BIG-VEGA]

معاناة الشعب القطري مع طريق الشمال صارت جزء من التراث

من اكثر من 20 سنه على الاقل والشعب يشتكي من طريق الشمال ونسمع عن التطوير والاصلاحات

ياويه استح ... والله عيب

بصراحه الكلمات تعجز عن وصف القائمين عليه

[سطح القمر]

لا حياه مع تخطيط ولا تخطيط مع حياة

ما في تخطيط صحيح وسليم علشان كذا نشوف التخبط المستمر و الوضع عاااااااادي واموركم طيب

[مرتبش]

المقاولين لازم يشتغلون

[طويل الرمح]

والله انه شارع فنان !!
مادري ليش العالم تتكلم عنه انه ظيق ومب عدل بالعكس 5 خطوط
و وسيع ومافي احسن منه

والله اتمنى لو يخلونه ولا يعدلون عليه

انا كل وييك اند اروح الغاريه
وبالعكس الشارع حلو وفحدود نص ساعه اله واصلين الغاريه بدون مشاكل
اتمنى يخلونه نفس ماهو

واخيراً حفظنا اماكن الرادارات ^^"

شكلك تمشي 180 عالخط الله يحفظك .. خط الشمال جديد وسيع ما نختلف ...بس تخطيط فاشل

الجسور ضيقه دخلت الجسر ضيقه مثل ما ذكر الاخ عند عين سنان قبل الجسر و انت جاي من الشمال بحيرة عين سنان الكبرى يسبح في الوز .. اسحبوا حول 16 دنكر لين فضوها

بالله وشو اللي لا يعدلونه ... القهر ماهو في التعديل القهر في التخطيط الموقت مال ابو سنتين

قطر ناقصها لجنة تخطيط متكامله من جميع النواحي و الخدمات و التسهيلات

بالله ابراج و ابراج و الاجانب يسمونها داون تاون بدون مواقف جات على خط الشمال

[هام السحاب]

بالمره يمرون صوب شارع الوعب ( خليجي 11 ) ويشوفون المهزلة
وزحمة اشارات المناصير من كل اتجاه

[نيساني]

لاتعليق!

والله المستعان

[دنيا الاسهم]

لا حول لله ولا قوة الا بالله توة مايمدي على تشغيل الشارع الحين فكروا يحطون جسور وغيرة
ياجماعة خلوة سووا خير ماتشوفون الزحمة .. يارب تكون اشاعة

[فقيه زمانه]

فساد + سوء تخطيط = مشروع فاشل هذي لمعادلة مطبقة على طريق الشمال ، عيل جسر لخريطيات وانت رايح باتجاه شارع لعرضات حطين اشارات زحمه ظهر توصل لنص لجسر شلون مادري، جسر ام لعمد كل اسبوع له نظام مرة اشارات ومره بدون كله علشان بيت على شارع ،جسر لخيسة حدث ولا حرج ......... اقترح يعطون اشغال جائزة التميز في لفشل ويعطونهك كورس شهرين في شوارع دبي .

[آنــه]

افففففف من هالعقليات
يا ربي ما صدقنا يفتحون الشوارع عشان تخف الزحمة
والحين بهالشوارع الفرعية نطلع قبل الدوام بساعة ويدوب نوصل
سلون لو أعادوا النظر فعليا




نداء الى الخرجي اطلع من مكتبك شوي تعال الصبح مع المدارس شوف جسر الخريطيات + الخيسه (الشاحنات) تزاحمنا يسار ويمين على الجسور عاد من زين وكبر الجسور حتى زاحمنا وخاصه عند اشارات جسر الخريطيات والله من كثرهم تقول انك عند احد مداخل الصناعيه




اتمنى ان يطلع ويكحل عيونه بالسيايير اللي تتجاوز
والباصات اللي كأنهم الدودة ام اربع وأربعين ويزرقون بين السيايير
على بالهم انهم صغار ولا لين دشوا الدوار على السنه فلم رعب
وعن موضوع الشاحنات ترى هالشاحنات والدناكر و السكسويلات
لشركات خاصه ولهم تصريح والا ما يتحركون من مكانهم بدونه

[BoAzozz]

إعادة النظر في المشروع وتوسعة وإزالة بعض التقاطعات الحالية.. 20 جسراً جديداً على طريق الشمال و 40 معبراً للمشاة بالدوح ة لتعزيز السلامة المروريةجاسم سلمان وحسن علي: علمت "الشرق" ان هناك توجهاً لإنشاء أكثر من 20 جسرا جديدا على طريق الشمال في إطار عملية إعادة النظر بشكل كامل لطريق الشمال من خلال إجراء تعديلات كثيرة من إضافة جسور جديدة وتعديل الجسور الحالية وتشمل هذه التعديلات توسعة الجسور الموجودة على مداخل المناطق على طول طريق الشمال من خلال توسعتها حتى تكون أعرض وأكثر قدرة على استيعاب الأعداد المتزايدة للسيارات الداخلة والخارجة على هذه المداخل، كما سيتم تعديل الطرق الخدمية الموازية لطريق الشمال بحيث تكون على عدة مسارات تخدم سكان هذه المناطق وتخفف الازدحام ومن بينها طريق الخدمات في منطقة الخريطيات الموازي لطريق الشمال ومن بين المشاريع المتعلقة بإجراءات السلامة المرورية مشروع بناء 40 جسراً للمشاة على مختلف الطرق بمدينة الدوحة للتقليل من نسبة حوادث الدهس فيها. التفاصيل إعادة النظر بالمشروع وتوسعة وإزالة بعض التقاطعات الحالية..20 جسراً جديداً على طريق الشمال و40 معْبَراً للمشاة بالدوحة إنشاء وتوسعة الطرق الخدمية الموازية لطريق الشمال توسعة الطريق الخدمي في الخريطيات ليكون من عدة مسارات مخططات لبناء 40 جسراً للمشاة على مختلف الطرق في الدوحة تأجيل نفقيّ المول والتضامن للانتهاء من مخطط مشروع القطارات

وين المهندسين يوم كانو يدرسون المشروع هههههه نايمين

نتمنى اعادة النظر في اشغال

[المتحدث الرسمي]

.....

على طريجهم بعد خل يدرسون مشكلة منطقة المعموره

منطقه فيها 66 مدرسه حكوميه و خاصه و منطقة سكانها كثر لها مخرجين ؟؟!! هل يعقل يا أولي الألباب ؟؟ !!!!!!!! :eek5:

المخرج الاول عند جمعية المعمورة و الثاني على الهايوي

و تعال صج بعد بالمره يشوفون لهم حل حق شارع 22 فبراير اللي مسوينه حق سنة الطبعه

والله اغترينا بالاسم خط الدوحه السريع !!@@@

أي سريع الله يخلف عليكم و هو من حادث واحد بس يتسكر من دوار سوق العلي لين دوار خميس العبيدلي

بس خلاص ما ابي اطول بعد :shy:
.....

[Hamad-7]

هذا كله بصوب

وشاااااااااااااااااارع سلوى بصوب .. الحين بدوا يعدلون عليه
واهم فعالياته ^_^

افتتااااااااح اشارات عند دوار عين خالد سابقا :@:@:@:@:@:@

لييييش ياجماعه لييييييييش اشارات شارع كبير وهاي وي ليش اشارات
ماستبعد بيفتحون دوار تحت جسر من الجسور الي راح يبنونها

[أخر الدنيا]

وما زال التخبط مستمرااااااااااااااااااااااااااااااااااااااااااااا ااااااا 0

[موضي قطر]

:eek5:



يمكن المسؤول عن المشروع ناقصته سيوله بالتالي حالته النفسيه تعبانه :(:secret: