لأهل الخبرة ولكل منى بنى فيلا في 2011 -2012

[معيذر جنوب]

بغيت حسبة تقديرية لأعمال بناء فيلا تشطيب كامل

فيلا دورين بمساحة 610م
مجلس خارجي: 84 م
مطبخ خارجي: 56 م
بنت هاوس : 74 م

الإجمالي : 824م .

ارتفاع الطابق الأرضي والاول الصافي : 4 أمتار .

المساحات كاملة بالمتر المربع :
غرف النوم
226
الممرات
92
المجالس الداخلية والصالات
85
المطابخ
45
المخزن
10
الحمامات
66
المغاسل
9
النوافذ
33
الأبواب الخشبية
17
أبواب الحمامات
14
الأبواب الخارجية
6




يرجى الافادة من اهل الخبرة بالتكلفة التقديرية ؟؟؟؟؟؟؟

[MAZEN37]

مع الارض او بدون

[معيذر جنوب]

بدون الارض

[ahmed jasim]

حوالي 2 مليون
1.2 مليون للبنيان
و 700 ألف للتشطيب

[مضارب دوسري]

اذا المساحه الاجماليه 824 متر مربع

انا بنيت عند مقاول سعر المتر 900 عظم بلاستر
وشغله بصراحه حلو ونظيف جدا
وسعر الطابوقه ب 3 ريال
عشان محد يقول يمكن ان الطابوق رخيص

يعني لو حسبنا المتر ب 900 ريال
يعني عظم بلاستر ب 742000 ريال

ولو قلنا انك مسوي حركات فالبيت ومظاهر
لنفترض ان سعر المتر ب 1000 يعني بيطلع عليك 824000 ريال
عظم بلاستر هذا المقاول اللي عندي
شغله حلو ولكن شكله بيتاخر عن موعد العقد شهر او شهرين

وبالتوفيق

[مضارب دوسري]

وحط في بالك ان التشطيب يعادل ثلاث ارباع العظيم والبلاستر احيانا
يعني اذا بنيت مثلا ب 900 الف عظم بلاستر
معناه يبيلك 675 الف خلها 700 الف ريال

[Bozizoo]

بناء العظم تقريبي مابين 950 و 900 كله على حسب التصمم و كمية الخرسانات
اما التشطيبات محد يقدر يقولك سعر الا لين يشوف انت شنو تبي بالظبط
لان التشطيبات عالم كبير على سبيل المثال انت تبي تركب سراميك المتر سعره 30 ريال
او رخام سعر المتر 400 ريال .
وقيس على كل شي الصبغ .نوع الجبس.انواع الابواب .اطقم الحمامات .درايش الالمنيوم. سخانات مركزيه ولا عاديه.فلتر الماي مركز.
يعني محد يقر يحط لك سعر قبل ماتقوله مواصفاتك

[دروب]

اذا المساحه الاجماليه 824 متر مربع

انا بنيت عند مقاول سعر المتر 900 عظم بلاستر
وشغله بصراحه حلو ونظيف جدا
وسعر الطابوقه ب 3 ريال
عشان محد يقول يمكن ان الطابوق رخيص
يعني لو حسبنا المتر ب 900 ريال
يعنيعظم بلاستر ب 742000 ريال
ولو قلنا انك مسوي حركات فالبيت ومظاهر
لنفترض ان سعر المتر ب 1000 يعني بيطلع عليك 824000 ريال
عظم بلاستر هذا المقاول اللي عندي
شغله حلو ولكن شكله بيتاخر عن موعد العقد شهر او شهرين

وبالتوفيق

السلام عليكم ~ لو سمحت ممكن رقم المقاول

[بو الجوري]

هلا أخوي :.. و بالتوفيق إن شاء الله :..

الحسبـه التقديريـه لبناء الفيلا ( تسليم مفتاح )
من 1.600.000 و إنت طالع ،، طبعاً يعتمد على التشطيـب و نوعـه :..


سعر العظم و البلاستـر تقريباً كله نفس الشي :..

لكـن التشطيب هو اللي يحدد باقي السعـر :..

القصد ممكـن يكلفك مليون و 600 :.. و ممكـن يكلفك 2 مليون :..
يعني يعتمـد على تشطيبك و نوع بلاطك و أطقم الحمامات تكرم
و أنواع الأبواب و باقي الأشياء :..

:)

[almaf1a]

900 الف عظم بلاستر كهرباء وماء
التشطيب 550 الف

الاجمالي مليون و 500 مع الحتاحيت

[قطري قديم]

850 الف تقريبا ينزل عشرين يرتفع عشرين علي حسب كميات الحديد والخرسانه .

[معيذر جنوب]

مشكورين ي أخوان على مشاركتكم في الموضوع

بخصوص سعر العظم + بلاستر :
خذيت أكثر من عرض سعر ب 800 الف الى مليون ريال على نفس الفيلا (( عظم بلاستر + تمديدات الكهرباء والماء الاولية ))

عندي اسئلة كثيرة ي ليت الي عنده خلفية عنها او احدها يفيدنا

أعمال الكهرباء والماء كم ممكن تكلفتها ؟ تركيب و مواد ؟
أعمال السباكة كم ممكن تكلفتها تركيب فقط ؟
أطقم الحمامات والمغاسل للنوع المتوسط كم تكلفتها ؟
الحجر السعودي لكامل الفيلا كم تكلفته ؟
العازل للاسطح والحمامات الله يكرمكم كم تكلفته ؟
أعمال السور الخارجي للفيلا ؟
كيف حسبة سعر تركيب السيراميك للفيلا كاملة ؟
كيف حسبة تركيب بلاط الحوش الخارجي كتركيب فقط ؟
الأبواب كم اسعارها إذا كان تيك ؟
النوافذ لو زجاج دبل قلاس بحريني كم سعر المتر؟
المطابخ كم تكلفة المتر؟
الأنوار الداخلية سبوت لايت كم ممكن تكلف ؟


الي يعرف أو وقع لفيلا مشابه ويعرف تكاليف شيء من الي فوق يفيدنا.

[مضارب دوسري]

السلام عليكم ~ لو سمحت ممكن رقم المقاول

عليكم السلام
55805572
راجو
هندي

قوله انك من طرف فيلا الذخيره وبيعطيك سعر حلو ان شاء الله

مكان شركته الخور

[مضارب دوسري]

مشكورين ي أخوان على مشاركتكم في الموضوع

بخصوص سعر العظم + بلاستر :
خذيت أكثر من عرض سعر ب 800 الف الى مليون ريال على نفس الفيلا (( عظم بلاستر + تمديدات الكهرباء والماء الاولية ))

عندي اسئلة كثيرة ي ليت الي عنده خلفية عنها او احدها يفيدنا

أعمال الكهرباء والماء كم ممكن تكلفتها ؟ تركيب و مواد ؟
أعمال السباكة كم ممكن تكلفتها تركيب فقط ؟
أطقم الحمامات والمغاسل للنوع المتوسط كم تكلفتها ؟
الحجر السعودي لكامل الفيلا كم تكلفته ؟
العازل للاسطح والحمامات الله يكرمكم كم تكلفته ؟
أعمال السور الخارجي للفيلا ؟
كيف حسبة سعر تركيب السيراميك للفيلا كاملة ؟
كيف حسبة تركيب بلاط الحوش الخارجي كتركيب فقط ؟
الأبواب كم اسعارها إذا كان تيك ؟
النوافذ لو زجاج دبل قلاس بحريني كم سعر المتر؟
المطابخ كم تكلفة المتر؟
الأنوار الداخلية سبوت لايت كم ممكن تكلف ؟


الي يعرف أو وقع لفيلا مشابه ويعرف تكاليف شيء من الي فوق يفيدنا.

تمديدات الماي والكهربا تعتبر اوردي من شغل المقاول
يعني ماياخذ عليك زياده ولا ريال
ايضا لا تنسى ان تمديدات المكيفات لازم تكون بعد من شغل المقاول

اهم شي عليه اشرط عليه ان سعر الطابوقه 3 ريال واكتبه فالعقد بعد

انصحك ماتاخذ واحد عربي
شوف لك باكستاني او هندي

سعر الكهربا انا وقعت مع كهربائي على ان تكون المجامع ماركة سيمنز
ناس انصحوني ب ام اي ام بس ماخترتها لان في منها ماليزي وانجليزي
ف حبيت ان مافتح مجال للكهربائي يلعب علي
والكيابل عمانيه والسويتشات تين بي الانجليزيه بعد لان في منها ماليزي

طلع علي الكهربائي ب 62 الف
طبعا لا تنسى مساحة بيتي الاجماليه 620 متر مربع
يعني مساحة بيتك ممكن يكون تقريبا اكثر ب 10000 الى 15000 ريال من بيتي

البايب فيتر اذا تبي بي بي ار الماني
انا للحين ماوقعت بس الاغلب ياخذون على الحمام الواحد بين 1800 الى 2300 ريال للحمام والمطبخ ب 2500 الى 2700
بس للحين ماوقعت مع احد انتظر واحد يرجع من السفر وبشوف سعره

[ميلاف]

عط الخباز خبزه لو كللا نصصصه

عطه مقاول لو غالي ولاتعطيه واحد يعلك ويعل بيت العمر نصيحه انا بنيت بيتي وبداياتي كانت نفسك اسأل عن كل شي ...

[مضارب دوسري]

السور الخارجي من ضمن اعمال المقاول
ولا شلون توقع معاه وهو ماله دخل فالسور
السور الخارجي والبلاستر ماله المفروض يكون من ضمن اعمال المقاول
عشان ماتوصل للدفعه الرابعه وعقب يوقفون بنك التنميه
لان من الشروط تخلص السور الخارجي مع الملاحق
وسعر السور عندي من ضمن شغل البيت
يعني ماخذا علي زياده عشان السور

[مضارب دوسري]

باقي الاساله لا تعور راسك فيها من الحين
لانك ماراح تقدر تجمع
خلص بيتك عظم بلاستر وكهربا وبايب فيتر عقب اسال عن باقي الاساله
لان كل شي ممكن يتغير
بالتوفيق ان شاء الله
وخذها نصيحه اياك ثم اياك توقع تشطيب كامل
وقع عظم بلاستر
وعقب شوف شغله
اذا عجبك وانت ماتبي تعور راسك وقع تشطيب معاه
ماعجبك شوف غيره

وانا افضل التشطيب تخلصه بنفسك

[معيذر جنوب]

شاكر لك مضارب دوسري

بخصوص السباكة كم متوقع تكلفتها عندك ؟

62 الف للكهربائي سعر حلو على فيلا 620م .

ويش سالفة سعر الطابوقة 3 ريال مافهمتها ؟؟؟؟؟؟؟؟

[مضارب دوسري]

شاكر لك مضارب دوسري

بخصوص السباكة كم متوقع تكلفتها عندك ؟

62 الف للكهربائي سعر حلو على فيلا 620م .

ويش سالفة سعر الطابوقة 3 ريال مافهمتها ؟؟؟؟؟؟؟؟

الطابوق انواع اخوي فيه الرخيص اللي لو تحط صبعك خرمته وفي منها القوي اللي لو تضربه فالارض مانكسرت

الطابوق احيانا يلعب عليك المقاول اذا ماذكرت خصائصه فالعقد
هي تحسب بالنيوتن او شي جذي
بس انا مالي في الخصائص
عشان جذي ذكرت ان سعر الطابوقه مايكون اقل من ريالين و 75 درهم

[مضارب دوسري]

السباكه احسب كم حمام واضرب بسعر تقديري 2100 وبيطلع لك كم
واحسب المطبخ ب 2600
هذا اذا كان بي بي ار الماني
لتركي والبحريني ارخص

[al saad]

انا بنيت مع التشطيب من غير الجبس المتر ٢٣٠٠ مساحه ١٩٨٠ البنيان
قبو ارضي دور اول بنت هوس

[almaf1a]

الطابوق انواع اخوي فيه الرخيص اللي لو تحط صبعك خرمته وفي منها القوي اللي لو تضربه فالارض مانكسرت

الطابوق احيانا يلعب عليك المقاول اذا ماذكرت خصائصه فالعقد
هي تحسب بالنيوتن او شي جذي
بس انا مالي في الخصائص
عشان جذي ذكرت ان سعر الطابوقه مايكون اقل من ريالين و 75 درهم

اخوي مصنع سمسمه مادري سميسمه طابوقهم جيد؟

[khaldoon]

اتفق مع اخونا مضارب دوسري و فعلا السور لازم يكون من ضمن السعر العظم و الطابوقة قوتها 7 نيوتن و انصحك بالطابوق الاسمنتي و ليس الاحمر

في طابوق لونه ابيض ناسي اسمه الحين وزنه خفيف و اذكر قوته 5 نيوتن بعد زين و ينقص بالمنشار اليدوي مثل الخشب....يستخدمونه باللؤلؤة بس يستعمل معاه جلو و ليس مونة اسمنت بس خلك على الاسمنتي ارخص على ما اعتقد

[مضارب دوسري]

اتفق مع اخونا مضارب دوسري و فعلا السور لازم يكون من ضمن السعر العظم و الطابوقة قوتها 7 نيوتن و انصحك بالطابوق الاسمنتي و ليس الاحمر

في طابوق لونه ابيض ناسي اسمه الحين وزنه خفيف و اذكر قوته 5 نيوتن بعد زين و ينقص بالمنشار اليدوي مثل الخشب....يستخدمونه باللؤلؤة بس يستعمل معاه جلو و ليس مونة اسمنت بس خلك على الاسمنتي ارخص على ما اعتقد

جابها خلدون
اخوي معيذر عيل خل الشرط بدل السعر
ان يكون الطابوق 7 نيوتن

[مضارب دوسري]

اخوي مصنع سمسمه مادري سميسمه طابوقهم جيد؟

سمسمه اخوي
ولكن كل المصانع تسوي كذا نوعيه وعلى المقاول شراء مايريده
يعني في كل مصنع تلقى طابوق ممتاز وطابوق مش حالك

[khaldoon]

جابها خلدون
اخوي معيذر عيل خل الشرط بدل السعر
ان يكون الطابوق 7 نيوتن

مب كافي هالشي...شوف عينة من الطابوق انه ما فيه فراغات كثيره و حوافه ما تكون ضعيفه و متفتته و سهلة الازاله و ما يظهر سطح الطابوقه كأنه عبارة عن احجار او داوئر صغيره ...يفضل يكون سطح متجانس و ما فيه فراغات و بعدين شوف القالب و دقق زين في كل الوصلات الضيقه في الطابوقه هذه الوصلات اللي بين الفراغات اللي بالطابوق و شوف هل هي وصلات قوية و الا ضعيفه لانها اماكن ضعف بالطابوق يعني انظر لابعاد هذه الوصلات اللي بين الفراغات بالطابوقه

[مضارب دوسري]

مب كافي هالشي...شوف عينة من الطابوق انه ما فيه فراغات كثيره و حوافه ما تكون ضعيفه و متفتته و سهلة الازاله و ما يظهر سطح الطابوقه كأنه عبارة عن احجار او داوئر صغيره ...يفضل يكون سطح متجانس و ما فيه فراغات و بعدين شوف القالب و دقق زين في كل الوصلات الضيقه في الطابوقه هذه الوصلات اللي بين الفراغات اللي بالطابوق و شوف هل هي وصلات قوية و الا ضعيفه لانها اماكن ضعف بالطابوق يعني انظر لابعاد هذه الوصلات اللي بين الفراغات بالطابوقه

هلا اخوي
انا اللي عندي فالبيت
طبعا انا شرطت عليه السعر لان ماعرف فالقوه والنيوتن
الطابوق اللي يجيبه سعره 2.75
ومواصفاتها مثل ماذكرت
من مصنع عندنا في صناعيه الخور

مصنع بن لحدان
لا اعرف اذا المصانع الاخرى يكون في السلبيات اللي ذكرتها
انا خذيتها ان الغالي سعره فيه وبيكون فيه المواصفات اللي ذكرتها انت
يعطيك العافيه

[khaldoon]

هلا اخوي
انا اللي عندي فالبيت
طبعا انا شرطت عليه السعر لان ماعرف فالقوه والنيوتن
الطابوق اللي يجيبه سعره 2.75
ومواصفاتها مثل ماذكرت
من مصنع عندنا في صناعيه الخور

مصنع بن لحدان
لا اعرف اذا المصانع الاخرى يكون في السلبيات اللي ذكرتها
انا خذيتها ان الغالي سعره فيه وبيكون فيه المواصفات اللي ذكرتها انت
يعطيك العافيه

الله يوفقك يا رب

انا ما اعرف الاسعار الحين لني اصلا تركت الانشاءات بالفلل و البيوت من فترة

على العموم حط صورة لو حبيت جانبيه و من الاعلى للطابوق اللي عندك و انا اقولك ايش اقصد لو حبيت:nice:

[Abu Abboud]

ليش الطابوق العادي احسن من الأحمر ؟ مب الأحمر عازل للحراره ابي الأحسن قبل لاوقع مع المقاول

[منهم وفيهم]

موضوع مفيد جدا
واصلوا

[ميلاف]

اذا بتسوي بلاستر برا الطابوق الاحمر زين بس الطابوق الاحمر لازم تكون عارف مكان السوكتات والكهرباء وين
لان الطابوق الاحمر مايقدر الكهربائي يكسر عشان البيبات . . .والخ

واذا بتسوي حجر على عليك بالطابوق العادي

واذا تبي كهربائي ولا بيب فيتر عندي هنود على كيف كيفك سو الكهرباء عندي الهندي وجا الفني مال المستوبيشي وقال من سوا الكهربا انا خفت قلت الحين بيقول شغله تعبان قلت هندي قال انا عشرين سنه فالدوحه ماشفت شغل انظف من شغله ارتحت هههههههههه

والله يعيييينك على البنيان

[خزامئ]

اخوي ميلاف ممكن رقم الفيتري والاكهربائي
اخوي خلدون كيف اعرف قوه ومتانه الطابوقه هل بيكون موجود في العقد او اسئل المقاول وكيف اعرف انه مايقول لي رقم غير صحيح اذا شافني ماعرف

[Civil ENG]

اخوي ميلاااااف ممكن تطرش لي رقم الفيتري والكهربائي لوسمحت

[khaldoon]

اخوي ميلاف ممكن رقم الفيتري والاكهربائي
اخوي خلدون كيف اعرف قوه ومتانه الطابوقه هل بيكون موجود في العقد او اسئل المقاول وكيف اعرف انه مايقول لي رقم غير صحيح اذا شافني ماعرف

لازم قوة الطابوق تكون مذكوره بالعقد و المواصفات

اول شي تخلي المقاول يجيب شهادة معتمده من المصنع اللي يورد الطابوق مكتوب فيها قوته و بعدين من حقك تاخذي عينات عشوائية من الطابوق سواء مسكر و الا فيه فراغات و بمختلف مقاساته و سماكاته 10 سم 15 سم 20 سم و توديه لمختبر معتمد يقوم بنفسه بأخذ العينات امامك و مب المقاول اللي ياخذها و يوديها له و يعطيكي المختبر النتيجة بشهادة مختومه منه و الفحص على حساب المقاول...لو اثبت اي مختبر معتمد انه بيغش بروح فيها لانها يعتبر طرف ثالث في الشغل

[قطري قديم]

اولا انا ما ازيد علي كلامكم بس ترى الطابوق ياجماعه مافيه غش لان الطابوق معروف 20 في 40 والطابوقه من ريالين وعشرين الي ريالين و سبعين حسب المصنع وسرعه النقل بعدين عفوا شنو بتوفي مع المقاول نص ريال ماتسوى بعدين هل فيه مقاول بيروح لمصنع بيقول لهم صنعوا لي طابوق مش حالك مستحيل ترى شغل المقاول سمعه ودعايه للشركه نفسها للتوسع والربح وبالتوفيق لكل من يبني .

[khaldoon]

اولا انا ما ازيد علي كلامكم بس ترى الطابوق ياجماعه مافيه غش لان الطابوق معروف 20 في 40 والطابوقه من ريالين وعشرين الي ريالين و سبعين حسب المصنع وسرعه النقل بعدين عفوا شنو بتوفي مع المقاول نص ريال ماتسوى بعدين هل فيه مقاول بيروح لمصنع بيقول لهم صنعوا لي طابوق مش حالك مستحيل ترى شغل المقاول سمعه ودعايه للشركه نفسها للتوسع والربح وبالتوفيق لكل من يبني .

حياك الله اخوي ...المسألة مب مسألة غش ....المسألة انه هو اختبار و فحص حاله حال اي فحص مطلوب من المقاول لكل المواد اللي بتم تركيبها و بتظل موجوده بالمبنى و ليس تركيب مؤقت و هو اصلا حماية للمقاول في نفس الوقت من المورد او مصنع الطابوق

انت فكر فيها مثلا انه مصنع الطابوق حاله مثل حال مصنع الخرسانة الجاهزة

يعني الحين شركات الخرسانه الجاهزة كثير منها معتمد من الدولة و مع ذلك لازم نسوي فحص على قوة خرسانتها بعد 7 ايام و بعد 28 بوم على كل خرسانة بتدخل في الانشاءات و بتتحمل اوزان و احمال و كثير منها برسب فهل هذا معناته انه المصانع هذه غشاشه و بتخسر سمعتها ....لا طبعا هذا بيصير كل يوم و كل ساعة و الرسوب عادي جدا جدا و متوقع بس لما كل يوم بنلاقي رسوب من نفس المصنع فأصبح في مشكله بالخلطه عنده او طريقة اعدادها ...بهالحالة بتظل تتعامل معاه و الا بتحط اكس عليه ؟؟

كل الاحترام للمقاولين و مصانع الخرسانه و هذا شغل مطلوب و لو اصلا الاستشاري ما عمله فهذا تقصير من الاستشاري انه مب شايف شغله صح ...يعني انت اسأل الاستشاري اللي عندك و قوله هذا الطابوق كم قوته بيقولك 7 نيوتن...قوله فحصته و لو بشكل عشوائي و الا مرة واحد في عمر المشروع

لو قالك مصنع معتمد و من الكلام اللي فوق فقله انت غلطان و كل المصانع معتمده بس نسويلها فحص...عيل المقاول بعد معتمد فخلاص نغمض عيونا و ما نفكر نشرف و لا نفحص شي....ما في شي اسمه خراب مصنعي او سوء مصنعية ...ليش نفحص السيارات و نلاقي فيها خراب طالما انها من وكالات معروفة و تخاف على سمعتها؟؟!!!

المقاول مب انسان غشاش و لا احنا اصدرنا حكمنا عليه انه حرامي و ندور على الادلة بالعكس هو حاله حال غيره و هذا شغل و مطلوب ينعمل و الا بيكون الاستشاري اللي مب شايف شغله صح و نايم

انتبه يا اخوي لنقطه مهمه بالعمل ...لو كل ما تطلب من واحد شيء سواء بالانشاءات او غيرها و يقولك يعني لازم نسويه ...ما في ثقه فينا من باب انه يخجلك و يثنيك عن انك تسويه و يخليك تتراجع فقوله بدون تردد و على طول: خلي الثقه بره الشغل و انا لا اثق الا بعيوني انا بس و لا اثق بأحد و لو تبيني ما اشوف شغلي علشان اثبتلك اني اثق فيك فخلاص انا بجلس بالبيت و بس تخلص شغلك كلمني علشان اوقعلك موافقه عليها ...ما تحاول تتبع هالاسلوب مره ثانية لانه ما بيخجلني ...

قوله هالشكل و ما عليك من احد ......الشغل شغل و الثقه خارج النقاش و ما نحب نتطرق لها في العمل و كل واحد لازم يشوف شغله صح

تحياتي :nice:

[كبير المتداولين]

عظم بلاستر شغل ممتاز 900000
فيتر بيب وكهرباء نوعيه ممتازه 100000
30000 الابواب الخشبيه نوعيه ممتازه
30000 مطبخ نوعيه ممتازه
40000 نوافذ المنيوم نوعيه ممتازه
14000 ابواب حمامات نوعيه ممتازه
25000 ابواب خارجيه
20000 دربزين الدرج
تكلفه رخام نوعيه ممتازه مع الشغل 100000
بلاط حوش نوعيه ممتازه 30000
جبس بورد واصباغ ديكورات فخمه 125000
حط عليهم متفرقات 100000

التكلفه التقديريه 1500000

[معيذر جنوب]

شاكر لجميع من أثرى الموضوع

للرفع

[بوخالد911]

هلا

التكلفة ما بين مليون و600 الف الى مليون و800 الف

والله يوفق

[قطري قديم]

حياك الله اخوي ...المسألة مب مسألة غش ....المسألة انه هو اختبار و فحص حاله حال اي فحص مطلوب من المقاول لكل المواد اللي بتم تركيبها و بتظل موجوده بالمبنى و ليس تركيب مؤقت و هو اصلا حماية للمقاول في نفس الوقت من المورد او مصنع الطابوق

انت فكر فيها مثلا انه مصنع الطابوق حاله مثل حال مصنع الخرسانة الجاهزة

يعني الحين شركات الخرسانه الجاهزة كثير منها معتمد من الدولة و مع ذلك لازم نسوي فحص على قوة خرسانتها بعد 7 ايام و بعد 28 بوم على كل خرسانة بتدخل في الانشاءات و بتتحمل اوزان و احمال و كثير منها برسب فهل هذا معناته انه المصانع هذه غشاشه و بتخسر سمعتها ....لا طبعا هذا بيصير كل يوم و كل ساعة و الرسوب عادي جدا جدا و متوقع بس لما كل يوم بنلاقي رسوب من نفس المصنع فأصبح في مشكله بالخلطه عنده او طريقة اعدادها ...بهالحالة بتظل تتعامل معاه و الا بتحط اكس عليه ؟؟

كل الاحترام للمقاولين و مصانع الخرسانه و هذا شغل مطلوب و لو اصلا الاستشاري ما عمله فهذا تقصير من الاستشاري انه مب شايف شغله صح ...يعني انت اسأل الاستشاري اللي عندك و قوله هذا الطابوق كم قوته بيقولك 7 نيوتن...قوله فحصته و لو بشكل عشوائي و الا مرة واحد في عمر المشروع

لو قالك مصنع معتمد و من الكلام اللي فوق فقله انت غلطان و كل المصانع معتمده بس نسويلها فحص...عيل المقاول بعد معتمد فخلاص نغمض عيونا و ما نفكر نشرف و لا نفحص شي....ما في شي اسمه خراب مصنعي او سوء مصنعية ...ليش نفحص السيارات و نلاقي فيها خراب طالما انها من وكالات معروفة و تخاف على سمعتها؟؟!!!

المقاول مب انسان غشاش و لا احنا اصدرنا حكمنا عليه انه حرامي و ندور على الادلة بالعكس هو حاله حال غيره و هذا شغل و مطلوب ينعمل و الا بيكون الاستشاري اللي مب شايف شغله صح و نايم

انتبه يا اخوي لنقطه مهمه بالعمل ...لو كل ما تطلب من واحد شيء سواء بالانشاءات او غيرها و يقولك يعني لازم نسويه ...ما في ثقه فينا من باب انه يخجلك و يثنيك عن انك تسويه و يخليك تتراجع فقوله بدون تردد و على طول: خلي الثقه بره الشغل و انا لا اثق الا بعيوني انا بس و لا اثق بأحد و لو تبيني ما اشوف شغلي علشان اثبتلك اني اثق فيك فخلاص انا بجلس بالبيت و بس تخلص شغلك كلمني علشان اوقعلك موافقه عليها ...ما تحاول تتبع هالاسلوب مره ثانية لانه ما بيخجلني ...

قوله هالشكل و ما عليك من احد ......الشغل شغل و الثقه خارج النقاش و ما نحب نتطرق لها في العمل و كل واحد لازم يشوف شغله صح

تحياتي :nice:

ما ازيد علي كلامك اخوي وشاكر لك علي المعلومات الاكثر من جيده اخوي .

[khaldoon]

ما ازيد علي كلامك اخوي وشاكر لك علي المعلومات الاكثر من جيده اخوي .

حياك الله اخوي و ردك شرف كبير لي

كل الشكر و التقدير