>>>> كيمرات منزليه

[JN000N]

السلام عليكم ورحمة الله وبركاته



ابي احسن مكان يحطون كيمرات داخل فالبيت يعني مثلا فالصاله او فالمطبخ
وشلون اسعارهم؟
والكيمرات ابيهم صغار مايبينون
وابي لايف اقدر اشوف الي. يصير بنفس الوقت


وشكرا :)

[للصبر اخر]

بالنسبه للاماكن ماعندي خلفيه
تلاقينهم بكارفور وماشفت الاسعار
واذا تبين في السوق الصيني بدبي

[al saad]

شارع الاصمخ
عند العنابي ولا المحلات الي جمبه
النظام كامل مع ٤ كيمرات من ٢٠٠٠ وطالع واحسن نظام ب ٧٠٠٠ مع ٦ كيمرات والتسجيل شهر
واظن التركيب ٢٠٠٠

بس فض البيت عند التركيب عشان محد يعرف ^ــــ^
واعتقد طول السلك من ٣٠ الي ٥٠ متر

و اذا تبي شغل نظيف وتركيب ١٠٠٪ عندك شركه المثنى في سوق النجاده بس غالي الكيمره من ٣٥٠ الي ٥٠٠ اعتقد سوني

انا امركب عنده نظام كامل
كيمرات / بداله/ دشات/ الياف ضوئيه الجديد للبيت كامل

[fahad123]

al saad

بكم كلف التركيب اخوي مع الاغراض ؟

[بو خليفه 123]

شارع الاصمخ من صوب راديو بشير و صفة المحلات الي هناك تبيع جميع انواع الكاميرات المنزليه و لخارج المنزل ايضاً


اشتطيتي عقب الـ 20 مليون :nice:

[JN000N]

متشكرييييييييييييين قدن


لا ماشتطيت ههههاي
الفلوس تحت المخده خاشتهم
بس ابي اراقب الخدامه تصرفاتها مب عاجبتني ابدا ابدا

[فيزيائية]

اعتقد مايجوز تحطين كاميرات واللي بالبيت مايدرون
ياليت تسألين شيخ دين .

[السحابة]

بالنسبه لي وضعت في الحوش داير مايدور. وفي الصالة تحت يعني ٨كاميرات علي رسيفر واحد ويسجل اثناء الحركه وزوجي نزل البرنامج علي الايفون اراقب البيت وانا داخل المنزل وخارج المنزل والحين بحضر حج المطبخ والغرفه اللي في الدور الارضي ويمكن المجلس بعد وبسوي الطابق الاعلي صراحه وناسه حتي لو تسافري تقدري تشوفين كل شئ الخدم هم اللي اجبارونا علي هيدا الشئ ويدرو ان في كاميرات وينحشرون في المكان اللي مافي كاميرات عشان كدا بكمل البيت كله لخاطر عيونهم يستاهلون

[al saad]

al saad

بكم كلف التركيب اخوي مع الاغراض ؟

مبلغ خيالي بس يستاهل 60 الف

[al saad]

اعتقد مايجوز تحطين كاميرات واللي بالبيت مايدرون
ياليت تسألين شيخ دين .

معلومه جديده!!!!

عيل لين اسافر ولا اروح الشغل يجوز اخلي البيت سمردحه....

[بوعلي2]

حسبي الله على بعض الخدم

الله يعينج والله :(

[JN000N]

اعتقد مايجوز تحطين كاميرات واللي بالبيت مايدرون
ياليت تسألين شيخ دين .


حق الخدم
من حقي يختي اذا انا اشوف تصرفاتهم مب طبيعيه
خاصه اذا محد فالبيت غيرها واليهال او بروحها حتا
انا شيظمني اذا ماعندها بلوه؟
واذا عالناس الي ايون هو مب ميداس ومب وايد استقبل زيارات فالمكان الي بتنحط فيه الكيمرات

[السحابة]

اعتقد مايجوز تحطين كاميرات واللي بالبيت مايدرون
ياليت تسألين شيخ دين .

اشلون مايجوز بستأذن منهم الاول بنادي الخدم واستأذنهم أركب كاميرات أذا ماوفقو خلاص اكيد تتغشمرين

[فيزيائية]

معلومه جديده!!!!

عيل لين اسافر ولا اروح الشغل يجوز اخلي البيت سمردحه....





حق الخدم
من حقي يختي اذا انا اشوف تصرفاتهم مب طبيعيه
خاصه اذا محد فالبيت غيرها واليهال او بروحها حتا
انا شيظمني اذا ماعندها بلوه؟
واذا عالناس الي ايون هو مب ميداس ومب وايد استقبل زيارات فالمكان الي بتنحط فيه الكيمرات


اشلون مايجوز بستأذن منهم الاول بنادي الخدم واستأذنهم أركب كاميرات أذا ماوفقو خلاص اكيد تتغشمرين

ماشاء الله كلتوني ....:weeping:
انا وحدة حاطة كاميرات في بيتي وقبل لا احطها بحثت وعرفت ان وضع كاميرات والموجودين بالبيت مايدرون عنها نوع من التجسس المنهي عنه .
وبخصوص عيل شفايدة وضعها ؟؟؟
ان اللي يعرف بوجود كاميرات ماراح يتجرأ ويسوي بلاويه داخل البيت ....

وانا قلت اعتقد ما افتيت ....
اللهم قد بلّغت :)

[مرتبش]

معليش..
بس نقطة الاخت فيزيائية فيها جانب مهم غير عن رضا الخدم او عدمه

اذا تركبت الكاميرات في كل البيت مثلا الصالة والمجلس ..وزوار البيت من النساء ممكن يكونون بدون حجاب في قعداتهم ..فهالتصوير من يطلع عليه؟ واذا مشبوك بالنت ممكن هالصور تتعرض للسرقة ..

يعني مجرد تساؤلات

[للصبر اخر]

جنون حصلتي ولا لا
شفت اليوم اعلان بالجريده
في الوسيط

[Losail_gp]

السلام عليكم
في شركه ركبت لي ٤ كيمرات
٢ في الحوش. قدام وورا البيت
و٢ داخل في الصالة وغرفة العيال. داخل البيت كيمرات على شكل كاشف دخان
يعني ما تنعرف. حتى الخدم قالوا لبعض هذا كاشف دخان للحريق

أنا شبكته على الراوتر اللي في البيت. واقدر اشوفه على الايفون والاي باد وانا في البيت

ممكن يتوصل بالنت علشان تشوفه وانت في اي مكان ، بس ما انصح فيه لان ٩٠٪ من اجهزه التسجيل dvr صناعه صينيه او ما شابه ذلك . وسهل اختراقها وما انصح به

والتسجيل ممكن تركب هارد دسك 1tb يكفي حوالي شهر حق ٤ كيمرات
وطبعا كل ما زادت الكيمرات بتحتاج هارد دسك اكبر ...

وبالنسبة لمشاهدة على النت. ما أظن يحتاج لان اذا الشخص كان في اي مكان وشاف شي مش عدل .. صعب يتخذ اي اجراء.
وبالنسبة للخدم. خلهم يدرون بوجوده. احسن. لانه يكون رادع نفسي لهم.
وعلميا وعمليا من فوائد cctv انه (رادع نفسي) لا اكثر. واللي يبي يسوي الشي بيسويه بوجود الكاميرا او عدمه. ويستخدم كدليل في المحاكم وللمراقبة في حال وجود فريق امني للتواجد السريع في الموقع.
وفي حاله البيوت ، هذا الشي غير موجود

[(المهندس)]

الأخوان الللي بقولوا لازم يستأذن غلطانين والله

انا بشتغل بشركة بتركب كاميرات ركبنا في بيوت كتير وبعد فترة يتصل صاحب البيت عاوز نساعدة يشوف ملفات التصوير والله تشوف العجب خاصة من الخدم مابقول الا الله يستر

بعض الشركات كشفت الكاميرات سرقات وبعضها كشفت شجار بين العمال

------------------

بخصوص الاسعار 4 كاميرات مع التركيب وتسجيل التصوير في حدود 5500 ريال حسب نوع الكاميرات داخلية او خارجية وحسب المسافات بالتركيب