اشلون اخذ تعويض من كيوتل

[aminasalam]

هذه هي القصة
دفعت فاتورتي من اسبوعين واقطعوا الخدمة على لليوم واتصلت استفسر ليش قاطعين الخدمة قالوا لي والله انت ما دفعت الفاتورة اقولهم اخصموا من حسابي واتصلت على البنك وقالوالي ان فعلا المبلغ مخصوم وترحل لهم

المهم اتصلت على كيوتل وقلتلهم ان المبلغ انخصم قالت الموظفة اللي ما تعرف شغلها ما مبيين انك دافع وبعطيك الخدمة لمدة 3 ايام لين ما تراجعنا طبعا كذابة ما رجعت الخط ومقطوع لين الحين وانا ماعندي وقت اراجع حد0

من المسؤول عن الاهمال0

[آخر حبه]

طلعي اثبات التحويل من البنك

والى

المحكمه دايركت

[الجديد]

هذا نصب
الامثلة كثيرة في تعاملاتك كيوتل

[الجديد]

هذا نصب
الامثلة كثيرة في تعاملات كيوتل

[BonBons]

احتمال دفعتي المبلغ الخاص بالشهر اللي فات ولم اانزلت القاتورة مالت هالشهر قطعو التلفون
كان سالتي كم المبلغ المتبقي وتقارنينه باللي دفعتيه
وانا دوم ادفع اول مادفع على طول يوصلني مسج من بنكي وكيوتل بنفس الوقت

[بورصواوي]

مش دفاع عن كيوتل بس اكييييييد الخطاء منك انت مدخل رقم غلط

اذا رحت ونت الغلطان هم بياخذون منك تعويض

[احب قطر]

اكيد ان في مشكلة في مكان ما ، ام البنك او كيوتل او انتي ، والخطأ وارد عند كل هالجهات ومن الممكن متابعة المشكلة ومعرفة سببها ، اذا تحبين طرشي رقمج عالخاص ووحدة من الاخوات راح تشوف موضوعج.

[shadad]

هههاي ..كيوتل ؟ انا سنة وراهم وكل يوم قصه عن انقطاع الخدمه : المنطقة خليفة الجنوبيه , ومو بعيد عن برج الارسال . من كثر المشاكل اللي عليهم الغوا صفحة الشكاوي عندهم في الفييس بوك ههههه .
طلع الاثبات وروح اشتك على طووووول. والله يوفقك ياخوي .

[ANONYMOUS]

ومو بعيد عن برج الارسال . من كثر المشاكل اللي عليهم الغوا صفحة الشكاوي عندهم في الفييس بوك ههههه .



يمكن ماكان في شكاوي

ف الغوها

[R 7 A L]

ماراح يعوضونك
راح يخلونها في حسابك بكيوتل للفتاورة القادمة

[alma3ani]

ما اتخيل ان كيوتل بتضيج اعيونهم على كم ريال

يمكن فاتورة قديمة وتوها توصل لان هاي حركاتهم

[shadad]

يمكن ماكان في شكاوي

ف الغوها

معليش اخوي انت شغال في كيوتل :)
الصفحه متروسه شكاوي . شكواي انا بروحها مو اقل من 3 صفحات رد وشكوى رد وشكوى الين ما العالم اللي شافت صفحتي تعاطفت معاي. انا معروف في كيوتل تقريبا من شكواي اللي كانت بالبرودباند . لدرجه انهم خلو الفني الاجنبي اللي اسمه ( اللي قال لي بنفسه ) كودي يكلمني .
الكول سنتر كويتل ممتاز , الدعم الفني نفسه سيء جدا . الكول سنتر ياحليله يمتص غضبي ويوعدني وهو ماله حيله غير انه يوصل ويهدي بس . انا اعرف كل كلمة اقولها لاني IT ومن ضمن اختصاصاتي اللي مسكتها فترة الكول سنتر .

لو انت حاس ان في شك بالموضوع لك مني ارسلك صور screenshot محوله PDF مني لكل الصفحات بالردود وبتعرف شنو معاناتي معاهم . 8 شهور والخط يقطع وسيء الين سبحان الله من شهرين تقريبا او 3 شبك واشتغل . وحطيت الصور وفي كل مرة اشيك السرعه اخذ سكرين شوت واطرش لكيوتل وكيوتل من عجب الى اعجب ! ؟ اللابتوب بالبرود باند يشتغل بالكورنيش طلقه وبدون مشاكل وبالبيت والفريج صفر او 1 ميجا واقل .. طبعا اخر المطاف طرشوا فني وبنفسه اعترف ان في مشكله . فلبيني وجا بجمس ابيض ومعاه لابتوب . ومن وعد لوعد . والحين انا خطي يفتح الفيس بوك وعشان تسوي بوست لاي رد لازم تكبس ثلاث مرات ( لانه في الكبستين الاوليات تطلع لك رسائل خطا ) مو من اللبتوب لاني كذا جهاز عندي نفس المشكله , وكذا ديفايس برود باند عندي القديم والجديد ونفس الشي وبنفس الاعدادات . وعلى فكرة بيتي قريب جدا لبرج كيوتل .ومقره خليفة الجنوبية قريب جدا لمدرسة خليفة الثانويه بالشارع اللي فيه المحلات وفيها مطعم خان الخليلي .وبيتي على شارع عمر بن الخطاب ( افتح قوقل ايرث وبتشوف المسافه اشلون قريبه ).

بالنسبة لي ما عاد ابي اسوي مشاكل لاني مليت والله :) كلها شهر وادفع لهم اخر دفعه واقطع الخط بلا رجعة :) ونشبك فودافون .

[الزلزال]

روح لهم ومعاك الاثبات وبتاخذ حقك ان شاء الله

[عضو قديم]

مش بالظرورة اذا كان بيتك قريب من برج كيوتل يعني الارسال قوي !!!! لا اخوي بس فيه شي اسمه Dead spot او Dead point هذا اولا
وثانيا اعتقد انت عارف ان الايبي او الباندويث مشترك بالنسبة للبرودباند فا شوف انت كم واحد حولك يستخدم البرودباند
للتوضيح فقط
وتقبل تحياتي

[Mo7mmad]

بسيطة قدم شكوى للمجلس الاعلى للاتصالات