تكفون يالربع اللى يعرف محامي مختص في قضايا البنيان يفيدني

[قطري واصيل]

السلام عليكم ورحمه الله وبركاته


يالربع اللى يعرف محامي مختص في قضايا البنيان يفيدني وله اجر عن الله ابغي ارفع قضيه على المقاول المصري اللي لعوزني في بيتي يفيدني يرسلي رقمه على الخاص او العام وياريت لو يكون قطري لان اهل قطر يوقفون مع اهلهم على هالنصابين اللى قاصين علينا


بانتظار احد يفيدني يالربع

[ahmed jasim]

جميع خبراء النصب موجودين عندنا
فحاول بمساعدة الأستشارى أن تخلص من الأشكالية بينكم بأقل الخسائر
والله يعينك على بقية النصابين حتى تكمل البنيان

[مضارب دوسري]

دايم المقاول العربي
اغلبهم نصابين
مب شي جديد
والناس تعرف هالشي من زماان
بس وين اللي يتعظ

انا انصح كل واحد يوقع مع مقاول هندي او باكستاني
لان العرب بصراحه اغلبهم نصابين

الله يكون في عونك اخوي

بخصوص موضوعك حاول تخلص من غير محاكم لان المحاكم معناه انتظر سنتين عشان يحكمون
والمقاولين العرب يعرفون هالشي عشان جذي يلعب لعبته
حاول تخليها سلميه
لان المحاكم ماراح تاخذ منها لا حق ولا باطل اللهم بس بيتك بيتم معلق سنتين

والمقاول اللي متهاوش معاه في خلال هالفتره بيقدر ينصب على 6 غيرك او 10
يعني عادي عنده

[(المهندس)]

حاول اتابع قضيتك بنفسك لان مع الاسف اكثر المحامين شغل دفعة اولى وحتى مايتابع القضية

[qatar2090]

دايم المقاول العربي
اغلبهم نصابين
مب شي جديد
والناس تعرف هالشي من زماان
بس وين اللي يتعظ

انا انصح كل واحد يوقع مع مقاول هندي او باكستاني
لان العرب بصراحه اغلبهم نصابين

الله يكون في عونك اخوي

بخصوص موضوعك حاول تخلص من غير محاكم لان المحاكم معناه انتظر سنتين عشان يحكمون
والمقاولين العرب يعرفون هالشي عشان جذي يلعب لعبته
حاول تخليها سلميه
لان المحاكم ماراح تاخذ منها لا حق ولا باطل اللهم بس بيتك بيتم معلق سنتين

والمقاول اللي متهاوش معاه في خلال هالفتره بيقدر ينصب على 6 غيرك او 10
يعني عادي عنده



شخبارك اخوك بالنسبة لموضوع النصب الا تتكلم عن اصابع يدك مب سوا لان العرب الا تقصدهم فيهم قطريين وقبل لاتوقع مع اي شركة شوف شغلها واسال الملاك الا يبنون عندهم وبعدين ووقع بس ربعنا تدور 850 ريال للمتر اكيد بتحصل نصب في السالفه ليش الشركات تعطي اسعار اعلى شوي ماتحصل فيهاا نصب


وعل العموم نصيحتي لصاحب الموضوع لايروح محاكم لان السالفه طويلة وخلص الموضوع مع المقاول ويشوف واحد ثاني

[قطري واصيل]

اخوي قطر 2090 مشكور على الرد على موضوعي
اولا اخوي انا ماهمني السعر ولا بحثت عن الرخص علشان ابني ولله الحمد عندي خير والله يزيدني وعلى فكرة انا وقعت معاه العقد بعد 3 شهور الين شفت شغله على مراحل يعني شفت شغله في بدايه البنيان مثل وضع القواعد والصبيات والخرسانات والحديد وتابعت خلال 3 شهور من شغله مراحل تشطيب بعض الفلل اللي اشتغل فيها بس للاسف ماسالت عنه في المحكمه لانه غير اسم الشركه 3 مرات وكل مايغير اسم الشركه يكون في ناس مشتكيين عليه وهاي سبب تغيير الاسم وهاي اعترف فيها بس مستحيل احد يقولك عن الشركات اللي عليها بلاك لاست الا بعد ماتسال عنهم بالمحاكم وبواسطه يطلعون لك ملفه الاسود
اما بالنسبه نصيحتك اني ماروح للمحاكم هاي صعبه من قلب لان الملحق عندي نازل مترين عن مستواه الشارع والخرسانات مضروبه عندي وفيه تعشيش فيها واشتغل المقاول بدون لا يجيب اللفيل للشارع يعنمي اشتغل شغل عشوائي وفيه اشياء كثير غلط مثل النجارة ونقصان في الحديد يعني بالعربي فيلتي بس طابوق وحديد وخرسانات طلع سعرها مليون وبدون تمديد بيبي ار ولا اي شي

ادري بتقول لي وين الاستشاري للعلم بان الاستشاري يقوله بكل مرة الاخطاء وهو يشتغل بدون لايرد على الاستشاري والاستشاري بيكون معاي في المحكمه وواقف معاي وكاتب تقاريرة وصور للموقع من بدايته الين نهايته يعني فيه اثبات عليه بس يبيلها شخص فنان كالمحامي او خبير في البنيان
اتمنى ماكون كولت عليك ويكون الرد شافي ومفهوم لديك

[المقاول]

ما انصب من المقاولين العرب .. إلا المحامين القطريين والعرب
يحط لك الشمس والقمر في يدك .. حتى يحصل على الدفعة الاولى
وبعدها دور علية .. كل ماتراجعة عندة مجلد اعذار .. لكن لازم ترفع
قضية وتمنعة من السفر .. وحل مشكلتك عندي محامي شاطر وصادق
والاتعاب بسيطة جدا لا تذكر .. بتجيك بياناتة على الخاص ..

[محاسب]

اخوي قطر 2090 مشكور على الرد على موضوعي
اولا اخوي انا ماهمني السعر ولا بحثت عن الرخص علشان ابني ولله الحمد عندي خير والله يزيدني وعلى فكرة انا وقعت معاه العقد بعد 3 شهور الين شفت شغله على مراحل يعني شفت شغله في بدايه البنيان مثل وضع القواعد والصبيات والخرسانات والحديد وتابعت خلال 3 شهور من شغله مراحل تشطيب بعض الفلل اللي اشتغل فيها بس للاسف ماسالت عنه في المحكمه لانه غير اسم الشركه 3 مرات وكل مايغير اسم الشركه يكون في ناس مشتكيين عليه وهاي سبب تغيير الاسم وهاي اعترف فيها بس مستحيل احد يقولك عن الشركات اللي عليها بلاك لاست الا بعد ماتسال عنهم بالمحاكم وبواسطه يطلعون لك ملفه الاسود
اما بالنسبه نصيحتك اني ماروح للمحاكم هاي صعبه من قلب لان الملحق عندي نازل مترين عن مستواه الشارع والخرسانات مضروبه عندي وفيه تعشيش فيها واشتغل المقاول بدون لا يجيب اللفيل للشارع يعنمي اشتغل شغل عشوائي وفيه اشياء كثير غلط مثل النجارة ونقصان في الحديد يعني بالعربي فيلتي بس طابوق وحديد وخرسانات طلع سعرها مليون وبدون تمديد بيبي ار ولا اي شي

ادري بتقول لي وين الاستشاري للعلم بان الاستشاري يقوله بكل مرة الاخطاء وهو يشتغل بدون لايرد على الاستشاري والاستشاري بيكون معاي في المحكمه وواقف معاي وكاتب تقاريرة وصور للموقع من بدايته الين نهايته يعني فيه اثبات عليه بس يبيلها شخص فنان كالمحامي او خبير في البنيان
اتمنى ماكون كولت عليك ويكون الرد شافي ومفهوم لديك

طريق المحاكم ..........صعب و سهل,,, يعتمد عليك .. هل أنت مرتب أوراقك وعندك مايثبت ,,,
ومع ذلك ,,تذكر أنك ممكن تنظلم .. ومن المحاكم ..ومن الخبير القانوني المرسل من المحاكم ..
وقضيتك عند المحامي مكسب مادي فقط ماهو حلاله ..
معاك حق ترفع قضيه لكن انتبه
المقاول لاتستهين فيه .. يقدر يلقي جزء من اللوم يمين أوشمال .. من تجربه شفت في المحاكم قضايا واضحه ,,,وشلون تحول المظلوم لظالم
-قبل لاتدخل المحاكم -- حاول تتفاوض معاه -- وإذا بي يعوضك بنسبه ممتازة عن الخطأ كان بها
-او تفاوض معاه بطريقه رسميه ( مراسلات كتابيه من الاستشاري) ولو أقر بقبول سداد جزء من تعويض ولو بنسبه قليله ... يعتبر أقرار بالمسئوليه ... وداعم قوي لك في المحكمه...
-الله يعينك ويوقك ويسر أمورك .............................. ووسع صدرك هذا حال ناس وايد.

[bo_hamad]

حاول اتابع قضيتك بنفسك لان مع الاسف اكثر المحامين شغل دفعة اولى وحتى مايتابع القضية

فعلاً حاول تتابع قضيتك بنفسك وأغلبية القضاء للاسف ما يتابعون القضية ايخلي اي واحد موجود هناك يقدم الاوراق بالانابة .

وللاسف حتى القضاء نفس الشئ مهب فاضي يقرا ملف القضية او يدرسها بكل دقة ويجيب الطرفين يسمع منهم وان كلمته ما يعطيك وييه وما عنده وقت اخر الجلسة او تاجيل الجلسة لين ما يخليك تمل من القضية وتخسره .

الله يهديهم ويرشدهم لحكم الله والشرع

[فريج النجادة]

اخوك رفع قضية ما طلعت بشي

تبي شوري

اكتب لة كتاب موثق عن طريق البريد ومسجل انك فسخت عقد العمل بينكم

واذكر الاسباب ثم اطردة مع اقرب باب عندك

وشوف لك واحد ثاني ابرك لك

فوائد فسخ العقد انك حمية نفسك من اي تعطيل في بناء بيتك

ولن يرفع عليك قضية عارفة نفسة

وبعد ما تنتهي من البيت وتسكن

ممكن بعد ذالك ترفع علية قضية وتاخذ حقوقك

[قطري واصيل]

تسلمون يالربع على الردود بس ياجماعه انا ماسوى عقد جديد بيني وبينه وطالب اشياء مخصصه ومعطيه دفعه 120 الف وما أنجز الا شي واحد اللي هو الوارش بالفيلا وطلع حسابه 18 الف من 120 الف وفوق هاي كله اطلبه غرامه عن كل يوم تاخير 500 ريال وفي العقد موجود وفوق هاي كله ابغي انصح الاخوان اي شخص يوقع اي عقد يروح لوزاره العدل ويوثق العقد هاي ضروري لان القاضي من يشوف العقد مختوم من وزارة العدل يعترفبالعقد على طوول وانا هاي اللي سويته ورحت لبنك التنميه وطلبت كشف حساب اخر دفعه اللي اهي 120 الف واستلمها بتارخ توقيع العقد يعني طاف على المده 3 شهور ما انجر الا الوارش والحسبه عليكم 500 ريال يوميا و3 شهور كم يطلع مبلغ 45 الف غرامات بالاظافه الي الدفعه اللي عطيته اياها 120 الف هاي واحد والشي الثاني ان الاستشاري كاتب كتاب رسمي ان المقاول صب الملحق بدون لا يوقع له يعني بدون لايخبرة هاي نتج عن نزول في الملحق متر ونص عن مستوى الفيلا هاي الموضوع الثاني اما الموضوع الثالث الخرسانات والتعشيش وميللان في العمدان وتكسير كثير في الفيلا من جميع الجهات يعني في اشياء تثبت هاي الشي بطلوع الخبير من المحكمه وغير هاي كله كتاب رسمي مختوم من الاستشاري وتوقيع المكتب انه مقصر في شغله وانه في خرسانات غلط وخروج حديد من العمدان وتعشيش وبلاوي سوداء بس المشكله في بلادنا مافي احد يوقف هالشركات من النصب والشغل التعبان للاسف ان هالشركه غيروا اسمهم 3 مرات ولا حسيب ولا رقيب واللي يبغي يشتكي على هالشركه احتمال تطلع خسران فلازم تكون موثق العقود في وزارة العدل وغير هاي كله تخلي الاستشاري يسوي لك عقد مستقل عن زياراته بالتاريخ والاضرار علشان يكون واقف معاك ان صار بينك وبين المقاول تفاهم وبهالحاله تكون انت ضامن القضيه ضد المقاول والهم من هاي كله الصور اللي يصورها الاستشاري تسوي نسخه منها وتخليها عندك للضرورة والله ياأخون انا تعلمت هالاشياء من البنيان لاتثق باحد ولا تقول لا ماراح نختلف مع المقاول بيجي يوم بتحتاج للصور والتقارير من الاستشاري وتوثيق العقد من وزارة العدل بتقول ياريت سويت وسويت

واسمحوا لي على الاطاله بس حبيت اقدم شي لاهل ديرتي من النصب اللي صاير وابغيكم تسوون احتياطاتكم وتصيرون مأمنين على حلالكم

[الجــازي]

شخبارك اخوك بالنسبة لموضوع النصب الا تتكلم عن اصابع يدك مب سوا لان العرب الا تقصدهم فيهم قطريين وقبل لاتوقع مع اي شركة شوف شغلها واسال الملاك الا يبنون عندهم وبعدين ووقع بس ربعنا تدور 850 ريال للمتر اكيد بتحصل نصب في السالفه ليش الشركات تعطي اسعار اعلى شوي ماتحصل فيهاا نصب


وعل العموم نصيحتي لصاحب الموضوع لايروح محاكم لان السالفه طويلة وخلص الموضوع مع المقاول ويشوف واحد ثاني


وش تقول في الي نصب عليها ؟ مقاول قطري ولد ديرتنا بعد هااااااااااااااا وش تقول ؟

ماقول غير حسبي الله ونعم الوكيل على كل ظالم .

والله يكون في عونك يا اخوي قطري واصيل والله اني حاسه فيك .

حسبي الله ونعم الوكيل على كل ظالم
حسبي الله ونعم الوكيل على كل ظالم
حسبي الله ونعم الوكيل على كل ظالم
حسبي الله ونعم الوكيل على كل ظالم
حسبي الله ونعم الوكيل على كل ظالم

[قطري واصيل]

تسلمين اختي الجازي صج كلامج 100 بـــ100 لان مجال المقاولات مجال سهل للنصب على اللي يبنون والسبب هو واحد ان اللي يبغي يبني يكون جديد في مجال البنيان ولايعرف شي وهنا يستغل المهندس او صاحب الشركه فرصته في النصب ويدري ان المحاكم بقطر ماراح تسوي له شي يعني بالعربي ظامن انه طالع ربحان منها بس ماقول غير حسبي الله ونعم الوكيل وهاي الشي اللي يخلي هالاشكال تنصب على اهل الديرة والمقاول يدري انه على خطأ بس مايقولك ويدري انه ظالمك بس مايقولك


اللي انا مستغرب منه ليش مايكون هنالك قانون بالدوله اي شركه مقاولات ماعندها عمال على كفاله الشركه تتسكر هاي واحد والشي الثاني ليش مايكون في قانون يحمي المالك مثلا الشركه اللي عليها قضيه في المحكمه اعطيها بلاك لست يعني مايكون لها مجال في المعامله علشان الناس تعرف النصاب وتعرف مع من يتعاملون والله ان حق القطري ضايع من قلب

والله يالربع اني لما قلت له ابغي فلوس التاخير وانت موقع وطايف على المده تدرون وش يرد عليه روح اشتكي عليه وحاط رجل على رجل انا ببلادي وهالمصري يسوي فيني جي والله قهر قهر وين اللي يوقفون معاك مثل القظاء مثل حمايه القطري من هالاشكال والمشكله ان له قضيه قبلي وعارف انه ماراح يسوون له شي القظاء اااااااااااااااااااه ياديره بس

[abdulla889]

توني مخلص مع المقاول بعد مارفعت عليه قضيه في المحكمه والحمدلله كسبت القضيه
الخطوات الي لازم تسويها انك توكل محامي يقدم على قضيه مستعجله وبعدين توصل الدعوه حق المقاول وعقب ينزلون لك خبير من المحكمه وتدفع له 5000 ريال الخبير بيرفع تقرير للمحكمه والزين الي في انه يقولك عيوب البنيان ويكتبها في التقرير ويحسب لك كلفة البنيان ويقدم التقرير للمحكمه وبعد اسبوعين يطلع الحكم النهائي.

[ali22]

انا رفعت قضية مستعجلة على المقاول اللي يبني بيتي وهو قطري ونصاب من ساسة لين راسة
رفعت القضية بتاريخ 9/1/2012 وراجعت ورحت وجيت لين مليت وفي الاخير وكلت محامي وبتاريخ 11/4/2012 بيكون الحكم النهائي في القضية المستعجلة !!!! وبعدها بيبلش المحامي في القضية المدنية ويالليل ماطولك ... المهم اتعاب القضية بتطلع علي 15000 الف ريال دفعت 10000 ريال مقدم و 5000 ريال اذا
انتهت القضية المدنية على فكرة بمجرد استلام الحكم في القضية المتستعجلة تقدر تبلش في البنيان مع التنسيق مع بنك التنمية اذا كنت من اصحاب القروض ..... معلومة اخيرة في اتفاقيات اتم بين المقاول والاستشاري من تحت الطاولة وانت يا غافل لك الله ..مثال : المقاول يخطرك بالتلفون ان والله الدرج يبيله تعديل ويطرش كتاب للاستشاري في نفس اليوم يروح المالك ويخلص موضوع الدرج والتعديل وكل شي تمام لكن كتابة للاستشاري ينقع عندهم ولا يحركون فيه شي وهالحركة خسرتني 3 شهور انضافت على العقد بسبب تواطء المقاول مع الاستشاري لكن حسبي الله ونعم الوكيل ....نصيحة اخيرة لاتسكت عن حقك... وبالتوفيق والله يحاسب النصابين المقاولين والاستشاريين في الدنيا قبل الاخرة

[قطري واصيل]

الله يعطيكم العافيه جميعا واشكركم على تفاعلكم معاي لان لازم نستفيد من بعض وهالمشاكل في ناس طايحين فيها وفي ناس للحين ماطاحوا فيها وطبعا خبرتكم وكلامكم في تجاربكم والله يشهد عليه انها تفيد الكــل ومشاكل البنيان كثيرة بلا شك

بس انا بسال اهل الخبرة اواللى خلص من قضيته طبعا انا رفعت قضيه على المقاول بعدها ب 4 ايام رفع قضيه عليه انا بس مادري وش كاتب في القضيه ياريت اللى يعرف الاجراءات يفيدني هل اطلب نسخه نت اللى رافعه عني؟
اوهل يحقلي بنسخه من اللى متبلي عليه فيه ( المقاول ) النصاب ؟

وبعدين انا ابغي احد يجاوبني صارت الجلسه اليوم وقال القاضي للمقاول ليش مارديت على المذكرة اللى انا سويتها وطالبت بالاظرار وقال له ان مارديت الجلسه الجايه راح ننطق بالحكم هل اذا مارد فعلا يصير نطق بالحكم قبل خروج الخبير للبيت ؟

والسؤال اللي ابغي اساله انا اللي اختار الخبير او القاضي يختاره لي لاني الصراحه اخاف الخبير يكون مصري ويتفق مع المقاول برشوة واكون انا الضاحيه واخرتها ياكلون حقي وانا مادري وش اللي يدور من حولي اتمنى تفيدوني يا اصحاب الخبرة