ايش رايكم

[ولد الهامور]

شباب عندى جكس 2006 لون اسود وبغيت اركب تيك على السكان وعلى الجير نفس الجكسار

ايش رايكم الاحسن اللى عند الاند مارك احسن ولا كريستال ولا اخليه على حالته ولكم الشكر

:con2:

[لمت داون111]

المصبوغ ماينفع وأسأل مجرب

أشتري أصلي من سكراب صناعيه الشارجه

واعتقد اسعارهم حق الكروزر كامل بألفين ريال

بالتوفيق اخوي :)

[ولد الهامور]

مشكور على النصيحه بس تعرف كراج معين هناك يوفر لى هاى الاشياء او يدزها لى بالبريد

واكون لك شاكر

[doha_vip]

اي والله الشارجه احسن لك ..اهنيه حراميه ..بس لين رحت الشارجه شوف كم محل لان بعضهم يزيد وايد في الاسعار لان واحد من الربع شرى سكان تيك بـ 400 وقبلها محل ثاني قالنا بـ 900 ..يعني فرق وايد في السعر ..وبالتوفيق اخوي

[ولد الهامور]

بس اللى عند الاند مارك السكان ومع التيك على الجير يعنى نفس الجكسار 2000 ريال وماتعرف عنوانين هناك ولك الشكر

[لمت داون111]

والله ياخوي ماعرف عنوانين محدده وانا هالفتره ناوي اروح ان شاء الله ولين رحت بشوف لك والله

وبالنسبه لمحل اللاند مارك شغله نظيف بس عيبه انه بيقص من السكان وبيصبغ والصبغ بيطير بعد فتره . واكيد قالك الضمان 5 سنوات . مايسوي عليك كل سنه تروح له ويرد يصبغ لك:strong

اانا صبغت عند كريستال مره وماتم عندي سنه ونص والله وتحسفت ولما رحت الامارات بادلت سكاني الاصلي مع محل زينه وعطيته 1500

يومها كنت مشغول ولا والله لو رايح صناعيه الشارجه باخذ سكان اصلي بالتيك بالكثير الف ريال وسكاني بيتم عندي:court:

السموحه علي القصور اخوي وبسأل لك الربع بعد :)

[ولد الهامور]

تسلم الشيخ لا قالى سنه وحده بس الضمان والاحسن يسوى فى وكاله الاودى ولا وكاله الاسيزوز ما ادرى الوكاله عندنا تويوتا يسوى تيك ولا

[الأختصاصي]

اخوي روح كراج الديهاتسور او كراج التيسير الحين صار الصبغ عادي كل واحد يقدر يسويه لك ...... بالتوفيق