يا قراء الشرق لا تقرؤوا مقالات آل محمود بعد اليوم

[جرح الزمان]

يا قراء الشــــرق لا تقرؤوا مقالات آل محمود بعد اليوم

تلقت الشرق العديد من ردود الأفعال على مقال الأستاذ عبد اللطيف آل محمود بعنوان (قاتل ومجرم قطري) حول التوعية المرورية، وتباينت ردود الأفعال بين منتقد لأسلوب المقال ومؤيد له، وآخرون رأوا فيه أسلوباً قوياً وجيدا ومعبراً عن المشكلة، وهي
مشكلة الحوادث المرورية المتكررة والمآسي التي ترتبت عليها.

وبعضها تم تداوله على مواقع التواصل الإجتماعي ووردت هذه الآراء الى الشرق
عددا من هذه الرسائل 1 التواصل الاجتماعي، وقد اختارت والتعقيبات سواء تلك التي وردت عبر البريد الالكتروني
أو المنشورة عبر المواقع والمنتديات وابرزها شبكة الأسهم القطرية لعكس كافة وجهات النظر حول الموضوع.

والشرق اذ ترى في هذا التجاوب ظاهرة صحية تفيد مشروع التوعية المرورية نفسه تؤكد أنها ستظل ساحة للرأي والرأي الآخر في كل القضايا المطروحة لمصلحة الوطن والمواطن.

[جرح الزمان]

التعقيبات على المقال في

صفحة 48 / 49 من جريدة الشرق (http://alsharq.ndpcdn.com/pdfs/files/AL_SHARQ_20120319.pdf)

[الجديد]

المشكلة ان الاستاذ عبد اللطيف ادعى انه روائي!
قال: عالجت الموضوع بطريقة روائية... الى آخره

[hk94]

اسمحلي اخوي حتى انت عنوانك ايخرع :omg:
كاتب و أخطأ و شصار يعني !!!!!
قامت الدنيا و ما قعدت على هالمقال !!!!
اكيد هذا الكاتب له وجهة نظرة و لكل حصان كبوه !!!!
فأتقوا الله فالرجال و لا تتصيدوا الأخطاء للأخرين :anger1:

[سيف قطر]

مظمون المقال رائع ...... يعطيك العافية اخوي جرح الزمان

[حمد بن خالد]

ماشوف الكاتب اخطأ في شي الصراحة


بالعكس انا من المؤيدين وبقوة

[فلتة زمانها]

اسلوبه كان حلو وفيه اكشن

[chillis]

الخطأ خطأ القراء الي يقرون العنوان او يقرون الموضوع نصه وبس ويبتدون بالاشاعات من فرط انه يبي يكون هو اول من نشر الخبر مقاله جدا عجبني وطريقته كانت ملفته جدا وحلوه وطريقه جديده ويعطيك العايه

[الخنجر]

لازم يكون في توعية للقارئين .. يعني بالعكس اسلوبه لفت انتباه كثير على مشكلة معينة لو كان كاتب الموضوع بالطريقة الاعتيادية والمملة لما وصلت رسالته .. ورسالته خطرة جداً واخطر من كون وجود مجرم حقيقي فعلياً..

تحية للكاتب .. واتمنى انه يكون درس لقارئي العناوين فقط ..

وجهة نظر

[alma3ani]

انا للامانه ماقريت المقال

بس فهمت شسالفه وللاسف ان في ناس وايد وخصوصا بلمنتدى مايقرون كل المواضيع ويكتفون بلعنوان واول سطرين

لهشي اتشوف الناس اتكلم عن العنوان وان في قاتل ومحد تعب روحه وقرا الموضوع كله وفهم شسالفه

انا ضد عنوانك لان بنهاية هو كاتب وهو حر بقلمه وبالاسلوب الي يختاره

واذا كنا شعب يجهل ابجديات الادب فلا انحط اللوم على الكتاب

انا مع ومع ومع كل الكتاب والي يكتبونه دام الكتابات ماتخدش الحياء العام

واستغرب من الي يقول كل حصان وله كبوة فانا ما اشوف اي كبوة بلموضوع بلعكس موضوع وتطرق له بطريقه درامية وحلوة فليش لا

واتمنى تغير العنوان لان في فئة كبيره بلمنتدى من النوع الي افهمو وجهة نظر الكاتب غلط الي مايقرون من الموضوع الا عنوانه لهشي ممكن مايفهمون شنو قصدك من الموضوع ويكتفون بلعنوان

[قلبي الطيب]

والله الريال ماغلط بطريقته قدر يخلي الكل يتكلم عن مقاله وهذا دليل أن قدر يوصل صوته للكل
اللي يقرا عنوان واللي يقرا مضمون واللي مايقرا كلش بعد قرا الموضوع
في أحسن من جي ؟؟

[المتحدث الرسمي]

.....

الشرهه مب على الاستاذ عبداللطيف

الشرهه على القارئ الفطحل اللي قرى اول سطرين من المقال و فهم قصد الكاتب و فهم المقال و فهم الدنيا كلها

بالعكس كان اسلوبه ممتع و يجذب القارئ انه يكمل قراءة المقال

الناس اللي ذمت المقال يبيلها توعيه للقراءة

.....

[لابس بشت]

لا ربعنا قروا اول سطرين وطرشوه برودكاست فالبي بي والمسجات خرعوا الناس وقعدوا

اكيد اللي ماقرا بيفسر الكلام على كيفه

[NeverLand]

انا من محبين مقالات الاستاذ عبداللطيف وهو فعلا رجل واعي ومثقف .. بس مع احترامي الشديد له مقالته روعت قلوب ناس كثار وجابت نتيجة عكسية ..

واللي يقول المشكله من القراء يعني اسمحولي بس انتو عارفين ان الجريده يقراها الصغير والكبير والغبي والذكي .. مش كل الناس اللي تقرا الجرايد فطاحلة ومثقفين .. وفي فئه كبيره تقرا اول سطرين ثلاثه وتكتفي .. وهالفئه تشكل الغالبية العظمى من قراء الجرايد عندنا .. فاللوم مايقع على هالناس كثر مايقع على صاحب المقال نفسه!!

وبعدين انتو شفتوا المقال كم سطر؟ الله يهداه الاستاذ عبداللطيف كاتب معلقة .. ماخلى كلمة ماوصف فيها هالمجرم القطري ولا ضحاياه .. قعد يتكلم عنه فوق العشرين سطر .. فجأه اعلن عن هوية هالمجرم بعد ما خلاص وقف الدم بعروق هالناس اللي تقرا .. في ناس اقدرت تواصل القراءه وفي ناس لا!!

كان لازم يطولها هالكثر؟!

الحق حق والكاتب اخطأ وللاسف انه كابر وماعترف بالخطأ بالرغم من انه لو اعتذر كان راح يكبر بعيون الناس اكثر واكثر .. بس احنا كتابنا جذي للاسف برستيجهم مايسمح لهم يعتذرون ولا يعترفون بأخطائهم ..

اللي صار له درس اتمنى من كل الكتاب اللي يستسهلون مسكة القلم وكتابة المقالات الاستفاده منه .. اعصاب الناس مو لعبه عندهم!!

[qataria]

الصراحة انا اول ما قريت المقال ما كملته للنهاية و فهمته مثل بعض الناس ما فهموه وبعدين رجعت قريته مره ثانية، و اول مره اقرا مقال في جرايدنا اكثر من مره.. مشالله عليه اسلوب و اثارة وتشويق ما تعودنا عليه في جرايدنا.

المفروض الناس تعترف بغلطها انها ما كملت الموضوع للنهاية ما يحطون الغلط على الصحفي اللي واضح انه بذل مجهود في كتابة هالمقال و كسر الملل اللي تعودنا عليه .

[جرح الزمان]

اسمحلي اخوي حتى انت عنوانك ايخرع :omg:
كاتب و أخطأ و شصار يعني !!!!!
قامت الدنيا و ما قعدت على هالمقال !!!!
اكيد هذا الكاتب له وجهة نظرة و لكل حصان كبوه !!!!
فأتقوا الله فالرجال و لا تتصيدوا الأخطاء للأخرين :anger1:

:)


انا للامانه ماقريت المقال

بس فهمت شسالفه وللاسف ان في ناس وايد وخصوصا بلمنتدى مايقرون كل المواضيع ويكتفون بلعنوان واول سطرين

لهشي اتشوف الناس اتكلم عن العنوان وان في قاتل ومحد تعب روحه وقرا الموضوع كله وفهم شسالفه

انا ضد عنوانك لان بنهاية هو كاتب وهو حر بقلمه وبالاسلوب الي يختاره

واذا كنا شعب يجهل ابجديات الادب فلا انحط اللوم على الكتاب

انا مع ومع ومع كل الكتاب والي يكتبونه دام الكتابات ماتخدش الحياء العام

واستغرب من الي يقول كل حصان وله كبوة فانا ما اشوف اي كبوة بلموضوع بلعكس موضوع وتطرق له بطريقه درامية وحلوة فليش لا

واتمنى تغير العنوان لان في فئة كبيره بلمنتدى من النوع الي افهمو وجهة نظر الكاتب غلط الي مايقرون من الموضوع الا عنوانه لهشي ممكن مايفهمون شنو قصدك من الموضوع ويكتفون بلعنوان

:)

العنوان من جريدة الشرق ص 48 - 49

[قطريه ماركه]

ما يسوى عليه مسكين ......

كاتب مميز بس عشان مقال واحد خلاص نقاطع كتاباته !!!!!

[جرح الزمان]

ما يسوى عليه مسكين ......

كاتب مميز بس عشان مقال واحد خلاص نقاطع كتاباته !!!!!

:omg:

:omg:

:eek5:

[intesar]

العيب في مصدري الإشاعات.. اللي أصابعهم طارت مثل الريح على الكيبورد قبل لا تستوعب المقال..
بالفعل هو روائي رائع..وكشف لنا مدى حب الكثير للشائعات وتداوله بطريقة مقززة..

ما أقول إلا أن مقاله أثبت شيء واحد كنت ضده.. أننا شعب لا يقرأ.. وإن قرأ لا يستوعب..

ودمتم بحفظ الرحمن.. يا أمة القرآن..

[بوخالد911]

يسلمو للخبر

[بوخالد2]

هذا فن الحوار و فن الكتابه

جعل من موضوعه (( لغز )) لم يستطع فهمه اصحاب العقول البسيطه و انشروا الاشاعات ممن يقرون روس الاقلام فقط

لكن الفاهم فهم مضمون الكتابه كامله

[علي رشيد]

المقال يبين مدى جهل الناس و استعجالهم في حكمهم على الأمور !

انا اشوف انه مقال جيد و كشف لنا نسبة العقول الصغيره في مجتمعنا !!!

[كــرت احمــر]

انا قريت الموضوع من النت الى الآخر من بعد الأشاعة طبعا ، لأني من عشاق الرآية احم احم .

اما عن المقال لا والله الحق يقال : ماعنده سالفة انا قريت المقال وبصراحة حركة بايخة من صاحب المقال كاتبلي سناريو كامل من عشرين سطر وجالي عند السطر قبل الأخير بأن هذا المقال( ليس إلا رواية )، والمجرم الحقيقي هو حوادث السيارات ، والعنوان في صوب والزبدة في صوب ، والعنوان بروحة مشكلة
( مجرم وقاتل قطري ) واجتمعوا النقاد على انه ماعنده سالفة ، بأنه أراد الشهرة لا أكثر .

[غزلان]

الغلط علينا احنا العرب كله مستعجلين مانقرأ الخبر كله نقرأ الكشن ونخلي الباقي

عاد طاحت براسه المسكين

[NeverLand]

انتو من صجكم! شنو اللي بين جهل الناس؟

الناس وقف قلبهم من ثاني سطر وانتو تقولون الكاتب فظيع وعنده اسلوب روائي ومادري ايش؟

تخيلوا لو واحد جاكم البيت وطق عليكم الباب وقال لكم تحملوا ترى في مجرم قطري خطير يقتل ضحاياه باسلوب بشع ..

فيكم صبر لين ما هالشخص يخلص قصته اللي مألفها وتقعدون تسمعونه نص ساعه .. واخر شي يجي ويقولكم ترى المجرم اللي اتكلم عنه هو حوادث السيارات؟! وانا والله جاي انبهكم من خطر الحوادث!! خييييير!!

هذا ماتعطونه كف وتدوسون فبطنه بعد ماقعد يهذر فوق راسكم ساعه عن هالمجرم؟

اي اسلوب روائي واي خرابيط!!!

مواضيع مثل مجرم قطري مهدود بالشوارع ومش عارف ايش مافيها لعبه!!! فوق العشرين سطر واخر شي يقول هيييه قصيت عليكم!!!

شوية منطق الله يخليكم ولاتحطون اللوم وحده عالقراء وتقولون والله هالمقال اثبت ضحالة فكر الناس!!

الحمدلله والشكر تقهرووون الواحد ..

[جرح الزمان]

انتو من صجكم! شنو اللي بين جهل الناس؟

الناس وقف قلبهم من ثاني سطر وانتو تقولون الكاتب فظيع وعنده اسلوب روائي ومادري ايش؟

تخيلوا لو واحد جاكم البيت وطق عليكم الباب وقال لكم تحملوا ترى في مجرم قطري خطير يقتل ضحاياه باسلوب بشع ..

فيكم صبر لين ما هالشخص يخلص قصته اللي مألفها وتقعدون تسمعونه نص ساعه .. واخر شي يجي ويقولكم ترى المجرم اللي اتكلم عنه هو حوادث السيارات؟! وانا والله جاي انبهكم من خطر الحوادث!! خييييير!!

هذا ماتعطونه كف وتدوسون فبطنه بعد ماقعد يهذر فوق راسكم ساعه عن هالمجرم؟

اي اسلوب روائي واي خرابيط!!!

مواضيع مثل مجرم قطري مهدود بالشوارع ومش عارف ايش مافيها لعبه!!! فوق العشرين سطر واخر شي يقول هيييه قصيت عليكم!!!

شوية منطق الله يخليكم ولاتحطون اللوم وحده عالقراء وتقولون والله هالمقال اثبت ضحالة فكر الناس!!

الحمدلله والشكر تقهرووون الواحد ..

أفهم من كلامك أنه يكفي قرأة أول سطرين من أي خبر أو مقال ... علشان نفهم الموضوع !!!

اليوم كان في حريق صغير في الستي سنتر
ونزل خبر هنا ...

يعني بالعقل لو في مجرم وقتل عدد من الضحايا ... معقوله ما نعرف عنه إلا من هالمقال .... :omen2:

اليوم مواقع التواصل الإجتماعي ووسائل الإتصالات الحديثة هم الأسبق لنقل اي حدث (من هالنوع)يقع قبل الجرايد والقنوات الفضائية

[الخزرجي قطر]

العنوان للموضوع مبالغ فيه جدا
كان ممكن يختار عنوان اكثر واقعيه
هذه اراء ووجهات نظر ؟؟؟؟؟؟؟؟؟؟

[الصغيره]

الصراحه الكل جاي هنا يرد يعني اني مثقف وفاهمها من اولها واني واني
خليكم صريحين وش ترقعون
عنوان يخرع وترويع الناس جريمه هذا اولا
ثانيا اسلوب سخيف ومحتوى ماله بالحوادث الا اخر سطر
اش دعوه مجرم وقاتل ثمانيه عجل الارواح الباقيه وين راحت

الصراحه الكل مع الخيل ياشقرى اللي قرى واللي مادرى اصلا

ولاحد يشجع الاخ على كتابة موضوع بكره يكتب عن القطريين مدمنين وبكره نلاقي اخر الموضوع مدمنين كرك

الصراحه عجايزنا كانوا بيروحون فيها

مثل اشاعة النمر اللي صار القطو عند الباب يخوفنا والصحافه هولت الامر والبركه بعد بالبي بي

[دلة الرسلان]

يا قراء الشرق لا تقرؤوا مقالات آل محمود بعد اليوم

شورك وهداية الله :nice:

[بوسياف]

الأستاذ عبداللطيف المحمود من الكتاب الذين لهم مكانتهم بالصحافة

ولهم طريقتهم الكتابية المميزة ،، والمقالة كانت على النظام الروائي وتميز وهو متميز دائما في صياغتها

إلان هي كمقالة ناجحة جدا ومتميزة في الصياغة وفي الأفكار وفي تسلسلها وسلاستها

إلا انها من جهة أخرى ومن وجهة نظري فشلت في الوصول إلى هدفها ،، وأخذت منحى أخر عن الهدف

المنشود ،، أثرها كرسالة توعوية حول الحوادث المرورية ،، لم يكن لها وقعها ،، لأنها كفكره ذهبت إلى

أمر خطير ومروع وهو وجود سفاح يقتل الناس وما إلى ذلك وهو مما سبب ربكة وفزع لدى المتلقي لتلك

الرسالة ،، ولكن كانت الخاتمة والنتيجة للمقالة أنها الحوادث المرورية ..

الأمر الذي شكل عمل شد وخوف وفزع منذ بدأية المقالة وحتى الربع الأخير من المقالة ،، ليتفاجئ المتلقي

بأن الكاتب عبث بعقله وهو الأمر الذي لايقبله أي عقل بشري ،، ومن جهة أخرى خلصت المقالة إلى خاتمة

تعد أقل خطورة وأقل أهمية أذا ماقورنت بفكرة السفاح....

الأمر الذي أدى بالرأي العام إلى التمسك بالسفاح والبعد عن الحوادث المرورية ،، وهو من ما ألغى فكرة

التوعية المرورية ومدى خطورتها وأهميته ...

كأنت تلك نظرة بسيطة تحليلية لأفكار المقالة وتفاعل عقولنا معها ....

الأن الأستاذ عبداللطيف كرأي شخصي لي كأحد أبنائه الأعلاميين ،، استمتعت بمقالته من أول كلمة وحتى

الخاتمه ،، وكأنني أتابع فلم مشوق كأن في منتهى الحبكة الكتابية والأخراجية ...

(أختلاف الرأي لا يفسد بالود قضية )

[miss.s0oso0]

انا من محبين مقالات الاستاذ عبداللطيف وهو فعلا رجل واعي ومثقف .. بس مع احترامي الشديد له مقالته روعت قلوب ناس كثار وجابت نتيجة عكسية ..

واللي يقول المشكله من القراء يعني اسمحولي بس انتو عارفين ان الجريده يقراها الصغير والكبير والغبي والذكي .. مش كل الناس اللي تقرا الجرايد فطاحلة ومثقفين .. وفي فئه كبيره تقرا اول سطرين ثلاثه وتكتفي .. وهالفئه تشكل الغالبية العظمى من قراء الجرايد عندنا .. فاللوم مايقع على هالناس كثر مايقع على صاحب المقال نفسه!!

وبعدين انتو شفتوا المقال كم سطر؟ الله يهداه الاستاذ عبداللطيف كاتب معلقة .. ماخلى كلمة ماوصف فيها هالمجرم القطري ولا ضحاياه .. قعد يتكلم عنه فوق العشرين سطر .. فجأه اعلن عن هوية هالمجرم بعد ما خلاص وقف الدم بعروق هالناس اللي تقرا .. في ناس اقدرت تواصل القراءه وفي ناس لا!!

كان لازم يطولها هالكثر؟!

الحق حق والكاتب اخطأ وللاسف انه كابر وماعترف بالخطأ بالرغم من انه لو اعتذر كان راح يكبر بعيون الناس اكثر واكثر .. بس احنا كتابنا جذي للاسف برستيجهم مايسمح لهم يعتذرون ولا يعترفون بأخطائهم ..

اللي صار له درس اتمنى من كل الكتاب اللي يستسهلون مسكة القلم وكتابة المقالات الاستفاده منه .. اعصاب الناس مو لعبه عندهم!!

اليوم اللي بعدة على طول قدم اعتذار في نفس المكان ونفس الكمية وحاول يبين ان كان هدفة توعوي

المقاله بالنسبه لي كانت رائعه اسلوب ملفت للانتباه خلاني اكمل للنهايه

[مدرسة]

اللي ما فهم صح ،، معناها ما قرا الموضوع و كالعادة عالبلاك بيري انشر تؤجر بدون قراءة

ينطبق على البعض منا مقولة أمة لا تقرأ !!!

لا و العجيب ان مغلطين الرجال ! و شايفينه انه خرعهم عالفاضي !

شي غريب !!

الزبدة : الموضوع شيق و يعبر عن قوة و خطورة الاحصائيات الخاصة بالحوادث المرورية

استمرررررر

[ParadEyes]

^ اوافقج بكل كلمة







واللي يقول المشكله من القراء يعني اسمحولي بس انتو عارفين ان الجريده يقراها الصغير والكبير والغبي والذكي .. مش كل الناس اللي تقرا الجرايد فطاحلة ومثقفين .. وفي فئه كبيره تقرا اول سطرين ثلاثه وتكتفي .. وهالفئه تشكل الغالبية العظمى من قراء الجرايد عندنا .. فاللوم مايقع على هالناس كثر مايقع على صاحب المقال نفسه!!

وبعدين انتو شفتوا المقال كم سطر؟ الله يهداه الاستاذ عبداللطيف كاتب معلقة .. ماخلى كلمة ماوصف فيها هالمجرم القطري ولا ضحاياه .. قعد يتكلم عنه فوق العشرين سطر .. فجأه اعلن عن هوية هالمجرم بعد ما خلاص وقف الدم بعروق هالناس اللي تقرا .. في ناس اقدرت تواصل القراءه وفي ناس لا!!
كان لازم يطولها هالكثر؟!



يعني الكاتب لازم يراعي ان الفئة العظمى من الناس من اصحاب ثقافة المطاعم والبيبي..
ولازم يكتب شي يتناسب مع حجم "البرودكاست" و "التويت "

الكاتب عمره ما ينزل مستواه لتتناسب مع عقلية القراء كلهم
على القارئ ان يرتقي لعقلية الكتاب و الا كيف بيتعلم و يوسع مداركه

**و على فكرة..الجريدة بشكل يومي تحط اخبار كوارث و جرايم من دول ثانية

و بعدين الي يقرا ردك عن طول المقال يتخيل ان الكاتب حاط مقدمة ابن خلدون !!
كلها الا مقالة قصيرة عيزااانين يركزون فيها؟
زمن الفاست فود و الفاست ريد :rolleyes2:

[الـقـاسـي]

والله بالعكس مبدع وماغلط في المقال

[ملاك]

المقال يوم قريته استفزني

واستفزني اكثر العنوان ( قاتل ومجرم قطري )

وانا كان استخدم الاسلوب الروائي ( الاكشن )

الا انه ما وفق

[OTOsan]

كلن يكتب طلباته واللي في باله .. يمكن الجريده تنشر هالتعقيبات مثل ما افردت (صفحتين) عشان تنشر تعقيبات المقال ..!!

وابتسموا بعد .. عشان الصورة تطلع حلوه ..!!