وفيات الحوادث في قطر ضعف أمريكا !!!!!!!!!!!!!!!!!!!!!!!!

[بومتعب]

الدوحة- الراية:
كشف الدكتور حسن آل ثاني استشاري أول ورئيس قسم جراحة الأوعية الدموية وقسم جراحة الإصابات أن معدل الوفيات الناتجة عن حوادث الطرق في قطر يعادل ضعف هذه الوفيات في الولايات المتحدة الأمريكية وذلك قياساً على أعداد هذه الوفيات نسبة إلى عدد السكان الإجمالي للدولة.

وقال الدكتور حسن إن قسم جراحة الإصابات استقبل السنة الماضية 1770 إصابة حرجة جراء حوادث السيارات فقط وقد أدخلوا جميعاً المستشفى، مشيرا إلى أن ثلثي هذا العدد بسبب تصادم سيارتين، وربع الإصابات بسبب حوادث وقعت بين السيارات والمشاه، والنسبة الباقية بسبب حوادث الدراجات النارية أو الدراجات الهوائية.

[R 7 A L]

مافيه وجه مقارنه

الناس في امريكا يسوقون عدل ومحترمين قوانين المرور وعندهم ثقافه


والشوارع مساحاتها غير

[المواطن]

مع العلم ان امريكا فيها مدن السرعه فيها مفتوحه

وفيها وفيها

بس ما عندها تحويلات وشوارع ومرور مثلنا

[Qt.1]

مافيه وجه مقارنه

الناس في امريكا يسوقون عدل ومحترمين قوانين المرور وعندهم ثقافه


والشوارع مساحاتها غير

مب الكل اخوي , ولتنسى قارن عدد السكان !

[Aaziz]

مقارنه غلط من اساسها


القصد التهويل و لفت الانظار لا اكثر

[فلتة زمانها]

بعض الاهالي اهما اللي يذبحون اعيالهم بالدلع الزايد يعني الولد ينحجز موتره ويروح الابو يطلع موتر جديد وعقب كم من يوم الولد منقلب ومتوفي

[R 7 A L]

مب الكل اخوي , ولتنسى قارن عدد السكان !



طيب اخوي بوعبدالله
ماقلنا شي

المفروض ان النسبة بما أن عددنا قليل تقل
مو تكون مضاعفة للنسبة في امريكا التي عدد سكانها كثير

[الإكسير]

في امريكا ماعنده تواير بالون....:weeping:

[bo_hamad]

اسباب كثرة الحوادث في قطر بسبب عدم تنظيم الشوارع والتقاطعات من حيث المداخل والمخارج ومسارات الشوارع الغير كافية

خط سريع قبل دوار الجوازات 3 مسارات

جسر اللاندمارك باتجاه الاشارات جنك داخل داعوس

جسر الخريطيات من فوق ـــــ من تقاطع الى اشارات

للاسف تخطيط وتنظيم الشوارع للمستقبل تقييمي له 20%

ما فيه تعاون بين الاشغال وكيوتل والبلدية في تنفيذ المشاريع ( تخبطات وتكسر )


الله يصلحهم

[فارس قطر]

اسباب كثرة الحوادث في قطر بسبب عدم تنظيم الشوارع والتقاطعات من حيث المداخل والمخارج ومسارات الشوارع الغير كافية

خط سريع قبل دوار الجوازات 3 مسارات

جسر اللاندمارك باتجاه الاشارات جنك داخل داعوس

جسر الخريطيات من فوق ـــــ من تقاطع الى اشارات

للاسف تخطيط وتنظيم الشوارع للمستقبل تقييمي له 20%

ما فيه تعاون بين الاشغال وكيوتل والبلدية في تنفيذ المشاريع ( تخبطات وتكسر )


الله يصلحهم


هذا كلة بسبب ادارة
المرور

ليش اختفت دوريات المرور من الشوارع
وترك حركة السير لشرطة الخويا وشرطة المناطق الخارجية

ودليل
1- الشاحنات لاتلتزم بدخول وخروج من المدينة في اي وقت

2 - اكثر 50 % من الاسيويين حصلها فرصة وحول مركبتةالخاصة الى اجرة بسبب عدم وجود رقابة مرورية

الاستعراضات وسباق الشباب اثناء الليل
تجدة في اكثر المناطق وشوارع الخارجية

[تحداني]

ايش هالمقارنه العجيبه .. وعلى اي اساس انبنت
شتان ما بين قطر وامريكا


جملك الله برضاه

[ظل القمر]

مع انه امريكا ولنأخذ نيويورك شوارعها ادمر واتعس من شوارعنا والناس فيها كله مسرعه

لكن بعد ما شفت فيها الي شفته بقطر

عشت فيها سنه ونص ما شفت قدام عيني حادث سياره لمره واحده

لكن تعالوا عندنا !!

طالما البزر يسوق وطالما الهندي يسوق بلا حسيب ولا كفيل
يقرص اذنه و طالما الحرمه تسوق ونص عينها مسكره وطالما الشباب مستهتر للغايه في سواقته
وطالما الاجنبي ينحااااااااااس نحاس اليهد


ليش نستغرب !!!!!!

[تحداني]

مع انه امريكا ولنأخذ نيويورك شوارعها ادمر واتعس من شوارعنا والناس فيها كله مسرعه

لكن بعد ما شفت فيها الي شفته بقطر

عشت فيها سنه ونص ما شفت قدام عيني حادث سياره لمره واحده

لكن تعالوا عندنا !!

طالما البزر يسوق وطالما الهندي يسوق بلا حسيب ولا كفيل
يقرص اذنه و طالما الحرمه تسوق ونص عينها مسكره وطالما الشباب مستهتر للغايه في سواقته
وطالما الاجنبي ينحااااااااااس نحاس اليهد


ليش نستغرب !!!!!!





اشلون يعني نص عينها مسكره ؟؟ بعد اذنك


جملك الله برضاه

[كلنا قطر 1981]

السالفه و ما فيها تخطيط تعبان بكل ما تعنيه الكلمه

الليسن اي شخص ياخذه و خصوصا الهنود السواقه الله بالخير

مرور مادي غير توعوي

شوارعنا مع التحويلات مثل برنامج الحصن تطلع من تحويله دش لفه تطلع من لفه تحصل

عمرك في شارع عام تخدل لفه تحصل طريق مغلق الخ.......

بعد هذا كله ما تبي يكون عندنا وفيات و حوادث؟؟؟؟؟؟؟:rolleyes2:

[عزووز قطر]

والله السبب الرئيسي في الشوارع

1- طريق سيلين من سنين واحنا نشوف ناس تموت ومحد راضي يتحرك ،، أشغال تحول المهمة لقطر للبترول وقطر للبترول تحول المهمة لأشغال والضحية الشباب

2- المداخل والمخارج على طريق الشمال إلى 22 فبراير ،،، والله العاقل يصير مجنون بسببها

3- السماح للكحول في قطر مما أثر على السواقة

4- الليسن صار سهل ويشوفون بعض الآسيوين مايعرفون دواسة البترول من دواسة البريك وينجحونهم بعد 5 اختبارات وبالواااااااااااسطة ... وهم سبب الحوادث بسبب خروجهم الخاطئ من المخارج ويطلعون فجأة في وجه السايق الآخر ويتسبب في حادث والآسيوي يطلع من الموضوع ...

[BoAzozz]

الدوحة- الراية:
كشف الدكتور حسن آل ثاني استشاري أول ورئيس قسم جراحة الأوعية الدموية وقسم جراحة الإصابات أن معدل الوفيات الناتجة عن حوادث الطرق في قطر يعادل ضعف هذه الوفيات في الولايات المتحدة الأمريكية وذلك قياساً على أعداد هذه الوفيات نسبة إلى عدد السكان الإجمالي للدولة.

وقال الدكتور حسن إن قسم جراحة الإصابات استقبل السنة الماضية 1770 إصابة حرجة جراء حوادث السيارات فقط وقد أدخلوا جميعاً المستشفى، مشيرا إلى أن ثلثي هذا العدد بسبب تصادم سيارتين، وربع الإصابات بسبب حوادث وقعت بين السيارات والمشاه، والنسبة الباقية بسبب حوادث الدراجات النارية أو الدراجات الهوائية.

تحياتي

[بوخالد2]

الله يحفظ اعيال المسلمين