شنو الافضل جمس ولا تندرا

[fahad ..gh]

السلام عليكم
شباب ابي رايكم بخصوص الموترين اي واحد فيهم الافضل اخذ جمس سييرا ولا تندرا
من كل النواحي (القوة والفخامة والراحة والسيفتي )طبعا ولا تنسون فرق السعر

لقيت جمس موديل 2010 سلفر غمارتين فل اوبشن ب 100 الف
و تندرا 2010 غمارتين حجم 5700 مطلوب فيه 140 الف

اي واحد افضل يستاهل التندرا ولا ؟؟؟؟؟؟؟؟؟؟

لا تبخلون علي بارائكم ودمتم سالمين................................

[.Q a T a R.]

اكيد التاندرا

[qatari 111]

التندرا افضل بمراحل .. بس اهم شي قطع الغيار اذا متوفره او لا

[تمون]

التاندرا اكيد
بخصوص القطع ان شاء الله انها متوفره واذا ماتوفرت في قطر مليون فالميه فالسعوديه

[ولد المنصور]

انا اشوف الجمسسسسسسسسس..... سؤال ليش مانتشرت مثل الجمس ليششششششش ؟؟؟؟
جاوبوا لو تكرمتواااا .......................................

[qtr qtr]

لانه ماله وكيل عندنا .. كل بالطلب عن طريق الامارات او امريكا

[fahad ..gh]

التندرا افضل بمراحل .. بس اهم شي قطع الغيار اذا متوفره او لا

مشكور ياخوي علي رأيك بس معقولة قطع الغيار مش متوفرة
ياهي وهقة:anger1:

[fahad ..gh]

التاندرا اكيد
بخصوص القطع ان شاء الله انها متوفره واذا ماتوفرت في قطر مليون فالميه فالسعوديه

بس ياخوك على مااجيبه من السعودية يبيله يوم الي يومين وهاي اذا الواحد يكون فاضي

بس والله شكل التندرا احلي من الجمس بس المشكلة الحين في قطع الغيار

نشوف راي باقي الاخوان و اصحاب التندرا والجمس يفيدونا

[أعيان]

اخوي اكيد انصحك في التندرا وبخصوص قطع الغيار لاتخاف كل قطع غيار السكويا تركب عليها وسفايف وفلاتر ودرامويلات كلها مالت الكزس ومكينتة نفس مكينة vxr 5.7 من ناحية القوة ماعليها كلام 381hp بس انصحك تاخذ بابين فول ابشن,,,,,,,,, واي استفسار عن التندرا حاضرين اخوي بلتوفيق ان شاء اللة

[قطر70]

اخوي تندرا وانت مغمض ولا فيه مقارنه من ناحية القوه والريافه والسعه من الداخل وفي الاخير تويوتا

ومن ناحية قطع الغيار كل قطعها نفس الاسكويا ماعدا البدي

[Northqatar]

ألتندرا

و القطع كلها متوفره

عندي واحده ومشا ء الله
ما عليها كلام

[al-obaidly]

تندرا 100 في 100

[ASK2]

هههه

اللي قالوا التندرا

هل جربتوا التندرا مع الجمس ؟؟!

الجمس العادي ال 1500 مش 2500 لان ال2500 اهانه اذا تم مقارنته مع التندره للجمس

تبي كلام عن تجربه مافي اي مقارنه مع الجمس

ثبات قوه عزم رفاهيه تحمل الجمس افضل

وتقدر تتاكد اكثر على الانترنت في مواقع مقارنات عالميه حتى في اليوتيوب بتشوف مقارنات عالميه

فوق هذا وكيل الجمس عنده الموتر في الدوحه اي مشكله تقدر تحلها في الوكاله اذا استصعبت برع

وضمان بكون على الموتر

اما التندرا مايعرفك عبدالغني

خل يعرف الناس في مواتره اللي يجيبها عشان يعرفك في موتر جايبه من برع ..


هذا رايي عن تجربه شخصيه وطبعاً لك حرية الاختيار وموفق في موترك الجديد

سواء تندرا او جمس او كورلا حتى :p ههه

بالتوفيق ويعطيك خيره ويكفيك شره مقدماً

[fahad ..gh]

[QUOTE=أعيان قطر;8083734]اخوي اكيد انصحك في التندرا وبخصوص قطع الغيار لاتخاف كل قطع غيار السكويا تركب عليها وسفايف وفلاتر ودرامويلات كلها مالت الكزس ومكينتة نفس مكينة vxr 5.7 من ناحية القوة ماعليها كلام 381hp بس انصحك تاخذ بابين فول ابشن,,,,,,,,, واي استفسار عن التندرا حاضرين اخوي بلتوفيق ان شاء اللة[/QUOT

مشكور اخوي اعيان علي النصيحة الطيبة وربي يوفقك

[fahad ..gh]

هههه

اللي قالوا التندرا

هل جربتوا التندرا مع الجمس ؟؟!

الجمس العادي ال 1500 مش 2500 لان ال2500 اهانه اذا تم مقارنته مع التندره للجمس

تبي كلام عن تجربه مافي اي مقارنه مع الجمس

ثبات قوه عزم رفاهيه تحمل الجمس افضل

وتقدر تتاكد اكثر على الانترنت في مواقع مقارنات عالميه حتى في اليوتيوب بتشوف مقارنات عالميه

فوق هذا وكيل الجمس عنده الموتر في الدوحه اي مشكله تقدر تحلها في الوكاله اذا استصعبت برع

وضمان بكون على الموتر

اما التندرا مايعرفك عبدالغني

خل يعرف الناس في مواتره اللي يجيبها عشان يعرفك في موتر جايبه من برع ..


هذا رايي عن تجربه شخصيه وطبعاً لك حرية الاختيار وموفق في موترك الجديد

سواء تندرا او جمس او كورلا حتى :p ههه

بالتوفيق ويعطيك خيره ويكفيك شره مقدماً

جزاك الله خير اخوي على النصيحة بس والله حيرتوني اكثر الحين
:con2:

شكلي على قولتك باخذ كرولا وافتك

[Aaziz]

السلام عليكم


انا جربت الجمس بانواعه و مديلاته كلها .

بكل صراحه مافيه مقارنه ،، التندرا تتفوق على الجمس بمراحه بعد ان جربتها .

اولا التندرا كبدي و متانه افضل من الجمس بكثير
ثانيا التندرا اثبت من الجمس في الشارع (تاخذ اللفه بسرعه ولا تحس ان الموتر بيزحف او يميل) وفي البر كان اكثر شي يزعجني في الجمس هي المطبات ،، يهف من قدام حتى ال ١٥٠٠ اذا ضربت مطب خصوصا اذا تمشي شوي شوي سرعه ٤٠ مثلا ،، يطيرك .. في التندرا هذا الشي غير مرجود
تمشي في التندرا 140 كانك تمشي 100 بدون مبالغه
التندرا اقوى من الجمس و اذا انك راعي سحب كباين او طراريد هي اقوى سياره في فئتها (البياكم) و هذا شي موجود في النت و شايف فيديوهات كثيره كمقارنات .
قعده السيت في التندرا افضل من الجمس خصوصا اذا جير ارضي
ميزه الزجاجه الخلفيه الي تنزل ميزه ممتازه و عمليه جدا .
اذا كانت التندرا غمارتين ،، السيت الخلفي فيه مساحه كبيره جدا جدا

عيوب التندرا من وجهه نظري
سعه خزان البترول صغير نوعا ما
اخ لو فيها ثلاجه بس

نصيحه اذا بتاخذ تندرا لا تاخذ الا
trd-sr5 او لمتد او بلاتينيوم

العاديه لاتاخذها لان المواصفات تختلف
اعرف شخص استخدم التندرا من سنه ٢٠٠٨ يحلف ماحط فيها غير الايل و السفايف غير دينمه السلف بسبب ولده الصغير كان يلعب و يدق لها سلف ورى بعض لين خرب السلف و ركب لها دينمه سلف سكويا

[الحـ(درب)ـب]

انا عندي اسكويا sr5 واحسها طيارة ههههههههه خفيفه بشكل مب طبيعي

انصحك بالتندرا وترى قطع الغيار كلها متوفره (نفس الأسكويا )
الفرق بس بنضام التعليق والجر


وبصراحة افكر وبشكل جدي اشتري تندرا ^_^

[بوحمندي]

عليك بالفورد رابتر

وبالتوفيق

[kakashi]

جبتها يا بوحمندي

والله يوفقك يا الذيب

[fahad ..gh]

اشكر الاخوان كلهم ماقصرتوا بيض الله وجيهكم
وانشالله باخذ تندرا عن قريب
جاري البحث

[ASK2]

عشان المصداقيه فقط

مب مجرد كلام ينقال

هذا بحث على السريع

تفضل

http://youtu.be/WuL2w3Pc7JI

http://youtu.be/PZz3xly3HUA

http://youtu.be/iH6TuPIipMQ

http://youtu.be/Z8PpZF77tgk

,وهذي صفحة الجمس طبعاً اقل شي اللي هو 1500 دبل مكينة 5300

وزن الحموله 1550 باوند

بالكيلو يطلع حول 700 كيلو

وقوة السحب يسحب وزن 8900 باوند

بالكيلو يطلع 4036 كيلو

يعني 4 طن

http://www.gmc.com/sierra-1500-pickup-truck/features-specs/capabilities.html

عقب يجيك 2500 hd دبل مكينة 6000

الحموله اللي يشيلها 3538 باوند

يعني بالكيلو يطلع لك 1600

وقوة السحب يسحب 13000 باوند

يطلع بالكيلو 5895

وبالطن طبعاً 5 طن و895 كيلو

هذا يعني يسحب شي وزنه هذا وماعليه تواير

http://www.gmc.com/sierra-2500hd-pickup-truck/features-specs/capabilities.html

طبعاً في 3500 اللي هو دبل تاير هذا خارج الحسبه لان مافي اي مقارنه معاهم ..

اما التندرا

وزن الحموله من 1385 - 1550 باوند

يعني تقريباً نفس الجمس حجم 1500 اللي مكينته 5300

وقوة السحب يسحب وزن 6600-8100 باوند

بالكيلو يطلع 3673 كيلو يعني اقل من الجمس حجم 1500

http://www.toyota.com/tundra/specs.html

وغيره من المقارنات والتقيمات بتشوفها بارقام وحقائق اذا سويت سيرج بتشوف بنفسك ..

وبالتوفيق

[ضاحي]

عليك بالتندرا سياره ماعليها كلام وقطع غياره مثل ماقالو لك الأخوان
قطع غيار السكويا تركب عليها . اما الجمس كرمكم الله خايس والله انا
خذت لي واحد 1500 دبل والله ماكمل الشهر وبعته والله مايسوى حطيت
في بطنه اكسسوارات وطلع اكثر من بيع السوق .. اخوي عليك بالتندرا
هذي تويوتا ماعليها كلام واللي جرب التندرا ماعتقد ذم فيها.. ولك القرار..!