كل يوم حادث ، طريق 22 فبراير !

[Qa10]

السلام عليكم

هالطريق كل ماامر عليه الاقي عليه حادث ، لاحول ولاقوة الا بالله ، الصراحة الواحد قام يتجنبة ، من المسؤول ؟؟

طيش البعض هداهم الله ؟
ولا في سبب ثاني ؟

شالسالفة

[لاجل QT]

في اي منطقة يعتبر 22 فبراير؟؟

مااعتقد اكثر من الحوادث على طريق الخيسة..كانى كل يوم اتصبح بفلم رعب..

[Mohammed2]

الشارع اولا مايتسع لعدد السيارات
وثانيا الناس متعودين اي شارع هاي وي يسرعون وفجأه يوقف السيد ومايقدر الشخص يوقف ويدعم اللي جدامه واللي وراه يدعمه وهكذا
وثالثا المخارج والمداخل قريبه وايد من بعض
ورابعا بعض الناس اللي المفروض ماينعطون ليسن :anger1: >>>> أهم نقطة

[Qa10]

في اي منطقة يعتبر 22 فبراير؟؟

مااعتقد اكثر من الحوادث على طريق الخيسة..كانى كل يوم اتصبح بفلم رعب..

اللي من جسر دحيل لين مدماك وانت رايح

[Qa10]

الشارع اولا مايتسع لعدد السيارات
وثانيا الناس متعودين اي شارع هاي وي يسرعون وفجأه يوقف السيد ومايقدر الشخص يوقف ويدعم اللي جدامه واللي وراه يدعمه وهكذا
وثالثا المخارج والمداخل قريبه وايد من بعض
ورابعا بعض الناس اللي المفروض ماينعطون ليسن :anger1: >>>> أهم نقطة

اي والله

ولا اذا جاك واحد وراك ،، جمبك مواتر سيد شطولة ويكبس لك ليتات ماتشوف ليتاته مابينك وبينه الا شعرة !

شتسوي فيه هذي ؟؟

[عـ العبيدلي]

خط 22 فبراير
مأساة وفشــل متجمعين على شكــل شارع

[لاجل QT]

اللي من جسر دحيل لين مدماك وانت رايح

عيل هذا هو..طريق الرعب..مرة شفت منظر كان بيغمى علي وانا اسوق ..

الله يحفظ الجميع

[fahad1]

اليوم زحمة على ساعه ٥ الله لا يرويك لين جسر الدحيل

[الموضوعي]

المفروض اللي صمم طريق 22 فبراير يتم منحه جائزة اغبى مشروع في القرن الـ 21

[درر قطر]

الظاهر مب مهتمين من تكلفة الغرامات المرورية والي أسوء إن الناس مب خايفين لا على أرواحعم ولا على أرواح الناس

[Qa10]

لازم يشوفون لنا حل معاه ، الحوادث شي مب طبيعي على هالطريق

[Qa10]

خط 22 فبراير
مأساة وفشــل متجمعين على شكــل شارع


اي والله يالعبيدلي ، فشل ومأساة الواحد قام يخاف منه



اليوم زحمة على ساعه 5 الله لا يرويك لين جسر الدحيل

شكرا اخوي فهد ، هالطريق مسلسل مكسيكي يومي الله يسلمك مع هالحوادث



المفروض اللي صمم طريق 22 فبراير يتم منحه جائزة اغبى مشروع في القرن الـ 21


ماعندي خبرة فتصميم الطرق لكن السرعة اشوف انها سبب


الظاهر مب مهتمين من تكلفة الغرامات المرورية والي أسوء إن الناس مب خايفين لا على أرواحعم ولا على أرواح الناس

المفروض يحطون عقوبات اكثر ردع ، الطريق اكثر من سنة وهالحوادث ماتخلص عليه انا مب ملحق ذاكرتي ضاعت من كثر الحوادث اللي عليه مااقدر اعدهم

[N7eEeS]

الشارع يصلح حق قطر في 2002 مو 2012.
الحل من وجهة نظري يكون باقالة وزير البلدية ومدراء التخطيط وأشغال لان كل واحد منهم مسؤول عن شي.
قطر بكبرها تعاني من سوء التخطيط والبنيه التحتيه.
اكبر دليل الشارع اللي من الوجبه لين الديوان الاميري حالته يرثى لها مع إن الامير وكبار الوفود تمر عليه بشكل مستمر.
والله الواحد قلبه يعوره على الفلوس اللي تصرف على خالي بلاش.
نرجع لموضوع الشارع.
الشارع محتاج توسعه لانه ثلاث خطوط ماتكفي حق وسط البلد ومع ضيق المخارج في بعض المناطق يصير خط واحد.
انا مع ازالة جميع المباني اللي قريبه من الشارع وبحد اقصى 100 متر من الجهتين لاي توسعه مستقبلية اما اني اكيف الشارع على ماهو موجود فهذا غير منطقي.
الحل البسيط جعل الخط السريع بطئي وذلك بزيادة عدد الردارات في الشارع وجعل السرعه 80 بالاضافة إلى توسعة المداخل والمخارج إلى أن يتم توسعة الشارع .

[Qa10]

الشارع يصلح حق قطر في 2002 مو 2012.
الحل من وجهة نظري يكون باقالة وزير البلدية ومدراء التخطيط وأشغال لان كل واحد منهم مسؤول عن شي.
قطر بكبرها تعاني من سوء التخطيط والبنيه التحتيه.
اكبر دليل الشارع اللي من الوجبه لين الديوان الاميري حالته يرثى لها مع إن الامير وكبار الوفود تمر عليه بشكل مستمر.
والله الواحد قلبه يعوره على الفلوس اللي تصرف على خالي بلاش.
نرجع لموضوع الشارع.
الشارع محتاج توسعه لانه ثلاث خطوط ماتكفي حق وسط البلد ومع ضيق المخارج في بعض المناطق يصير خط واحد.
انا مع ازالة جميع المباني اللي قريبه من الشارع وبحد اقصى 100 متر من الجهتين لاي توسعه مستقبلية اما اني اكيف الشارع على ماهو موجود فهذا غير منطقي.
الحل البسيط جعل الخط السريع بطئي وذلك بزيادة عدد الردارات في الشارع وجعل السرعه 80 بالاضافة إلى توسعة المداخل والمخارج إلى أن يتم توسعة الشارع .

كلامك منطقي اخوي ، بس صعبة اشوف انهم يثمنون كل هالمناطق متى بنخلص ؟؟ 2030 ؟

لاتنسى كم سنة سووا هالطريق ، والتأخير من شركة لين شركة

[روح الاطلس]

وطريق الوعب يوميا حوادث يستاهل لقب طريق الموت :)

[abdo222]

ماعرف ليش مسوين السرعه ١٠٠ !! السيد اليسار حده حده تمشي فيه ٨٠ بالزحمه يوصل ٦٠ !! واحيانا جنه اشاره توقف وتمشي !! ما اذكر ني مشيت فيه ١٠٠ الا نص الليل او الفجرر،،

انا مع الي يقول انه مشروع فاشل وكل يوم يثبت فشله

[N7eEeS]

كلامك منطقي اخوي ، بس صعبة اشوف انهم يثمنون كل هالمناطق متى بنخلص ؟؟ 2030 ؟

لاتنسى كم سنة سووا هالطريق ، والتأخير من شركة لين شركة


هذا حل ارتجالي وفي لحظة المشروع محتاج تشكيل لجنة لدراسة الوضع بالكامل.
ان شاء الله يخلصون في 2030 اهم شي اني مانظر تحت رجلي وذي مشكلة بعض المسؤولين عندنا، على فكره الشارع مو من طوله والتملك كم بيكلف الدولة الحمد الله وبفضل الله نملك المال ولكن نملك سوء الإدارة وغيرنا مايملك المال ويملك حسن الإدارة.
اي مواطن عادي يقعد مع نفسه يشوف حال الشوارع في قطر حال التخطيط حال البنية التحتية شوارع مكسرة وسط الدوحة ماقولك في مناطق خارجية الا في وسطها.
بعض المناطق مثل الخريطيات من التسعينات مافيها صرف صحي الله يعزك ويعز كل من يقراء الموضوع!!
هذا كله ليش؟
اذا وزارة فاشلة مثل وزارة البلدية يتم الوزير سنين مايتغير أجل اذا اداء الوزارة جيد الوزير كم سنه بيتم فيها؟

[al wafi]

اي والله بصراحه الخط عذاب كل يوم زحمه وحوادث

نصيحتي لك عندك الخطوط البيضاء والصفراء تجاوز منها

انا دايما امشي عليها على هالخط والسبب التخطيط الفاشل وبدون دراسه

وماعندهم حلول يسوونها

[أخر الدنيا]

انا يوميا" امر على ها الطريق من 630 الصبح وارجع 1300 الظهر والله يوميا" حاط يدى على قلبى وما اقدر امشى اكثر من 70 واحيانا"50 والله افشل مشرووووووووووووووووووووع شفتة فى حياتى والله لفيت شبه نصف العالم ودرست فى مدن كثيرة نفس ها المشروع ما شفت0000000000 طرق جانبية ضيقة اشارات تحت الانفاق واشارات فوق الجسور0000000000000000000 اموووووووووووووووووووووووووووت واعرف الشركة المصممة للمشروع

[بوخالد911]

المفروض يكثرون المخارج تخفيفا للزحمة

وطولوا بالكم اشوي

[البدوي]

اليوم العصر كنت علي هذا الطريق وكنت علي الخط السريع ومتجة الي نفق مدماك ... وفجأة انحرف علي لاندكروزر ابيض وكان يتكلم في التلفون والمصيبة كان هندي ... ولله الحمد تفاديتة في اخر لحظة

بس وقفتة وتصلت بالشرطة ...ولكن الدورية تأخرت اكثر من ساعة ..... سألتة عن الرخصة عطاني صورة ليسن ملونة ومغلفة .......... بعد نص ساعة وصل كفيلة ... وقالة حرك لا تنتظر الشرطة ؟؟؟؟؟؟؟؟؟؟؟؟؟؟؟؟؟


المهم اتصلت ب999 طلبوا مني اقدم بلاغ في اقرب مركز شرطة وبالفعل بلغت

بس السؤال .... ايش ممكن ايسولة ؟؟؟؟؟


.... انا قبل اسبوع والدتي مع الدريول لف عليهم واحد نفس الجنسية وهرب ونقلبت السيارة وهي شبة مشلولة الحين ؟؟

لاحد يلومني

[(المهندس)]

الله المستعان

[الخزرجي قطر]

الله يحفظ الجميع من شر الطريق ومن الحوادث على الطرقات
الحذر من هذا الطريق لأن الواحد يسوق وهو على اعصابه؟؟

[_بوشهاب_]

عضله البطه تعبت وانا اسوي لها تمارين بس عشان اكون مستعد للبريك مرات ودي ازخ بريك بايدي وريولي زهقني ذي الخط يووم :tease: بيجلطني

[كبير المتداولين]

امس 16 سياره داخلين في بعض وكل يوم اكثر من حادث عند التقاء الخارجين من تحت النفق القادمين من الشمال عند جسر الاند مارك

وين اصحاب الحلول المؤقته هذه نتيجه سؤء التخطيط وحلولكم المؤقته

[Qa10]

إنا لله وإنا إليه راجعون

هالطريق لازم يشوفون لنا حل ، قمت استعمل الطرق القديمة قبل ليفتحون هالطريق، ودنا ادارة المرور تكشف على الأقل عن الحوادث على هالطريق وكم عددها يوميا - أسبوعيا - شهرياً -سنويا ، العدد اكيد بيكون بالألاف .

[وطن]

سبب الحوادث هو استهتار البعض
يعني الشارع احيانا يكون زحمة وما يتحمل الاستهتار والسرعه والتدعس وسط السيايير
وهم ما يهمهم شي
اهم شي سباق الشوارع اللي هم عايشينه

اكيد ان بعض الحوادث من عديمين الخبرة في القيادة
بس في الغالب
يجي واحد مستهتر
او لاهي بجواله ويكمل عليهم



اي والله

ولا اذا جاك واحد وراك ،، جمبك مواتر سيد شطولة ويكبس لك ليتات ماتشوف ليتاته مابينك وبينه الا شعرة !

شتسوي فيه هذي ؟؟

هذا تضرب في ويهه بريك
عشان يتأدب
بكل بساطة

:victory:




الشارع يصلح حق قطر في 2002 مو 2012.
الحل من وجهة نظري يكون باقالة وزير البلدية ومدراء التخطيط وأشغال لان كل واحد منهم مسؤول عن شي.
قطر بكبرها تعاني من سوء التخطيط والبنيه التحتيه.
اكبر دليل الشارع اللي من الوجبه لين الديوان الاميري حالته يرثى لها مع إن الامير وكبار الوفود تمر عليه بشكل مستمر.
والله الواحد قلبه يعوره على الفلوس اللي تصرف على خالي بلاش.
نرجع لموضوع الشارع.
الشارع محتاج توسعه لانه ثلاث خطوط ماتكفي حق وسط البلد ومع ضيق المخارج في بعض المناطق يصير خط واحد.
انا مع ازالة جميع المباني اللي قريبه من الشارع وبحد اقصى 100 متر من الجهتين لاي توسعه مستقبلية اما اني اكيف الشارع على ماهو موجود فهذا غير منطقي.
الحل البسيط جعل الخط السريع بطئي وذلك بزيادة عدد الردارات في الشارع وجعل السرعه 80 بالاضافة إلى توسعة المداخل والمخارج إلى أن يتم توسعة الشارع .

اخوي ايش دخل الوزير و المدراء ومادري من يقيلونهم
؟؟!!

مادري هل تعرف من كان ماسك الوزارة ايام تخطيط هالمشروع
او من اللي كان ماسك ايام التنفيذ

على حد علمي تغيروا اكثر من مره من قبل هالمشروع واثناءه و بعده بعد

:secret:

لازم في هالحالة يجيبون اللي كان ماسك ايام التخطيط
يعني في 2002
ويحاسبونه

[وطن]

اليوم العصر كنت علي هذا الطريق وكنت علي الخط السريع ومتجة الي نفق مدماك ... وفجأة انحرف علي لاندكروزر ابيض وكان يتكلم في التلفون والمصيبة كان هندي ... ولله الحمد تفاديتة في اخر لحظة

بس وقفتة وتصلت بالشرطة ...ولكن الدورية تأخرت اكثر من ساعة ..... سألتة عن الرخصة عطاني صورة ليسن ملونة ومغلفة .......... بعد نص ساعة وصل كفيلة ... وقالة حرك لا تنتظر الشرطة ؟؟؟؟؟؟؟؟؟؟؟؟؟؟؟؟؟


المهم اتصلت ب999 طلبوا مني اقدم بلاغ في اقرب مركز شرطة وبالفعل بلغت

بس السؤال .... ايش ممكن ايسولة ؟؟؟؟؟


.... انا قبل اسبوع والدتي مع الدريول لف عليهم واحد نفس الجنسية وهرب ونقلبت السيارة وهي شبة مشلولة الحين ؟؟

لاحد يلومني

لاحول ولا قوة الا بالله

الله يشافيها ويعافيها

ما عليها شر :(

[بوحمد111]

اغلب حوادث هذا الشارع تأتي من تهور السائقين في وجهة نظري والشارع محتاج اعادة تصميم وخاصة المداخل والمخارج

[قطريه ماركه]

المفروض الهاي وي يسهل و يختصر المسافات .....

بس الحاصل العكس للأسف .....

[قطرية كشخه]

انا وحده من ضحايا هالشارع :anger1:

ولا حيااااه لمن تنادي كل شوارع الدوحه مافيها ادنى مقومات السلامة .. للاسف :weeping:

لازم يكون 5 خطووط لانه هااي ووي ولازم يكون فيه جسور خاصة للمشاه , لان الهنود الله يقطعهم يوقفون فوق السور اللي بين الشارعين خطر يطيح جدامك وانت ماشي :anger1:

هالخط باختصار حرقه اعصاب خصوصا للي مثلي يمر عليه الصبح والظهر :anger1:

الله يحفظكم يا اهل قطر ان شاءالله

[برويقن]

الحل انهم يخلون الطريق بفلوس

50 ريال مثلا

ويمنعون الشاحنات وباصات الشركات من دخول الطريق

[بوسلمان 2010]

بسبب ضيق الطريق وتهور بعض السائقين الله يهديهم ويصلحهم ان شاء الله

[رذاذ]

مب لازم نسرع لجل نوصل .. السلامة اولا ..
والى يتفنن بالتجاوز لا يتجاوز بيوصل بيوصل ..

انا من راي يفصلون مسارات الشارع بحاجز حديدي لجل كل واحد يمسك خطه من البداية .
والخط الاخير اليمين يكتبون على اسامي بعض الجنسيات لغبائهم في السواقة + الشاحنات والباصات .

وكذا حلينا المشكله لكم

[مرتبش]

وضع بعض الحواجز على مخرج شارع النصر والوعب مثل اللي على الاشارات لمنع المتجاوزين

وضع مطبة او مطبتين ترغم السائقين الخارجين من شارع النصر والمتجهين للطريق السريع على افساح الطريق للسيارات المتراكمة عند الاشارة

هذا كمثال ويمكن تطبيقه على المخارج الاخرى

[الأستاذ]

اليوم ثلاث حوادث على نفس الخط فقط ..
الحمد لله في تقدم ..
وما تأخرنا عن الدوام غير ساعة وربع فقط اليوم ..
وصلت مكتبي الساعة 8.15 ..
شكراً لكم يا أشغال وموصول الشكر للمرور ..
والشكر كل الشكر لمن يخطط لهذه المشاريع ..
حقاً سنرتقي به وبأمثاله ..

[Scout Sniper]

خلها على الله ...
كله كوم وزحمة النصر كوم ثاني

[bo_hamad]

الطريق مثل هذا لازم يكون على الاقل 5 مسارات في كل اتجاه مع مسار لموقف السيارات

للاسف المخارج ضيقة وخاصة مخرج اللاند مارك والجوازات ( تخطيط = تخبط اشغال )

[ashhal_q]

الله العليم ... بوجود خلل في تصميم المخارج ... مثل مخرج شارع النصر .... لان كل الازمه تتركز عند الخارج ...

[N7eEeS]

اخوي ايش دخل الوزير و المدراء ومادري من يقيلونهم
؟؟!!

مادري هل تعرف من كان ماسك الوزارة ايام تخطيط هالمشروع
او من اللي كان ماسك ايام التنفيذ

على حد علمي تغيروا اكثر من مره من قبل هالمشروع واثناءه و بعده بعد

:secret:

لازم في هالحالة يجيبون اللي كان ماسك ايام التخطيط
يعني في 2002
ويحاسبونه


الوزير كم سنه صار له ؟ والعبد الله ؟ والمولوي ؟
اذا انا شخص مسؤول وبقعد أحمل الاخطاء على غيري أجل ليش حاطيني.
جيت في مكان وشفت فيه اخطأ اصلح ماقول هذا الوزير اللي قبلي هو اللي مسويه أجل انا شالفايده مني.
طبعا هذا قرار تعيين وزير البلدية
تعيين الشيخ عبدالرحمن بن خليفة وزيراً للبلدية والدوسري وزيراً لشؤون الخدمة المدنية والإسكان
تاريخ النشر: الأربعاء12/7/2006, تمام الساعة 12:19 مساءً بالتوقيت المحلي لمدينة الدوحة

الدوحة - قنا: أصدر سمو الشيخ تميم بن حمد آل ثاني نائب الأمير ولي العهد أمس أمراً أميريا بتعديل تشكيل مجلس الوزراء وقضي الأمر بتعيين سعادة الشيخ عبدالرحمن بن خليفة بن عبدالعزيز آل ثاني وزيراً للشؤون البلدية والزراعة

تقريبا 6 سنوات ماهو المشروع اللي نفتخر به ؟
يقولون أهل مكه ادرى بشعابها :)
قبل الجوازات ماعطين تراخيص لمجمعات تجارية جديدة مقابله الاند مارك وبروحه الشارع ثلاث خطوط وعلى مدخل مدينة الدوحة تتخيلين الزحمة اللي بتصير؟ من اللي عطاهم الترخيص؟

[بنـ ابوها ـت]

الصراحة هالطريق مشكلة كل يوم زحمة ع اساس انه هاي وي والله مستحبل الصبح والا الظهر ما تلاقى دعمة وزحمة وحالة

[مساهم عادي]

انا مادري ليش مسمينه بطريق الدوحة السريع !!! .... المفروض انه نسميه طريق الدوحة البطيء

[Most Wanted]

منح الاتحاد الدولي للطرق IRF هيئة الأشغال العامة "أشغال" الجائزة العالمية لأفضل مشروع طرق وذلك ضمن فئة التصميم عن مشروع "طريق الدوحة السريع".

ووقع اختيار الاتحاد لمنح "أشغال" هذه الجائزة من خلال لجنة مستقلة تتضمن خبراء ومحكمين عالميين في مجال تطوير الطرق، بعد دراسة عدد من المشاريع المقدم لنيل هذه الجوائز من مختلف دول العالم.

ويمنح الاتحاد الدولي للطرقIRF الذي انشيء في عام 1948 ويقع مقره في العاصمة الأميركية واشنطن، سنويا جائزته لأفضل المشاريع على مستوى العالم وذلك ضمن ثماني فئات هي:

فئة أفضل تصميم مشروع طرق التي نالتها "أشغال"، أما الفئات الأخرى فتشمل أساليب ووسائل الإنشاء، ووسائل الأمن في المشاريع المنفذة، وتكنولوجيا ومعدات الطرق، وحماية البيئة، وتمويل المشاريع، والحملات الدعائية، وأخيرا فئة البحوث في مجال الطرق.

والى جانب "أشغال"، فازت شركة فرنسية بجائزة الاتحاد ضمن فئة أساليب الإنشاء، كما فازت شركة اسبانية بجائزة فئة حماية البيئة، فيما نالت شركات ومؤسسات أميركية جوائز الفئات الأخرى.

ويتولى الاتحاد تكريم الفائزين عن عام 2004 من خلال احتفالات رسمية يقيمها على مدار العام في دول مختلفة.


من*موقع*اشغال*
(http://www.ashghal.gov.qa/Arabic/Ashghal/News/Pages/%D9%85%D9%86%D8%AD%20%D8%A3%D8%B4%D8%BA%D8%A7%D9%8 4%20%D8%AC%D8%A7%D8%A6%D8%B2%D8%A9%20%D8%B9%D8%A7% D9%84%D9%85%D9%8A%D8%A9%20%D9%84%D8%A3%D9%81%D8%B6 %D9%84%20%D9%85%D8%B4%D8%B1%D9%88%D8%B9%20%D8%B7%D 8%B1%D9%82.aspx)

[Qa10]

اليوم ثلاث حوادث على نفس الخط فقط ..
الحمد لله في تقدم ..
وما تأخرنا عن الدوام غير ساعة وربع فقط اليوم ..
وصلت مكتبي الساعة 8.15 ..
شكراً لكم يا أشغال وموصول الشكر للمرور ..
والشكر كل الشكر لمن يخطط لهذه المشاريع ..
حقاً سنرتقي به وبأمثاله ..


إنا لله وإنا إليه راجعون
هالطريق من اروح عليه وفي اي وقت اعرف انه عليه حادث واتنبأ واروح والاقي هالزحمة ، لين متى ؟؟

الله يحفظ المسلمين من كل شر ، وهذي لازم يسير فيها تدخل بصفة عاجلة ، لانه كل يوم على هالطريق حادث ، من المسؤول ؟؟

[Qa10]

من*موقع*اشغال*
(http://www.ashghal.gov.qa/arabic/ashghal/news/pages/%d9%85%d9%86%d8%ad%20%d8%a3%d8%b4%d8%ba%d8%a7%d9%8 4%20%d8%ac%d8%a7%d8%a6%d8%b2%d8%a9%20%d8%b9%d8%a7% d9%84%d9%85%d9%8a%d8%a9%20%d9%84%d8%a3%d9%81%d8%b6 %d9%84%20%d9%85%d8%b4%d8%b1%d9%88%d8%b9%20%d8%b7%d 8%b1%d9%82.aspx)

حسبنا الله ونعم الوكيل

[وطن]

الوزير كم سنه صار له ؟ والعبد الله ؟ والمولوي ؟
اذا انا شخص مسؤول وبقعد أحمل الاخطاء على غيري أجل ليش حاطيني.
جيت في مكان وشفت فيه اخطأ اصلح ماقول هذا الوزير اللي قبلي هو اللي مسويه أجل انا شالفايده مني.
طبعا هذا قرار تعيين وزير البلدية
تعيين الشيخ عبدالرحمن بن خليفة وزيراً للبلدية والدوسري وزيراً لشؤون الخدمة المدنية والإسكان
تاريخ النشر: الأربعاء12/7/2006, تمام الساعة 12:19 مساءً بالتوقيت المحلي لمدينة الدوحة

الدوحة - قنا: أصدر سمو الشيخ تميم بن حمد آل ثاني نائب الأمير ولي العهد أمس أمراً أميريا بتعديل تشكيل مجلس الوزراء وقضي الأمر بتعيين سعادة الشيخ عبدالرحمن بن خليفة بن عبدالعزيز آل ثاني وزيراً للشؤون البلدية والزراعة

تقريبا 6 سنوات ماهو المشروع اللي نفتخر به ؟
يقولون أهل مكه ادرى بشعابها :)
قبل الجوازات ماعطين تراخيص لمجمعات تجارية جديدة مقابله الاند مارك وبروحه الشارع ثلاث خطوط وعلى مدخل مدينة الدوحة تتخيلين الزحمة اللي بتصير؟ من اللي عطاهم الترخيص؟


اللي عطاهم الترخيص
نفس اللي معطي تراخيص بناء الابراج بدون مواقف كافية
:secret:

الواسطة يعني

:secret:

و انت تقول اهل مكه ادرى بشعابها
وصحيح اهل مكة ادرى بشعابها
;)

[آهـل شَـرق]

احسن شي يسكرون المداخل والمخارج لين الشمال بعدين نرجع سباحه

[Qa10]

ها شخبار الطريق ماعليه حادث ؟؟!!
غريبة

[Qa10]

حادث الآن على طريق 22 فبراير

[بوطويشم]

من*موقع*اشغال*
(http://www.ashghal.gov.qa/Arabic/Ashghal/News/Pages/%D9%85%D9%86%D8%AD%20%D8%A3%D8%B4%D8%BA%D8%A7%D9%8 4%20%D8%AC%D8%A7%D8%A6%D8%B2%D8%A9%20%D8%B9%D8%A7% D9%84%D9%85%D9%8A%D8%A9%20%D9%84%D8%A3%D9%81%D8%B6 %D9%84%20%D9%85%D8%B4%D8%B1%D9%88%D8%B9%20%D8%B7%D 8%B1%D9%82.aspx)

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

[ابن سينا]

احسن حل اغلاق كل المخارج الى جسر ام صلال

[مخطط قطري]

لاوالله غير احسن حل يهدمونه بكبره لانه فاشل ويعيدون بناءه من جديد ب8 مسارات الي رايح و8 مثلهم للي جاي ولاتقولي يتم توسعته من يممين ويسار باكثر من مسار ماراح تقدر لانه الجسور بتعيق الحركه من جديد وبتخليها مسارين او 3

[امـ حمد]

الله يحفظ عيالنا وعيال جميع المسلمين من الحوادث

[قطر العطاء]

حل فورى وناجح .... وهو اجبار السائقين لحد ادنى للسرعة خصوصا الخط الاوسط الا تقل عن 80 كم واللى تقل سرعته عن 80 كم يلزم الحارة اليمنى واذا اراد التجاوز يستخدم الحارة الوسطى وانا متاكد ان هذه الطريقة والتى هى مطبقة فى اغلب الدول سوف تاتى بنتيجة فورية .....
لانه من استخدامى اليومى للطريق ارى ان المشكلة فى وجود سيارات بطيئة على الخط الاوسط ......

[حيهور]

والله الشارع ماعليه كلام

المشكله الناس الي عندهم رخص سواقه وهم مايعرفون يسوقون في الهاي وي


والمشكله الثانيه مداخل المجمعات الاند واللولو لازم تكون من المناطق الداخليه

واقترح توعيه للسواقين المقيمين والفتيات القطريات على طريقة السواقه في الهاي وي

لانهم سبب الزحمة

وين التوعيه يامرور

[بوحمد111]

مع اني رديت على الموضوع من قبل ولكن جدام عيني يوم الجمعة وانا رايح الشمال وبسرعة 100 وكان خلفي سيارتين وخلفهم كروزر جديد ابيض مسرع ويولع ليتات علشان يفتحون له الطريج والمشكله زحمه ومستحيل يقدر يتجاوز اخونا الكريم والمهم حاول التجاوز من اليمين وبسرعه جنونيه وتفاجئ ان سياره في اقصى اليمين وشكلها عطلانه واخونا في الله حاول تجنبها ولكن الموتر اعتر عليه والحمد لله ما انقلب ولكن بدأ يعتر يمين ويسار ولا وقف الا بعد ما ادعمه موتر ثاني وهذا سبب التهور والحمد لله على سلامته وان شاء الله الاخ صاحب الكروزر يتعض من الخطأ الي ارتكبه وهو التجاوز من اليمين وإش بيصير لو صبر شوي الى ان تخف الزحمة ويعدي بالقانون

ارجو العذر والسموحه بالكتابه بالعاميه وهذا اسلوبي

تحياتي

[Qa10]

مع اني رديت على الموضوع من قبل ولكن جدام عيني يوم الجمعة وانا رايح الشمال وبسرعة 100 وكان خلفي سيارتين وخلفهم كروزر جديد ابيض مسرع ويولع ليتات علشان يفتحون له الطريج والمشكله زحمه ومستحيل يقدر يتجاوز اخونا الكريم والمهم حاول التجاوز من اليمين وبسرعه جنونيه وتفاجئ ان سياره في اقصى اليمين وشكلها عطلانه واخونا في الله حاول تجنبها ولكن الموتر اعتر عليه والحمد لله ما انقلب ولكن بدأ يعتر يمين ويسار ولا وقف الا بعد ما ادعمه موتر ثاني وهذا سبب التهور والحمد لله على سلامته وان شاء الله الاخ صاحب الكروزر يتعض من الخطأ الي ارتكبه وهو التجاوز من اليمين وإش بيصير لو صبر شوي الى ان تخف الزحمة ويعدي بالقانون

ارجو العذر والسموحه بالكتابه بالعاميه وهذا اسلوبي

تحياتي

ماقصرت اخوي بوحمد ، واغلبهم مبزره