>>>>> يعتدي على مدرس بـ « العقال » <<<<<

[قوي العزايم]

http://im26.gulfup.com/2012-03-20/1332229107301.png (http://www.gulfup.com/show/X3k3ecec5qh73)




قُـمْ للمعلّمِ وَفِّـهِ التبجيـلا ** كـادَ المعلّمُ أن يكونَ رسولا !!

[R 7 A L]

الى السجن
درب السلامة

[دااانة قطر]

طيب يمكن اسلوب المدرس استفزاازي

[كلنا قطر 1981]

طيب يمكن اسلوب المدرس استفزاازي

اختي دانه قطر

و ان كان اسلوب المدرس الاستفزازي هل يجوز لولي امر انه يضرب مدرس قدام ولده ؟؟

[@north_star@]

اذا هذا تصرف الاب الهمجي بهالطريقة عيل شلون ولده

[دااانة قطر]

اختي دانه قطر

و ان كان اسلوب المدرس الاستفزازي هل يجوز لولي امر انه يضرب مدرس قدام ولده ؟؟


لا مايجوز
بس انا قلت يمكن

[بوخالد2]

هذا الشبل من هذا الاسد

امحق والله

[بوحمد111]

الله يهدي الاب ونقول له رب ولدك قبل دخوله المدرسه

[ضوى]

امحق تربية وامحق ادب محد يشره عالولد اذا هذا ابوه

[الزلزال]

الى السجن
درب السلامة

هههههههههههههه

[jeep-srt8]

حد يوقف هالمهزلة الي تصير ياجماعه المشكلة من بعض القوانين الي من المجلس الاعلى المحترم الي خلت المدرس زي الكلب محشوم والله ولكن هذا مايقال الان عنه ياخي انا ابوي كان يروح لعند كل مدرس ويوصي كل مدرس فيني بخيزرانه عالصبح ياخي والله كان لهم هيبة ايام زمان وكنا نحترمهم ونخاف منهم اكثر من اهاليانا اما اللحين ياللللللله واكيد الولد حش في مدرسه حش عند ابوه وراح المدرسة وماكان في مجال للتفاهم (ممكن)

الله يعين

[حلم الطفولة]

لانستطيع ان نلوم الوالد اوالمدرس يجب ان نستمع الى الاثنين ثم بعد ذلك يتبين لنا من هو المخطىء لايجوز ان نطلق الاحكام دون معرفة القصة بتفاصيلها
الرسول صلى الله عليه وسلم قال للامام على بن ابي طالب
يا على، اذا تقاضى اليك رجلان فلا تقف للاول حتى تسمع من الاخر فانك اذا فعلت ذلك تبين لك القضاء
اذا اتاك احد الخصمين وقد فقئت عينه فلا تحكم له فربما اتى خصمه وقد فقئت عيناه

[إكليل الزهور]

الأب ما أحسن لولده بالتوجيه وتقويم سلوكياته وهالشي في ذمته

يتساهل مع ولده ويوصل المعلم والادارة إلى أقصى حدود الصبر واستنزاف كل الطرق في حل المشكلة..يعني هم ماوراهم الا هالولد؟ ماعندهم شغل و لا شايلين هم باقي الطلاب؟

وكونه يتعدى بالضرب على المعلم فهذي أكبر نقطة ضعف في موقف ولي الامر.. باجر مب قادر يسيطر على ولده.. وهذا هو تم اقتياده للسجن وانكسرت صورته والعياذ بالله و اللهم لا شماتة

كل هذا لأنه مب معترف بغلطه ولا بغلط ولده

في أولياء امور جذي مايبون حد يقول شي عن عيالهم و مع ذلك مايبذلون جهد في تجنب الملاحظات والإحراج

الله يهدي الجميع ويوفقهم

[فلتة زمانها]

والله لو المدرس كويتي مب كفو يمد يده عليه
امحق ابو

[ملاك]

ان عرف السبب بطل العجب

مازالت الامور غير واضحه لنا

بس مهما صار المفروض ما يمد يده

والقانون بياخذ مجراه

[A l i]

امحق تربية وامحق ادب محد يشره عالولد اذا هذا ابوه

اي والله صادقه ياضوى

[بنت امي]

استغرب من بعض اولاياء الامور
يدري انه ولده مشاغب ومايرضى حد يقوله شي

الله يرحم ايام اول :)

[كازانوفا]

اذا الاب بهالاسلوب
من حقه الولد يطلع امضيع دروبه مسكين لا ينلام من خفة العقل بتصرفاته

[فلتة زمانها]

على ايام الثانويه كانوا يصيدون البويات بوضعيات غير لائقه وينادون امهاتهم كنت انصدم لما اشوف الام تدافع عن بنتها وتتهجم على المدرسات باسلوب فض 0_o

[قطريه ماركه]

لا حول و لا قوة الا بالله ...

الله يعيين المدرسيين على هالاجيال ..........

[khaldoon]

هذا الشبل من هذا الاسد

امحق والله


سبقتني...فعلا هذا اللي ابي اقوله

[AL-MAYSTRO]

كاد المعلم ان يكون رسولاً ..!!
كسروا هالمقولة الابنت وابوة

هذا ينقط فالسجن هو وولده
عشان يكون قدوة لغيره

[العنيده]

استغفر الله وين يتعلمون الابناء احترام المدرسين دااام بعض الاهالي جذيه تصرفاتهم ..
حتى لو كان طبع المدرس مستفز .. مااقلل من احترام المدرسين جدام الابناء لان ممكن هم يتهورون بعدين ..

الله يصلح الحال ..

[غزلان]

قويه مرررره حركته

[قطري !]

بصراحه القانون هو اللي أعطا فرصة للاعتداء علي المدرسين




الحين لو قاضي تم الاعتداء عليه , وين بيروح المعتدي من جبروت القانون وقوته لصالح القاضي




اتمنى و اتمنى من حكام دول الخليج ان يسنوا قانون حمايه للمدرسين نفس قانون حماية القاضي اللي المدرس احق من غيره يجب ان يحمى


والله لو رافع صوته بس علي قاضي كان يقطونه سجن على طول

والمدرسين اللي يعتبرون من أهم شرايح المجتمع يتمصخر فيهم في كل مكان




الى متي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[sendarala]

هذا دليل التمدن والحضارة المزعومة

وين ايام الكتاتيب والحكومة اللي الطالب ما يقدر يرفع راسه في حضرة الادارة المدرسية وولي الامر


مب الحين الظاهر الاب يبي تربية قبل ولده

ما نقول الا لا حول ولا قوة الا بالله

[منهم وفيهم]

:eek5::secret:

[بصمة قطرية]

راحت هيبة المدرس ..
ما عاد في احترام للمدرس ..
الله يرحم ذيك الأيام ..
المدرس كانت له هيبته واحترامه ..

[V.I.P_QATAR]

وانتم ياللي تحكمون على الاب وشدراكم اذا كان ولده اصلاً مشاغب او لا

الشغله الثانيه اظن كلنا درسنا في مدارس الحكوميه وشفنا كيف اذا انت تبي تنجح وش تسوي بالعربي الفصيح
زمن ان المدرس يكون صادق في عمله هذاك اول الا من رحم ربي بعضهم كفاءة ولين الحين اشكرهم وياما مدرسين بالحرف الواحد انت ماراح تنجح الا اذا خليتني ادرسك خصووووووصي

فاقووووول لو الود ودي اني احط كل المدرسين من اهل بلادي واشيل الباقي كلهم من دون تحديد

اذا في جامعه قطر الدكاترة صارو نفس المدرسين

فا لاتحكمو المدرس مش نبي علشان مايخطي

[هداف]

خله يبلحه بالعقال لين يصيح حمار بطنه عزكم الله شمزعلك !! انت وهو !!

ترى مافيه شي من غير سبب وفيه مدرسين ينفع معهم هاالاسلوب لانهم بيعدين كل البعد
عن مسمى تربيه ! وانا شخصيا وقفت على بلاوي اتحصل من بعض المدرسين القلائل خلها
مستوره بس !!

[خليفـة]

ولي الأمر هذا إنسان ما يستحي على وجهه
ومو متربي
ومهما كان العذر مائجوز إن يمد يده
على مدرس
إتمنى إن يعاقبونه عقاب شديد
حتى يكون عبرة لغيرة مـن أولياء الأمور الغير متربيين

خليفة

[مخطط قطري]

اتوقع المدرس هو الغلطان

[khaleeji]

في الحقيقه ومن واقع تجربه,,,( بعض) المدرسين يستاهلون الضرب

[OREO]

طيب يمكن اسلوب المدرس استفزاازي

انا مع رايج اختي دانه و يمكن المدرس قل ادبه على ولي امر الطالب بعد ،،

" ما نقدر نحكم على شغله صارت بدون ما نعرف السالفه من الطرف الثاني "

[غايه الطواش]

ذكروني بسالفه ام طلال وولدها ...

[بوعلي2]

لاحول ولاقوة الا بالله

[ذيب ازغوى]

يالربع ترى في مدرسين هالزمن يقطون كلام مايثمنونه

ماتوقع ولا اعتقد بيقوم بيضربه منه والطريج الا اذى غلط عليه ومب اي غلط

شكلكم نسيتو سالفة المدرس اللي ضرب الطالب القطري لين مارقده في المستشفى

[Scout Sniper]

كاد المعلم ان يكون قتيلا