المرور شخباركم ان شاءالله بخير

[كلاسيك قطر]

شباب اليوم مرور المعموره ظرشولي مسج انه سيارتي مطلوبه وانا ماسويت شي في السياره مافي دبه صوت وله مخفي وله سرعت وله اي شي

قعت 10 دقايق اله جاني تلفون من مرور المعموره يقولي احنى طرشنالك مسج انه موترك مطلوب ليش ماجيت

قلت ليش يعني اذا جاني مسج اجي وانا ماسويت شي في الموتر قالي رجعنا في المرور

المهم رحتلهم ونقعوني ساعه واخر شي يقولي بلغلط

قلتلهم لعلبون علينا احنى قلتلهم تاكدو من الرقم وطرشو

ومادري اشلون يا شباب مادري شاسوي

[ملاك]

اشلون بالغلط ؟

فالحين يطرشون مسج حق الناس ويخرعونهم وموتراكم مطلوبه ويطلعون من اشغالهم ويعطلون امورهم

عشان اهمال موظف او اداره ؟!!

حسبي الله ونعم الوكيل على كل موظف مقصر في شغله

واحمد ربك اخوي انه بالغلط ولا انهم يلبسونك الموضوع وانت مظلوم ومالك ذنب

[كلاسيك قطر]

والله وانا ماسويت شي في الموتر

مادري شاقولهم

[almaf1a]

لو في دولة اوروبيه او امريكا كان طلعت منهم تعويض على الاضرار النفسيه والوقت الي ضاع عليك

[بنت امي]

شدعوه ليش جي

حمد الله اني ماسوق

[A l i]

لو انا منك ماسكت الحين تطلعوني من الدوام وتنقعوني ساعه ونص واخر شي تقولون بالغلط !!!!

[حلم الطفولة]

عادي يحصل

انا صار لي حادث .. وحده دعمتني وهي الغلطانة ورحنا مرور المطا ر

الا المفاجأة يقولون لي راجعي مرور المعمورة التحريات سيارتك مطلوبة للحجز قلت ليش

قلت انا مادري بدون مسج ولو ما الحادث جان ما عرفت

قالوا تحفيص ورعونه ؟؟؟ معقوله :omg:

لكن الضابط في المعمورة شطب على المخالفة... لانه من المستحيل تحفيص وسيارتي صالون

[R 7 A L]

اكتب كتاب
وادخل على الخرجي وقدم شكوى رسمية

[كلاسيك قطر]

اي والله


ليش جذي

[كلاسيك قطر]

لو انا منك ماسكت الحين تطلعوني من الدوام وتنقعوني ساعه ونص واخر شي تقولون بالغلط !!!!

انت فكرت سكت قلتلهم بلغلط اشلون بلغلظ قلتلهم اسمعو تاكدو من الرقم وبعدين طرشو مو مني وطريج مو اطرشون اي كلام

[كلاسيك قطر]

اكتب كتاب
وادخل على الخرجي وقدم شكوى رسمية



اشلون اكتب كتاب وين اروح

[R 7 A L]

اشلون اكتب كتاب وين اروح

أكتب من اي كمبيوتر واطبع الكتاب
وروح للمرور
وبشكل رسمي
وقدم الكتاب
ولا ترضى الا ان يستلمة الخرجي وانت عنده أشرح له كل شي
قل له من المسئول عن وقتي الى ضاع
ومن المسئول عن هذه الخطأ ؟


صدقني لو كل واحد منا تعرض لمثل هالامر وشرح للمسئولين الى صار له
ماراح تتكرر هالغلطة

ترى اغلبية المسئولين مايعرفون ولايدرون بمثل هالاخطاء

[كلاسيك قطر]

بس الي باط بي يقول (( احنى طرشنالك مسج انه موترك مطلوب ليش ماجيت ))

اي بس عادي اني اروح انه ماروح المرور عادي عندي بس انا رايح انه قالي هاي الكلمه .

الضابط الي عندي ميقولي هاي الكلام احنى طرشنه لك مسج ليش ماجيت

[khaldoon]

شوف يا اخوي بتصير عادي...انا الاسبوع الماضي وصلتني 3 مسجات من مطراش تسجيل حركة دخول الى البلاد لثلاثة من اولادي مع العلم انهم رجعوا من الاجازة بشهر يوليو الماضي ....طنشت و لا راجعتهم ...تعتقد ايش بيصير يعني؟!!

[العنيده]

غلط شخص واحد بالمرور يمكن سجل الرقم غلط .. الاخطاء تصير الله يكفينا الشر
بس لانقول المرور كله .. انا لو مكانك انبه القسم بالشي قبل مااطلع يمكن الشخص سجل بالغلط يتعلم وينتبه
ومايخوف الناس المره الثانيه .. ناقصين رعب المخالفات ههههههههههههههههه ..

يالله الحمدلله جات على خيررر والله يبعد عنك هالمسجات ان شاء الله ..

[بو الجوري]

أولا تعبت و أنا أقرا و أفهم موضوعك :..
أحرف طايره وكلام مكسـر :.. http://cdn.maktoob.com/m002/alfrasha/imagesNew/smilies/0104.gif

عالعموم الحين وين المشكلـه :.. قالك بالغلط ، و إنت تقول شاسوي
عادي البني آدم يخطأ :..
وكان قلتله عساكـم عالقوه :) بس تأكدوا مره ثانيه ، جبتوني عالفاضي :)

و بخصوص إنه إتصلك عقب المسج بـ 10 دقايق وقال ليش ماجيت :.. !!!!
كان قلتله أول ما أفضى بجيكـم ، ، عادي يعني

[كلنا قطر 1981]

يا رجال وسع صدرك بس

مع مرور قطر مش ممكن تغمض عنيك :nice:

[طلعة الروح]

اولا يعطيك العافية
ثانيا الله يآجرك ع البهدله
لأن لو حد غيرك ماتوقع عبرهم وراح لهم
فعلا اللبس اللي صار يعتبر غلطة فردية من واحد من موظفينهم
ماتقدر تحاسب المرور الا اذا قدمت شكوى رسمية بالموضوع
وانا مع الاخوان اللي قالولك لا تسكت عن حقك عشان ماتتكرر السالفة مع كذا شخص....

وتحياتي لك،،

[OutLaw]

مع احترامي الشديد لك يا كلاسك قطر
الموضوع جداً عادي وماله داعي من الأساس ينحط في منتدى الحوار ، هذا من وجهة نظري
حدث عارض يحصل مع أكثر الناس سواء خطأ من موظف المرور او الجوازات او كيوتل او البنك ... الخ من الدوائر الخدمية

وكل موظف يخطئ يمكن أنت موظف وتخطئ والأسباب كثيرة ابسطها زحمة العمل وبهذا الحدث تحديداً زيادة عدد السيارات ... وغيرها من أسباب
والمهم ان ما وقع عليك الظلم وتداركوا الخطأ ..
نصيحتي لك وأنا أخوك في أي دائرة خدمية تدخلها حط أعصابك برى لان أكيد بتلقى شي ما يعجبك عندهم ... :nop:
تحياتي لك

[جرح الزمان]

صارت معاي وعالجت الموضوع

في مكانه المناسب

الإنسان طبيعي انه يخطيء

[@north_star@]

عادي تصير ....انا من فترة رحت بجدد الليسن والا قالولي ما يصير وراجع التحريات ورحت التحريات ومن التحريات لمرور مدينة خليفة وبالاخير مسجلين على رقمي الشخصي مخالفة بسلطنة عمان وانا بعمري ما رحت عمان لا ورقم الموتر مميز وتبهدلت لين طلعوا الارشيف وشالوا المخالفة من الكمبيوتر

[جلكساوي]

عادي ياخوي حصل خير

كل واحد يصلح سيارته :)

[كلاسيك قطر]

خلاص حصل خير يالغالي

اشكركم ويزاكم لله الف خير