ممكن حد يساعدني في صياغة كتاب تظلم بخصوص الترقيه الدوريه

[فانفير]

السلام عليكم ورحمة الله وبركاته

ممكن حد يساعدني في صياغة كتاب تظلم بخصوص الترقيه الدوريه ...
انا موظفه من سنة 2005 ولحد الان على الدرجه التاسعه وشكلهم مافي امل اترقى قبل كم شهر صار في ترقيات استثنائيه للي ماخذين امتياز سنة 2010 للاسف ماكنت من ضمنهم لان تقيمي كان جيدجدا في ذاك الوقت كلمت شخص في الشؤون الاداريه عن الترقيه الدوريه وقالي مافي اي ترقيه الا الترقيه الاستثنائيه والباقي لو في ترقيات بيكون سنة 2013 وقلت له حسب القانون كل اربع سنوات المفروض اترقى ليش اتساوا مع الموظفات الجداد في الدرجه قالي هاي من الامانه العامه انتي مع القانون الجديد ترقيتي سنة 2009 الى الدرجه التاسعه بس هذا ظلم ...الحمدالله انا سنة 2011 تقيمي امتياز...
حاليا وحده من هلي تشتغل معاي بنفس الوزاره لكن قسم ثاني البنات الي معاها تم ترقيتهم وفي بنات راح يترقون الشهر الجاي ...كلمت مديري بالكلام اللي وصلني عن ترقيات البنات قالي احتمال يتحججون بأن احنا اداره جديده وقسم جديد قلت له في بنات من قسم ثاني مب تبعنا ارسلو كتاب تظلم بخصوص الترقيه وهو ماقصر قالي اكتبيه وانا برسله لهم ...
فياليت حد يساعدني بهالخصوص لان زميله لي قالت نظام التقايم تم الغاءه و حسب القانون اللي عندها ثانويه تترقى كل اربع سنوات يعني انا المفروض سنة 2013 بكمل ثمان سنوات والمفروض اترقى على الدرجه السابعه ..وانا لحد الان على التاسعه والله قهر حسبي الله ونعم الوكيل فيهم

[فارس- قطر]

بتوفيييييييييييييييييييييييييق

[فويرط]

السيد/ مدير إدارة الشئون الادارية المحترم
السلام عليكم ورحمة الله وبركاته ،،،

الموضوع : تظلم عن ترقية

أفيدكم علماً بأنني موظفة من عام 2005 ، وقد تعينت على الدرجة التاسعة ، وحتى الآن على نفس الدرجة ، من المفترض ان تتم ترقيتي إلى الدرجة الثامنة في سنة 2009 ، وان احصل على الدرجة السابعة في سنة 2013 |، ولكن للأسف ومنذ تعييني وحتى الآن على الدرجة التاسعة ، علماً بأن تقييمي في سنة 2011 (امتياز) ، علما بان تم تعيين موظفات جدد وتم ترقيتهم على الدرجة الثامنة .

لذا . يرجى التكرم بالموافقة على ترقيتي على الدرجة (الثامنة) إعتباراً من 2009 ، وكلي امل بموافقتكم على طلبي هذا .

والسلام عليكم ورحمة الله وبركاته ,,

مقدمه/
**********

[فانفير]

مشكور اخ فارس قطر على الدعاء

مشكور اخ فويرط الله يعطيك العافيه

[آنــه]

عزيزتي اولا ياليت تشوفين جدول الدرجات وقانون الموارد البشرية
واقتباس بعض القوانين في كتاب التظلم


مثلا " قانون الموارد البشرية يشير الى ان شهادة الثانوية العامة توظف على الدرجة الثامنة مثلا مب تكتبين الكلام عشوائي يعني شوفي القانون ينص على شنو .. فإذا الكتاب يكون على اساس يتم تسك ينج على الثامن ومن ثم تطالبني بالدرجة اللي تليها تبعا لقانون الموارد البشرية وتشوفين ترقيتك متى راح تكون بالجدول الزمني الترقيات "

صيفي القوانين ومرفقات كتاب التعيين و صور لتقييمج السنوي ونا ريم اخر ترقية و ياليت ما يخلو نج تطلبين الاستثنائية لان أتوقع ما يحق لج تطلبينها الا مره

[NINA RICCI]

نبي تقييم حق المسؤولين =(

نبي احنا نقيمهم .. خل يحسون شوي =(

[لمعة الالماس]

الله يوفقج

وان شاء الله تاخذين حقج

[الباحثة]

مانصحج ترفعين
لان السنه الجايه بتترقين وبعدين مب انتي بس الي انظلمتي بالقانون الجديد واايد انظلموا من القانون الجديد الي يساوي بين القدام والجداد بس لو السنه الجايه ترقيتي ارفعي استثنائية احسن عشان تكونين سابعه بس انا ما ايد كلش ترفعين لان الرد بيكون قانون الموارد البشرية هو الي ظلمج انا تقريبا وياي 10 بنات موظفات يعانون من نفس مشكلتج