مكان تفصيل جلسات راقية

[احساس شايب]

بغيت يا اخوان تساعدوني

عطوني اماكن لتفصيل جلسات راقية وحلوة ابيها للمجلس بغيت شي راقي وحلو وسعر مناسب

[شموخ دائم]

,

,


مرحبا


اخوي الكريم

خذ لفه على محل اسمه ( فن الفخار ) في شارع سلوى
للامانه انا ما تعاملت معاه بس شفته على السريع ولفت انتباهي
يمكن تلاقي طلبك

بالتوفيق لك

,

,


اخوك


شموخ دائم

[غايه الطواش]

فرساي الي بشارع سلوى

[حسن]

مثل ماذكرولك الاخوه وعندك الجلسات العاديه شارع ال شافي

[QTR-SOUL]

مثل ماقالوا فن الفخار

[احساس شايب]

شموخ دائم
غاية الطواش
حسن
qtr-soul

ما قصرتوا على المشورة وبيض الله وجيهكم

[nagano]

فن الفخار من واقع تجربه يمكن شوي غالي لكن سوالي مجلس خيالي

كل من دخل يسال وين مسوي المجلس

[القلم الصريح]

فن الفخار وببببببببببببببببببببببببببببس شغل فنادق

[الدوحة قطر]

ممكن حد يقولونه وين مكانه بالضبط فن الفخار

ولو في صور حق شغله بعد تمام

ولو ممكن اسعار تقريبيه

[العابــرQAT]

فن الفخار غالي المتر من 1200 ريال وانت طالع

اللي يقدر يروح الرياض نفسة المتر علي 650 ريال

[سهم قطر]

فن الفخار من واقع تجربه يمكن شوي غالي لكن سوالي مجلس خيالي

كل من دخل يسال وين مسوي المجلس

ممكن صور اخوي عشان نشوف شغله
وكم كانت التكلفه
وشكرا

[qatarman8008]

فن الفخار غالي المتر من 1200 ريال وانت طالع

اللي يقدر يروح الرياض نفسة المتر علي 650 ريال

شنو 1200 !! انا الخميس اللي طاف عنده يقول المتر 4500 الزلمه الطويل !!

[احساس شايب]

مبالغين في اسعارهم وايد فن الفخار
صار عندنا الجشع والطمع بشكل لا يوصف :(

[الدوحة قطر]

يالربع بيت الفخار وفرساي وين اماكنهم بالضبط في شارع سلوى

بصراحة الواحد صار وده ما يدور كلش في شارع سلوى بسبة هالشغل الي في الشارع والتسكر

[ولد المنصور]

هلا اخوي..
فرساي الله يسلمك اخذ دوار مدماك يمين اول طريق سلوى بتعدي محطه بترول المانع بجيك المحلات على يدك اليمين هو قبل مطعم البيت الشامي ....
وفن الفخار جلساته حلوه وعنده فن الكتابه بصراحه خطير بس يبيله وقت .. عموما مكانه وانت راجع من طريق سلوى دوار عين خالد المحلات اللي على يمينك قبل دوار الخميس والجمعه ..
والله يوفقك

[غايه الطواش]

الاطقم الي مسوينها عن فرساي بتخلص بعد اربع شهور :)

[الدوحة قطر]

مريت اليوم فن الفخار وفرساي

بالنسبة حق فن الفخار

بصراحة الاطقم الي موجوده عنده حلوة وايد

وبالنسبة حق الاسعار فهي على النحو التالي

في عنده ثلاث انواع

النوع الاول وهو الخشب يتراوح سعر المتر من 2200 الى 2300

النوع الثاني وهو المطعم بالفخار وسعر المتر 2500

النوع الثالث وهو المطعم بالسراميك وسعر المتر يتراوح ما بين الـ 2800 ويوصل لين الـ 3500

وعلى حسب ما فهمته ان الي يفرق ما بين الفخار والسراميك ان الفخار لونة ثابت وهو لون الفخار اما السراميك ممكن تحط فيه اكثر من لون حسب اختيارك

وطبعا قالي ان الاسعار ممكن نراعيك فيها

وطبعا المحل مب بس يشتغل في الاطقم والجلسات عنده بعد شغل ديكورات ولوحات

وقالي الي في المحل ان الشغل يحتاج تقريبا 45 يوم عشان يجهز

وهذا موقع خاص بالمحل ان شاء الله بس المشرفين ما يسون لي سالفة

www.artofpottery.net

--------------------------------------

بالنسبة حق فرساي

فموجود عنده اطقم جاهزه وهي الي تجي كلاسيك

واقصد بالكلاسيك الي نفس الي بالصورة

http://albeet.com/sites/albeet.hawaaworld.com/files/albeet/fckeditor/032-506x448.jpg

وعلى كلام الي بالمحل انها تتكون من 6 قطع او انك تطلب انها تكون 4 قطع وقطة وحدة كبيرة واقصد بالكبيرة الي هي حق نفرين ان شاء الله اوصلتكم الفكرة

والاسعار تختلف على حسب القماش وهو حاط اسعار على كل نموذج واعتقد انها تبداء من8000 او 10000وطالع
ما ادري كان فيه 8000 ولا مخربط انا
بس متاكد اني قريت 10000

وقالي ان ممكن يفصلي اي شكل انا اجيبه له وسعر المتر تقريبا 1800 ريال من غير سعر القماش لان القماش يختلف سعره من نوع لين نوع وسعر القماش يبداء من 65 ريال للمتر ويوصل لين 200 ريال

وطبعا عندهم كتالوجات ممكن تختار منها

وقالي ان في الوقت الحالي ما يقدر يستقبل اي طلبات لمدة 3 شهور تقريبا بس في عنده اشياء جاهزة

[الزلزال]

بالتوفيق

[حياة]

بتلاقي في الرياض نفسه ولا احلى بعد
وارخص بكثير يعني اذا غالي بتلاقي
المتر700. ريال
انا قالوا لي في الدوحه المتر 1000
وفصلت في الرياض 450.مع القماش وفيه بعد
ارخص وفيه اغلا وكل واحد وذوقه
ويخلصونها في اسبوع وتشحنها
تقريبا1600 ريال