سيارة لكبار السن .. اقتراحاتكم

[مساهمة]

السلام عليكم ورحمة الله

اخواني بغيت خبرتكم ورايكم في هالموضوع :

ابغي سيارة الي تكون خاصة لكبار السن .. يعني الكرسي يركب السيارة بدون اي جهد
ويكون في كرسي داخل السياره للمرافق

سمعت ان في ناس يطلبونها من امريكا او الخارج .. او الافضل اني اشتريها من هني؟

ووين تنباع ؟ وشلون سعرها ؟

واذا احد سمع عن سياره مستعمله للبيع ياليت يفيدنا

ويعطيكم العاافيه مقدما

[مستثمر عقاري]

في متوفر اخوي هوندا اوديسي مع امكانيه ركوب الكرسي
وفيه دودج اسمه جراند كارافان نفس المواصفات
هالمواتر في امريكا اخوي
في اصفار وفي مستعمل

بس الافضل الهوندا لان السيرفس متوفر في الدوحه ونفس المواصفات
وبالنسبه للدودج مب متاكد لكن الي اسمعه ان خدمات الوكاله من ناحيه السيرفس سيئه

واذا انت جاد في الموتر راسلني عالخاص وفالك طيب

[Qtrstyle]

اخوي
GMC Savana تاخذها من الوكاله ويركبون لك اللفت فالدوحه

http://images.dealerrevs.com/pictures/16257691.jpg

انا مو متآكد ايش الآجراءات بالضبط بس الظاهر عن طريق مستشفى حمد
يقدرون يعلمونك وين تحصله

[بويعقوب]

هونداي بس ماعرف وشاسم الموتر


اتصلي الوكاله واسئليهم عن السياره اللي يركب فيها الكرسي المتحرك


والله يطول بعمر الشايب/ العجوز ويحسن خاتمتهم

[نوار قطر]

انا بعد ابي ممكن احصل وحده مستعمله?

[مستثمر عقاري]

نوار قطر في متوفر سيارات على حسب النوع
الدودج
الكرايسلر
والهوندا

في المستعمل وفيه الجديد

[الأرجنتيني]

أولاً : الله يطول في عمره

ومثل ماقال لج الأخ Qtrstyle

1- GMC Savana

2- وعندج بعد Toyota Sienna

http://shockcars.com/wp-content/uploads/2011/12/toyota-sienna-2012.jpg

أعتقد نزلوا سيارة مجهزه من الشركة

http://www.absolutemobilitycenter.com/images/photos/vans/toyota-sienna-rampvan-cutaway.jpg

وممكن تكتبين بحث في قوقل عن ( Wheelchair Accessible Mobility )
للمعرفة أكثر عن تجهيز السيارات بالنظام
بالتوفيق ان شاء الله