نفخ الوتواير ب 10 وفي محطة اليرموك !

[shadad]

من فتره رحت محطة اليرموك الا واتفاجأ بان سعر نفخ التواير المجاني للزباين ( من وكالة اصحاب سيارات النيسان ) طب من 1 الى عشرة ريال ؟ عسا ما شر . قلنا كل شي طلع سعره بقطر .. نفخ الهوا صار ب 10 ريال ؟ ومن من ؟ الوكيل .

الموضوع بحطه مؤقتا . انا مصور صور ومسجل فيديو ..مو علينا .

[AL-MAYSTRO]

للمره الالف اقولها

only in qatar

وشكل السعر بيزيد دام لاحسيب ولا رقيب

[حمد بن سعد]

بس عشر ريال

روح كيو تاير وقوله ابي اعبي نيتروجين للتواير الواحد 25 اريال

قالك الريال اولي ان قطر فيها تلقى العجب العجاب

[mE mYself & i]

حماية المستهلك الحين مشغولين مع البوالين

[PGR]

بس عشر ريال

روح كيو تاير وقوله ابي اعبي نيتروجين للتواير الواحد 25 اريال

قالك الريال اولي ان قطر فيها تلقى العجب العجاب

اخوي النيتروجين معروف انه هاي اسعاره من اول مانزلت من زمان يعني ,, لكن الهوا اصلا اللي اعرفه يعبيلك تعطيه ولا ماتعطيه كيفك

[Rashid554]

وليش ما رحت محطه ثانيه
هني السؤال

[@north_star@]

سعر الهوا من زمااان كان بريال وعقبها صار 5 ....بس الحين 10 !!!!!!!!!! ومثل ما قال اخونا راشد شوف غيره على طول

[qews]

انفخ بحلجك ببلاش

[نجم سهيل]

يمدحون بوجمل ولا منتهم ههههه

[jeep-srt8]

المحطه بكبرها بالعاملين فيها حرامين

انتبهو مثلاً وانتو تعبون بترول تقولون فل ويطلع 47 تعطيه الخمسين مثلاً يشردووووووون وصارت فيني اكثر من 6 مرات يمكن يعني متفقين بينهم

اما الهوا الي ب 10 لاحول ولا قوة الا بالله ..ياخوفي يصير سعر رسمي بالدولة كلها

[بوجاسم566]

اخبر تجييك الهوا ببلاش عمره ماصار بفلوس

تعطيهم من عنـدك يعني اذا تبي

[رجل الجزيرة]

المحطه بكبرها بالعاملين فيها حرامين

انتبهو مثلاً وانتو تعبون بترول تقولون فل ويطلع 47 تعطيه الخمسين مثلاً يشردووووووون وصارت فيني اكثر من 6 مرات يمكن يعني متفقين بينهم

اما الهوا الي ب 10 لاحول ولا قوة الا بالله ..ياخوفي يصير سعر رسمي بالدولة كلها

أنا أول مرة وآخر مرة أذكر عبيت عند محطة عزيز فتعمد ناقص 3 ريالات فعلى طول رحت للمسئول وكان العداد على ما هو فكلمته وهاوشه ورد لي 3 ريالات، ما عليك منهم بس القهر بعض الشباب إذا عبأ ما خذا باقي الخردة فالعمال يحسبون أهل قطر عندهم ملايين فما يردون باقي الخردة.

[عـ العبيدلي]

اخبره كان بريالين

[دااانة قطر]

انفخ بحلجك ببلاش



:eek5::eek5::eek5:
مسكين ذبح نفسه

[الإكسير]

انفخ بلاش في محطات وقود

[لاجل QT]

ماينفع البم مال النفخات:(

اول مرة نفخت التواير على بالي التاير ب 50:shy: اللى يقولى بلاش:shy:

قلت والله مخسرين عمرهم..لو بنشر التاير بندفع 100 عادي :shy: مضطرين:(

بس استانست يوم عرفت ان بلاش بس دوم اعطي من 5 ريال الى 10 حسب المزاج والمعاملة:)

[تحداني]

في محطه اروح لها وايد اشيا يسونها لي ابلاش
غريبه الهوا بفلوس
لو على الكل مب مشكله لكن في محطه اق والثانيه لا اهني القهر


جملك الله برضاه

[النهار]

اول شي من يومين نافخ تواير موتري في نفس المحطه الي جنب الغسيل
الريال نفج التواير الاربعه ومابطل حلجه انا مندي عطيته 5 ريالات
حطها في مخباه وقال لي شكرا

[باريسي]

انا دايم اعبي بلاش ماحد يطلب فلوس ؟

وانا متأكد ان حنا الي راح نخربهم اذا كل واحد فيكم وافق وعطاه عشره وعبا

لازم الكل يخليه ويروح لواحد غيره وبكذا راح نخليهم يهونون من غلا الاسعار

[قرنقووش]

ول حتى الهوا يبيعونه
عموما توايري انا بنفسي انزل وانفخهم لا اعطي فلان ولا علان .. واكره اعطي احد بخشيشس
اللي يبي يساعد الجمعيات الخيريه متروس فقاره
والاجر عند الله

[مصراته]

ياخي روح محطه وقود وعب ببلاش

[أستغفرك يارب]

والله العظيم مسخره

[رحال]

لاتلومهم مشغولين مع البوالين

[وطن]

في وقود بـ 5 ريال

تشييك الضغط و نفخ

[abdo222]

في وقود بـ 5 ريال

تشييك الضغط و نفخ

صح كلامك

[عزووز قطر]

انا دوم أشيك هوا في كيو تاير
مرات بريالين ومرات أعطيه 3
والواحد يعطي بمزاجه لأنها خدمة مجانية في أغلب الأماكن

[Qt.1]

في وقود بـ 5 ريال

تشييك الضغط و نفخ

امس عطيته ثلاث ريال قالي لا لازم خمس ريال الاداره قالت لهم ,,!!

[وطن]

امس عطيته ثلاث ريال قالي لا لازم خمس ريال الاداره قالت لهم ,,!!

مسكين اللي في وقودنا قال لي السعر قبل لا يسوي شي

قلت له اوكى
لاني سامعه من قبل عن هالسالفة

[محمد الجفيري]

لا حول الله ..

:(

[النواخذة]

لاحول اللة واللة المستعان

[$$كلنا قطر$$]

والله غالي شدعوه ب10
وبخصوص الي يقول مكينة بوجمل صدقني ما تنفع لأن ما فيها فلاتر عشان الرطوبه وتتجمع الرطوبه داخل التاير
مب ببلاش تعبي بس مب ب10
من حقه ياخذ فلوس المكينه والكهربا بس امصخت والغلط مب منهم من الي يروحون عندهم

[وحيد-الشوق]

يخسون اعطيهم 10 ريال

رفيجي عجبني ذاك اليوم في محطة وقود مكينس قاله العامل 5 ريال عطاه ريالين ولااقتكر فيه ومشى