المساعد الشخصي الرقمي

مشاهدة النسخة كاملة : حفلة Birthdays بـنــوتــي .. ساعدوني plz


شمـوخ
21-03-2012, 10:32 PM
مرحبا يالغاليين .. مادري هالقسم المناسب ولا لا :shy:
بس حبيت منكم افكار حق ميلاد بنتي فديتها ..
ادري بتقولون في مطاعم يسونها من الـ A 2 Z بس مابي :omen2:
لان مليت منها وايضا مابيهم يجون بالكراكترز لان بعض البيبيات يخافون منهم

انا اوريدي شريت هدايا كثيره وغلفتها وجهزت مسابقات
غير الـ DJ اللي بيكون جاهز بـ اغاني اطفال

ابي افكار جديده .. واللي عندها خبره ياليت تفيدني
وبكون شاكره لكم :shy:


احترامي

..
sara jsm
21-03-2012, 10:48 PM
الله يخليها لج يارب ,,
سوي لهم مسابقات اليهال يحبون هالسوالف ,,
مثلا مسابقة فتح الهدية \ مسابقة قيام جلوس \ مسابقة اكل الكيكة \ مسابقة بط البالونات المربوطه في رجولهم \ الكراسي الموسيقيه <<< هالمسابقات على ايامي :shy:

ماادري شنو نوع الافكار اللي تبينها ؟
عشان اجواء الحفله ؟ ولا مكانها ؟ ولا الديكور؟
ولا الاكل ولا المسابقات ؟ وضحي اكثر عشان نقدر نفيدج ^ ^
بوحارب
21-03-2012, 10:50 PM
مرحبا أختي شموخ الله يخلي لج البنوته وتشوفينها عروس يارب

إذا تبين نصيحتي خلي عنج عيد الميلاد لأنه حرام مثل مأتعرفين

وبالفلوس ذي سوي فيها أي عمل خيري أو صدقة جارية بنية ربي يبارك لج فألبنوته

تحياتي
شمـوخ
22-03-2012, 12:15 AM
الله يخليها لج يارب ,,
سوي لهم مسابقات اليهال يحبون هالسوالف ,,
مثلا مسابقة فتح الهدية \ مسابقة قيام جلوس \ مسابقة اكل الكيكة \ مسابقة بط البالونات المربوطه في رجولهم \ الكراسي الموسيقيه <<< هالمسابقات على ايامي :shy:

ماادري شنو نوع الافكار اللي تبينها ؟
عشان اجواء الحفله ؟ ولا مكانها ؟ ولا الديكور؟
ولا الاكل ولا المسابقات ؟ وضحي اكثر عشان نقدر نفيدج ^ ^



هلا وغلا سارونه

ياعل ربي يسلمج ويخلي لج غاليج يارب
مشكوره على الرد السريع والاهتمام كلج ذوق :shy:
ابي افكار في كيفية تنظيم الحفله .. يعني المكان فكرت في بيت الوالد
كبير جدا وفيه حديقه رائعه اقدر اسوي الحفله بالهوى الطلق واجيب لهم نطاطيه
اللي بغيته .. ابي افكار لمسابقات لاكثر من فئه .. ابي الكل يشارك
يعني للاهل .. وللاطفال .. حتى الشغالات والمربيات ابي لهم مسابقات :nice:

والاكل .. بالنسبة للكيكة افكر في كيكة لونتغ شرايج عندهم افكار كثيره ؟
بس الاكل كـ وجبات للاطفال قبل كله وجبات من مطاعم "جنق فود"..
وللكبار قبل كله اوبرا لان اكلهم خفيف على المعده بس هالمره من باب التغيرر وين تنصحيني ؟

ماتقصرين حبيبتي =)


..
شمـوخ
22-03-2012, 12:22 AM
مرحبا أختي شموخ الله يخلي لج البنوته وتشوفينها عروس يارب

إذا تبين نصيحتي خلي عنج عيد الميلاد لأنه حرام مثل مأتعرفين

وبالفلوس ذي سوي فيها أي عمل خيري أو صدقة جارية بنية ربي يبارك لج فألبنوته

تحياتي


هلا وغلا بوحارب

ماينلامون الاعضاء فيك يالطيب .. تشارك الناس بهمومهم حتى لو كانت
حفله بنوتة وحده من الاعضاء :shy: كلك ذوووق في ذمتي
الله يسلمك ويخلي لك غاليك ..
شوف يالغالي انا اسميها حفله ميلاد مب عيد عشان مافيه الا عيدين للمسلمين
وانويها من كل قلبي انها حفله اعبر فيها عن مرور سنه من عمر بنتي او ولدي
وهم في حضني الله يخليها لي ويخلي كل بيبي لامه يااااااارب :victory:
ولاتخاف على اختك باذن الله انا ناويتها .. تبرع وصدقه عن بنتي والله يتقبلها يارب
ماعرف شـ اقولك غير الله يبارك فيك ويخليك لعين ترجيك وموفق دنيا واخره


احترامي

..
غزلان
22-03-2012, 01:09 AM
سوي لهم برنامج

جزء مسابقات كم مسابقه سريعه

اخذي لهم صور تلوين يلونونها

قصي صور حيوانات وسأليهم عن اسمائها

اختاري كم صوره من القرآن اسأليهم من حافظها والى يقولها عطية جائزه
.Q a T a R.
22-03-2012, 01:13 AM
مرحبا أختي شموخ الله يخلي لج البنوته وتشوفينها عروس يارب

إذا تبين نصيحتي خلي عنج عيد الميلاد لأنه حرام مثل مأتعرفين

وبالفلوس ذي سوي فيها أي عمل خيري أو صدقة جارية بنية ربي يبارك لج فألبنوته

تحياتي

اايد كلام اخوي بوحارب وبشده

سواء غيرتي المسمى من عيد الى حفله المضمون واحد
والنيه عمرها مغيرت شي من الحرام الى الحلال
ناهيج عن المصاريف الي راح تتبع هالاحتفال او العيد
سواء تجهيزات او فساتين لج وللبنت وحتى المعازيم
مصاريف على الفاضي والله بحاسبج عليها
وشي ثاني غيرج بشوف الي تسوينه ويبي سوي مثلج
وغير المفهوم الي بيكون عند بنتج واليهال الي معاها

وهذي وجه نظر وانتي وكيفج
ألا هل بلغت اللهم فاشهد
بو خليفه 123
22-03-2012, 08:00 AM
سوي لهم عرضه و جيبي لهم سيوف بلاستك خلهم يتعلمون تراثنا بدال بارني و ميكي ماوس وهالشخصيات الدخيله

او

وديهم البر خلهم يستانسون الجو ربيع خلهم ينطلقون و يطلعون طاقتهم السلبيه
ضوى
22-03-2012, 08:07 AM
سوي لهم عرضه و جيبي لهم سيوف بلاستك خلهم يتعلمون تراثنا بدال بارني و ميكي ماوس وهالشخصيات الدخيله

او

وديهم البر خلهم يستانسون الجو ربيع خلهم ينطلقون و يطلعون طاقتهم السلبيه

عجبتني الفكرة الاولى وااايد وفكرة جميلة لحفلة اسويها لبنتي ، تكون حفلة تراثية جدا اعجبتني الفكرة

بس الاقتراح الثاني اشلون تودي عيال الناس البر ؟؟اكيد تبي الاهل والاصدقاء والجيران يشاركون مب بس عيالها :(
لاجئ عاطفي
22-03-2012, 08:13 AM
جيبي لهم ساحر يسوي لهم بعض الحركات السحريه اليهال يحبون هالسوالف او سوي لهم مسرح عرائس مثل هالامور مهب منتشره بكثره والله يخليها لج ويبلغج فيها مع اني ما اايد اتسوين لها حفله بهالعمر لانها ماراح تفهم شي يعني لو سنتين ممكن عموما كل عام واهي بخير ..
غايه الطواش
22-03-2012, 08:14 AM
السلام عليكم
الله يخلي له البنوته ان شاء الله ....
اختي جيبي لهم العاب كهربائيه مثل الي فيه فان داي او جيبي لهم شركه تسوي عروض والعاب خفه ...اذا تبين رقم شركه بعطيج اياه ...
وسوي مسابقات بين الامهات والاطفال يعني كل وحده مع بنتها وولدها....

وجيبي لهم كب كيك جاهر بس معليه ديكور ...واني جيبي التزيين الي فوقه تلقينه بمحل بالستي ..وسوي مسابقه بين البنات احلى تزين كاب كيك ..
احلى رسمه ...وطنيه وخلي الجايزه الكبيره لها ....
جيبي مصوره الي تصور بسرعه وتطبع الصور وتوزع على اليهال صورهم ..وما انصح الا بعلي بن علي لان الصوره عنده برياييل ,,,فانتي اتفقي معاهم ...يجيبون مكينه ومصوره وعلى مثلا 200 صوره لاتخلين ضيوفج يدفعون ...احسن من هلامصورات الي الصوره بعشر....
سوي مسابقه الي حافظ اغنيه وطنيه .....
لاتسوي مابقه جري للبنات لانهم بطيحون وبينشق الهيلاهوب :)
للصبر اخر
22-03-2012, 12:29 PM
من فتره سويت حفله
ماكانت ميلاد ولا شي
مجرد العاب ومسابقات للاطفال والكبار بعد
وكل شي كان علي من الاشياء الالكترونيه
الدي جي والسماعات وافكار المسابقات
1_ الهديه المتحركة ( كانت للكبار والصغار )
2_ اول شخص يجيب لي اللي اطلبه
3_ الكراسي
4_ الكوره اللي يمشون فيها وماتطيح
شمـوخ
23-03-2012, 12:56 AM
سوي لهم برنامج

جزء مسابقات كم مسابقه سريعه

اخذي لهم صور تلوين يلونونها

قصي صور حيوانات وسأليهم عن اسمائها

اختاري كم صوره من القرآن اسأليهم من حافظها والى يقولها عطية جائزه




هلا ومرحبا غزلان

مشكوره يالغاليه على المرور وافكارج حلوه
بحطها ضمن البرنامج :nice:
تسلمين على المشاركه ..


احترامي

..
شمـوخ
23-03-2012, 01:06 AM
اايد كلام اخوي بوحارب وبشده

سواء غيرتي المسمى من عيد الى حفله المضمون واحد
والنيه عمرها مغيرت شي من الحرام الى الحلال
ناهيج عن المصاريف الي راح تتبع هالاحتفال او العيد
سواء تجهيزات او فساتين لج وللبنت وحتى المعازيم
مصاريف على الفاضي والله بحاسبج عليها
وشي ثاني غيرج بشوف الي تسوينه ويبي سوي مثلج
وغير المفهوم الي بيكون عند بنتج واليهال الي معاها

وهذي وجه نظر وانتي وكيفج
ألا هل بلغت اللهم فاشهد


هلا قطر

اخوي الكريم انت غلطت لما قلت الكلام اللي بالاحمر
شلون النيه مالها دور !! اذا الله قال الاعمال بالنيات ..!!
بس مقدره حماسك واشكرك على اهتمامك بالنصيحه
اخوي هل تقدر تقول ان المسلم لا يجوز ان يقيم حفله للاطفال وان الحفلات حرام ؟!!
مافي الله يسلمك بدينا يحرم انك تسوي حفلات للاطفال وتفرحهم
واذا تقول على المصاريف .. لاندعي المثاليه في حياتنا نصرف اكثر من الحفلات
فـ 700 ريال لنطاطيه ولا كيكة بـ 300 ريال ولا هدايا ماليه او عينيه بتعتبر اسراف !
واذا المقياس جذيه عيل بتقول للناس لاتشترون سيارة بـ 300 الف اشتري سيارة بـ 80 الف
عشان الاسراف .. او لاتشتري بيت بـ 10 ملايين واشتري شقه بـ مليون !!
مب منطق الله يسلمك .. واكرر شكري على مرورك ومشاركتك وحماسك

الله يسامحك حسستني بسوي منكر مب حفلة للبيبيات :(


دمت بود

..
شمـوخ
23-03-2012, 01:09 AM
سوي لهم عرضه و جيبي لهم سيوف بلاستك خلهم يتعلمون تراثنا بدال بارني و ميكي ماوس وهالشخصيات الدخيله

او

وديهم البر خلهم يستانسون الجو ربيع خلهم ينطلقون و يطلعون طاقتهم السلبيه


بوخليفه

هلا ومرحبا .. وااااااااااااو تهبل فكرتك وفعلا ماطرت على بالي ابدا :victory:
مشكور وتنحط بالخطه الخمسيه :nice:
اما الاختيار الثاني انا فكرت والله اسويها في بيتنا بالمزرعه بس صعبه
مب الكل يقدر يروح ومسافه على الصغار وينامون بالطريق وتعب عليهم
الف شكر لمرورك ومساهمتك بالافكار .. ياعل ربي يسلمك




احترامي

..
sweet qatar
23-03-2012, 01:17 AM
شموخ حبيبتي.. ايش الي في بالج.. والي ناقصج..

عشان أقدر افيدج..

علميني اخترتي ثيم معين للحفلة..؟؟!!
شمـوخ
23-03-2012, 01:33 AM
عجبتني الفكرة الاولى وااايد وفكرة جميلة لحفلة اسويها لبنتي ، تكون حفلة تراثية جدا اعجبتني الفكرة

بس الاقتراح الثاني اشلون تودي عيال الناس البر ؟؟اكيد تبي الاهل والاصدقاء والجيران يشاركون مب بس عيالها :(


هلا ضوى

واااااااااو اسمج روعه :victory:
صح الفكره تهبل .. والثانيه بالفعل صعبه
مشكوره حبيبتي على تشريفج

دمتِ بحب

..
شمـوخ
23-03-2012, 01:38 AM
جيبي لهم ساحر يسوي لهم بعض الحركات السحريه اليهال يحبون هالسوالف او سوي لهم مسرح عرائس مثل هالامور مهب منتشره بكثره والله يخليها لج ويبلغج فيها مع اني ما اايد اتسوين لها حفله بهالعمر لانها ماراح تفهم شي يعني لو سنتين ممكن عموما كل عام واهي بخير ..


هلا ومرحبا اخوي الكريم

الله يخليك ويبارك فيك .. وتفرح بعيالك ويخلي لك غالييك ياااااااااارب
تبي الصج يالطيب .. انا مبسوطه فيها وابي افرح وافرّح اليهال :)
الف شكر على مشاركتك الكريمه وتسلم ماقصرت


احترامي

..
شمـوخ
23-03-2012, 01:43 AM
السلام عليكم
الله يخلي له البنوته ان شاء الله ....
اختي جيبي لهم العاب كهربائيه مثل الي فيه فان داي او جيبي لهم شركه تسوي عروض والعاب خفه ...اذا تبين رقم شركه بعطيج اياه ...
وسوي مسابقات بين الامهات والاطفال يعني كل وحده مع بنتها وولدها....

وجيبي لهم كب كيك جاهر بس معليه ديكور ...واني جيبي التزيين الي فوقه تلقينه بمحل بالستي ..وسوي مسابقه بين البنات احلى تزين كاب كيك ..
احلى رسمه ...وطنيه وخلي الجايزه الكبيره لها ....
جيبي مصوره الي تصور بسرعه وتطبع الصور وتوزع على اليهال صورهم ..وما انصح الا بعلي بن علي لان الصوره عنده برياييل ,,,فانتي اتفقي معاهم ...يجيبون مكينه ومصوره وعلى مثلا 200 صوره لاتخلين ضيوفج يدفعون ...احسن من هلامصورات الي الصوره بعشر....
سوي مسابقه الي حافظ اغنيه وطنيه .....
لاتسوي مابقه جري للبنات لانهم بطيحون وبينشق الهيلاهوب :)



غاية الطواش

هلا وغلا حبيبتي .. الله يسلمج ويخلي لج غالييج
مشكوره ماقصرتي اي والله ابي رقمهم .. وابي المحل اللي بالسيتي شسمه وين فيه بالضبط ؟
ناااايس ذكرتيني الله يذكرج بالشهاده بسوي مسابقه كل ام ويا بنتها او ولدها :victory:
مصوره بـ محل علي بن علي << تقصدين اللي عند اشارات رمادا ؟!
انزين ادق عليهم واحجز ؟ واطرش لها السايق عقب ياليت تعطيني تفاصيل اكثر الله يسلمج
اما ينشق هلاهوبهم هههههه والله صادقه :nice:
جد جد انتي فظييييييييعه افكار حلوه وبالنسبة لبيت اهلي ماسويناها قبل :victory:
الف شكر على مساهمتج وكلج ذوووووووووق


احترامي

..
شمـوخ
23-03-2012, 01:54 AM
من فتره سويت حفله
ماكانت ميلاد ولا شي
مجرد العاب ومسابقات للاطفال والكبار بعد
وكل شي كان علي من الاشياء الالكترونيه
الدي جي والسماعات وافكار المسابقات
1_ الهديه المتحركة ( كانت للكبار والصغار )
2_ اول شخص يجيب لي اللي اطلبه
3_ الكراسي
4_ الكوره اللي يمشون فيها وماتطيح




هلا عزيزتي ..

شلون يالغاليه على الاشياء الاكترونيه :shy: وشنهي الهديه المتحركه ؟!
الف شكر على مشاركتج الكريمه وياليت تفيدني بالاجابه على التسائلات
تسلمين ماقصرتي حبيبتي :)


احترامي

..
شمـوخ
23-03-2012, 01:55 AM
شموخ حبيبتي.. ايش الي في بالج.. والي ناقصج..

عشان أقدر افيدج..

علميني اخترتي ثيم معين للحفلة..؟؟!!


لبيه سويتي :shy:

اممممممم بالضبط مافي شي معين ولا ثيم معين
للحين في مرحلة تجميع الافكار واختيار الافضل والاجدد :nice:
انزين ساعديني شنو في بالج انتي ^_^

مشكوره ياعمري على الاهتمام والله ذوق
احترامي لشخصج الراقي



عن جد احرجتوني لا خلا ولاعدم والله
لان الموضوع جدا شخصي ومع ذلك لقيت هالاهتمام
ذوقكم عاااااااالي :shy:


احترامي وتقديري للجميع :)


..
Chanel
23-03-2012, 11:11 PM
هلا عزيزيتي
كل عام وبنوتج بخير ويارب تشوفينها عروس المحلات وايد بس بصراحه انا احب( قطر الخير )ابحثي عنهم في النت لهم موقع حلو وتحجزين من الموقع اوعندي ارقام وااايد لكذا شركه اذا تحبين بعطيج الارقام
sweet qatar
24-03-2012, 12:52 AM
لبيتي في منى ..

تستاهلين شموخ.. اخت عزيزة وغالية..


الافكار كثيرة.. باخذ تور عشان اشوف الاجدد.. وراجعة لج..
شمـوخ
24-03-2012, 02:06 AM
هلا عزيزيتي
كل عام وبنوتج بخير ويارب تشوفينها عروس المحلات وايد بس بصراحه انا احب( قطر الخير )ابحثي عنهم في النت لهم موقع حلو وتحجزين من الموقع اوعندي ارقام وااايد لكذا شركه اذا تحبين بعطيج الارقام


هلا وغلا شوشو << ياحبني لـ هالماركه :nice:
وانتي بصحه وبسلامه فديتج .. والله يخلي لج غاليج
ويرزقج باللي يسر خاطرج واللي تمنينه يالغاليه
اوكي .. تمام يافندم :victory: بشوفهم الحين
واكيد ابي الارقام طرشيهم ماعليج أمر
تسلمين والف شكر


احترامي وتقديري

..
شمـوخ
24-03-2012, 02:10 AM
لبيتي في منى ..

تستاهلين شموخ.. اخت عزيزة وغالية..


الافكار كثيرة.. باخذ تور عشان اشوف الاجدد.. وراجعة لج..


تستاهلين الخير والفرح وراحة البال يالغاليه
اوكي انطرج .. خذي راحتج حبيبتي


دمتِ بحب

..
sweet qatar
24-03-2012, 02:18 AM
باااك.. ما شفت شخصيات جديدة هابين فيها..

اول شي تختارين ثيم للحفلة..

بما انج بتسوين الحفلة في الحديقة انصحج بثيم السنافر.. صح مكرر بس اليهال يحبونهم..

و لان الحديقة تنفع تكون قرية السنافر..

فن استيشن عندهم مجسمات سنافر بالحجم الطبيعي..

محل wow الي في الخريطيات عنده كل شي يخص حفلات الاطفال بثيم السنافر.. صحون واكواب وجذي..

كل اليهال ممكن يلبسون نفس قبعة السنافر..

بنتج بتكون الشقرا سنفورة ^_^..


اذا ماتبين هالثيم عندج دورا .. الأميرات.. النحلة..


محل قصر الاحتفالات الي في سلوى يجهز حفلات اطفال حلوة.. شوفي الكاتالوجات الي عندهم..



الحين بعطيج افكار متنوعة للحفلة..


المفروض انج تراعين كل الاعمار الي بتجهزين لهم العاب..

ولاتنسين حد حتى العجايز خليهم يستانسون..

الالعاب معروفة.. اذكروها البنات قبلي بس ازيد عليهم للكبار.. لعبة الامثال.. وبدون كلام..


ممكن تأجرين حنطور او بوني او قطار ..لعبة لليهال الصغار الي مابيشاركون في المسابقات..

شوفي الوسيط ينفعج في هالسوالف..

بس فديتج احرصي انج تعاينين اللعبة قبل لا تجيبينها عشان ماتكون مكسرة او قديمة..
وعند التركيب لازم حد يجابلهم ويشغلون اللعبة جدامه.. وتكون وصلات الكهرباء مب مكشوفة..
كله ولا سلامتكم..


اخر شي الاكل.. صح احنا نستسهل الفاست فود.. بس حلو انج تستغلين الحفلات عشان تاكلين اليهال اكل مفيد..

جهزي كورنر كبوفيه.. حطي فيه فواكه مقطعة مثل ادبل ارينجمنت.. وممكن معاه نافورة الشوكلت..

الخيار والجزر اذا تقطع بشكل حلو اليهال بياكلونه.. سندويتشات خفيفة.. كب كيك..

كل شي مفيد ممكن تحطينه اهم شي طريقة العرض تغري اليهال..

http://athome.kimvallee.com/wp-content/uploads/2010/05/cookingbirthdayparty.jpg

امممم المشكلة مافيه مكان في قطر متخصص بهالسوالف.. جربي الكافيهات يمكن يجهزون لج بوفيه اليهال وبوفيه الكبار..

ممكن تسوين تيشيرتات لكل الحاضرين تكتبين عليها اسم بنتج.. او انا احب (الاسم).. بالعربي او بالانجلش..
حركة وايد حلوة وتبقى ذكرى للموجودين..


شوفي الي يناسبج واي شي تحتاجينه ترانا في الشوفة..
شمـوخ
24-03-2012, 02:31 AM
باااك.. ما شفت شخصيات جديدة هابين فيها..

اول شي تختارين ثيم للحفلة..

بما انج بتسوين الحفلة في الحديقة انصحج بثيم السنافر.. صح مكرر بس اليهال يحبونهم..

و لان الحديقة تنفع تكون قرية السنافر..

فن استيشن عندهم مجسمات سنافر بالحجم الطبيعي..

محل wow الي في الخريطيات عنده كل شي يخص حفلات الاطفال بثيم السنافر.. صحون واكواب وجذي..

كل اليهال ممكن يلبسون نفس قبعة السنافر..

بنتج بتكون الشقرا سنفورة ^_^..


اذا ماتبين هالثيم عندج دورا .. الأميرات.. النحلة..


محل قصر الاحتفالات الي في سلوى يجهز حفلات اطفال حلوة.. شوفي الكاتالوجات الي عندهم..



الحين بعطيج افكار متنوعة للحفلة..


المفروض انج تراعين كل الاعمار الي بتجهزين لهم العاب..

ولاتنسين حد حتى العجايز خليهم يستانسون..

الالعاب معروفة.. اذكروها البنات قبلي بس ازيد عليهم للكبار.. لعبة الامثال.. وبدون كلام..


ممكن تأجرين حنطور او بوني او قطار ..لعبة لليهال الصغار الي مابيشاركون في المسابقات..

شوفي الوسيط ينفعج في هالسوالف..

بس فديتج احرصي انج تعاينين اللعبة قبل لا تجيبينها عشان ماتكون مكسرة او قديمة..
وعند التركيب لازم حد يجابلهم ويشغلون اللعبة جدامه.. وتكون وصلات الكهرباء مب مكشوفة..
كله ولا سلامتكم..


اخر شي الاكل.. صح احنا نستسهل الفاست فود.. بس حلو انج تستغلين الحفلات عشان تاكلين اليهال اكل مفيد..

جهزي كورنر كبوفيه.. حطي فيه فواكه مقطعة مثل ادبل ارينجمنت.. وممكن معاه نافورة الشوكلت..

الخيار والجزر اذا تقطع بشكل حلو اليهال بياكلونه.. سندويتشات خفيفة.. كب كيك..

كل شي مفيد ممكن تحطينه اهم شي طريقة العرض تغري اليهال..

http://athome.kimvallee.com/wp-content/uploads/2010/05/cookingbirthdayparty.jpg

امممم المشكلة مافيه مكان في قطر متخصص بهالسوالف.. جربي الكافيهات يمكن يجهزون لج بوفيه اليهال وبوفيه الكبار..

ممكن تسوين تيشيرتات لكل الحاضرين تكتبين عليها اسم بنتج.. او انا احب (الاسم).. بالعربي او بالانجلش..
حركة وايد حلوة وتبقى ذكرى للموجودين..


شوفي الي يناسبج واي شي تحتاجينه ترانا في الشوفة..



فديت قلبج .. عز الله كفيتي ووفيتي يالسناااافيه :victory:
ياعل ربي يخليج ويبارك فيج ولج ياسويتي ( اسم على مسمى )
يارب قريب تفرحين بعيالج .. عن جد مب عارفه شقول لج :shy:
كلج ذووووووووووووووق وماقصرتي .. تدرين سويتي والله العظيم اليوم بنت اخوي
عمرها 10 سنين تقول لي عميمه جيبي لنا السنافر .. شفتي عاد:thumbup:
خلاص بعتمد .. بس بغيت اسالج شنو هالمحل اللي بالخريطيات متذكره اسمه ؟!
ولا عطيني عنوانه اذا تعرفينه لاعدمتج



سويتي:thumbup1:
sweet qatar
24-03-2012, 02:54 AM
تفداج الروح يالغالية.. :shy:

ماسويت شي حياتي.. عسى الله يرزقج مثل الي سالتيه لي واكثر..

انا مب متزوجة بس خبيرة حفلات.. واليهال يطلبوني انظم حفلاتهم.. لي جمهور.. هههههه

ماتنلام بنت اخوج الله يحفظها.. حتى احنا الكبار نحب السنافر..

المحل اسمه wow قريب من سوبرماركت جراند الي في الخريطيات.. اظن حذاه بنك اسلامي..

عسى الله يحفظ لج البنوتة.. ويبلغج فيها.. ان شالله تلقين لها لبسة سنفورة..

احنا ولدنا لبسناه بابا سنفور.. مع لحيته.. ^_^

لاتنسين تخلين حد يلبس مثل شرشبيل ههههههههه احس فله..

باقي محلات الكيك ما قلت لج عنهم..

حق الديزاينات العجيبة عندج تصميم و كب كيك كوين وفي محل في بناية العباة الي في مسيمير يسوي لج عالطلب..

بس غالبا اذا الديزاين عجيب الكيكة تكون عادية.. فالاحسن تاخذين الكيكة سايز صغير كديزاين.. والكب كيك تجيبينه من مكان تضمنين طعمه

ومب صعب تحصلين كب كيك على شكل فطر السنافر..



http://3.bp.blogspot.com/-gn_apSiYerg/TraDGhhZlJI/AAAAAAAAEr4/m_icE-neggQ/s1600/Josh+Bday.jpg
شمـوخ
24-03-2012, 03:10 AM
تفداج الروح يالغالية.. :shy:

ماسويت شي حياتي.. عسى الله يرزقج مثل الي سالتيه لي واكثر..

انا مب متزوجة بس خبيرة حفلات.. واليهال يطلبوني انظم حفلاتهم.. لي جمهور.. هههههه

ماتنلام بنت اخوج الله يحفظها.. حتى احنا الكبار نحب السنافر..

المحل اسمه wow قريب من سوبرماركت جراند الي في الخريطيات.. اظن حذاه بنك اسلامي..

عسى الله يحفظ لج البنوتة.. ويبلغج فيها.. ان شالله تلقين لها لبسة سنفورة..

http://3.bp.blogspot.com/-gn_apSiYerg/TraDGhhZlJI/AAAAAAAAEr4/m_icE-neggQ/s1600/Josh+Bday.jpg


سويتي قولي امين .. يارب قريب افرح فيج ماخذه اللي يحشمج ويثمنج
ويحطج بعيونه ويعرف قدرج ويرزقج منه بالعيال بنات وصبيان
ويوفقج دنيا واخره .. وعليج الله باذن الله اول ماتنخطبين بلغيني :shy:
المحل باذن الله بروح له وبشوفه ..
اللهم امين ياسويتي هالنتفه ماخذه قلبي ^_^
تدرين بصورها لج عقب وبطرش لج صورتها وهي سنفوره :nice:

فديت قلبج ماقصرتي ياعمري .. قود نايت حبيبتي



احترامي وتقديري

..
sweet qatar
24-03-2012, 03:19 AM
ههههههه ان شالله يالغلا.. وجزاج الله خير على الدعوة الطيبة..

فدييييييت البناااااات.. الحين بتحرقص لين اشوف الصورة..

الله يسهل امورج حبيبتي.. سويت دريمز ^_^
لاجل QT
24-03-2012, 03:32 AM
ممكن تسوين للبنوتة لبس عروس ناعم..وبعد اكتمال عدد الموجودين..طلعيها عل موسقى هادئة لعرس واطفاء الانوار مثل اللي يسونة للعروس..الله يحفظها لج وتشوفينها عروس ..وتوزيعين الهدايا يعنى تسوين عرس مصغر ..وممكن تجمعين اي طفل او طفلة من المعازيم توة يمشي وتجمعينهم وتقطين عليهم النون..حركة حلوة تفرح قلوب امهاتهم..نفس الشي حق المخطوبة ..افكار تفرح الناس وتعيشهم عدة اجواء الفرح..

والله يجعل ايامكم كلها فرح
Chanel
24-03-2012, 01:41 PM
هلا شموخ عندي لج افكار
بما أن الحفله في الحديقه سوي لهم بيت شعر للنسوان الكبار وللقعده وااااااااااااااااااايد يسوي جو حلو عن تجربه وجربي هالرقم واسعارهم معقوله 55805300
ثانيا النسوان واليهال يموتون على مكينة الذره وغزل البنات
ثالثا من افكار الالعاب خل وحده من الفلبينيات تجيب الوان من المناكير وتسوي للبنات بيستانسون
وبس هذا مافي جعبتي
نطالبج بتقرير عن الحفله
لمعة الالماس
26-03-2012, 11:43 AM
مسابقات احلى شي حق كل الاعمار

وسوي بوفيه حق الاطفال على جنب يعني حطي صحن كبير سندويشات منوعه وفطاير

وصحن نقانق او همبرغر وصحن شبس مقلي او مشوي او بطاطا مهروسه

وشوفي شنو يحبون وسوي لهم لان غالبا الاطفال ما يحبون بوفيه الكبار

وجيبي لج مضيفات وشخصيات كرتونية

وتصوير خاصة تصوير الفيديو

ولا تنسين الننون والحلويات بس اختاري شي خفيف عشان البيبي

ومن وين لقيتي دي جي حق الاطفال لان ابي وادور
شمـوخ
28-03-2012, 06:36 PM
ممكن تسوين للبنوتة لبس عروس ناعم..وبعد اكتمال عدد الموجودين..طلعيها عل موسقى هادئة لعرس واطفاء الانوار مثل اللي يسونة للعروس..الله يحفظها لج وتشوفينها عروس ..وتوزيعين الهدايا يعنى تسوين عرس مصغر ..وممكن تجمعين اي طفل او طفلة من المعازيم توة يمشي وتجمعينهم وتقطين عليهم النون..حركة حلوة تفرح قلوب امهاتهم..نفس الشي حق المخطوبة ..افكار تفرح الناس وتعيشهم عدة اجواء الفرح..

والله يجعل ايامكم كلها فرح


هلا غلا حبيبتي

فكره زينه بس اخاف اخرب برائتها :shy:
ياعل ربي يسلمج يالغاليه .. كلج ذوق
ودوم الفرح على بابكم =)

احترامي

..



هلا شموخ عندي لج افكار
بما أن الحفله في الحديقه سوي لهم بيت شعر للنسوان الكبار وللقعده وااااااااااااااااااايد يسوي جو حلو عن تجربه وجربي هالرقم واسعارهم معقوله 55805300
ثانيا النسوان واليهال يموتون على مكينة الذره وغزل البنات
ثالثا من افكار الالعاب خل وحده من الفلبينيات تجيب الوان من المناكير وتسوي للبنات بيستانسون
وبس هذا مافي جعبتي
نطالبج بتقرير عن الحفله


هلا شوشو .. تسلمين يالغلااا ماقصرتي يالسناااافيه
افكار حلوه ..
ماقصرتي فديتج :nice:

دمتِ بكل حب

..




مسابقات احلى شي حق كل الاعمار

وسوي بوفيه حق الاطفال على جنب يعني حطي صحن كبير سندويشات منوعه وفطاير

وصحن نقانق او همبرغر وصحن شبس مقلي او مشوي او بطاطا مهروسه

وشوفي شنو يحبون وسوي لهم لان غالبا الاطفال ما يحبون بوفيه الكبار

وجيبي لج مضيفات وشخصيات كرتونية

وتصوير خاصة تصوير الفيديو

ولا تنسين الننون والحلويات بس اختاري شي خفيف عشان البيبي

ومن وين لقيتي دي جي حق الاطفال لان ابي وادور



لمعة الالماس

هلا حياتي مشكوره على الاقتراحات
وهاي رقم 55836186 ام محمد DJ
حليوه اهي سودانيه وتبعث بنتها للدي جي وعندهم بروجكترات وليزر
اسعارهم معقوله .. :victory:

احترامي

..
للصبر اخر
29-03-2012, 10:25 AM
هلا عزيزتي ..

شلون يالغاليه على الاشياء الاكترونيه :shy: وشنهي الهديه المتحركه ؟!
الف شكر على مشاركتج الكريمه وياليت تفيدني بالاجابه على التسائلات
تسلمين ماقصرتي حبيبتي :)


احترامي

..

السماعات واغاني الاطفال كلها علي انا
الهديه عباره عن لعبه صغيره ونلفها عدة مرات بالجرايد والكارتون لين يصير حجمها كبييييير وايد
ونقعد الاطفال على شكل دائرة
ونشغل الموسيقى
واللي توقف عنده الموسيقى يبتدي يقطع الجلاد ولين تشتغل الموسيقى يمرر الهديه وهكذا لين تطلع لهم الهديه
شمـوخ
10-04-2012, 12:53 AM
السماعات واغاني الاطفال كلها علي انا
الهديه عباره عن لعبه صغيره ونلفها عدة مرات بالجرايد والكارتون لين يصير حجمها كبييييير وايد
ونقعد الاطفال على شكل دائرة
ونشغل الموسيقى
واللي توقف عنده الموسيقى يبتدي يقطع الجلاد ولين تشتغل الموسيقى يمرر الهديه وهكذا لين تطلع لهم الهديه


مرحبا يالغاليه

كل الشكر لمرورج ولافكارج ولعرضج كلج ذوووق وكرم


مشكورين والحفله تمت وكل شي تمام :victory:

احترامي

..
NINA RICCI
10-06-2012, 12:06 PM
هلا عزيزيتي
كل عام وبنوتج بخير ويارب تشوفينها عروس المحلات وايد بس بصراحه انا احب( قطر الخير )ابحثي عنهم في النت لهم موقع حلو وتحجزين من الموقع اوعندي ارقام وااايد لكذا شركه اذا تحبين بعطيج الارقام

لا نصيييحه هالمحل تعاملت معاه قبل :secret:

ياليت تعطونا محلات ثقه