++|| بـدء مخـالفـات اطـارات البـالون الأثنــين المقبــل ||++

[Charisma]

السلام عليكم ورحمه الله وبركاته


الرايه

تبدأ إدارة المروراعتبارًا من الاثنين المقبل في مخالفة مستخدمي الإطارات الرملية (البالون)

لمخالفتها المواصفات القياسية.وأكّد مصدر مطلع أن حظرإطارات البالون يأتي بعد ٦ أشهر من
الاجتماع التنسيقي مع الجهات المعنية لتحديد آلية التعامل مع إطارات السيارات،
وقطع السيارات المقلّدة والمسبّبة لحوادث الطرق. وكشف المصدر عن تلقي إدارة المرور
خطابًا من إدارة حماية المستهلك يُفيد بانتهاء المدّة المحدّدة للبدء في تطبيق المخالفة اعتبارًا من ٢٦ الجاري وهو الخطاب الثاني خلال شهرين للتنبيه ببدء تطبيق المخالفة،بعد استكمال
الخطة الإعلامية لتوعية الجمهور بمخاطر استخدام إطارات البالون. وأكّد أن الإطارات
المحظورة مخصّصة للشاحنات لأن سرعتها لن تزيد على ١٢٠ كم في الساعة، لكن فئة
الشباب خاصة يستعملونها بكثرة وهو مخالف للقانون، لافتًا إلى أن تقارير وزارتي الداخلية
والبيئة كشفت عن أن إطارات البالون من أكثر أنواع قطع الغيار المسبّبة لحوادث الطرق
حيث تمّ حصر أسباب عدم مطابقتها في ارتفاع درجة حرارة إطارات البالون بسبب السرعة
الزائدة، وتآكل الإطار بسرعة، فضلاً عن كونه لا يصلح للسرعات العالية وغير مخصّص للسير على الطرقات.


شنهي ارائكم بخصوص الموضوع !؟
مؤيد / معارض .. وشالاسباب !؟

[بوحمد111]

مؤيد وبقوه والمفروض من زمان ولكن الحمد لله على كل حال

لو يبون متطوعين للتبليغ فأنا اول شخص لأني اكره شي اسمه بالون

[رجل الجزيرة]

وأنا مؤيد وبقوة وهذا هو الصح، أهم شيء نحافظ شبابنا حتى ما يرحون وراء ضحايا البالون.

[بوسلمان 2010]

الله يهديك يابوحمد البالون حق البر وحق سلين وحتى على الشارع وكلن له وجة نظر وانا اخوك واصابعك موسوى


في سؤ استخدام وفي استخدام عدل لاكن هذا في الاخير قرار واحنا نحترم القرارات الله المستعان

[ANONYMOUS]

مؤيد

بس مايصيير يسمحون بإدخال هالتواير من جهه ويمنعونها من جهه اخرى


ع الاقل يمنعون ادخالها

وبعد سنه يبدا التطبيق مثلا

بس اللي صاير شي غريب

[BIG-VEGA]

السلام عليكم ورحمه الله وبركاته


الرايه

تبدأ إدارة المروراعتبارًا من الاثنين المقبل في مخالفة مستخدمي الإطارات الرملية (البالون)

لمخالفتها المواصفات القياسية.وأكّد مصدر مطلع أن حظرإطارات البالون يأتي بعد ٦ أشهر من
الاجتماع التنسيقي مع الجهات المعنية لتحديد آلية التعامل مع إطارات السيارات،
وقطع السيارات المقلّدة والمسبّبة لحوادث الطرق. وكشف المصدر عن تلقي إدارة المرور
خطابًا من إدارة حماية المستهلك يُفيد بانتهاء المدّة المحدّدة للبدء في تطبيق المخالفة اعتبارًا من ٢٦ الجاري وهو الخطاب الثاني خلال شهرين للتنبيه ببدء تطبيق المخالفة،بعد استكمال
الخطة الإعلامية لتوعية الجمهور بمخاطر استخدام إطارات البالون. وأكّد أن الإطارات
المحظورة مخصّصة للشاحنات لأن سرعتها لن تزيد على ١٢٠ كم في الساعة، لكن فئة
الشباب خاصة يستعملونها بكثرة وهو مخالف للقانون، لافتًا إلى أن تقارير وزارتي الداخلية
والبيئة كشفت عن أن إطارات البالون من أكثر أنواع قطع الغيار المسبّبة لحوادث الطرق
حيث تمّ حصر أسباب عدم مطابقتها في ارتفاع درجة حرارة إطارات البالون بسبب السرعة
الزائدة، وتآكل الإطار بسرعة، فضلاً عن كونه لا يصلح للسرعات العالية وغير مخصّص للسير على الطرقات.


شنهي ارائكم بخصوص الموضوع !؟مؤيد / معارض .. وشالاسباب !؟

غير مخصص للطرقات العاديه ...
بس يصلح للرمل وفيه ناس تبغيه عشان الرمل!!!!

لا يصلح للسرعات العاليه !!!
القوانين الرادعه والمخالفات موجوده ومطبقه اصلا ... ليش احرم حق الاختيار للكل

شنهي ارائكم بخصوص الموضوع
الشعب ماله راي في قوانين المرور


انا مش معارض او مؤيد للموضوع
بس اعذارهم واهيه ...
ليش مثلا يذكرون في سنه 2011 كم حادث صار بسبب البالون
يعني يطلعون تقرير بعدد الحوادث وكل حادث باسبابه
وليش (ان صح الخبر) ان فيه وكاله حصريه لتاجر معين لبيع نوع معين من البالون ؟؟؟

وليش فيه ناس تاخذ استثنائات لتركيب البالون وليش مايتم الاعلان عن شروطها
( طبعا ماصار هاي الشي .... بس ترليون % بيصير :rolleyes2: )

[fahad123]

انا غير مؤيد للقرار والاسباب اللي ذكروها الاخوان

لان البوالين ليست السبب الاول والاخير في كثرة الحوادث ويلزمنا وضع مثل هذا القرار
للحد من الحوادث .. ف اسباب الحوادث ليست مقتصره على التواير فقط
فصدور منع بعض الاطارات يسبب احتكار وغلاء الاطارات الاخرى

ومثل ما نحن نسمع ان بعض التجار المعينين مصرح لهم ببيع البوالين ولكن لا اعلم مدى صحته لاني لم ولن استخدم البوالين لا قبل ولا بعد القرار

اتمنى مثل هذه القرار تدرس قبل اصدارها واتمنى ان يعيدو النظر في مثل هذه القوانين
لان نسبه كبيره جدا من اهل قطر مايركبون بوالين وهم المتضررين من هذا القرار لان المياجر صار سعرها دبل دبل دبل دبل الدبل والتجار الجشعين مايصدقون خبر

[مساهم الشبكه]

ليش ماتكون الحوادث من التحويلات الغلط اللي يسونها الشركات وكل تحويله اللعن من الثانيه وتسبب الحوادث وروح شوف خط الكنايس اشلون تحويلاتهم مجرد مثال وكم حادث صار نتيجة سائق اجنبي كان مخمور ليش ماحطوها وكم نسبتها والامر الغريب والمضحك والمتناقض في نفس الوقت ان السرعه القصوى في قطر 120 كيلو ف الساعه وان سرعة سياره صادك الرادار ..وقرار حماية المستهلك يقولك مايتحمل السرعه اللي فوق 180 ليش احنا نقدر نمشي الحين 180 في زحمة قطر ورادارتها ..اما اذا كان بيسافر فيها ف انا اتحول مباشره لقوانين الدوله الاخرى اللي ادخل فيها يعني مالهم حق فقوانين الدول الاخرى وسبحان الله كثر مانشوف سلبيات الا ان هالقرار عليه ملاحظه جدا كبيره والله المستعان

[بوخالد2]

الحين هي من سبعينات و ثمانينات و التسعينات موجوده هذه التواير ومحد منعها من قبل !!

الحين شنو السبب والله تفاهات مالها داعي

اشدعوه البالون هو اللى بيقلب الموتر يعني التواير الثانيه ماتقلب السياره !!

والله تخلف الدول المطوره و المتقدمه مامنعت الشي هذا تجيني انت على كم خبير توهم بادين بالدوحه يطبقون و يغيرون على كيفهم ؟

الحين يعني سعر الحجري و البرستون و التواير الثانيه بيرتفع لاانه بيصير ضرب نعل عليها

(( رزق ناس من ناس )) والله

[AL-MAYSTRO]

مؤيد

بس مايصيير يسمحون بإدخال هالتواير من جهه ويمنعونها من جهه اخرى


ع الاقل يمنعون ادخالها

وبعد سنه يبدا التطبيق مثلا

بس اللي صاير شي غريب

كلام سليم

خصوصا انها غاليه الثمن ,, واللي توه مركبهم جدد ومخسر شيسوي :secret:

[بو الجوري]

:anger1:

أولا المرور ماقرر للحين إنـه يوم 26 بيبدأون المخالفات :..

لأن الخطاب اللي طلع من حماية المستهلك يقول بما معناه :
إن المفروض يتم تحديد التاريخ اللي هو 26 لبدأ المخالفات
لكـن ما ردوا المرور ، ،
و إن المرور كان المفروض تحدد التاريخ :..

وهذا الشي ماصار للحين ولا في مسؤول فالمرور صرح :..

ثانياً
مايصير يجون اليوم ويقولون بكره بنخالف راعي البالون !!!!

أنا بواليني جديده و حالياً ماقدر أشتري مياجـر
وموتري عليه شنابر يعني لازم أشتري رنقات وتواير
يعني فوق الـ 6000 ريال :..

من وين إن شاء الله أجيب هالمبلغ ، و إذا أنا قدرت أدبرهم غيري مابيقدر :anger1:


عالأقل يصرح مسؤول ويقول شهر 5 مثلا فالتاريخ الفلاني بتبدأ المخالفات
يعني الواحد يمديه يجمع مبلغ :rolleyes2:


ثالثاً
يقولون مب للشارع البالون مخصص :..
زين أنا كل إسبوع أروح سيلين و فالصيف كل جمعه نروح العديد نسبح :..

شاسوي في هالحاله !!!!
كل إشبوع أضيّع ساعه و 150 ريال عشان أركب البالون و 150 عشان أنزلهم هههههههه

يقولون البالون سبب رئيسي فالحوادث :rolleyes2:
سبب غير مقنع
زين كل اللي سوو حوادث بالبالون كان عندهم بلاكبيري :..
يمكن هو كان السبب ، خل يمنعونه بعد :anger1:

الحمدلله أنا من 2002 وكل موتر أشتريه أركب عليه بالون ( ماعدا الموستنغ :shy: )و إذا نـِحل بدلتـه :..
وغيري كثير من سنين وهم عالبوالين و الحمدلله ماجاهم شي :..


السموحه طوّلت ، بس من القهــــــــــر :anger1:

و ماعتقد الأثنين بتبدأ المخالفات

[Charisma]

يعطيكم العافيه عالمشاركه ..

انا وللامانه ضد هالقرار لعده اسباب :

1- اللي يبغون هالتواير حق الرمله والتخييم .. شبيسوون !؟

2-يعني بالذمه معقولة ان اغلب حوادث السيارات سببها البالون
ماخذوا بعين الاعتبار :
تخطيط الشوارع .. التوعيه المروريه .. منع قطع الغيار الغير اصليه
تهور بعض السائقين .. الخ

3-لو ان البالون خطر .. كان انمنع بباقي الدول .. وانا ماعتقد انه خطر
لانك لو عطيت البالون لسائق متهور توقع حادث.. ولو عطيت الميجر
لسائق متهور .. توقع حادث ! ولو عطيت البالون لسائق ملتزم فالامور طيبه
باذن الله ونفس الشي بالنسبه للميجر.. من الاخر البالون مب السبب .. السبب هو
التهور والسرعه والاستعراض .

4-القرار لو انه مدروس بطريقه صحيحه .. كان اولا اعطوا فتره سنه
بعد التأكد من خلو السوق من البالون .. ووضع قوانين صارمه للوكلاء
بالالتزام بالسعر الاصلي لباقي التواير .. اهني علامه الاستفهام واللي الكل
متضايق منها .. امنعوا البالون والوكلاء ارفعوا اسعار التواير .. وين التنسيق
بين المرور وحمايه المستهلك .. يمنعون البالون ويرفعون الاسعار واحنا ناقصين !

اتمنى ينظرون للموضوع مره اخرى ومثل ماذكر الاخ فوق اذا شوارع قطر السرعه حدها 120
معناته البالون مناسب لشوارع قطر وين المشكله !؟

[@north_star@]

الغلط والحوادث مب من تواير البالون الغلط من اللي يسئ الاستخدام ويكون متهور وحتى لو كان مركب مياجر أو حجري

[Scout Sniper]

باعتقادي انه تكون هناك حملة توعوية بمخاطرة , وبعدين يستاهل البرد من ضيع دفاه ..
بحكم تجربتي للبالون اعتقد ان مخاطره تكمن في استعماله السرعه العالية والاهمال , ليس بسبب البالون نفسه حال استخدامه بحشمه .

[سداوي&مدريدي]

الله اكبر الحين البالون هو سبب الحوادث لو كانوا فعلا مهتمين بحياة الناس كان التفتوا للشوارع خط سيلين وروضه راشد وغيرهم

قال بالون قال :(

[هداف]

قرار غبي ومجحف ادى الى تلاعب التجار في سوق التواير بعد ها القرار !! فيه
انواع من التواير كانت تنباع بــ 400 ريال بعد ها القرار وصلت اسعارها الى 800 !!!

من يحمي المواطن من هالقرارات الغبيه وطريقة تنفيذها والتخبط الواضح بين ادارة المرور !
وحماية المستهلك والجمارك !! والبلديه !! هذا يمنع والثاني يسمح والثالث مابين وبين !


المشكله مهيب في التواير المشكله في السايق نفسه !

[بو الجوري]

الحين هي من سبعينات و ثمانينات و التسعينات موجوده هذه التواير ومحد منعها من قبل !!

الحين شنو السبب والله تفاهات مالها داعي



يابوخالد ناس فاضيه و يابلفيت صادوا السالفه ههههه



كلام سليم

خصوصا انها غاليه الثمن ,, واللي توه مركبهم جدد ومخسر شيسوي :secret:

و أنا نفسك :(
لا و أزيدك أنا مركب شنابر :.. يعني إذا بنزل البوالين لازم أشتري رنقات بعد :..
:anger1:

[بوخالد911]

ولا مررة جربتهم

مكتفي بتواير الوكالة ولحد الان

بالرغم مشش متأكد هل اسمهم ك شنابر ولا مياجر
!!!

[moh5773]

الحمدلله خبر مفرح

[fahad123]

يعطيكم العافيه عالمشاركه ..

انا وللامانه ضد هالقرار لعده اسباب :

1- اللي يبغون هالتواير حق الرمله والتخييم .. شبيسوون !؟

2-يعني بالذمه معقولة ان اغلب حوادث السيارات سببها البالون
ماخذوا بعين الاعتبار :
تخطيط الشوارع .. التوعيه المروريه .. منع قطع الغيار الغير اصليه
تهور بعض السائقين .. الخ

3-لو ان البالون خطر .. كان انمنع بباقي الدول .. وانا ماعتقد انه خطر
لانك لو عطيت البالون لسائق متهور توقع حادث.. ولو عطيت الميجر
لسائق متهور .. توقع حادث ! ولو عطيت البالون لسائق ملتزم فالامور طيبه
باذن الله ونفس الشي بالنسبه للميجر.. من الاخر البالون مب السبب .. السبب هو
التهور والسرعه والاستعراض .

4-القرار لو انه مدروس بطريقه صحيحه .. كان اولا اعطوا فتره سنه
بعد التأكد من خلو السوق من البالون .. ووضع قوانين صارمه للوكلاء
بالالتزام بالسعر الاصلي لباقي التواير .. اهني علامه الاستفهام واللي الكل
متضايق منها .. امنعوا البالون والوكلاء ارفعوا اسعار التواير .. وين التنسيق
بين المرور وحمايه المستهلك .. يمنعون البالون ويرفعون الاسعار واحنا ناقصين !

اتمنى ينظرون للموضوع مره اخرى ومثل ماذكر الاخ فوق اذا شوارع قطر السرعه حدها 120
معناته البالون مناسب لشوارع قطر وين المشكله !؟

كلام سليم واتفق معاك
لان السبب الرئيسي للحوادث هي سوء استخدام المركبه مب البوالين
طيب السيارات الصغار اللي ماتركب عليها البوالين < شنو سبب حوادثها ؟!!

اذا يبون حد للحوادث بعد الله سبحانه يعدلون الشوارع ويتقون الله المهندسين اللي ماسكين المشاريع ويكثفون التوعيه مب كل يوم والثاني مطلعين مخالفات
اعتقد ان اكثر مرور في الخليج او يمكن في العالم تصدر مخالفات هي قطر :(
مره تواير ومره مخفي ومره مادري شنو
انا اقترح انهم يكثرون الرادارات الثابته احسن من هالقانون :rolleyes2::rolleyes2::rolleyes2:

[رذاذ]

انا مع وبقووووة تواير البالون ينحلون بسرعة بالصيف ولو حتى استخدامك عادي استغلال التجار لضيق الوقت ورفع الاسعار الى 800 و 900

يازين الدانلوب مركبة منشهر 4 السنة الى طافت والحين بدات النقشة تروح .

انا اقول مع القرار بس بدون مخالفه صاحب المركبة ومنع مصادر ادخال هالنوع من التواير + سحب الكميات الموجوده بالسوق .


وانا ضد حرقها لنها تضر بالبيئة ومع رصها وثبيثها على الفرض الكرنيش والخور والوكرة والذخيره احسن من حرقها

[حمد بن سعد]

يعني الحين بيحسسوني انهم يفهمون اكثر من الامارات والسعوديه في منع تواير البالون يبطون والله

والله انها حركة تجار عشان يمشي سوق الميجر .

تاير قود يير حجم 22 للدينالي قيمته في قطر عند الوكيل 1350 وفي الامارات 570 اريال .

حسبي الله ونعم الوكيل
حسبي الله ونعم الوكيل
حسبي الله ونعم الوكيل

[شبح الصمت]

صراحه غير مؤيد

لانه اشوف مافي سبب مقــنع من منعهم

يقولك يستغلونها حق المسابق ترى مهب العالم كلها تسابق يريح الموتر ويقلل من صرف البترول البالون وخفيف في الشارع وخفيف في الرمله وما ينصلخ لا قدر الله

للعلم المياجر اخس واخس خله ينصلخ وشووف اش بيسوي فيك لا قدر الله اذا مب قلبه غير ما يطير لك رفرف الموتر

صراحه اسباب غير مقنعه بتاتاً

يقولون بوالين مواصفات خاصه

عيل الدنلوب وشو مهب مواصفات خاصة مهب شركة عالمية

[cl63]

انا غير مؤيد للقرار والاسباب اللي ذكروها الاخوان

[بو الجوري]

انا مع وبقووووة تواير البالون ينحلون بسرعة بالصيف ولو حتى استخدامك عادي استغلال التجار لضيق الوقت ورفع الاسعار الى 800 و 900

يازين الدانلوب مركبة منشهر 4 السنة الى طافت والحين بدات النقشة تروح .

انا اقول مع القرار بس بدون مخالفه صاحب المركبة ومنع مصادر ادخال هالنوع من التواير + سحب الكميات الموجوده بالسوق .
[/u]

http://tl8h.com/uploads/images/tl8h-99c3a99839.png

دامك ماتستعملهـم ، ليش مؤيد للمنع :..
ياخي خلاص خلك على الدنلوب دامه عاجبك وماينحـل :..

إنت نفـر مافي زين http://forum.z7mh.com/images/fisat/12.gif[/COLOR]

[بو الجوري]

بس ترا المياجـر بعد حق الدز مالها حل :..
تعطيك قومـه مب صاحـــيه :..
http://forum.z7mh.com/images/fisat/76.gif

[على الطاري]

السلام عليكم ورحمة الله وبركاتة

الحمدلله على كل حال

احد منكم عندة بديل للبالون

ياخوي الناس تكلم وتقول البالون خطر

يعني اللي يركب ميجر ماينقلب ولا يصيدة شي
لازم نعرف كله بأمر الله يصير

انا استخدامي للبالون حق اسياف الشمال انزل طرادي وارفعة من السيف

الحين اذا ركبت ميجر مايمديك تريوس الا موترك شار ( جربتها من قبل )

اذا احد عندة خبر حق انواع جديدة تنفع حق الرملة والبر ( وماتسببب حوادث ) يعلمنا


يعطيكم العافية

[masoud]

:anger1:يقولون بوالين مواصفات خاصه:anger1:




السالفة كلها لعبت تجار خاست التواير عندهم في الاستورات ما احد يشتريها و المواصفات الخاصه اللي يقولون عنها عند ابو فلان اللي مجهز سكاكينه من قبل ما يطلع القرار و الضحية المستهلك اللي لا حول له ولا قوة

[حمد بن سعد]

السالفة كلها لعبت تجار خاست التواير عندهم في الاستورات ما احد يشتريها و المواصفات الخاصه اللي يقولون عنها عند ابو فلان اللي مجهز سكاكينه من قبل ما يطلع القرار و الضحية المستهلك اللي لا حول له ولا قوة

:nice::nice::nice::nice::nice::nice:

[شبح الصمت]

بس ترا المياجـر بعد حق الدز مالها حل :..
تعطيك قومـه مب صاحـــيه :..
http://forum.z7mh.com/images/fisat/76.gif



ابشرك مركب بريجستون حجريه خمسه


توهم نص عمر وبيعطووني سنه قدام



:tease:

[al saad]

مؤيد وبقوه والمفروض من زمان ولكن الحمد لله على كل حال

لو يبون متطوعين للتبليغ فأنا اول شخص لأني اكره شي اسمه بالون

:nice::nice::telephone:
,وانا معاك

[bo_hamad]

الحين امنعوا البالون يعني ما بنشوف حوادث ؟

المشكلة مهب في البالون المشكلة في السرعة الزائدة وعدم الانتبهاه والالتزام بقوانين المرور.


ما ادري الناس اشلون تفكر .

[boamir]

الله كريييييييييييييييم

شكلي بركب سلكات حق الجمس ورى
ماتنفع حق الشوارع نهائيا بس مب ممنوعه هههههههههههههههه

زين وليش مامنعوا الحجريات
تماسكها اخس من البالون واثقل وهي صج مصنوعه حق شاحنات
مب البالون - ماأذكر مره شفت شاحنه مركبه بالون مثل مايقولون ماعدا إلي يروحون العديد يوصلون ماي

[الوسيط العقاري]

معارض

[بوعلي2]

بس ترا المياجـر بعد حق الدز مالها حل :..
تعطيك قومـه مب صاحـــيه :..
http://forum.z7mh.com/images/fisat/76.gif

تجرب ؟ :shy:

[عزووز قطر]

مقصدهم من قرار المنع هو تضليل الشعب القطري وعدم اعترافهم بأن تخطيط الشوارع غلط
والسبب الثاني مصالح تجار ،،، شوفوا أسعار المياجر كم وصل بعد قرار منع البالون

وأنا أطالب إدارة المرور بنشر احصائية في الجريدة الرسمية بأسباب الحوادث اذا كان فعلاً من البالون أو من عدم الانتباه والاستهتار.

[بو الجوري]

http://dc04.arabsh.com/i/02094/fpt1of0y8mog.jpg
:weeping:

[بو الجوري]

تجرب ؟ :shy:


http://im24.gulfup.com/2012-03-22/1332397186821.jpg (http://www.gulfup.com/show/X3j4v4crb26a6)

[فيصـــل]

امنعوا الشركات من انها تبيع البوالين ماقلنا شي ..

اما انهم يجيون ويخالفون المواتر اللي عليها بوالين .. هذي مالها داعي يالمرور !!

الحين البالون صار السبب الرئيسي للحوادث ؟ طيب وشوراعنا المحترمه شعلومها ؟

والسواقه الطيبه من الجاليات الاسيوية شخبارها ؟ وطريق الشاليهات عاده سيدين ومنحني ؟

طيب واللي ماعنده فلوس يركب مياجر .. ادارة المرور بتدفع من جيبها الخاص ؟

لا بالله شكله الشعب القطري كلبوه بيتخالف

[شبح الصمت]

يالله يا ...........

نبي نشوف همتكم معانا

المحلات الحين التاير الميجر الي بـ 900 بيصير الحين بـ 1200 ريال

بيقولون لنا مافي تواير في السوق تبي تبي ما تبي كيفك

همتك معانا انزين لا تنسووونا ترى فلووسنا تنكت من مخابينا ما ندري وين نوديها

بس اهم شيء احمونا من قصب التجار الي مقبلين عليه

[boamir]

يالله يا ...........

نبي نشوف همتكم معانا

المحلات الحين التاير الميجر الي بـ 900 بيصير الحين بـ 1200 ريال

بيقولون لنا مافي تواير في السوق تبي تبي ما تبي كيفك

همتك معانا انزين لا تنسووونا ترى فلووسنا تنكت من مخابينا ما ندري وين نوديها

بس اهم شيء احمونا من قصب التجار الي مقبلين عليه

تحصل الشباب قبل يروحون الحسا حق البالون الحين عشان الميجر
الشعب ماكلها من كل صووب

الله المستعان

[ابوالكلام]

الله يعين تخبط في تخبط

[الإكسير]

القرار هذا طب فالامارات من عشر سنين واثبت فشله فتم الغاء القرار.... ياريت انهم يدرسون القرار قبل تطبيقه عشان ماتكون مضيعه للوقت ومال المواطن

[Charisma]

القرار هذا طب فالامارات من عشر سنين واثبت فشله فتم الغاء القرار.... ياريت انهم يدرسون القرار قبل تطبيقه عشان ماتكون مضيعه للوقت ومال المواطن

لا احنا نعجبك بهالامور .. نسدح القرار واللي فيها فيها .. ولو اثبت فشله !
عادي اهم شي في الجرايد انها تجربه ناجحه ..

ياخي اذا في نوع من البوالين مب مناسب للمواصفات والمقاييس
يحطون لنا باقي الانواع اللي مطابقه .. مب تعال وامنع البالون بكبره :rolleyes2:

[بوعلي2]

:weeping:

[آهـل شَـرق]

يالله صبرك

باقي بس يمنعون السيارات وتكمل خلاص ما نبغي سياير

والله ثم والله ثم والله كل ما اركب السياره اتشهد

اخاف والله اخاف من السواقه الناس صاروا مجرمين في الشوارع

لا احترام ولا التزام ولا حتى اخلاق .. ريلي على البريكات من الزفت اللي اشوفه كل يوم

وييييييييييييييييييييييييييييييييييييننننننننننننن ننننننننننننننننننننننننننن دوووووووووووورررررررررررررررككمممم يالمرررررررررررروووووووووووررررررر؟؟

بس فالحين تمنعون البوالين ومخالفات حزام ومواقف !!!!!!!

ياخي الناس صاروا خطر على بعضهم .. والله ما عادت تهتم بروحها ولا غيرها

لف على العالم + تجاوز يمين ويسار (تزريق) + تشطف (نوع من انواع رد الاعتبار)+ وجميع انواع المخالفات يومياً نطالعها ويوماً تمر عليّ واشوفها قدامي تصير لغيري

اللي يسوونها مب الشباب لاااااااااااااااااااااااااااا الاجانببببب ويا كثررررهم !!!!!!!

ادارة المرور تبغون البالون والله بحرقه ما ابيه لكن شوفوا لنا حل مع هالزفت اللي في شوارعنا!!!

[إينشتاين]

جزاهم الله خير المرور على هالقرار اللي يدورون فيه مصلحتنا...

وبهالمناسبة...

اطالب بمنع السيارات بكافة انواعها واشكالها لأنها السبب الرئيسي في حوادث الطرق

[الزلزال]

انا من المؤيدين لهذا القرار
بس على ماعتقد فيه جهه لها مصلحه في المنع

[شبح الصمت]

يالربع الي يخبر لي سيكل تكفووون

السيكل لين الحين عليه بالون والا غيروه حجري

[qaa]

والسيارات الاجنبية اللي راح تدخل وعليها تواير بالون وشو مصيرهم ؟؟؟!!!!

والفهلوي اللي نزل هالقرار هل هو افهم من العالم اجمع ؟

والفهلوي مال حماية المستهلك اثبت ان عقليته ماتتعدى بنتشري .

والفهلوي مال المرور اثبت ان يدور الفلس .

لكن بندفع الغرامة وامرنا لله لان قيمة المخالفة بتكون ارخص من قيمة التواير اللي ماتسوي

حوادث !!

لان لا بنتشري حماية المستهلك كفو يمسك اسعار ولا فهلوي المرور عارف وين الله قاطه.

هنياً للسكير والخمير والمحشش ووووو الخ لانهم طلعوا براءة من سبب الحوادث

[qaa]

رسالة الى المسؤول عن تركيب الرادارات المتحركة . والى المرور بشكل عام .

توصلنا نحن معشر الشباب والبشر الى أنكم أنتم سبب الحوادث وذلك بسبب أننا

صرنا نشوف الصبيات والليتات أكثر من الشارع لان اندور راداراتكم .

وصرنا نحاسب للي قدامنا يمشي 20 على المسار الايسر والسرعه 120

وصرنا نحاسب للي جنبنا ويدخل عرض على المسار الايسر .

وصرنا نحاسب للي ورانا ومشغول بالبلاك بيري .

أخي الحبيب (للبيع 5 تواير بالون ب 5ريال)

فهلوي القرار (مطلوب 5 تواير ماتسبب حوادث بسعر معقول ولايتجاوز 8000ر.ق )

[Charisma]

رسالة الى المسؤول عن تركيب الرادارات المتحركة . والى المرور بشكل عام .

توصلنا نحن معشر الشباب والبشر الى أنكم أنتم سبب الحوادث وذلك بسبب أننا

صرنا نشوف الصبيات والليتات أكثر من الشارع لان اندور راداراتكم .

وصرنا نحاسب للي قدامنا يمشي 20 على المسار الايسر والسرعه 120

وصرنا نحاسب للي جنبنا ويدخل عرض على المسار الايسر .

وصرنا نحاسب للي ورانا ومشغول بالبلاك بيري .

أخي الحبيب (للبيع 5 تواير بالون ب 5ريال)

فهلوي القرار (مطلوب 5 تواير ماتسبب حوادث بسعر معقول ولايتجاوز 8000ر.ق )

:nice::nice::nice::nice::nice::nice::nice:

[شبح الصمت]

اخوي بايلوت

الطياره بتبدلون توايرها مياجر والا بتخلونهم بالوون

خبرك خطر على الركاب ونخاف يتزحلقوون في النزله

[أسير الاسهم]

ليش مكبرين الموضوع وكلها الا تواير ,, ياخي اي شي يمشي
تواير الشركه حلووه للطريق .. واذا راعي بر ركب حجري .. يعني ما صار شي بالدنيا لو بيقطعونها

[Charisma]

اخوي بايلوت

الطياره بتبدلون توايرها مياجر والا بتخلونهم بالوون

خبرك خطر على الركاب ونخاف يتزحلقوون في النزله

ترى صج مب غشمره .. تواير الطياره بالون ..

مادري تصدق .. الظاهر بنطرش رساله لايرباص

نطالبهم بتغيير نوعيه التواير لمياجر .. حفاظا على سلامة الركاب

[شبح الصمت]

ليش مكبرين الموضوع وكلها الا تواير ,, ياخي اي شي يمشي
تواير الشركه حلووه للطريق .. واذا راعي بر ركب حجري .. يعني ما صار شي بالدنيا لو بيقطعونها



اخوي بسوي لك مقارنه بسيطه

البالون = يقلل من صرف البترول

البالون = ما ينصلخ نفس المياجر ويشلخ لك الموتر

البالون = ارهف في الشارع وفي السواقه

البالون = رفيع يوم تدخل البر ما يتكسر موترك

البالون = ما يحرق لك الكلشات يوم تروح الرمله

البالون = منظر وشكل جميل للموتر

:shy:

[MR.STOP]

عندي سؤال واحد واتمنى الجهات المختصه تجاوب عليه ونستخدمه كحجه



ليش يمنعونها .. بحجة انها مب سيفتي للسرعات العاليه فوق 120

واحنا اصلا ماعندنا شارع سرعته القانونيه فوق 120 ؟؟؟؟؟





جواب !!

[boamir]

ليش مكبرين الموضوع وكلها الا تواير ,, ياخي اي شي يمشي
تواير الشركه حلووه للطريق .. واذا راعي بر ركب حجري .. يعني ما صار شي بالدنيا لو بيقطعونها

دام إنه الموضوع مب كبير ليش يمنعونها اصلا
خل إلي يستعمله يستعمله وإلي مايبي كيفه

لو إنه مامنه فايده جان ماتعنوا العالم للسعوديه بس عشان بوالين

[عنزي قطر]

الرايه

تبدأ إدارة المروراعتبارًا من الاثنين المقبل في مخالفة مستخدمي الإطارات الرملية (البالون)


غير صحيح

[بوخالد911]

الرايه

تبدأ إدارة المروراعتبارًا من الاثنين المقبل في مخالفة مستخدمي الإطارات الرملية (البالون)


غير صحيح

وما هو الصحيح اذن؟!؟!؟!؟!؟
:eek5::eek5::eek5::eek5::eek5:

[شبح الصمت]

الرايه

تبدأ إدارة المروراعتبارًا من الاثنين المقبل في مخالفة مستخدمي الإطارات الرملية (البالون)


غير صحيح



صح كلامك وانا توني متأكد

:nice:

[عنزي قطر]

وما هو الصحيح اذن؟!؟!؟!؟!؟
:eek5::eek5::eek5::eek5::eek5:


الصحيح لايوجد تصريح رسمي من أدارة المرور بهذا :telephone:

ممكن الاتصال على ادارة المرور

44890666

[شبح الصمت]

الصحيح لايوجد تصريح رسمي من أدارة المرور بهذا :telephone:

ممكن الاتصال على ادارة المرور

44890666



عيل اخوي يجب محاسبة مصدر الخبر

[بومحمد 00]

هههههه دائماً في قطر كل شيء مبهم

مايعطونك أجابه

يخلونك معلق

[S A A D]

اتمنى من وزارة الداخلية منع مثل هذه الاخبار اللي منبعها بلاك بيري الاخ الصحفي

لاني متأكد مليون بالميه انه الراية نشرت الخبر بناء على صورة الخطاب الموجة لإدارة المرور من وزارة التجارة واللي تم تداولها امس فالبلاك بيري

[الهاجري 2]

ياخي اللي يقول انه مؤيد للقرار وبقو لانه يكره شي اسمه بالون !!
حضرتك لازم تؤيد علشانك تكرهه / يعني مافيه تقارير بخطورته بس كذا عشانك تكرهه
بعدين اذا بيمنعون خلهم يمنعون اللاند كروزر لان استخدامه الاكبر في الرمله والبر وهو اكثر في الحوادث

[qtr1]

[CENTER]معااااااارض للقرار بسنااااااااا خررررابيط



ادري محد بيسمع لنا بس اقووول مالنا غيرك يالله[

:weeping:/CENTER]

[khaleeji]

اذا فكرنا بها الطريقة المفروض يمنعون التويوتا بعد لانها اكبر مسبب للحوادث

قرار خاطئ يجب التراجع عنه من 96 وانا استعمل البالون ولا اشتكيت منه

[عقار]

مؤيد وبقوه
الصراحه ما فيها كنترول ، انا واحد استخدمتها وقت المطر والرطوبة اتقول اسكيت تزلق على بيزه
واذا بريك مفاجيء الله يعينك

[mE mYself & i]

حمايه المستهلك ركزوا على البالون ونسو شي مهم

العيب الموجود في كل سيارات الاندكروزر من 2008 ومحد سوى شي

والعيب انك لو تمسك بريك ونظرب مطب او حفره يفصل بروحه وانا سويت حادث وبالمياجر بهالسبب ان ضربت خفره بسيطه وفصل البرك بروحه وكل الكروزرات الجديده نفس الشي

[mE mYself & i]

اذا فكرنا بها الطريقة المفروض يمنعون التويوتا بعد لانها اكبر مسبب للحوادث

قرار خاطئ يجب التراجع عنه من 96 وانا استعمل البالون ولا اشتكيت منه

انا ايد كلامك بس شيسمونه ولا خلني ساكت احسن

[..er..]

من عرفت السواقه وانا مركب بيلون ومن 99 بالتحديد
ماصادني فيها شي ولله الحمد
وانا اول شخص راح يركب ويركب ويركب حتى لو فيه الف مخالفه على هالشي :)
راعي البر وش يسوي ؟
يركب مياجر ويحول في حصى قطر !!!!!!!!!!!!
بقعد اسبوعيآ تشييك للموتر في ذا الشركات والكراجات
مثل ماقالوا رزق ناس على ناس
ومن ملازم ف المعموره يقول كلام فاضي ولا نزل عندنا اي قرار /*

[دولة قطر]

جاري تصدير السيارة وتركيب لوحه خليجية

[Night KNight]

الله يستر اذا العالم حولو على السبورت
حوادث السبورت اخشن بمليون مره
وبنشوف بعد القرار كيف بتخف نسبة الحوادث

كلام فاضي

[Charisma]

الصحيح لايوجد تصريح رسمي من أدارة المرور بهذا :telephone:

ممكن الاتصال على ادارة المرور

44890666

مرحبا بك اخوي عنزي ..

اخوي قد يكون الخبر مشكوك فيه او غير صحيح من ناحيه تطبيق القرار يوم الاثنين
لكن بوجهه نظرك كناشط مروري .. تعتقد ان في توجهات لفرض مخالفات عالبالون
في القريب العاجل !؟

[me7tar]

الله يعين

[الكواري 1972]

ابشرو ابشرو












باجر بينزل قرار ممنوع لبس النظاره الشمسيه لانها تعتم النظر

وجب التنويه

كل واحد يبيع الفور ويل وياخذ له صالون

[قرنقووش]

مي مايسلف
هذا هو الاي بي اس
لو عندك فكسار قديم جرب البريك على المطبه .. مايمسك

عموما القرار من اوله مظروب لأسباب كثيره
في السوق توجد تواير كثيره خطورتها اكبر من البالون اولها البريجستن
البريجستن في الشمس تصير مثل الصابون
هالتواير مابيمنعونها لسببين
1ـ سعرها غالي
2ـ مب منتشره بشكل كبير وماسووا الناس عليها حوادث ههههههه

ليست للسرعات العاليه؟
هو صار في مجال الواحد يمشي بسرعات عاليه؟ الرادارات اكثر من الاشارات الضوئية -.-

قبل منع البالون نتمنى خط الشاليهات يصير منفصل مب رايح جاي
كم واحد مات بسبب هالشارع الخايس؟
للتاير ابدا ماكان سبب في وفاة كثير من الناس على هالشارع
الشاليهات موجوده من سنين .. الناس تموت من سنين على هالشارع
يعني لازم شخصية كبيرة تموت هناك عشان يعدلون الخط ويصير 2 راح و2 جاي؟

حاجه غريبة فعلا

شارع 22 فبراير هذا عار على الهندسة المدنية والتخطيط العمراني في العالم
عيب والله
شلون بنقابل الناس في 2022؟ بشارع 3 خطوط ؟ الناس وصلت 6 و 8 .. واحنا تونا نشوف 4

ياجماعة نبي نحس اننا نسوق بأمان
بسنا اعذار منتهية صلاحيتها .. هدينا كل اسباب الحوادث ورحنا نشوف التواير اللي يركبونها الشباب

نعم البالون مب التاير المثالي لكن يوجد اللي اسوأ منه مليون مره
ولو فعلا الجهات الحكومية خايفه علينا وعلى ارواحنا خلها تصرفلنا فلوس نشتري فيها تواير
البوالين مب بلاش ماخذينها والمحلات رفعت اسعارها مع بداية منع البالون ..

والخبر غير صحيح لكن في هناك توجهات للمخالفه

[h9466]

للبيع 4 شنابر شبه جديدة مقاس 17 مع بلوطها...لاعلى سعر

[بـن عدوان]

نقول باي باي عبدالغني؟

[ask_and_get]

كلام سليم

خصوصا انها غاليه الثمن ,, واللي توه مركبهم جدد ومخسر شيسوي :secret:

توني رايح الحسا مركبهم من خمس ايام .. :(

[الشيخة شيوخة]

:( مع انى اسوق سيارة بس ماعرف وش هالاطارات الى تقلون عنها الى هى البالون ياليت تعرضون لها صوره :confused:

[مواطن صالح]

أولاً أود أن أوجه شكري للمختصين على حرصهم على المواطنين ..
ثانياً أخص بالشكر السيد الخرجي على مايبذله من جهد .. و أظن أن تلك الجهود منهم و القانون الذي سوف يُطرح ما هو إلا وجة نظر منهم بخطورتها ولكن يشكرون على الإهتمام ..
و أود أن أقول أن التوعيه على المخاطر قد تكون أفضل من المنع .. المعروف أن هذه الإطارات (( البالون)) ليس إلا سبب ثانوي أو فرعي للحوادث ..
السبب الرئيسي هو قضاء الله وقدره الذي لا إعتراض عليه .. ثانياً التهور الزائد عند البعض هداهم الله .. ثالثاً زيادة إستهلاك الإطار حتى يصبح أملس (( ناحل )) .. رابعاً جودة الإطار .. بذلك يعني ليس الإطار نفسه هو مايحمل المشكلة ..
هناك عوامل كثيره وتلك العوامل تنطبق أيضاء على جميع أنواع الإطارات .. وكما نعلم جميعاً أن بيئة قطر صخرية أكثر من أن تكون رملية
و كما نعلم أيضاً أن إطارات الشركة (( المياجر )) تكون أطرافها رقيقة .. وذلك يسبب سهولة تمزق الإطار من قبل الصخور الحادة التي هي أشبه بـ(( السكاكين )) ..
و كما نعلم أيضاً أن أغلبية أهل قطر يحبون الرحلات البرية .. لذلك الخطورة هي هي بعد مانذكر قضاء الله سبحانه و تعالى .. قد قام المختصين بطرح قانون في الماضي كان في نظري ونظر الذين أعرفهم أنه جيد وهو " منع بيع الإطارات المستهلكة (( الناحله )) و لو أنهم بقوا على ذلك القانون أو شددوا عليه أكثر لكن ذلك بادرة محمودة منهم <<
و في الختام أود أن أوجه كلمة بسيطة للمختصين و المسؤولين على جهودهم المبذولة

(( أتمنى لو أن إهتمامكم بالمحافظة على أرواح الناس ينصب في قضية الخمور في البلاد " ولو أنهم ليسوا معنيين بالأمر ولكن تُعتبر من الأمور التي تهدد ما هم بحاجة إلى المحافظة به " .. و في ظني لو أن أحداً من أهالي هؤلاء الشباب عَلِم بأن أبنه يتناول الخمر لقال في نفسه : " ليتني عرفت أنه ميت ولا أنه يشرب هالسم " .. فرجائي الخاص الذي أتوقع أن الكثير من الشباب يؤيدني به أنكم تتركون " أرائكم الشخصية " في موضوع مخاطر إطارات البالون و تستبدلونها بالدعاء لهم و توعيتهم و أن تركزون أكثر في ما هو أهم و أخطر من ذلك وهي أمور كثيرة لا يسعني طرحها ))

و أنا آسف على الإطالة

[مواطن صالح]

و بحسب ما سمعت أن فيه شباب ليلة البارح مسوين حادث على خط الخرارة .. أتمنى مايقولون من البالون .. لأن الحادث كان إصطدامهم بتريلة .. أتمنى من الجهات المختصة تذكر بأن الحادث هو أن الخط مسار واحد .. وياليت يعدلون الشوارع الي الكل يتحدون بخطورتها ويخلون عنهم التواير ألي أختلفوا الناس بخطورتها أو يمكن البعض نفى الخطورة !!!!

الكلام موجه لإدارة المرور على وجه الخصوص .. المسؤول يحاسب يوم القيامة على تقصيرة و أتوقع أنه سوف يحاسب على الإهتمام بالأصغر آكثر من الأكبر

تحياتي !!!

[ممنوع اللمس]

http://dc04.arabsh.com/i/02094/fpt1of0y8mog.jpg
:weeping:



آآآه يا زين ريحتهم بس
آآآه يا زين ريحة الغوالي :(

الحين شركب للجمس؟ عاد موديل 2006 رفرف ما ينفع له الا بالون :( :weeping:

والله حاله شالحل مادري

[BO.ABDULLA]

مي مايسلف
هذا هو الاي بي اس
لو عندك فكسار قديم جرب البريك على المطبه .. مايمسك

عموما القرار من اوله مظروب لأسباب كثيره
في السوق توجد تواير كثيره خطورتها اكبر من البالون اولها البريجستن
البريجستن في الشمس تصير مثل الصابون
هالتواير مابيمنعونها لسببين
1ـ سعرها غالي
2ـ مب منتشره بشكل كبير وماسووا الناس عليها حوادث ههههههه

ليست للسرعات العاليه؟
هو صار في مجال الواحد يمشي بسرعات عاليه؟ الرادارات اكثر من الاشارات الضوئية -.-

قبل منع البالون نتمنى خط الشاليهات يصير منفصل مب رايح جاي
كم واحد مات بسبب هالشارع الخايس؟
للتاير ابدا ماكان سبب في وفاة كثير من الناس على هالشارع
الشاليهات موجوده من سنين .. الناس تموت من سنين على هالشارع
يعني لازم شخصية كبيرة تموت هناك عشان يعدلون الخط ويصير 2 راح و2 جاي؟
حاجه غريبة فعلا

شارع 22 فبراير هذا عار على الهندسة المدنية والتخطيط العمراني في العالم
عيب والله
شلون بنقابل الناس في 2022؟ بشارع 3 خطوط ؟ الناس وصلت 6 و 8 .. واحنا تونا نشوف 4

ياجماعة نبي نحس اننا نسوق بأمان
بسنا اعذار منتهية صلاحيتها .. هدينا كل اسباب الحوادث ورحنا نشوف التواير اللي يركبونها الشباب

نعم البالون مب التاير المثالي لكن يوجد اللي اسوأ منه مليون مره
ولو فعلا الجهات الحكومية خايفه علينا وعلى ارواحنا خلها تصرفلنا فلوس نشتري فيها تواير
البوالين مب بلاش ماخذينها والمحلات رفعت اسعارها مع بداية منع البالون ..

والخبر غير صحيح لكن في هناك توجهات للمخالفه

كلامك عين العقل ولا كن 2 رايح و2 جاي مايكفي يمكن في المستقبل يفتحون شاليهات منافسة حق شاليهات سيلين ويكون سعرها رمزي

[قرنقووش]

^

اخوي مسألة الشاليهات المنافسة اعتبرها شبه مستحيله .. الناس مب قادرة تفتح قاعات افراح وانت تقول شاليهات منافسه هههههههه
2 رايح وجاي ياخوي ابرك من المهزله اللي تصير واشوف انه زين يعني .. احنا ماشفنا خيرهم داخل الدوحه بنشوفه على خط الشاليهات ؟