اختناقات تخنقنييييييي [الأرشيف] - منتديات شبكة الأسهم القطرية

مشاهدة النسخة كاملة : اختناقات تخنقنييييييي

شهبندرالتجار

09-06-2006, 03:58 PM

السلام عليكم ورحمة الله وبركاته

اختناقات جمع اختناق ....

انزين..... شسالفه
اسالفة اني صرت ععصبي وايد واختنق كل ما ابغي أروح مكان في الدوحة ، والسبب اختناقات وتسكيرات الشوارع كل ما اسافر وارجع الاقي الوضع على ما هو عليه لا بل يزداد سوءً يوم بعد يوم بعد يوم ، من الزحمة اتوقف قبل الدوار بكيلو ، واذا الدوار فاضي اتوقف قبله بخمسمية متر ، ويا ريت على الوقفه اتهون نص ساعة وتوصل الدوار مافي مشكلة ... لكن المشكلة في العباقرة أو اللي سون نفسهم عباقرة ويحاول ايتجاوزك من الليمن :mad: ، يعني عقب هذه النطرة وقبل ما توصل الدوار بمية متر يجي واحد يبغي يدخل قدامك واحيانن يطالعق يبتسم:D .. "يعني دخلني" واحيانن ما يعطيك ويه ومقدم خشم الموتر قدامك ويسوي نفسه ما يشوفك يعني انه مشغول ومستعيل وايد " بطنة يعورة الحبيب "
واحيانن تدخل شارع ضيق وصارك ساعة منحشر فيه وعقب التحسف انك دخلت فيهcrazy وما بغيت توصل تقاطع الشارع طبعاً زحمه الشارع الثاني بعد والسيارات ورى بعض تبغي تدخل يمين معاهم ...يناحسونك ما يخلونك الطوف .. ليش يالحبييب انا طالع من شارع فرعي مش متجاوزك من اليمين ..يعني من أداب القيادة في مثل هذه الحالات سيارة من عندك اطوف وسيارة من الشارع اللي انا فيه اطوف .. المسألة ما يبغيلة تعنتر يا اخي .
واللي يزعل وايد اتشوف اسعاف وراك تبغي الطوف بسرعة بين هذي الزحمة وما دقدر تفتحله على يمين الطرق حفرة طووووول الشارع وعلى اليسار دنكر منحشر وياك وقدامك طابور سيارات . ماذا تفعل يا بطل:strong ؟

هذا اللي اشوفه في بعض الايام يا جماعة بس في شوارع الدوحة لاني في العادة ما طلع ولا اروح مكان إلا لشديد الؤي:strong من البيت إلى الشغل أو المجلس بس .

الحل الله يخليكم ... دخيل الله.... خلاص اختنقت اختنقت اختنقت اختنقت اختنقت crazy

وطن

09-06-2006, 04:16 PM

كنت قد اسمعت لو ناديت حيا

بعض الناس نسو اداب السواقه هذا اذا كانو يعرفونها من الاساس

اصلا المفروض يدرسونهم اياها وهم يتدربون لرخصة القيادة .. هذا اذا هم تدربو اصلا

مو كافي الزحمة .. يجون هذول يتجاوزونك من اليمين بكل وقاحة ويدشون في الخط

انا تصير معاي وايد واناحسهم ما اعطيهم طريق
واللي مساعدني عندي سينسور في السيارة يعني اقدر الزق في اللي قدامي لزقه عدله ولا اخلي حد يدش وهو متجاوز يمين

يعني كلنا مستعجلين وكلنا متمللين من الزحمة...

شي ينرفز الصراحة

يبي لهم يعرفون اداب الطريق وحقه عدل عشان يعرفون ان حتى حركاتهم هذي اللي يسوونها ويتجاوزون الناس بدون اي حق يتآثمون عليها
شفت من سنة او ثنتين حلقه حق وجدي غنيم وكان يتكلم عن اداب الطريق وان الواحد ممكن ياخذ اثم من طريقة سواقته

اسمح لي اخوي انفعلت وايد
بس انت جيتني على الوتر

<==== وحدة صارت ما تمسك الخط اليمين الا للشديد القوي .. عشان ما انرفز اعصابي بواحد لاف علي

شهبندرالتجار

09-06-2006, 04:49 PM

[QUOTE=وطن]كنت قد اسمعت لو ناديت حيا

مو كافي الزحمة .. يجون هذول يتجاوزونك من اليمين بكل وقاحة ويدشون في الخط

انا تصير معاي وايد واناحسهم ما اعطيهم طريق
واللي مساعدني عندي سينسور في السيارة يعني اقدر الزق في اللي قدامي لزقه عدله ولا اخلي حد يدش وهو متجاوز يمين

يعني كلنا مستعجلين وكلنا متمللين من الزحمة...

اسمح لي اخوي انفعلت وايد
بس انت جيتني على الوتر

اخ ......يا وطن ......يا ريت اقدر اسوي مثلك ..بس ما قدر ... لاني ماعندي استعداد اني اتلاسن مع حد في الشارع ... وأن ظليت على هلحال أكيد في يوم باتذابح مع واحد منهم .
علشان الشيطان شاطر .....والانسان ما يدري ايش اسوي وهو غضبان ومنفعل .

وعلى فكرة في حادث من اسبوعين مات فيه اثنين شباب " اجانب " علشان تناحسوى على الشارع مع سيارة ثانيه وقاموا يلفون على بعض لين انقلبوا وادخلوا في اشجرة وماتوا الأثنين .
ولا حول ولا قوة إلا بالله

وطن

09-06-2006, 10:32 PM

لا انا مب كفو حد يتلاسن وياي

لاني بنت

محد بيقدر يستقوي على بنت :)

bnb

09-06-2006, 10:54 PM

وطن

09-06-2006, 10:56 PM

الطرق ومشاكل والاختناقات في طريقها إلى الحل
والحل الجذري حيث وان الدولة تنفق مليارات الريالات
لإعادة تخطيط وتطوير الشوارع الداخلية والخارجية والبنية التحتية
قليل من الصبر والتعاون واحترام النفس والتقيد بقواعد المرور والسلامة
تقلل من مشاكل الطرق وتخفف الضغط والعصبية

ما اختلفنا الدولة مو مقصرة وشبكة الطرق اللي قاعدين يجهزونها حلوة وايد

بس بعض السائقين اذا مب معظمهم نسو ادااااب وفن السياقة crazy

ROSE

09-06-2006, 11:07 PM

والله الواحد لي يسافر اي مكان يتحسر على شوارعنا ويقول ياريت قطر نفسهم

ماناقصنا ولا شي احلى المولات واحلى الاماكن وكل شي حلو الا الشوارع

لي متى ماندري

الله يعينا بس

bnb

09-06-2006, 11:09 PM

ما اختلفنا الدولة مو مقصرة وشبكة الطرق اللي قاعدين يجهزونها حلوة وايد

بس بعض السائقين اذا مب معظمهم نسو ادااااب وفن السياقة crazy

قليل من الصبر والتعاون واحترام النفس والتقيد بقواعد المرور والسلامة
تقلل من مشاكل الطرق وتخفف الضغط والعصبية
............

شمعة الحب

09-06-2006, 11:24 PM

http://www.phroon.com/karek/card/sad052.jpg

الحل الوحيد جسور في كل مكان.الله يعين اخوي شهبندرالتجار ويعطيك العافيه..

الأختصاصي

09-06-2006, 11:37 PM

بوخالد2

10-06-2006, 03:30 AM

وطن

10-06-2006, 08:45 AM

ليش احنى نحمل المسئوليه الكامله على مستخدمين الطريق .... المسؤليه تكمن بالقوانين الي تتساهل فيها ادارة المرور والدوريات لو كان في قانون رادع للي يتجاوزون الطريق حجز سياره وغرمه كبيره 10,000 كان ماتلاقون احد يفكر انه يتجاوز من اليمين

اخوي في غرامات للي يتجاوز من اليمين :deal:

بس بالمقابل شيصير .. يجيك فلان عنده واسطه ويشيلون عنه كل مخالفاته !!! وين يتأدب هذا ولا يتعلم يحترم الطريق ؟؟؟ :anger2:

وكانت في دوريات توقف في الشوارع ويسجلون كل هالمخالفاات
بس من تسكرت شوارعنا محد منهم فاضي !!!!

Qa6ar

10-06-2006, 08:53 AM

يعطيك العافيه

فتره وتعدي وتعدل الامور انشالله عليكم بالصبر

شهبندرالتجار

10-06-2006, 09:23 AM

لا انا مب كفو حد يتلاسن وياي

لاني بنت

محد بيقدر يستقوي على بنت :)

معاد في احترام الحين يا ..... وطن حق بنت وإلا حق شيبة ..... كلا واحد عند هالعالم
هم شيئ حاسبي من اصحاب .... البياكم" جمع بيك أب " المزينه والبياكم والكرزرات المغبرة :court:

Qa6ar

10-06-2006, 09:31 AM

المحترم محترم نفسه سوا ببيكم او بروز اخر موديل

وطن

10-06-2006, 09:34 AM

معاد في احترام الحين يا ..... وطن حق بنت وإلا حق شيبة ..... كلا واحد عند هالعالم
هم شيئ حاسبي من اصحاب .... البياكم" جمع بيك أب " المزينه والبياكم والكرزرات المغبرة :court:

الظاهر جذي :)

شهبندرالتجار

10-06-2006, 09:36 AM

الطرق ومشاكل والاختناقات في طريقها إلى الحل
والحل الجذري حيث وان الدولة تنفق مليارات الريالات
لإعادة تخطيط وتطوير الشوارع الداخلية والخارجية والبنية التحتية
قليل من الصبر والتعاون واحترام النفس والتقيد بقواعد المرور والسلامة
تقلل من مشاكل الطرق وتخفف الضغط والعصبية

قوى استاذي .... انا واحد صبرت وايد .....من الشوارع ومن هالعالم ....لين صادتنا النفضه
وتوتر وابغي اروح حق دكتور نفساني صراحه .
انا احس ان اللي قاعد يصير ما فيه اي تخطيط ... شغل " جلدي جلدي بالهندي " سوي هالشارع عدل هشارع سكر هل الدعوس افتح هسكه" يعني خرابيط في خرابيط .

ابغي شيئ غير الصبر .... ارجوك ::nice: :

Qa6ar

10-06-2006, 09:39 AM

مالك الا الصبر والصبر مفتاح الفرج

ومالك الا خشمك ولو هو اعوج

شهبندرالتجار

10-06-2006, 09:43 AM

والله الواحد لي يسافر اي مكان يتحسر على شوارعنا ويقول ياريت قطر نفسهم

ماناقصنا ولا شي احلى المولات واحلى الاماكن وكل شي حلو الا الشوارع

لي متى ماندري

الله يعينا بس

والله يا رووز ...انا لو يقولولي بس أن هلعفسة كلها بتخلص قبل اسياد باصبر ماعندي مشكله وبطق اصبع بعد .... بس المشكله ان عندي احساس أن هلموضوع ما راح يخلص ... لانه مثل ما قلت شغل جلدي جلدي وبيرجعون يشتغلون فيه مرة ثانية وثالثه .

شهبندرالتجار

10-06-2006, 09:53 AM

قوة استاذتنا ... جسور ... انفاق .... دواعيس ... اي شي بس انخلص ... صارت السيارات اكثر من الناس .... اشدعوا ... انسوق سياكل احسن لنا ... صراحة قمت احسد اصحاب البطابط ... ياحيهم يمرون من جنبك اخر حلاوه ..ما عندهم مشكله ...بس طيحته والقبر ...ما ادري اخذ بطبطه انا والمره والعيال :funny: ... شرايكم .

شهبندرالتجار

10-06-2006, 10:01 AM

ليش احنى نحمل المسئوليه الكامله على مستخدمين الطريق .... المسؤليه تكمن بالقوانين الي تتساهل فيها ادارة المرور والدوريات لو كان في قانون رادع للي يتجاوزون الطريق حجز سياره وغرمه كبيره 10,000 كان ماتلاقون احد يفكر انه يتجاوز من اليمين

قوى استاذي شجاع ....المشكله ما دقدر ترجعها إلى سبب واحد .. ... انا اعتقد أن في اسباب وايد مجتمعه حق هلمشكله .... لازم انبين هالاسباب بعدين نحاول انعلج المشكله ... هذا اذا نبغي انعالج المشكله .
انا معاك في تقصير في هالجانب .... بس يا خوى ما تشوف هالشرطة واقفين في هالحر والشمس حالتهم حاله .

الأختصاصي

10-06-2006, 10:09 AM

اخوي في غرامات للي يتجاوز من اليمين :deal:

بس بالمقابل شيصير .. يجيك فلان عنده واسطه ويشيلون عنه كل مخالفاته !!! وين يتأدب هذا ولا يتعلم يحترم الطريق ؟؟؟ :anger2:

وكانت في دوريات توقف في الشوارع ويسجلون كل هالمخالفاات
بس من تسكرت شوارعنا محد منهم فاضي !!!!

ياوطن انتي تتكلمين عن مخالفه قيمتها 300 ريال من الحين الي مايقدر يدفعها ومن قالج ان الي يتجاوز على اليمين كلهم عندهم واسطه ؟؟؟ والدوريات الي تتكلمين عنها المفروض يستوقف الشخص ويحجز سيارته حتى يكون عبره لغيره

شهبندرالتجار

10-06-2006, 10:10 AM

والله الحل بسيط بدال الدوله ماتنفق الاموااااااال على الرياضه وخرابيطها تنفقه على الشوارع الواحد يطلع سياره من الشركه شوى الا طايح في حفر مايسوى عليه يشتريها ويخليها في البيت احسن

والمشكله الواحد الحين اذا يبي يروح مكان زحمه في زحمه تلوع كبده واهو في الزحمه لازم يطلع قبلها بساعيتين اى والله خلها على الله

يسلموووو الشهبندر

قوى بوخالد .... ... اول السنة قالتي المره نبغي نشترى مرسدس الجديد :confused: ....
قلت في المشمش .. انتي ما تشفين هالشوارع اشزينه ... تبغين ... " همر " ما عندي مانع :nice: ورحت شريت همر .احسن سيارة تصلح حق هالشوارع اشرايك :D

شهبندرالتجار

10-06-2006, 10:16 AM

يعطيك العافيه

فتره وتعدي وتعدل الامور انشالله عليكم بالصبر

الله يعافيك يا ....Qa6ar ما شاء الله عليك اضاهر صدرك وسيع ... عطني من صبرك الشوي .... وعلى العموم انا قاعد في المجلس انطر لين اتخلص هالعفسه:nice: .

شهبندرالتجار

10-06-2006, 10:25 AM

مالك الا الصبر والصبر مفتاح الفرج

ومالك الا خشمك ولو هو اعوج

نعم صدقت يا Qa6ar عورت قلبي ....أنا شمزعلني غير انه ابلادي..... وأذا انتقت هشي ابغيله الخير ....

khaldoon

10-06-2006, 10:35 AM

جزاك الله كل خير اخوي شهبندر على الطرح الرائع للموضوع

بالنهايه ايش ما صارت قوانين وغرامات فالسواقه فن وذوق واخلاق اولا و اخيرا

الى متى ستسمر المعاناه (http://www.qatarshares.com/vb/showthread.php?t=49191)

وطن

10-06-2006, 11:49 AM

ياوطن انتي تتكلمين عن مخالفه قيمتها 300 ريال من الحين الي مايقدر يدفعها ومن قالج ان الي يتجاوز على اليمين كلهم عندهم واسطه ؟؟؟ والدوريات الي تتكلمين عنها المفروض يستوقف الشخص ويحجز سيارته حتى يكون عبره لغيره
300 + 300 + 300 + .... الخ

تسوي مبلغ محترم ولا انت شرايك :deal:

واللي يتجاوز من اليمين ما يتأدب من اول غرامه

لانها ما تهمه بيظل يتجاوز ويتجاوز وكأنه العيد :nice:

خصوصا في زمن الواسطات ... omen

بوخالد2

12-06-2006, 12:51 AM

قوى بوخالد .... ... اول السنة قالتي المره نبغي نشترى مرسدس الجديد :confused: ....
قلت في المشمش .. انتي ما تشفين هالشوارع اشزينه ... تبغين ... " همر " ما عندي مانع :nice: ورحت شريت همر .احسن سيارة تصلح حق هالشوارع اشرايك :D

:app: :app: :app: :app: :app: :app: :app:

احسن ماسويت ياشهبندر التجار علشان ماتضرب بريك كلش من رصيف الى رصيف :D