لوحجزت سيارة وحبيت تلغي الحجز ؟؟

[الفا برافو]

السلام عليكم
استفاسار للي مروا بهالترجبه

انا حجزت سياره من شركه معينه ودفعت 30 الف مقدم ثمن الحجز والطلبيه .
السياره باقي شهر وتوصل حسب الموعد اللي عطوني اياه .

الحين لقيت نفس السياره اللي انا ابيها بسعر جدا ممتاز واستعمل بسيط جدا وحبيت الغي حجزي بس الشركه قالوا لو تلغي الحجز يطير عليك المقدم ؟؟؟ او جيب لنا حد يشتريها وبنرجع لك العربون !!

هل مرت هالحاله با حد وقدر يرجع عربونه من دون مايدور احد يشتري الموتر ؟

اتمنى الافاده ؟

[@north_star@]

بوجهك على حماية المستهلك الا اذا في بينك وبينهم عقد أو اوراق وفيها هالشروط اللي تقول عنها

[tiger33]

هلا الشيخ

هو ع حسب الشركة اذا الشركة شايفه زباين وخير بيخذون 2000 وبرجعون لك الباقي او ع حسب الاتفاق ..

بس اذا شركة ماصدقت حد يشتري من عندها ماعتقد يرجعون لك وبعقدوون عليك الامور روح للموظف وحاول تشرح له ظرف ولا اي شي (( من لديه حيله فل يحتال )) ...

بس لو بتقول لهم لقيت سياره ثانية ومن برع مابيعطونك شي عشان يمسكون الزبون ..!!

[الغالي!]

نعم اذا السياره مرسيدس يصير لانهم يصنعونه بنفس الموصفات اللي تبيه
بس الشركه تقدر تبيع لك الحجز بطريقتهم او تسوي اعلان ان مر علي هالموقف

[SULTAN1]

كلام أخونا الغالي صحيح ،بعض الشركات اذا حجزت عندهم بمواصفات خاصه او مختلفة عن المواصفات اللى تجيبها الشركة توقع معاهم عقد وخاصة السيارات الالمانيه،الله يعينك تجيب لهم شخص راغب في السيارة او هم مثل يحطون اعلان

[الفا برافو]

تسلمون يالربع على مداخلاتكم الطيبه

وتم الاتفاق مع الشركه على انه العربون يرجعونه لي لما يتم بيع السياره
وانشالله السياره ماراح يتاخر بيعها لما توصل

تحياتي لكم وبيض الله وجيهكم

[سعود سعد]

طيب شرايك تسوق للسياره في الموقع

ممكن تحصل له زبون وان شاء الله تخلص من الموضوع بوقت اسرع

ههههههههه وبإمكانك تاخذ سعي بعد ( استانس من قدك ) رب ضارتِ نافعه

[الحـ(درب)ـب]

انزين قول شنو السيارة - عشان يمكن حد رغبان فيها وتخلص معاه

ابرك لك

[مخطط قطري]

اي شنهي سيارتك علمنا يمكن ناخذها منك اذا هي مناسبه