استفسار : قــص الــمـعـده :.. ـِـــــــــــــــــ !

[بو الجوري]

السلام عليكم جميعا ضعاف و متان :nice:

بغيت استفسر عن عملية قص المعده :..

يقولون هي افضل عمليه و مالها نتائج سلبيه باذن الله :..

وفي دكتور زاير موجود فالرميله اعتقد :..
واعرف 3 سووها عنده ؛ وماشاء الله امورهم طيبه ونزلو تمااااام :..

يقولون هي افضل من الربط والتحويل وباقي الاشياء :..


نبغي تجاربكم ونصايحكم :) مانبي نصايح رجيم لانه الريال ميؤوس منه :rolleyes2:
مايقدر يسوي ريجيم ؛ ارادته ضعيفه :..

[بو الجوري]

اي تذكرت يقول بعد انها تعتبر تصغير للمعده :..
يعني بتاكل شوي وخلاص بتشبع :..

[elders]

يعني بالله عليك انت حاسس انها صح ؟؟
معدة من ربنا نقوم نقص منها !!
بحس اللي بيعمل هيك عمليات جريء جدا جدا ...صح بيضعفو عليها كتير وفي واحد بعرفو نزل 80 كيلو بس كبر 10 12 سنة !!
ياخي فكرة العملية والبنج وقص من الاعضاء ما بستسيغها ابدا مشان شي تجميلي ..بس اذا كانت السمنة بتأثر على القلب والشرايين وخلافه فهاد سبب ..بس اللي عندو 20 او 30 كيلو زيادة حرام يعرض حالو للخطر ...هاد رأيي واستخير واسأل المجرب والله يوفق الجميع

[بوطويشم]

السلام عليكم

واحد من شبااب نصحني اني ماسوي قص المعده

اول شي ما قام يقدر ياكل عدل و ياكل شي بسيط وعادي يرجع

ثاني شي كله تعبان لانه صار معتمد على الفيتامينات

وفي عمليه ثانيه الي هي تحوير او تحويل مادري اذا نفس المعنى الي مسويه سموالأمير و الجسمي

يمدحونها لان الدكتور الي سوا العملية للأمير فمستشفى حمد مثل ماسمعت

بالتوفيق

[اهل قطر]

السلام عليكم ورحمة الله
تقدر تحط موضوعك في منتدى بدانه كلينك وتسئل هل قطر الي سووها عند دكتور ميشيل

[أسد الجزيرة]

في عملية اسمها تدكيك المعدة و هي احدث عمليات البدانة حيث يتم طوي المعدة بدون قص و تصغير حجم المعدة و تفادي التسريب منها و تعطي تقريا نفس النتائج

و اولا و اخيراً الاستخارة في هذه الامور

[الزلزال]

واحد من الشباب من يومين مسوي قص معده
بس يبيله وقت ونساله ونعرف النتائج
مسويها في المستشفى التخصصي الاهلي

من رائي الي يبيله 20 كيلو او اقل مايحتاج قص

[حقيقه]

اللي أعرفه انه الدكتور يطلب من المتين يخفف لمدة كم شهر قبل العمليه

يعني رجيم يمكن يقدر يستمر عليه بدل العمليه

انصحه يبعد عن العمليات الصحه غاليه ي بوالجوري

[Halawala]

والله اللي اقدر اقول لك ابتعد عن المستشفى الأهلي بكل أطباءه
مجززززرة بكل معنى الكلمة
وفالك الرشاقة قول امين

[بو الجوري]

يعني بالله عليك انت حاسس انها صح ؟؟
معدة من ربنا نقوم نقص منها !!
بحس اللي بيعمل هيك عمليات جريء جدا جدا ...صح بيضعفو عليها كتير وفي واحد بعرفو نزل 80 كيلو بس كبر 10 12 سنة !!
ياخي فكرة العملية والبنج وقص من الاعضاء ما بستسيغها ابدا مشان شي تجميلي ..بس اذا كانت السمنة بتأثر على القلب والشرايين وخلافه فهاد سبب ..بس اللي عندو 20 او 30 كيلو زيادة حرام يعرض حالو للخطر ...هاد رأيي واستخير واسأل المجرب والله يوفق الجميع

هو يقول إنها أأمن العمليات و أفضلهـا :..
مادري عنه ، و تسلمين عالمرور:)



السلام عليكم

واحد من شبااب نصحني اني ماسوي قص المعده

اول شي ما قام يقدر ياكل عدل و ياكل شي بسيط وعادي يرجع

ثاني شي كله تعبان لانه صار معتمد على الفيتامينات

وفي عمليه ثانيه الي هي تحوير او تحويل مادري اذا نفس المعنى الي مسويه سموالأمير و الجسمي

يمدحونها لان الدكتور الي سوا العملية للأمير فمستشفى حمد مثل ماسمعت

بالتوفيق

أعرف واحد قاص و عادي ياكل بس مب وايد :..
يقول بسرعه أشبع ، و عملية التحويل أعتقد هي تخلي اللي تاكله ينزل على طول تكرمون :..
يعني سالفه ووهقه :nice:


السلام عليكم ورحمة الله
تقدر تحط موضوعك في منتدى بدانه كلينك وتسئل هل قطر الي سووها عند دكتور ميشيل


شكرا إختي :)


في عملية اسمها تدكيك المعدة و هي احدث عمليات البدانة حيث يتم طوي المعدة بدون قص و تصغير حجم المعدة و تفادي التسريب منها و تعطي تقريا نفس النتائج

و اولا و اخيراً الاستخارة في هذه الامور

بنسأل عنها إن شاء الله و تسلم :)


واحد من الشباب من يومين مسوي قص معده
بس يبيله وقت ونساله ونعرف النتائج
مسويها في المستشفى التخصصي الاهلي

من رائي الي يبيله 20 كيلو او اقل مايحتاج قص

تسلم و اللي بعدوووو خخخخخخ

و خبرنا بأكله شلون :telephone:


اللي أعرفه انه الدكتور يطلب من المتين يخفف لمدة كم شهر قبل العمليه

يعني رجيم يمكن يقدر يستمر عليه بدل العمليه

انصحه يبعد عن العمليات الصحه غاليه ي بوالجوري

إي و الله يا حقيقه ، بخليه يجرب بس إرادته صفر :)


والله اللي اقدر اقول لك ابتعد عن المستشفى الأهلي بكل أطباءه
مجززززرة بكل معنى الكلمة
وفالك الرشاقة قول امين

آمين :)

أنا جربت الأهلي في موضوع القولون حشبي الله فيهم بس :)

[مرتبش]

http://www.qatarshares.com/vb/showthread.php?t=454780

[السحابة]

أخوي حرام عليك قص مره واحده نصيحة من اخت لاتسوي شئ وتتحسف عليه اشلون يهون عليك تقص جزء من جسمك هذي نعمه الله عطتها لك سوي رياضه ورجيم صحي لمدة سنة والله الارادة فوق كل شئ وبتتذكر كلامي وانت حر

[وطن]

بو الجوري

قول له يحط في باله

انه بيغير من خلق الله
وربنا ما سوى هالمعدة بهالشكل الا لهدف معين
الواحد لازم ما يلعب في جسمه

خصوصا ان أغلب هذي العمليات مافي لها "رفيرس"
يعني ما يقدر يرجع اللي كان قبل

خل يشوف له حلول مافيها قص ولا تحوير
لان حتى تحويل المسار "باي باس"
مالها ريفيرس
والأكل ينزل للأمعاء ما يمر المعدة
و وايد متعبه شفت حالة قدامي
والجسم ما يستفيد من الأكل طبعا لان شقح المعدة

خله يحط في باله ان جسمه أمانه من رب العالمين
ويقوي ارادته قدام الأكل عشان يحافظ على هذي الامانة
ويمارس نشاطات خفيفة شوي شوي
لين يصير انسان رياضي ورشيق

قول له وطن تقول لك انت تقدر وانت قدها :)

[إكليل الزهور]

انا ادري ان استفسارك عن العملية بس في حلول اسهل و اسرع

جرب تنصحه يسوي اشتراك في دايت سنتر او سليم اند لايت.. وهم يوصلون له وجباته يومياً

من اللي قريته عن المراكز اللي من هالنوع- انا ماجربت- ان الناس يمدحون اكلهم انه صحي + كمية كافية + ينزل وزنهم

هذي رابط موضوع استفسار عن افضل مركز .. فيه اختيارات اكثر

http://www.qatarshares.com/vb/showthread.php?t=460847&highlight=%CF%C7%ED%CA+%D3%E4%CA%D1

جذي يكون حل نص المشكلة.. يبقى النص الثاني اللي هو اشتراك في مركز رياضي و اذا محتاج حد يشجعه اشتركوا معاه..

كل هذا اسهل من التعب الجسدي و النفسي اللي عادة ينتج عن العمليات ولاينسى ان في فترة انتظار لين يجي موعده فبإمكانه يختصر الوقت و التعب

الله يوفقه و جزاك الله خير

[حسن]

اعوذ بالله شلون تقص المعده وهي بيت الداءوالدواء انصحه يشترك بمراكز الرجيم ابرك له

[آنا غيــر]

بوالجوري قول الصج حق رفيجك ولا حقك -_-

[المــزن*]

بنت أخو زوجي سوتها
وايد تعذبت في البداية وعانت شهور
ماتقدر تبلع الاكل وغير الألم
تقول لو تدري من قبل العملية بهالأعراض جان ماسوتها!!!
طبعا مافي فايدة الحين خلاص سوت العملية :"(

صح ضعفت وقالت يا انها بتم جذيه او تضعف زيادة
تقول كوب ماي واحد في اليوم ماتقدر تشرب اكثر!!
والأكل جدا قليل ربع سندويتشه :secret:

هاذي اسمها عملية وياكبرها الكلمة :weeping:
كل شي له ضرر

الافضل يدخل نيوترشن وان شاءالله بينزل وزنه

[بو الجوري]

شاكر مداخلاتكـم جميعاً ، و ماقصرتوا :..
و إن شاء الله بقولـّه وطن تقول إنك قدهـا :)

و إنتي غيـر ، لا مب لـي ههههههههههههههه انا جسمي زويـن :..

[تاجر]

لا يحتاج قص معده , بل اغلاق فم

[وطن]

شاكر مداخلاتكـم جميعاً ، و ماقصرتوا :..
و إن شاء الله بقولـّه وطن تقول إنك قدهـا :)

و إنتي غيـر ، لا مب لـي ههههههههههههههه انا جسمي زويـن :..

شوف اخوي

اذا لغته الانجليزيه اوكى
خله يقرأ كتاب
How to loose wieght with out dieting

مافيه رجيم ابدااااااااا
ولا يقول لك سو رجيم

بس يعدل النفسية ويخليه ايجابي وايد مع نفسه
ويحمس الشخص ويرفع روحه المعنوية

و بروحه بيلتزم من نفسه بالأكل الصحي والتمارين اللي تناسبه

[خالد البلوشي]

انا اول امس كنت اقرا تقرير كامل بموقع ايلاف و حوار مع دكتور مختص بعمليات قص او ربط المعدة تقدر ترجع للموضوع بايلاف وتقراه بس امانه عليك لا تسوي العملية الا لما تسال وتتاكد اكثر

[mohd222]

اتوقع ولا واحد من الي ردو على الموضوع متين هذا الشي مايحس فيه الا المتين أنا اعرف واحد قالي باسويها لنه ايعاني والسمنه مخطوره امراض القلب والسكر والضقط أنا أشوف اذا مايقدر يخفف حاول مره اومرتين يستخير ويسويها ماخاب من استخار بس لازم الوزن في حدود ١٤٠ او اكثر

[همسه]

اخواني و خواتي خوفتو الرجال و واضح من الردود ان ماعندكم خلفيه عن العمليه و عن سلبياتها و ايجابياتها

بالذت امور الصحه و العمليات الواحد عشان يقدر يرد رد مفيد لازم يكون قرا و قرا و قرا و قرا عن الموضوع لين يفهمه صح

اخوي العمليه هذي حالها حال اي عمليه مجرد التخدير هذا بس خطر و لكن على الشخص انه اولاً يستخير ومن بعد الاستخاره يختار دكتور ممتاز و يتوكل على الله سبحانه و تعالى

اللي بيموت بيموت مهما كان مكانه مب شرط في عمليه و عمره طويل ان شاء الله الانسان يكون مؤمن و من توكل على الله سبحانه و تعالى ماخاب

و العلم رحمه و هذي العمليه رحمه لكثير من المصابين بمرض السمنه و من قال ان السمنه ماتؤدي للموت عافنا الله سبحانه و تعالى

لو كان الكل يقدر يلتزم بالرجيم و الرياضه ماكان شفنا سمين ولا كان اخترعو مثل هالعمليات

فيه عملية التكيم اللي هي القص و يكون الجزء المتبقي من المعده طولي شكل الموزه و تصلح للي الزياده عندهم مش كبيره و لكن نسبة التسرب فيها 20% حسب ما قريت و بحاول اتأكد من النسبه مره ثانيه و ممكن ان المريض بعد سنتان يرجع يسمن اذا ماستمر محافظ على الاكل الصحي بدون دهون و سكريات و بكميات بيسطه في الحقيقه لا احبذ هذه العمليه

و فيه عملية التحوير و هي تحويل مسار المعده وخطأ كبير في مفهوم البعض ان الاكل ما يمر على المعده في حقيقة الامر ان يفصل من المعده جزء صقير بحجم البيضه الصغيره و يتجاوز من الامعاء بطول متر ونص لا تستأصل و لكن تقص و تربط و توصل بالجزء الصغير من المعهده والجزء المربوط يقوم بوظيفته كامله و يفرز العصاره و عملية الهظم تتم و كل شي طبيعي كل ماهنالك ان الجزء المربوط هو اللي كان يمتص كل السعرات الحراريه في الاكل و تسبب السمنه انا مش طبيبه اعذروني على الشرح اللي ممكن مش مفهوم عند الكثيرين و على فكره مفهوم خاطئ اخر عند البعض ان اصحاب عمليات التحوير يعيشون طول العمر على الفيتامينات في الحقيقه و كلام جراح استشاري ان اصحاب عملية التحوير يستمرون على الفيتامينات لمدة سنتين بعدها يجرون فحوصات و تحاليا واذا كان الجسم مكتفي ولا يوجد فيه نقص بأمكانهم يوقفون الفيتامينات و كل 6 شهور يحللون و يشوفون و غالبا يكون الجسم تأقلم ولا يحتاج لفيتامينات و مع العلم ان كثير من الناس بدون اي عمليات يستخدمون فيتامينات عني افضل هذه العمليه على باقي العمليات و حتى الاطباء ملقبينها بالعمليه الذهبيه

اما عملية طي المعده نهائيا ما انصح بها لأن مع الوقت بقايا الاكل ممكن تعلق في الثنيات و ممكن تتعفن و تسبب امراض لا قدر الله


نصيحه ان كان صديقك جاد بعد التوكل على الله سبحانه و تعالى ارشح له الدكتور سلطان التمياط في مستشفى المواساة في الدمام دكتور استشاري جراحة مناظير و سمنه و هو متخصص في هذا النوع من العمليات

اتمنى اكون افدتك ولو بشي بسيط

الله يعطيك و يعطيه و يعطي الجميع الصحه و العافيه

آمين يارب

:)

[همسه]

اعرف اني هذرت بس ملاحظه صغيره نسيت اذكرها

اللي يشتكون من الالم و الغصه بعد العمليه لأنهم مالتزمو بكلام الدكتور ممنوع اي اكل دسم و ممنوع السكريات و ممنوع البلع بدون مضغ جيد و ممنوع الشرب مع الاكل يفصل بين الاكل و الشرب سواء قبل او بعد الوجبه بنص ساعه

و السوائل سواء ماء و مشروبات ساخنه او عصائر ممنوع تشرب دفعه واحده تشرب رشفات

و بعض الناس يعاند ويطنش توصيات الدكاتره و ياكل مالذ و طاب وبعده تجيه غصه ويرجع وانتو بكرامه و تكرار هذي الحركه يوسع المعده و يخرب العمليه و يرجع يسمن لكن بتعب

واللي مايلتزمون بالفيتامينات هم اللي يبين عليهم كأنهم اكبر من سنهم وكأنهم مرضان

اذا تذكرت شي برجع ان شاء الله

:)

[بوحارب]

تبي تصير كيوت ؟؟

مالك أمل ههههههههههههههه

[بو الجوري]

شاكر مداخلاتكـم و بالأخص همسه :.. :)

و بخليه يمشي معاي أول ما أقرر أمشي ههههههه



بوحارب ، أنت تعرفني أنا كيوت من يومي :shy:

[حياة]

صل الاستخاره وتوكل على الله
اعرف وحده سوتها ماشاء الله
سوتها عند ميشيل في حمد
كأنها الحين بنت مراهقه مع العلم
انها جده ....

[فتى الجود]

السلام عليكم

اعتقد انك تقصد عملية تدكيك المعده

عموماً هذي ردود سابقة لى وممكن تستفيد منها
واذا لازم توضيح اكثر فانا حاضر:

رد بتاريخ 16/2011





السلام عليكم
اولاً عشان هالنوع من العمليات مايخفيك انك لازم تكون اكثر من 30 نقطة
عموماً هذا موقع لحساب كتلة الجسم


http://www.moh.gov.sa/badana/bmi.htm



والان يبقى لك القرار :

اذا كان كتلة الجسم اكثر من 50 نقطة

فعليك بالتحويل ، التحوير (( bypass ))

اذا كان اقل من 50 نقطة ممكن تسوي التكميم ((sleeve ))

طبعاً هذا القرار تدرسة مع الدكتور او الجراح اللى بيسويلك العملية

وهذا الموقع ممكن تستفيد من تجارب كثير من البدناء القدام



http://badanaclinic.com/vb/forumdisplay.php?f=22




و هذا رد بتاريخ 8 / 6 / 2011



السلام علييكم ورحمة الله وبركاته

سلم على رفيجك وقوله يتوكل على الله ويقل بسم الله

ويسلم على الدكتور غانييه ومعتز باشه وهشام علام ومحمد الكواري
والشله كلها

قوله يتوكل على الله ولايوقف وابشر بالخير

الصعوبه كلها تكمن في

بس يبيلك تلتزم أول 6 اسابيع وبعدها تمر امورك طيبه

ونصيحه قبل العمليه بـ 48 ساعه وقف الأكل الصلب "كاللحوم والدجاج والأسماك "
وخلك على الفواكه وبتدرج جلي وشوربه وسوائل
طبعاً لاتنسى انك توقف الأكل قبل لعمليه على اقل تقدير 8 ساعات
هذي الوصفه اخوى بتريحك انت في العلمليه
والله يطلعك سالم ان شاء الله

[همسه]

فتى الجود

نعم العمليه لكتلة الجسم اللي تعدت 30

و لكن التحوير مب شرط فقط لمن كتلة جسمهم تعدت 50

ناس ضعاف سوها لأنهم مصابين بالسكر و هي علاج لمرضى الضغط و السكر و الكريسترول

و اعرف ناس كتلتهم ماوصلت 50 و فضلو التحوير على التكميم

هي عموما قناعات و راحه الشخص للعمليه اللي يفضلها بعد ما يسمع كلام الدكاتره و يقرا في هذا الموضوع لحد ما يقتنع في نوع العمليه المناسبه له

و قبل هذا كله صلاة الاستخاره

:)

[naif3]

الاستخاااره اولا