رسوم التشييك بالوكالات للحفاظ على الضمان هل هي منطقية؟

[khaldoon]

السلام عليكم و رحمة الله و بركاته

رسوم التشييك في الوكالات بالمئات و احيانا بالالاف هل تشعرون انها منطقية و مستحقه فعلا ام انها تكاليف مبالغ فيها

ما تشعرون انه كم ساعة عمل او حتى يمكن يوم من اجل عمل صيانه لسيارتك بدون تبديل اي شيء غير زيوت و فلاتر و قطع استهلاكية خفيفه مثل المساحات و اللمبات انها ما تستحق هالرسوم الباهضة

ما تحسون انه الوكالات تدعي انها بتسوي 15 و الا 20 فحص مثلا خلال عملية الصيانه من اجل تبرير هذه الرسوم الباهضة و بالاخير تحس انه سيارتك دخلت الوكالة و طلعت و لا صار عليها اي تعديل.. وانه كيف بسوي كل هالفحوص و بشد كل البراغي و بزيت كل ما يحتاج تزييت خلال كم ساعة و بالاخير نفس الاصوات و نفس المشاكل و نفس الملاحظات اللي عندك بتلاقيها مثل ما هي قبل و بعد الفحص

ما تحسون اننا نتعرض لابتزاز من قبل الوكالات بأننا مضطرين ندفع او بنخسر الضمان

الحين احنا نشتري سيارات جديدة و بنتحمل اقساطها و فوائد الاقساط من البنوك و شركات التمويل لعدة سنوات علشان نفتك من تكاليف التصليح و عور الراس و بالاخير نصير ندفع رسوم التصليح الدورية على اساس انها رسوم صيانه ....تعددت المسميات و الخسارة واحده

هل تعتقد انه من الافضل تجاهل الوكالات و ضمانها و انها بتخليك تدفع الالاف في عمليات الصيانة الدورية من اجل خراب قد يحدث مستقبلا و قد لا يحدث و لو افترضنا انه سيحدث فلن يكلفك هذه الالاف التي دفعتها سلفا و ستدفع رسوم ايضا من اجل التصليح حتى و ان كنت محافظ على الضمان

هل استفدت فعلا من الضمان الذي حافظت عليه ام انك شعرت انه مخاسر و عملية حرق للمال و ندمت على اهتمامك و محافظتك على التأمين

هل ندمت على انك لم تحافظ على ضمان سيارتك ام شعرت انك كنت محق و ذكي بهذه الحركه و تشعر بالاسف و الاشفاق لمن يهتم بالحفاظ على ضمان سيارته

هل تنصح احد بالحفاظ على الضمان ام لا تنصحه بذلك ...ارجو ان يكون الجواب من واقع تجربه

منتظر أراؤكم و اقتراحاتكم و جزاكم الله كل خير سلفا

[أبو عبدالعزيز]

الكلام عن أشياء تمس الوكالات سيجعل البعض يشكك في هل يا ترى أن المتكلم يريد المساس بأصحاب هذه الوكلات التجارية.. وهم من هم!!

وإن كنت شخصيا أتفق معك بضرورة تدخل جهات رسمية في مراقبة أسعار مثل هذه الخدمات ومدى ملاءمتها للخدمة المقدمة.. كما يراقبون ذلك في السلع أحيانا

[رآعي موآجيب]

تدري ياخلدون بأن ارباح شركات السيارات الفعليه تعتمد اعتماد كلي على سوق قطع الغيار وليس على بيع السيارات الجديده بكميات كبيره

لأنه ممكن يبيع قطعه من قطع الغيار بضعفين او 3 اضعاف السعر ، ولكن لا يستطيع التاجر ان يقوم بهذا الأمر في السياره لأنها مرتفعة الثمن في الأساس ( مع العلم انهم مايقصرون في اللهط)

فأذا بيبيعك سياره ضمانها 5 سنوات بدون تكاليف ، معناته وقع في مشكله كبيره ، فتم اختراع جدول الصيانه الأجباري للمحافظه على الضمان ، يعني تبغي الضمان يستمر ادفع فلوس

تكتيك تجار

أنا احاول اتحايل عليهم ، يعني بدال ما اشييك السياره كل 10 الاف كم ، اشييكها كل 40 الف

لأحافظ على الضمان بأقل التكاليف قدر المستطاع

[ابوعلي]

يعطيك العافية اخوي خلدون

بالنسبة لي اخوي اول تشيكين للسيارة اشيكهم بالوكالة اللي هم ١٥٠٠- ٥٠٠٠

ولكن اتابع مع شركة التيسير اوفر بمبلغ الصيانة وبنفس الوقت ما يفرقون عن الوكالة بشي من ناحية الصيانة

وخاصة ان صار موقف بوكالة ان يستبدلون قطع السيارة

وبصراحة ما ندمت اني ما استمر مع الوكالة

[الزلزال]

الله كريم

[الدوحة قطر]

بالنسبة لي حق اخر موترين شريتهم وهم لاند كروزر gx 2007 سابقا و gx 2010 حاليا طبعا باستثناء التشيكة الاولى الي اكيد في الوكالة

انا عن نفسي عند الـ 5000 كلم ابدل ايل في التيسير وعند الـ 10000 كلم تشيك كامل في الوكالة وفي الـ 15000 كلم تبديل ايل في التيسير وفي الـ 20000 كلم تشيك كامل في الوكالة وهكذا

يعني كل 10000 كلم موتري يدش الوكالة تشيك كامل وطبعا ما اروح الصناعية اروح مركز الصيانة الي في محطة الصقر القريبه من دوار المول

لين اروح التيسير الموتر ما يكلفني غير حساب سعر الايل والفلتر وشغل اليد يعني كله على بعضة السعر في حدود 200 ريال تقريبا ما اذكر كم بالضبط خبركم الايل والفلتر زاد سعرهم عن قبل بس المهم انهم في هالحدود

اما لين اروح الوكالة اقل شي بالميت ياخذون مني تقريبا 700 الى 800 ريال وتوصل احينا فوق الـ 1500 بس نادر

طبعا انا اسوي هالحركة عشان الضمان يتم معاي 5 سنين لان من شروط ان الضمان يتم
ان الموتر يتشيك عندهم في مراكز الصيانة كل 10000 كيلو او كل 6 شهور اقل شي

[بومحمد 00]

واحد من الربع عنده فكسار

وداه للوكاله واتصلو فيه ان السيارة بتكلف صيانتها مع تغيير الأيل والفلتر ٥٤٠٠ ريال

والسيارة يستلمها بعد يومين

سحب سيارته ووداها الخبر في السعوديه مركز صيانه تويوتا شيكوها له

من الصدام الى الصدام ب ٢٤٠٠ ريال سعودي واستلمها خلال ٤ ساعات


شوفو الفرق*

[fahad123]

واحد من الربع عنده فكسار

وداه للوكاله واتصلو فيه ان السيارة بتكلف صيانتها مع تغيير الأيل والفلتر 5400 ريال

والسيارة يستلمها بعد يومين

سحب سيارته ووداها الخبر في السعوديه مركز صيانه تويوتا شيكوها له

من الصدام الى الصدام ب 2400 ريال سعودي واستلمها خلال 4 ساعات


شوفو الفرق*


ههههههههههههههههه والله انه ذيب
دام البديل موجود ليه نستسلم ونسلم معاشاتنا لهم :anger1:

اذكر مرره السعوديين سو حمله على الوكالات لما ارفع الاسعار
وسمو الحمله ( خلوها تصدي) < هههههههههههههه
والله غصب عنهم نزلو الاسعار لان فعلا خلوها تصدي في مخازنهم :victory::tease:

بس نحن هني وين اللي يسمع الكلام كل واحد حاط في ظهره من الدين لين ماقدر يقوم وكل سنه يبي يركب اخر موديل ونقول انهم مستغلينا
والمشكله من الاساس نحن اللي مسوينها :weeping: مب منهم

[khaldoon]

الكلام عن أشياء تمس الوكالات سيجعل البعض يشكك في هل يا ترى أن المتكلم يريد المساس بأصحاب هذه الوكلات التجارية.. وهم من هم!!

وإن كنت شخصيا أتفق معك بضرورة تدخل جهات رسمية في مراقبة أسعار مثل هذه الخدمات ومدى ملاءمتها للخدمة المقدمة.. كما يراقبون ذلك في السلع أحيانا

حياك الله يا الغالي

خلنا من الكلام عن اصحاب الوكالات وليسوا هم المعنيين شخصيا بالموضوع...انا اتكلم عن الرسوم الخاصة بالتشييك و هل هي منطقية و الا لا و لهالسبب ما ذكرت اسم وكالة بعينها

يعني مثلا رحت وديت سيارتي للتشييك لانها ماشية بس 30 الف و دفعت خلال ساعة واحده بالضبط 530 ريال بعد الخصم على اساس انه المفروض ادفع 600 ريال ...

طيب بالله عليك ايش اخترعوا و اشتغلوا خلال ساعة واحده شغل يعادل 530 ريال...كم يومية العامل و الا كم تحسب اجرة ساعة واحدة عمل....كم عامل اشتغل في السيارة في ساعة واحده...انت لو دفعت 500 ريال رادار متى بتنسى انك دفعتها و متى تفقد الشعور بالقهر هذا و انت غلطان بعد !!

و يقولي هذا مب تشييك اساسي..التشييك الاساسي بيكون على 40 الف و بتدفع على الاقل و بدون تبديل قطع 2500 ريال بس ممكن اسويلك خصم و تدفع 2300 ريال!!!

لك ان تتخيل ايش ممكن تستفيد من 500 ريال او 2500 ريال بشيء اكثر ديمومة عندك مب مجرد تشييك لساعة او كم ساعة وليس تصليح

بانتظار اجابتك يا اخوي على باقي الاسئلة لو سمحت فضلا لا أمرا:

هل تعتقد انه من الافضل تجاهل الوكالات و ضمانها و انها بتخليك تدفع الالاف في عمليات الصيانة الدورية من اجل خراب قد يحدث مستقبلا و قد لا يحدث و لو افترضنا انه سيحدث فلن يكلفك هذه الالاف التي دفعتها سلفا و ستدفع رسوم ايضا من اجل التصليح حتى و ان كنت محافظ على الضمان

هل استفدت فعلا من الضمان الذي حافظت عليه ام انك شعرت انه مخاسر و عملية حرق للمال و ندمت على اهتمامك و محافظتك على التأمين

هل ندمت على انك لم تحافظ على ضمان سيارتك ام شعرت انك كنت محق و ذكي بهذه الحركه و تشعر بالاسف و الاشفاق لمن يهتم بالحفاظ على ضمان سيارته

هل تنصح احد بالحفاظ على الضمان ام لا تنصحه بذلك ...ارجو ان يكون الجواب من واقع تجربه

[ابوالكلام]

ولو يخترب شي في السيارة يقعدون يماطلون لو كل وكيل انقرص شوي من الدولة بعدين يعملون حساب بس الموضوع شرط فلوس بدون ذمة اعتقد اليهود صارو أحسن

[khaldoon]

تدري ياخلدون بأن ارباح شركات السيارات الفعليه تعتمد اعتماد كلي على سوق قطع الغيار وليس على بيع السيارات الجديده بكميات كبيره

لأنه ممكن يبيع قطعه من قطع الغيار بضعفين او 3 اضعاف السعر ، ولكن لا يستطيع التاجر ان يقوم بهذا الأمر في السياره لأنها مرتفعة الثمن في الأساس ( مع العلم انهم مايقصرون في اللهط)

فأذا بيبيعك سياره ضمانها 5 سنوات بدون تكاليف ، معناته وقع في مشكله كبيره ، فتم اختراع جدول الصيانه الأجباري للمحافظه على الضمان ، يعني تبغي الضمان يستمر ادفع فلوس

تكتيك تجار

أنا احاول اتحايل عليهم ، يعني بدال ما اشييك السياره كل 10 الاف كم ، اشييكها كل 40 الف

لأحافظ على الضمان بأقل التكاليف قدر المستطاع

جزاك الله كل خير يا الغالي على هذا المرور و التعليق المميز....مع انه الوكالات ضاعفت اسعار السيارات كم مرة من الثمانينات حتى الان و صارت اسعارها فلكية و صارت السيارات اللي الناس تخجل تركبها زمان صارت تتمناها الحين و مب طايلتها و صارت البدائل اللي اخترعت من اجل منافسة الامريكي و الالماني في سعره و جودته
يبيلها بدائل جديدة و صارت اقل فئة سيارة بالوكالة غالية و اخترعوا تحتها فئة اقل منها علشان تكون بمتناول مهدودي الدخل و يمكن يشترونها بالاقساط فكيف راح تخسر الوكالات لو اعتمدت على بيع السيارة فقط

شبعنا حجج جاهزة و اسطوانات مشروخة منهم انه الين و الا اليورو ارتفع و الايجارات كل يوم بتزيد و الغلاء جاي من بلد السيارة مب من عندنا و المصنع اللي كان يجيب سكر و انه رسوم الشحن غليت و التأمين لاستقدام السيارة يكلف و ما ادري شنو...الخ هالافلام اللي ما تنتهي

صدقني من الكذب صاروا يقولوا مرات الين ارتفع و لهذا غلي الالماني...اشدخل!!

بس تدري انك بردك الكريم هذا:

"لأنه ممكن يبيع قطعه من قطع الغيار بضعفين او 3 اضعاف السعر"

لفتت انتباهي لمسألة مهمه و هي تعويم الاجوبه من اجل تبرير الغلاء غير المنطقي
تماما مثل اللي بيصير معانا في تذاكر السفر....تلاقي اللي جالس جنبك بالطيارة سعر تذكرته يختلف تماما عن سعر تذكرتك ممكن اغلى او ارخص و الحجة اللي ما تقدر تثبت بطلانها انه هو اشترى التذكرة في وقت رخيص و ما عليه ضغط مثل ما انت شريت!!

طيب الحين انت قولت فوق انه يبيع السيارة بضمان 5 سنوات..مب الاصل انه السيارة سعرها مرتفع جدا بسبب هالضمان و خدمة ما بعد البيع....مب انت اصلا دافعها مقدما من ثمن السيارة ...مب هذا هو الاصل ام اننا نسينا الحجة اللي برروا فيها زمان اصل الزيادة في السعر!!

اعجبتني كلمتك انهم اخترعوا جدول الصيانه الأجباري للمحافظه على الضمان ...لانها تتوافق مع الكلام اللي قلته فوق انه احنا خلصنا من التصليح فصرنا ندفع رسوم صيانة بدل التصليح و النتيجة واحدة و هي الاستمرار بدفع الفلوس بطريقة اجبارية و خارجة عن السيطرة

اما مسألة التحايل اللي ذكرتها فوق فأحييك عليها و اتمنى الجميع يطرح المزيد من هذه الافكار الحلوه علشان نعرف كيف نتصرف مع اني اعتقد انه الوكالات بيقرون و بيعرفون كيف يتحايلون على تحايلنا و ما راح يغلبون

ايضا مب كل وكالة تضبط معها هذا التحايل...انا مثلا من غير تحايل رحت اشيك سيارتي يقولي ليش ما بدلت الزيت بعد مشيها 5000 كيلو كان المفروض انك تبدله و ما تنتظر انك تمشي على الزيت 10000 كيلو و راح كتب في تقرير التصليح انه السيارة ماشية زيادة 5000 كيلو على الزيت و انه اي ضرر بالمحرك على مسؤولية صاحب السيارة و قالي وقع...قلت له حاضر اوقع ما طلبت شي و كتبت الكلام المذكور فوق مرفوض و حطيت عليه اكس كبيرة و قلت الوكالة هي المسؤولة عن اي ضرر ممكن يصيب محرك سيارتي لاني ملتزم بالتشييك بالوكالة دائما و ماشي على جدولها اللي هو كل 10000 كيلو و مشكلة الوكالة انها ما حطت زيت يمشيني 10000 كيلو و يتناسب مع جدولها اللي انا ملتزم فيه و لا بلغوني بمسألة ال 5000 كيلو و اي ضرر بيصير بالسيارة احمل الوكالة مسؤوليته كاملة من اضرار و تكاليف و وقعت ...الموظف ما فتح ثمه ...صحيح هو محتفظ بنسخة soft copy بالكمبيوتر من غير الرد اللي رديته فوق بس ايضا معاه hard copy من الكلام اللي ذكرته و عندي نسخةhard copy ايضا منه

اعتقد انه الزيت مصمم انه يمشي السيارة كل 10000 كيلو و انهم ضحكوا علينا زمان لما قاول النا تغير زيت كل 3000 كيلو ومن هالكلام ....المفروض يجيبوا شيء يتناسب مع البلد و جوها مب يعامل السيارة باليابان و الا اوروبا او امريكا مثل ما يعامل السيارة بجو الخليج

بانتظار اجابتك يا اخوي على باقي الاسئلة لو سمحت فضلا لا أمرا:

هل تعتقد انه من الافضل تجاهل الوكالات و ضمانها و انها بتخليك تدفع الالاف في عمليات الصيانة الدورية من اجل خراب قد يحدث مستقبلا و قد لا يحدث و لو افترضنا انه سيحدث فلن يكلفك هذه الالاف التي دفعتها سلفا و ستدفع رسوم ايضا من اجل التصليح حتى و ان كنت محافظ على الضمان

هل استفدت فعلا من الضمان الذي حافظت عليه ام انك شعرت انه مخاسر و عملية حرق للمال و ندمت على اهتمامك و محافظتك على التأمين

هل ندمت على انك لم تحافظ على ضمان سيارتك ام شعرت انك كنت محق و ذكي بهذه الحركه و تشعر بالاسف و الاشفاق لمن يهتم بالحفاظ على ضمان سيارته

هل تنصح احد بالحفاظ على الضمان ام لا تنصحه بذلك ...ارجو ان يكون الجواب من واقع تجربه

[khaldoon]

يعطيك العافية اخوي خلدون

بالنسبة لي اخوي اول تشيكين للسيارة اشيكهم بالوكالة اللي هم ١٥٠٠- ٥٠٠٠

ولكن اتابع مع شركة التيسير اوفر بمبلغ الصيانة وبنفس الوقت ما يفرقون عن الوكالة بشي من ناحية الصيانة

وخاصة ان صار موقف بوكالة ان يستبدلون قطع السيارة

وبصراحة ما ندمت اني ما استمر مع الوكالة

الله يعافيك و يبارك فيك يا الغالي ابوعلي

الحين كثير وكالات تسوي التشييكات الاولى لعشرين او ثلاثين الف و يمكن لاول 3 سنوات في بعضهم على حساب الوكالة و حسب العرض خصوصا لو بشهر رمضان المبارك

اتفق تماما معاك انه في اماكن ارخص من الوكالة و تعطي نفس الخدمة و يمكن احسن بس هل بتحافظ على الضمان بالوكالة لو سويتها بالتيسير مثلا؟

وكالة الجيدة عندهم بديل ارخص من اجل الصيانه و هو ac delco بس ما اعتقد كل الوكالات عندها نفس الشي

صحيح انك تقدر تسوي تشييك ارخص مثلا ب ac delco و يظهر في كمبيوترات الجيدة بس لو اي ضرر بالسيارة على الضمان و الوكالة ملزمة فيه فما تقدر تسويه الا بالجيدة مب في ac delco

سؤال لو سمحت....هل في بدائل اخرى ارخص من الوكالات تعرفها او احد من الاخوان يعرفها ممكن نلجأ لها و نحافظ على ضمان سيارتنا؟

[khaldoon]

الله كريم

و نعم بالله

جزاك الله كل خير يا الزلزال على المرور الطيب بس يا اخوي نبي تفيدنا بتجربتك و نصائحك لو سمحت من خلال الاجابة على الاسئله فوق لو تكرمت :telephone:

[عاشق الشهاده]

السلام عليكم ... جزاك الله خير على طرحك للموضوع المهم جدا .. واللي كان محيرني لفترة طويلة الى ان اتخذت قراري الشخصي فيه بناء على تجربتي ... من كم شهر قمت وحسبت كم المبلغ الي دفعته لشركة الهوندا حق سيارتي الاكورد موديل 2008 .. والله اني انصدمت صراحه .. تقريبا 15000 ريال صيانة فقطططط !!!!

والمصيبة نفس ما تفضلت تماااااما ... تشييييك بس تشييييك ... والصراحة بعدها قررت التالي : اشتري كرتونة زيت وكرتونة فلاتر .. واغير كل 5000 في اي محل تغيير زيت وفلتر ب 25 ريال ... وكل 10000 اسوي تشييك في محطة وقود تقريبا 260 ريال مع تنضيف المكينة .. والوكالة لن أدخلها الا اذا بغير سير المكينة او شي ثقيل فعلا ... يستاهل المبلغ الي يندفع

وبالنسبة للضمان ... فهو الوسيلة الوحيدة للضحك علينا ... وسلامتكم

[جرح الزمان]

وعليكم السلام ورحمة الله وبركاته

فعلاً أسعار التشيك والصيانة في الوكالة مبالغ فيها

وموضوع الضمان في أكثر من شركه مرتبط بالتشيكات الرئيسية

10 و 20 و 30 و 40 الف كيلو وأنت طالع

بالنسبه لتجربتي مع الوكالة كانت قمة الدلع

لاني شريت التشيكات ل60 الف كيلو أو ثلاث

سنوات .... وكل 5000 كيلو اودي السيارة

ويغيروا اي قطعه تحتاجها .... بس لو يعطونا كبونات بترول :rolleyes2:

من أسباب غلاء الوكالات هو ان سوقنا ما فيه خيارات متخصصه ومحترفه

يعطيك العافيه أخوي خلدون

[دااانة قطر]

موضوع يستحق النقااش

ألف شكر



يعطيك العافية اخوي خلدون

بالنسبة لي اخوي اول تشيكين للسيارة اشيكهم بالوكالة اللي هم ١٥٠٠- ٥٠٠٠

ولكن اتابع مع شركة التيسير اوفر بمبلغ الصيانة وبنفس الوقت ما يفرقون عن الوكالة بشي من ناحية الصيانة

وخاصة ان صار موقف بوكالة ان يستبدلون قطع السيارة

وبصراحة ما ندمت اني ما استمر مع الوكالة



نفس كلااام اخوااني وهذا اللي ماشيين عليه:nice:

[قرنقووش]

يكفيك سعر قطع الغيار
ستيرنق بوكس فالدوحه ب٣٤٠٠ ريال .. خذته من الامارات ب٢١٠٠ اصلي من الوكاله ( الفطيم ) عن طريق الحمادي لقطع الغيار

درامويلات فالدوحه ب٩٥٠ ريال لين ١١٠٠
خذتهم من الامارات ب٦٢٠ ريال

شي غريب رغم ان الامارات مانعين استيرات قطع الغيار من عمان والخ .. كل القطع من الفطيم

[حسن]

يااخي خلدون بالنسبه للتشيك اكثري الشركات يقصون علينا والله واحنا ندفع للاسف
بالنسبه لي اكثر من كم سنه وانا مادخل السياره تشيك بتاتا غير 1500 وكتيب الظمان ارميه
في الزباله الله يعز الجميع هذا بالنسبه للتيوتا عندي
الحين موتري نيسان الصراحه منتظم وياهم لان السياره موديلها جديد وكنت خايف منها
لكن تشيكاتهم مقبوله

[qatar.syria]

اخواني الكرام قصة سيارتي كما يلي .... عندي ميتسوبيشي ناتيفا 2008 وهي يصير عليها صيانة دورية كل 10 الاف .... لما صارت 70 ذهبت بها للوكالة بابو هامور سالته قلتله عندي ناتيفا وصلت 70 ايش بدها : قلي بدها صيانة دورية تكلف 750 ريال ... انا سالته ايش تغيير فيها ... قلي تغيير زيت وفلتر وتشييك عام على الفرامل والزيت ... قلتله انا ما معي 750 ايش اسوي ... سالني سيارتك فيها مشكلة بالفرامل ... اخبرته لا ... قلي روح اذا وغير زيت وفلتر وارجع عندي لما تصير 80 الف ........

انا عملت كما خبرني تركته ورحت على التيسير تغيير زيت وفلتر

المهم لما صارت سيارتي 80 رجعت على الوكالة قلي السيارة على الـ 80 نعملها صيانة دورية تكلفك 5300 ريال : يغير زيت وفلتر ويغير بواجي ويغير سفايف الفرامل وتشييك عام على الزيوت وغيره ... انا سالته عن كل التغييرات واخذت منه ورقة فيها تفاصيل الصيانة وطلعت من عنده للتيسير وطلبت منه يغير الزيت والفلتر ويشيك على الزيوت التانية .... التيسير غير السفايف الاربع مع طورنجة للديسك مع تغيير زيت وفلتر مع تشييك كامل على كل ما خبرتني عنه الوكالة عدا البواجي بـ 1000 ريال فقط اما البواجي الوكالة قالتلي اني ممكن انتظر للمئة وغيرهم عندهم بمبلغ فقط 500 ريال
يعني انت ممكن تعمل الصيانة الدورية الخاصة بالمتسوبيشي بمبلغ 1500 ريال ، بينما الوكالة تطلب منك سعر 5300 على هذه الصيانة ..... طبعا هذا العمل كله عملته ضمن قطر ولم اسافر لا للسعودية ولا لغيرها...

يعني الفرق 3 اضعاف فقط لا غير

فما رايكم .............. دام فضلكم

[khaldoon]

بالنسبة لي حق اخر موترين شريتهم وهم لاند كروزر gx 2007 سابقا و gx 2010 حاليا طبعا باستثناء التشيكة الاولى الي اكيد في الوكالة

انا عن نفسي عند الـ 5000 كلم ابدل ايل في التيسير وعند الـ 10000 كلم تشيك كامل في الوكالة وفي الـ 15000 كلم تبديل ايل في التيسير وفي الـ 20000 كلم تشيك كامل في الوكالة وهكذا

يعني كل 10000 كلم موتري يدش الوكالة تشيك كامل وطبعا ما اروح الصناعية اروح مركز الصيانة الي في محطة الصقر القريبه من دوار المول

لين اروح التيسير الموتر ما يكلفني غير حساب سعر الايل والفلتر وشغل اليد يعني كله على بعضة السعر في حدود 200 ريال تقريبا ما اذكر كم بالضبط خبركم الايل والفلتر زاد سعرهم عن قبل بس المهم انهم في هالحدود

اما لين اروح الوكالة اقل شي بالميت ياخذون مني تقريبا 700 الى 800 ريال وتوصل احينا فوق الـ 1500 بس نادر

طبعا انا اسوي هالحركة عشان الضمان يتم معاي 5 سنين لان من شروط ان الضمان يتم
ان الموتر يتشيك عندهم في مراكز الصيانة كل 10000 كيلو او كل 6 شهور اقل شي

حياك الله اخوي العزيز الدوحة قطر

اشكرك على اضافتك القيمة للموضوع

بخصوص تبديل الزيت كل 5000 كيلو فأنا كتبت تعليقي على هذه النقطه في المشاركة رقم 11 علشان ما اعيد و املل المتصفح للموضوع

الله يرحم ايام اول كنا نبدل زيت و فلتر بحدود 60 ريال و الحين مثل ما تفضلت فوق تدور بره الرخيص ب 200 ريال هروبا من الوكالة اللي تبدله بحدود 700 او 800 و يمكن اكثر...مب لاقي تفسير لسعر ال 200 فما بالك بالارقام اللي ذكرتها يا اخوي

المفروض انك مب ملزم انك تسوي هالشي و انه الزيت اللي يحطونه لما تشيك بعد كل 10000 كيلو انه يغنيك عن هذه الحركة و عن نفسي انا ما اسويها ولا ناوي اسويها

اسألهم في زيت يكفيك كل 10000 كيلو و شوف الفرقية بالسعر و هل بيكون ارخص من انك تستمر بأخذ السيارة بره الوكالة كل 5000 و الا لا ..انا عن نفسي ابدل الزيوت كل 10000 كيلو و طالما اسوي صيانة دورية للسيارة فليش اروح بره

شرفني مرورك المميز :nice:

[khaldoon]

واحد من الربع عنده فكسار

وداه للوكاله واتصلو فيه ان السيارة بتكلف صيانتها مع تغيير الأيل والفلتر ٥٤٠٠ ريال

والسيارة يستلمها بعد يومين

سحب سيارته ووداها الخبر في السعوديه مركز صيانه تويوتا شيكوها له

من الصدام الى الصدام ب ٢٤٠٠ ريال سعودي واستلمها خلال ٤ ساعات


شوفو الفرق*

بااااااااااااال 5400 ليش؟....ايش بيسوون يعني...هذا غير التصليح و قطع الغيار و التبديلات ان لزم اكيد

انت متخيل ايش ممكن تشتري بهذا المبلغ و يظل عندك فترة مب بسيطه؟...ممكن تشتري طقم كنب مثلا و الا اي شي و الا غرفة نوم لولدك ...اشياء كثيرة تسويها بال 5400 ريال مب فحص سيارة ما يندرى عنه صار فعلا بشكل صحيح و الا لا

يا ريت لو يكون في تفصيل مبرر لهالارقام و معتمد من الجهات المسؤوله بالدولة

الحين لما يروح السعودية ما يخسر ضمان الوكيل في قطر؟

بعدين مسألة 4 ساعات و الا يومين .....هذه ضحك على الناس بشكل عام من اجل احتساب ساعات و السيارة متروكه ما احد يلمسها و انت ما تقدر تثبت لانها بداخل الورشة و انت ممنوع تدخل و تشوفها ....علشان يقولك اشتغلنا فيها 20 ساعة مثلا و اجرة الميكاني كذا بالساعة و اجرة اللي يشيك البريكات كذا بالساعة.... و يعطيك تفاصيل عجيبة علشان يحسسك انه ما في خبير بالدنيا الا جابوه و القى نظره على سيارتك و كل دقيقة قضاها في فحص سيارتك لها ثمنها عندهم وما يظلمون احد و دقيقين جدا ما شاء الله عنهم

ليش تضاعف سعر السيارات طالما انه صيانتها علينا مب عليهم ...هالوكالات مثل المنشار طالعين ماكلين ونازلين ماكلين

[رآعي موآجيب]

جزاك الله كل خير يا الغالي على هذا المرور و التعليق المميز....مع انه الوكالات ضاعفت اسعار السيارات كم مرة من الثمانينات حتى الان و صارت اسعارها فلكية


وجزاك الله بمثله ياطويل العمر

الأسعار ماتضاعفت بالطريقه اللي اشرت لها ياخلدون ، ولكنها زادت بالطبع بطريقه ملفته وهذا حال جميع السلع ، في سنة 1997 شريت في اكس ار بـ 165000 وسعر الفي اكس ار اليوم 300 الف ، يعني خلال 15 سنه ماتضاعف السعر

لكن السؤال اللي يطرح نفسه ، كم السعر اللي يدفعه الوكيل للمصنع وكم ربحه ؟ طبعا ارقام خياليه

ولا تستهين في قطع الغيار ، السياره بيبيعها الوكيل مره وحده فقط ، لكن قطع الغيار بيبيعها بشكل دائم

مثال بسيط

لو دفع الوكيل في صفقة سيارات جديده 500 مليون ريال في السنه وأخذ فائده ربحيه 25 % بيطلع بـ 125 مليون فوق رأس المال المدفوع

ولو دفع الوكيل 250 مليون ريال في صفقة قطع غيار ، وأخذ فائده ربحيه 100 % بيطلع بـ 250 مليون ريال فوق رأس المال المدفوع :)

تتوقع ايهما ستفضل لو كنت الوكيل :victory:

قطع الغيار اسعارها مناسبه جداً للتلاعب


بانتظار اجابتك يا اخوي على باقي الاسئلة لو سمحت فضلا لا أمرا:

هل تعتقد انه من الافضل تجاهل الوكالات و ضمانها و انها بتخليك تدفع الالاف في عمليات الصيانة الدورية من اجل خراب قد يحدث مستقبلا و قد لا يحدث و لو افترضنا انه سيحدث فلن يكلفك هذه الالاف التي دفعتها سلفا و ستدفع رسوم ايضا من اجل التصليح حتى و ان كنت محافظ على الضمان


ابشر ياخلدون

لا طبعاً ، الضمان مهم بالنسبه لي وذلك لعدة اسباب

اولا ، صعوبة صيانة السيارات الحديثه خارج الوكالات ، لأنها تعتمد على البرمجيات التي لا تتوفر في السوق إلا نادراً

ثانياً ، في وقت البيع يفضل المشتري السياره التي لا تزال تحت الضمان حتى وأن كان المتبقي من الضمان شهور قليله ، ويكون هناك فرق في السعر عن السياره التي ليس بها ضمان


هل استفدت فعلا من الضمان الذي حافظت عليه ام انك شعرت انه مخاسر و عملية حرق للمال و ندمت على اهتمامك و محافظتك على التأمين


شوف ياطويل العمر

الشركات تختلف عن بعض ، لكن مره من المرات كانت عندي سياره من شركة البورش ، فصار في السياره خلل بسيط لكن حتى الشركه ماعرفت تصلحه ، فتم ارسال مهندس من دبي لأصلاح الخلل ، لك ان تتخيل لو كانت سيارتي بدون ضمان :tease:





هل ندمت على انك لم تحافظ على ضمان سيارتك ام شعرت انك كنت محق و ذكي بهذه الحركه و تشعر بالاسف و الاشفاق لمن يهتم بالحفاظ على ضمان سيارته



لا ماندمت ، ولكن احاول اخفف من التكاليف بالطريقه اللي ذكرتها لك :nice:



هل تنصح احد بالحفاظ على الضمان ام لا تنصحه بذلك ...ارجو ان يكون الجواب من واقع تجربه



نعم انصح الجميع بالمحافظه على الضمان ، خصوصاً اصحاب السيارات اللي صيانتها معقده

لكن ما اروح اشتري عراوي وكل شهر ادفع 1000 ريال على الصيانه الدوريه بحجة الضمان !!

فيه سيارات حساسه وصيانتها مكلفه ، المفروض هالسيارات تكون تحت الضمان قدر الأمكان

[qatara]

ابتاز مقابل الظمان

فما سبق التشييك كان على حساب الوكاله

5000 و10000 كم وتشييكتين

[khaldoon]

بالنسبة لي حق اخر موترين شريتهم وهم لاند كروزر gx 2007 سابقا و gx 2010 حاليا طبعا باستثناء التشيكة الاولى الي اكيد في الوكالة

انا عن نفسي عند الـ 5000 كلم ابدل ايل في التيسير وعند الـ 10000 كلم تشيك كامل في الوكالة وفي الـ 15000 كلم تبديل ايل في التيسير وفي الـ 20000 كلم تشيك كامل في الوكالة وهكذا

يعني كل 10000 كلم موتري يدش الوكالة تشيك كامل وطبعا ما اروح الصناعية اروح مركز الصيانة الي في محطة الصقر القريبه من دوار المول

لين اروح التيسير الموتر ما يكلفني غير حساب سعر الايل والفلتر وشغل اليد يعني كله على بعضة السعر في حدود 200 ريال تقريبا ما اذكر كم بالضبط خبركم الايل والفلتر زاد سعرهم عن قبل بس المهم انهم في هالحدود

اما لين اروح الوكالة اقل شي بالميت ياخذون مني تقريبا 700 الى 800 ريال وتوصل احينا فوق الـ 1500 بس نادر

طبعا انا اسوي هالحركة عشان الضمان يتم معاي 5 سنين لان من شروط ان الضمان يتم
ان الموتر يتشيك عندهم في مراكز الصيانة كل 10000 كيلو او كل 6 شهور اقل شي

نسيت أسألك اخوي العزيز الدوحة قطر بخصوص باقي الاسئلة لو سمحت تتكرم علينا برأيك فضلا لا أمرا:

هل تعتقد انه من الافضل تجاهل الوكالات و ضمانها و انها بتخليك تدفع الالاف في عمليات الصيانة الدورية من اجل خراب قد يحدث مستقبلا و قد لا يحدث و لو افترضنا انه سيحدث فلن يكلفك هذه الالاف التي دفعتها سلفا و ستدفع رسوم ايضا من اجل التصليح حتى و ان كنت محافظ على الضمان

هل استفدت فعلا من الضمان الذي حافظت عليه ام انك شعرت انه مخاسر و عملية حرق للمال و ندمت على اهتمامك و محافظتك على التأمين

هل ندمت على انك لم تحافظ على ضمان سيارتك ام شعرت انك كنت محق و ذكي بهذه الحركه و تشعر بالاسف و الاشفاق لمن يهتم بالحفاظ على ضمان سيارته

هل تنصح احد بالحفاظ على الضمان ام لا تنصحه بذلك ...ارجو ان يكون الجواب من واقع تجربه


و جزاك الله كل خير سلفا

[khaldoon]

واحد من الربع عنده فكسار

وداه للوكاله واتصلو فيه ان السيارة بتكلف صيانتها مع تغيير الأيل والفلتر ٥٤٠٠ ريال

والسيارة يستلمها بعد يومين

سحب سيارته ووداها الخبر في السعوديه مركز صيانه تويوتا شيكوها له

من الصدام الى الصدام ب ٢٤٠٠ ريال سعودي واستلمها خلال ٤ ساعات


شوفو الفرق*

بانتظار اجابتك يا اخوي على باقي الاسئلة لو سمحت فضلا لا أمرا:

هل تعتقد انه من الافضل تجاهل الوكالات و ضمانها و انها بتخليك تدفع الالاف في عمليات الصيانة الدورية من اجل خراب قد يحدث مستقبلا و قد لا يحدث و لو افترضنا انه سيحدث فلن يكلفك هذه الالاف التي دفعتها سلفا و ستدفع رسوم ايضا من اجل التصليح حتى و ان كنت محافظ على الضمان

هل استفدت فعلا من الضمان الذي حافظت عليه ام انك شعرت انه مخاسر و عملية حرق للمال و ندمت على اهتمامك و محافظتك على التأمين

هل ندمت على انك لم تحافظ على ضمان سيارتك ام شعرت انك كنت محق و ذكي بهذه الحركه و تشعر بالاسف و الاشفاق لمن يهتم بالحفاظ على ضمان سيارته

هل تنصح احد بالحفاظ على الضمان ام لا تنصحه بذلك ...ارجو ان يكون الجواب من واقع تجربه


و جزاك الله كل خير سلفا

[khaldoon]

ههههههههههههههههه والله انه ذيب
دام البديل موجود ليه نستسلم ونسلم معاشاتنا لهم :anger1:

اذكر مرره السعوديين سو حمله على الوكالات لما ارفع الاسعار
وسمو الحمله ( خلوها تصدي) < هههههههههههههه
والله غصب عنهم نزلو الاسعار لان فعلا خلوها تصدي في مخازنهم :victory::tease:

بس نحن هني وين اللي يسمع الكلام كل واحد حاط في ظهره من الدين لين ماقدر يقوم وكل سنه يبي يركب اخر موديل ونقول انهم مستغلينا
والمشكله من الاساس نحن اللي مسوينها :weeping: مب منهم

عساها دوم الضحكه يا رب

فعلا اتفق تماما معاك انه سبب الداء هو نحن و احنا اللي جايبين الهم و الغم لانفسنا من اجل اشباع غرورنا و شهواتنا انه نركب اجمل و اجدد السيارات و نتباهى فيها و قد تكون اعلى من قدراتنا المادية و تجاهلنا المثل اللي يقول مد رجليك على قد لحافك

طيب يا اخوي ما جاوبتني ايش رأيك في الاسئله اللي ذكرتها فوق لو سمحت:

هل تعتقد انه من الافضل تجاهل الوكالات و ضمانها و انها بتخليك تدفع الالاف في عمليات الصيانة الدورية من اجل خراب قد يحدث مستقبلا و قد لا يحدث و لو افترضنا انه سيحدث فلن يكلفك هذه الالاف التي دفعتها سلفا و ستدفع رسوم ايضا من اجل التصليح حتى و ان كنت محافظ على الضمان

هل استفدت فعلا من الضمان الذي حافظت عليه ام انك شعرت انه مخاسر و عملية حرق للمال و ندمت على اهتمامك و محافظتك على التأمين

هل ندمت على انك لم تحافظ على ضمان سيارتك ام شعرت انك كنت محق و ذكي بهذه الحركه و تشعر بالاسف و الاشفاق لمن يهتم بالحفاظ على ضمان سيارته

هل تنصح احد بالحفاظ على الضمان ام لا تنصحه بذلك ...ارجو ان يكون الجواب من واقع تجربه

و شكرا

[tawareq]

زين انك تطرقت للموضوع فمثلا عندي مرسيدس تشيك تشيك الوكالة كل 15000م وكل تشيك يكلفني من 2400 وانت طالع والتشيك الجاي 45000 عندهم بسعر 4600 ريال
المهم التشيك على الزيوت وعلى تشيك كامل للسيارة

اشرايكم

[qatar.syria]

زين انك تطرقت للموضوع فمثلا عندي مرسيدس تشيك تشيك الوكالة كل 15000م وكل تشيك يكلفني من 2400 وانت طالع والتشيك الجاي 45000 عندهم بسعر 4600 ريال
المهم التشيك على الزيوت وعلى تشيك كامل للسيارة

اشرايكم

اخي الكريم انصحك بما يلي

اذهب بالسيارة لمركز التيسير او اي مركز اخر ثقة ودعم يشيكون على السيارة ويحددون لك ما هي الأشياء التي تحتاج تبديل او اصلاح بعدها اسال عنها هل تغييرها خارج الوكالة ممكن وبنفس جودة الوكالة .... في حال كان ذلك غيرها خارج الوكالة ... اما في حال من الوكالة فانصحك بان تحدد بالضبط ما تريد عمله من الوكالة وان تطلب منهم ان يقوموا بذلك فقط وليس عملية صيانة دورية شاملة لانها ستكلف اضعاف مضاعفة وبالنهاية لن يصلحوا سوى الجزء الذي اكتشفته انت خارج الوكالة ...
بالتوفيق يارب

[Riku3]

انا مواظب مع سيارتي كل 10,000 في بدايتها وثم 20,000 في وكالة النيسان والاسعار جيده نوعاً ما وما توصل للالاف للتشييك الواحد ودايماً في ديسكاوند لو تسندرهم شوي ، وايضاً انا ما اغير الايل والفلتر عندهم ابداً وعمرهم ما علقوا على هالمسألة واول مره اعرف انها مربوطه بالضمان منكم !! ..

بس المشكلة بشغل اليد .. فمثلاً تغيير قطعه بسيطه مثل السير مايوصل سعره 150 ريال يقولك شغل اليد بـ 200 ريال، وهذا الي يقهر ^^" ..

اما بخصوص الضمان .. الحق يقال وكالة النيسان عمري ما اشتكيت منها من هالناحيه واي شي يخترب على الضمان كانوا يغيرونه مباشرة .

[تحداني]

بو محمد يقول لكم اذا الله منعم عليكم .. واموركم طيبه بعد 5 سنوات بيعوا السياره
مامنها فايده خلاص ولا اتعورون اقلوبكم لا مع الوكاله ولا مع الكاراج ولا مع الفحص الفني
انا ما عندي كلام كثير في هالموضوع .. بس حبيت اعطيكم نصيحه الوالد
جاري البحث عن سياره جديده .. ايش تنصحوني ؟؟


جملكم الله برضاه

[tawareq]

اخي الكريم انصحك بما يلي

اذهب بالسيارة لمركز التيسير او اي مركز اخر ثقة ودعم يشيكون على السيارة ويحددون لك ما هي الأشياء التي تحتاج تبديل او اصلاح بعدها اسال عنها هل تغييرها خارج الوكالة ممكن وبنفس جودة الوكالة .... في حال كان ذلك غيرها خارج الوكالة ... اما في حال من الوكالة فانصحك بان تحدد بالضبط ما تريد عمله من الوكالة وان تطلب منهم ان يقوموا بذلك فقط وليس عملية صيانة دورية شاملة لانها ستكلف اضعاف مضاعفة وبالنهاية لن يصلحوا سوى الجزء الذي اكتشفته انت خارج الوكالة ...
بالتوفيق يارب

المشكلة ان الضمان راح يتكنسل اذا ما شيكت عندهم

[tawareq]

والادهى من ذي كله اني خذت السيارة من شخص هو مالك اوا وانا مالك ثاني وقالوا لازم تدفع 1000 ريال تغير الاسم علشان ينتقل الضمان على اسمي

قلتلهم الضمان على السيارة مب على راعي السيارة
رد على : هذا النظام عندنا لازم تدفع 1000 ريال علشان تغير الاسم
((( طبعا هذا موظف بالاستقبال ))) وكالة المرسيدس

بعد فترة رحت مرة ثانية اسأل عن نفس الموضوع وماحصلت الموظف اللي قال نفس الكلام

وحصلت موظفة وسالتها عن دفع المبلغ 1000 ريال لتغيير الاسم في الضمان
وانصدمت بردها ان ما في داعي لدفع المبلغ لان الضمان ساري المفعول على السيارة مب على راعي السيارة

يعني تناقض ما بين الموظف والموظفة

استغلال ما عقبه استغلال

[طلعة الروح]

بو محمد يقول لكم اذا الله منعم عليكم .. واموركم طيبه بعد 5 سنوات بيعوا السياره
مامنها فايده خلاص ولا اتعورون اقلوبكم لا مع الوكاله ولا مع الكاراج ولا مع الفحص الفني
انا ما عندي كلام كثير في هالموضوع .. بس حبيت اعطيكم نصيحه الوالد
جاري البحث عن سياره جديده .. ايش تنصحوني ؟؟


جملكم الله برضاه

يعتمد عليج انتي شتحبين ؟

[طلعة الروح]

والادهى من ذي كله اني خذت السيارة من شخص هو مالك اوا وانا مالك ثاني وقالوا لازم تدفع 1000 ريال تغير الاسم علشان ينتقل الضمان على اسمي

قلتلهم الضمان على السيارة مب على راعي السيارة
رد على : هذا النظام عندنا لازم تدفع 1000 ريال علشان تغير الاسم
((( طبعا هذا موظف بالاستقبال ))) وكالة المرسيدس

بعد فترة رحت مرة ثانية اسأل عن نفس الموضوع وماحصلت الموظف اللي قال نفس الكلام

وحصلت موظفة وسالتها عن دفع المبلغ 1000 ريال لتغيير الاسم في الضمان
وانصدمت بردها ان ما في داعي لدفع المبلغ لان الضمان ساري المفعول على السيارة مب على راعي السيارة

يعني تناقض ما بين الموظف والموظفة

استغلال ما عقبه استغلال

أف الله يعينك، أكره شي عندي هالحركة وتناقض الأقوال بين موظفين نفس الشركة..

[تحداني]

يعتمد عليج انتي شتحبين ؟




حبيبتي

ما احب الصالون ولا احب الفور ويل
احب الي بالنص .. " نص فور ويل " هذا شيسمونه :) ؟؟
نفس ستايل البورش .. والاودي


جملك الله برضاه

[khaldoon]

حبيبتي

ما احب الصالون ولا احب الفور ويل
احب الي بالنص .. " نص فور ويل " هذا شيسمونه :) ؟؟
نفس ستايل البورش .. والاودي


جملك الله برضاه


حياج الله اخت تحداني

يعتمد على ميزانيتج و بتشتريها كاش و الا اقساط و بتخلينها حسب النية كم سنة عندج علشان تعرفي تبيعيها بسعر جيد و الا بتخسري فيها

مصروف البنزين و المسافات اللي بتقطعينها لو شغلج بعيد مثلا
باب واحد و الا بابين
بتحبين سيارة امريكي و الا اوروبي و الا ياباني و الا كوري
جديدة و الا مستعملة
كم سلندر ..قوية والا مب قوية
الوكالات اللي ما ودك تتعاملي معاها

يعني عدة اشياء حدديها اولا و شوفي اولوياتج و بالتوفيق

[khaldoon]

ولو يخترب شي في السيارة يقعدون يماطلون لو كل وكيل انقرص شوي من الدولة بعدين يعملون حساب بس الموضوع شرط فلوس بدون ذمة اعتقد اليهود صارو أحسن

ههههههههه اتفق تماما معاك

الله يكون في العون

طيب يا اخوي انا انتظر منك التكرم و الاجابة على باقي الاسئله لو سمحت:

هل تعتقد انه من الافضل تجاهل الوكالات و ضمانها و انها بتخليك تدفع الالاف في عمليات الصيانة الدورية من اجل خراب قد يحدث مستقبلا و قد لا يحدث و لو افترضنا انه سيحدث فلن يكلفك هذه الالاف التي دفعتها سلفا و ستدفع رسوم ايضا من اجل التصليح حتى و ان كنت محافظ على الضمان

هل استفدت فعلا من الضمان الذي حافظت عليه ام انك شعرت انه مخاسر و عملية حرق للمال و ندمت على اهتمامك و محافظتك على التأمين

هل ندمت على انك لم تحافظ على ضمان سيارتك ام شعرت انك كنت محق و ذكي بهذه الحركه و تشعر بالاسف و الاشفاق لمن يهتم بالحفاظ على ضمان سيارته

هل تنصح احد بالحفاظ على الضمان ام لا تنصحه بذلك ...ارجو ان يكون الجواب من واقع تجربه

و شكرا

[khaldoon]

السلام عليكم ... جزاك الله خير على طرحك للموضوع المهم جدا .. واللي كان محيرني لفترة طويلة الى ان اتخذت قراري الشخصي فيه بناء على تجربتي ... من كم شهر قمت وحسبت كم المبلغ الي دفعته لشركة الهوندا حق سيارتي الاكورد موديل 2008 .. والله اني انصدمت صراحه .. تقريبا 15000 ريال صيانة فقطططط !!!!

والمصيبة نفس ما تفضلت تماااااما ... تشييييك بس تشييييك ... والصراحة بعدها قررت التالي : اشتري كرتونة زيت وكرتونة فلاتر .. واغير كل 5000 في اي محل تغيير زيت وفلتر ب 25 ريال ... وكل 10000 اسوي تشييك في محطة وقود تقريبا 260 ريال مع تنضيف المكينة .. والوكالة لن أدخلها الا اذا بغير سير المكينة او شي ثقيل فعلا ... يستاهل المبلغ الي يندفع

وبالنسبة للضمان ... فهو الوسيلة الوحيدة للضحك علينا ... وسلامتكم

و عليكم السلام و رحمة الله و بركاته

و جزاك خير بمثله ان شاء الله ...حياك الله اخوي

فعلا هذا اللي انا اقصده طالما كل مره بتدفع بالالاف خاصة بعد 30000 كيلو و خلال كم سنة صرت دافع 15000 ريال يعني سعر سياره ثانية مستعمله

كل الشكر و التقدير على ردك و نصيحتك ....

[saudqatar]

انا عندي لكسس وديته الوكاله وقالوا لي تشيك وتغير سفايف ووو بيطلع حوالي 7000 الى 8000 ريال
وطلعت موتري وديته الخبر 2000 ريال

[khaldoon]

وعليكم السلام ورحمة الله وبركاته

فعلاً أسعار التشيك والصيانة في الوكالة مبالغ فيها

وموضوع الضمان في أكثر من شركه مرتبط بالتشيكات الرئيسية

10 و 20 و 30 و 40 الف كيلو وأنت طالع

بالنسبه لتجربتي مع الوكالة كانت قمة الدلع

لاني شريت التشيكات ل60 الف كيلو أو ثلاث

سنوات .... وكل 5000 كيلو اودي السيارة

ويغيروا اي قطعه تحتاجها .... بس لو يعطونا كبونات بترول :rolleyes2:

من أسباب غلاء الوكالات هو ان سوقنا ما فيه خيارات متخصصه ومحترفه

يعطيك العافيه أخوي خلدون

الله يعافيك و يبارك فيك ....طيب يا اخوي انت كلمتهم بخصوص كوبونات البنزين و الا لا....ترى مرات يستهبلون طالما الزبون ما يعرف بيسوقون الطناش هههههههههههه

الحين حسيت انه المبلغ اللي دفعته مقدما من اجل التشييكات لحد 60000 كيلو انهم قدموا لك خدمات تستحق هذا المبلغ مثلا و الا لا

و هل يبدلون اي قطعة فعلا و ممكن تكون غالية جدا و الا بس القطع الاستهلاكية و اللي يلزم تغييرها كل فترة مثل المساحات و الليتات و البريكات ....مب قطع المفروض انها ما تخرب الا بعد فترة طويله جدا

اروح وكالتين وكالة ترفض تبدل المساحات على حسابها و تدفعني ثمنها و وكالة ثانية تشيكهم و تبدلهم من غير ما اطلب اصلا

ترى اشوف شركات قامت تسوي هالتشييكات لحد 3 سنوات (يعني تعادل 60 الف كيلو) من سعر الشراء خاصة برمضان و ما بذكرها علشان ما اكون مسوي دعاية لهم

اعتقد انه من اسباب الغلاء مثل ما تفضلت و زيد عليها الاحتكار بالاساس

كل الشكر على مرورك الحلو:nice:

[khaldoon]

موضوع يستحق النقااش

ألف شكر






نفس كلااام اخوااني وهذا اللي ماشيين عليه:nice:

الشكر و التقدير لكي اختي على تشريفي بمروركي الجميل و

كل الشكر لرأي اخوانك و الله يحفظهم و يخليهم لكي .....طيب انت ما تسوقين او ما تملكين سياره و تقدري تفيدينا بخبرتك و رأيك بخصوص الضمان

[طلعة الروح]

حبيبتي

ما احب الصالون ولا احب الفور ويل
احب الي بالنص .. " نص فور ويل " هذا شيسمونه :) ؟؟
نفس ستايل البورش .. والاودي


جملك الله برضاه

جربي نيسان مورانو أو لكزس فوريل الصغيرة:shy:

[تحداني]

حياج الله اخت تحداني

يعتمد على ميزانيتج و بتشتريها كاش و الا اقساط و بتخلينها حسب النية كم سنة عندج علشان تعرفي تبيعيها بسعر جيد و الا بتخسري فيها

مصروف البنزين و المسافات اللي بتقطعينها لو شغلج بعيد مثلا
باب واحد و الا بابين
بتحبين سيارة امريكي و الا اوروبي و الا ياباني و الا كوري
جديدة و الا مستعملة
كم سلندر ..قوية والا مب قوية
الوكالات اللي ما ودك تتعاملي معاها

يعني عدة اشياء حدديها اولا و شوفي اولوياتج و بالتوفيق




حاضر .. شكرا لك
فسر الماء بعد الجهد بالماء .. :) جملك الله برضاه

جربي نيسان مورانو أو لكزس فوريل الصغيرة:shy:



الله يرضى عليج
الوالده عندها لكزس
اما نيسان علاقتي معاها مب طيبه ..
صرنا نسولف حتى بالسيارات .. البنات مشكله


جملك الله برضاه

[khaldoon]

حاضر .. شكرا لك
فسر الماء بعد الجهد بالماء .. :) جملك الله برضاه






اهلا و سهلا اي خدمة حضرتك :nice:

طيب انت وضحي هالاشياء هذه لنا بعدين نقترح عليكي نوع السياره هذا اللي انا قصدته:tease:

[الشاااهين]

يجب ان يوضع حل من أهل القرار لحل أزمة الآكلات قصدي الوكالات رافعين الاسعار في البيع وفي الخدمه لا واذا جيتهم بتشيك طلعوا لك عشرين عذروب ولا هي فيه بس على قولتهم "لهط"

افضل التشييك خارج الوكاله وبالاحرى خارج قطر.

[tawareq]

محد مرتاح لا في السيارات الجديدة ولا في السيارات المستعمله:weeping:

الوكلات من صوب والكراجات من صوب ثاني يصلحون شي ويخربون شي

يعني الواحد يسوق سيكل احسن له:discuss:

[almaf1a]

مب قادر اتخييل شلون الناس مستحمله التشيك في الوكالة كل 5 الاف كيلو

ابتزاز

[تحداني]

[color="darkgreen"]

اهلا و سهلا اي خدمة حضرتك :nice:

طيب انت وضحي هالاشياء هذه لنا بعدين نقترح عليكي نوع السياره هذا اللي انا قصدته:tease:



[size="4"]
[b]ابدا طال عمرك شكرا نأسف على الازعاج
اكملوا حديثكم عن التشييك


جملك الله برضاه

[كلنا قطر 1981]

تسلم اخوي خلدون على الطرح المفيد حق الجميع

شوف بالنسبه لي انا مدمن نوعين من السيارات يا اما نيسان باترول

يا اما اي نوع امريكي بس لازم يكون 8 سلندر سواء جمس بيكم او يوكن او سبورت المهم

لازم يكون 8 سلندر و بكل صراحه انا ما خذت و لا موتر من الوكاله كل مواتري مستعمله

طبعا الي تكنسل و الي صارت لي اعطال وياه صرت مدمن صناعيه و عقب الفتره الطويله مع

هالمواتر احب اقولك انه قمت اشتغل على الموتر بنفسي لا كراج و لا شي ثاني و ان بغيت قطع

غيار خصوصا حق الامريكي اروح السعوديه وارد في نفس اليوم و بسعر لا يوصف

سنة 2002 كان عندي موستنج و سويت توظيب حق المكينه قطع الغيار في الدوحه كانت

8500 رحت الحسا خذت كل الاغراض على 1400 و ما كلفني الموتر شي و سنة ال 2006

كان عندي كورفيت c5ضرب قيره تكلفته بالشركه 18500 رحت الرياض و خذت القير جديد ب

5500 و ركبته وز لا في احلى منه بعد و تم على الموتر لين بعته الحين انا و ربعي كلنا

ماشين على نفس السيستم مواترنا نشتغل عليها بنفسنا و ان خلاص قفلت في كراجات نعرفهم

متخصصين في في هالمشاكل نوديها لهم لا ضمان وكاله و لا شي و بصراحه نشرد عن اي

موتر الماني لانه ندري الالماني لو صاده شي ما بنعرف نشتغل عليه :secret:

الحين مواترنا و حتى في من ربعنا لو تعطل وياهم شي يكلمونا و نفحص مواترهم و نقولهم ذي

المشكله حلها كذا و كذا و كذا ......

و مرتاحين لا وكاله و لا عوار راس :nice:

[محاسب]

موضوعك مفيد ,,,,,,,,,,,,لو كان في استطلاع يكون افضل واسهل لجمع الأجوبه
..
كل وكاله تقدم تنازلات أوعروض على حسب............. العرض والطلب
ففي شركه الطلب عليها ضعيف .. تعطيك الموتر شامل الصيانه و قطع الغيار ل5سنوات
...ولاتخلى من عذاريب بضاعتها
وشركات الثانيه عليها طلب قوي ... وانت والأخوان أدرى بتصرفاتهم؟؟

....
في النهايه أنا أو انت ,,,,,,,,,,,,,,,,,,,,,,,,أو اي واحد يهمه أمري ويهمني أمرة
للأسف ............ عطينا الجشع فرصه يستغلنا ويتمادى ,,,, وحنا نتذمر ونعصب
وندفع....................وهو مايشبع
وهل من مزيد

[khaldoon]

يكفيك سعر قطع الغيار
ستيرنق بوكس فالدوحه ب٣٤٠٠ ريال .. خذته من الامارات ب٢١٠٠ اصلي من الوكاله ( الفطيم ) عن طريق الحمادي لقطع الغيار

درامويلات فالدوحه ب٩٥٠ ريال لين ١١٠٠
خذتهم من الامارات ب٦٢٠ ريال

شي غريب رغم ان الامارات مانعين استيرات قطع الغيار من عمان والخ .. كل القطع من الفطيم

ايه والله كلامك صحيح...فعلا ماكلينها من كل الجهات...سعر السيارة و التشييك و القطع و اجور العمال

طيب ايش تفسير الفرق الكبير جدا بين الاسعار بالامارات و الاسعار بقطر....نفس الوكالة و البلدين بجانب بعض و متشابهتين و ما فيهم رسوم جمارك تذكر

جرب اخوي اسأل موظف مسؤول بالوكالة ليش السعر عالي و بس يخلص جوابه وريه الفاتورة اللي انت دافعها بالامارات من الوكيل و اطلب منه تفسير

او وديهم لحماية المستهلك...حتى لو ما عملوا شي بس على الاقل انت اثرت موضوع امامهم و خليته بذمتهم و سويت اللي عليك و مب خسران شي الا انك بترسل الاثباتات بفاكس لا اكثر

كل الشكر على مرورك المميز

[khaldoon]

يااخي خلدون بالنسبه للتشيك اكثري الشركات يقصون علينا والله واحنا ندفع للاسف
بالنسبه لي اكثر من كم سنه وانا مادخل السياره تشيك بتاتا غير 1500 وكتيب الظمان ارميه
في الزباله الله يعز الجميع هذا بالنسبه للتيوتا عندي
الحين موتري نيسان الصراحه منتظم وياهم لان السياره موديلها جديد وكنت خايف منها
لكن تشيكاتهم مقبوله

حياك الله يا الغالي حسن

و الله يهنيك بالموتر الجديد و تشوف خيره و يبعد عنك شره

يعني انت الحين تنصح بالحفاظ على الضمان و الا لا تنصح بذلك لانك جربت الطريقتين و مين شفتها افضل ...ام حسب نوع السيارة و سعرها؟

[khaldoon]

اخواني الكرام قصة سيارتي كما يلي .... عندي ميتسوبيشي ناتيفا 2008 وهي يصير عليها صيانة دورية كل 10 الاف .... لما صارت 70 ذهبت بها للوكالة بابو هامور سالته قلتله عندي ناتيفا وصلت 70 ايش بدها : قلي بدها صيانة دورية تكلف 750 ريال ... انا سالته ايش تغيير فيها ... قلي تغيير زيت وفلتر وتشييك عام على الفرامل والزيت ... قلتله انا ما معي 750 ايش اسوي ... سالني سيارتك فيها مشكلة بالفرامل ... اخبرته لا ... قلي روح اذا وغير زيت وفلتر وارجع عندي لما تصير 80 الف ........

انا عملت كما خبرني تركته ورحت على التيسير تغيير زيت وفلتر

المهم لما صارت سيارتي 80 رجعت على الوكالة قلي السيارة على الـ 80 نعملها صيانة دورية تكلفك 5300 ريال : يغير زيت وفلتر ويغير بواجي ويغير سفايف الفرامل وتشييك عام على الزيوت وغيره ... انا سالته عن كل التغييرات واخذت منه ورقة فيها تفاصيل الصيانة وطلعت من عنده للتيسير وطلبت منه يغير الزيت والفلتر ويشيك على الزيوت التانية .... التيسير غير السفايف الاربع مع طورنجة للديسك مع تغيير زيت وفلتر مع تشييك كامل على كل ما خبرتني عنه الوكالة عدا البواجي بـ 1000 ريال فقط اما البواجي الوكالة قالتلي اني ممكن انتظر للمئة وغيرهم عندهم بمبلغ فقط 500 ريال
يعني انت ممكن تعمل الصيانة الدورية الخاصة بالمتسوبيشي بمبلغ 1500 ريال ، بينما الوكالة تطلب منك سعر 5300 على هذه الصيانة ..... طبعا هذا العمل كله عملته ضمن قطر ولم اسافر لا للسعودية ولا لغيرها...

يعني الفرق 3 اضعاف فقط لا غير

فما رايكم .............. دام فضلكم

كلام جميل جدا و رائع اخوي العزيز و انت سويت التشييكات بطريقه ممتازة بس خارج الوكالة يعني حافظت على كفاءة سيارتك بس بدون ضمان ...الله يستر

عن نفسي ما عندي استعداد ادفع 5300 ريال على التشييك و لا افكر حتى ادفع 2500 ريال و طريقتك جميلة بالاضافة لطريقة اخونا العزيز راعي مواجيب و اشكركم على طرح افكار ممتازة نستفيد منها كلنا ان شاء الله

[um3lianny]

اسعار التشييك في الوكالات ضاربه في العلالي و ما اشوف اي مراقبة عليهم
شكرا لاثارتك هالموضوع المهم

[khaldoon]

وجزاك الله بمثله ياطويل العمر

وياك يا الغالي...حياك الله

الأسعار ماتضاعفت بالطريقه اللي اشرت لها ياخلدون ، ولكنها زادت بالطبع بطريقه ملفته وهذا حال جميع السلع ، في سنة 1997 شريت في اكس ار بـ 165000 وسعر الفي اكس ار اليوم 300 الف ، يعني خلال 15 سنه ماتضاعف السعر

شوف يا الغالي...انا قلت هالشي فوق لاني اذكر انه والدي رحمة الله عليه اشترى سنة 1985 سيارتين واحده ميتسوبيشي جالنت و كانت بحدود 21 الف ريال و الثانية نيسان بلو بيرد ...طبعا ما اذكر الاوبشن اللي فيهم و يمكن يكونوا استاندرد خاصة الجالنت بس البلو بيرد كانت شبابيك و ابواب اوتوماتيك و السعر يمكن 25 الف لانها اصلا بنفس المستوى بس مب متذكر بالضبط ( و ازيدك من الشعر بيت انه الجالنت شراها بخصم خاص بسعر تحت العشرين الف بس ما راح اقولك بكم علشان ما تتعقد :secret: و باعها بعد اكثر من 8 سنوات استعمال ب 12 الف)

فشوف اسعار الجالنت الحين كم صارت و لهذا قلت الثمانينات....اكيد طبعا انه مب كل السيارات تضاعفت اسعارها...حسب نوع السيارة و هل مرغوب فيها بالبلد ام لا

لكن السؤال اللي يطرح نفسه ، كم السعر اللي يدفعه الوكيل للمصنع وكم ربحه ؟ طبعا ارقام خياليه

ولا تستهين في قطع الغيار ، السياره بيبيعها الوكيل مره وحده فقط ، لكن قطع الغيار بيبيعها بشكل دائم

مثال بسيط

لو دفع الوكيل في صفقة سيارات جديده 500 مليون ريال في السنه وأخذ فائده ربحيه 25 % بيطلع بـ 125 مليون فوق رأس المال المدفوع

ولو دفع الوكيل 250 مليون ريال في صفقة قطع غيار ، وأخذ فائده ربحيه 100 % بيطلع بـ 250 مليون ريال فوق رأس المال المدفوع :)

تتوقع ايهما ستفضل لو كنت الوكيل :victory:

قطع الغيار اسعارها مناسبه جداً للتلاعب

جزاك الله كل خير على هذا المثال التوضيحي الرائع...احنا ما قلنا ما يربحون بس يربحون بالعقل و المنطق و بطريقة مبررة لانه الزبون اللي يشتري من عندهم فلوسه مب حرام و لا لاقيها بالشارع ...

مثل ما تشوف فروقات الاسعار بين قطر و السعودية او بين قطر و الامارات..طيب ليش يا اخوي مب كلهم دول خليج و المسافات اللي بينهم و بين البلاد المنتجة للسيارت هي نفسها و الدول تفرض نفس رسوم الجمارك و يتكلفون الوكالات نفس رسوم التوريد و الشحن

مب الوكالات اللي بالسعودية و الامارات يبون يربحون بعد و الا هم من طبقة الملائكة و فاتحين وكالاتهم كمؤسسات خيرية لوجه الله

ليش الوكالات عندنا يستغلون بند القطع في اللعب علينا و تعويم الاسعار ....ليش ما في مراقبة اكبر على الاسعار علشان يبررون هالزيادات الخرافية اللي فيها ...ليش مثل ما تشوف التصليح بقطر ضعف التصليح بالسعودية مثلا ....ليش الين و الا اليورو بنتأثر فيه احنا بس اكثر من السعودية و الامارات في قطع الغيار و التصليح و الشراء


ابشر ياخلدون

لا طبعاً ، الضمان مهم بالنسبه لي وذلك لعدة اسباب

اولا ، صعوبة صيانة السيارات الحديثه خارج الوكالات ، لأنها تعتمد على البرمجيات التي لا تتوفر في السوق إلا نادراً

ثانياً ، في وقت البيع يفضل المشتري السياره التي لا تزال تحت الضمان حتى وأن كان المتبقي من الضمان شهور قليله ، ويكون هناك فرق في السعر عن السياره التي ليس بها ضمان

ما اقدر ازيد على كلامك ..كفيت و وفيت ...بس اقدر اقول شي واحد بس انه مب شرط تكون للسيارات المعقده بس ....ايضا السيارات غير المعقده و اقول هالشي من واقع تجربة كالعادة و مب بطريقه واحد قالي و سمعت و اللي اعرفه ...كان عندي سيارة كيا منتهية و تعبانة جدا و ما اعتقد انه الكيا سيارة معقدة...رحت فيها على التيسير لانه الكل وقتها قالي ما لك الا التيسير و اللي الكل اشوفه يمدح فيه ....

والله يوم وصلت التسير قلت خلاص وصلت يا خلدون و انحلت مشكلتك و هربت من الوكالة و اسعارها النار ....رفض التيسير انه يستلمها من غير حتى انه يشيك و يشوف انها منتهية و الا لا...قالي كيا ما نصلح و ودها الوكالة ما نقدر نسوي لها شي....ليش ...يقولون لي صعب فكها من تحت و الوكالة بس اللي تعرف تسويها و الله العظيم :rolleyes2:....و فعلا رحت ألف بالصناعية بعدها و بكل مكان و الكل رفض و يقولي ودها الوكالة و بالاخير و ديتها الوكالة و صلحوها بسعر 5600 ريال...بس كان تصليح شامل و مع ضمان لعشرين الف بعدها مب مجرد صيانة و كانت منتهية تماما و ما فيها عزم و ماشية 80000 ريال و ما كنت محافظ اصلا على الضمان و لا مدخلها الوكالة من قبل...طبعا هالشي صار فيها نتيجة حادث خشن من الامام و الخلف و انا ما لي فيه كنت متوقف تماما و انتكست السيارة فجأة:weeping:

شوف ياطويل العمر

الشركات تختلف عن بعض ، لكن مره من المرات كانت عندي سياره من شركة البورش ، فصار في السياره خلل بسيط لكن حتى الشركه ماعرفت تصلحه ، فتم ارسال مهندس من دبي لأصلاح الخلل ، لك ان تتخيل لو كانت سيارتي بدون ضمان :tease:

الله يحفظك و يهنيك يا رب


لا ماندمت ، ولكن احاول اخفف من التكاليف بالطريقه اللي ذكرتها لك :nice:

خلاص يا طويل العمر ...طريقتك ان شاء الله بعتمدها :nice:

نعم انصح الجميع بالمحافظه على الضمان ، خصوصاً اصحاب السيارات اللي صيانتها معقده

لكن ما اروح اشتري عراوي وكل شهر ادفع 1000 ريال على الصيانه الدوريه بحجة الضمان !!

فيه سيارات حساسه وصيانتها مكلفه ، المفروض هالسيارات تكون تحت الضمان قدر الأمكان

كل الشكر و التقدير على المشاركة القيمة اللي اثرت الموضوع و يا رب كل اللي ترجيتهم يكملون ردهم على باقي الاسئله يرجعون يردون مثلك ...ما قصرت يا الغالي

[khaldoon]

ابتاز مقابل الظمان

فما سبق التشييك كان على حساب الوكاله

5000 و10000 كم وتشييكتين

جزاك الله كل خير اخوي العزيز qatara

افهم من ردك انك غير مهتم بالحفاظ على الضمان و لا ندمت على هالشي...صحيح و الا انا غلطان:telephone:

[khaldoon]

زين انك تطرقت للموضوع فمثلا عندي مرسيدس تشيك تشيك الوكالة كل 15000م وكل تشيك يكلفني من 2400 وانت طالع والتشيك الجاي 45000 عندهم بسعر 4600 ريال
المهم التشيك على الزيوت وعلى تشيك كامل للسيارة

اشرايكم


حياك الله اخوي و الله يهنيك فيها و يبعد عنك شرها

المشكلة انه الوكالات يتعاملون مع الزبون على انه بير بترول و ما يهمه الفلوس و لا يعرف وين يصرفها و الا اشلون يحرقها و العلة منا احنا الزباين فعلا

يعني يقولون هذا زبون يشتري سيارة بكذا مئة الف فأكيد مب فارقه معاه 2400 ريال صيانة كل كم شهر

كان معانا زميل بالعمل مشتري سيارة ml 350 في سنة 2007 هالكلام و يقول لنا التشييك بكلفه 10000 ريال و انه بيستمر 5-6 ايام و شفت هالشي بنفسي بخصوص مدة التشييك و اضطر انه يستأجر سيارة تيدا على حسابه ..يعني ما اعطوه سيارة بدالها

اقوله تدفع 10000 ريال صيانة مب تصليح؟!! يقولي نعم انا احافظ على الضمان و على كفاءة السيارة..مب هذا مسوي نفسه بنك و الا بير بترول و الا انا غلطان

[R 7 A L]

حتى لو لم تكن منطقية

ماعليك وعلينا الا الدفع ونحن ساكتين
أبرك لنا

[tawareq]

مكان عندي مرسيدس 350s من قبل وغيرت البطارية على الضمان لكن قبل مايبدلون البطارية قالوا لي بنشيك على البطارية قعدوا 4 ايام تشيك وبعدين بدلوا لي :weeping:

[khaldoon]

اخي الكريم انصحك بما يلي

اذهب بالسيارة لمركز التيسير او اي مركز اخر ثقة ودعم يشيكون على السيارة ويحددون لك ما هي الأشياء التي تحتاج تبديل او اصلاح بعدها اسال عنها هل تغييرها خارج الوكالة ممكن وبنفس جودة الوكالة .... في حال كان ذلك غيرها خارج الوكالة ... اما في حال من الوكالة فانصحك بان تحدد بالضبط ما تريد عمله من الوكالة وان تطلب منهم ان يقوموا بذلك فقط وليس عملية صيانة دورية شاملة لانها ستكلف اضعاف مضاعفة وبالنهاية لن يصلحوا سوى الجزء الذي اكتشفته انت خارج الوكالة ...
بالتوفيق يارب

اتفق تماما معاك

جزاك الله كل خير على التعقيب و الاضافات القيمة :nice:

[khaldoon]

انا مواظب مع سيارتي كل 10,000 في بدايتها وثم 20,000 في وكالة النيسان والاسعار جيده نوعاً ما وما توصل للالاف للتشييك الواحد ودايماً في ديسكاوند لو تسندرهم شوي ، وايضاً انا ما اغير الايل والفلتر عندهم ابداً وعمرهم ما علقوا على هالمسألة واول مره اعرف انها مربوطه بالضمان منكم !! ..

بس المشكلة بشغل اليد .. فمثلاً تغيير قطعه بسيطه مثل السير مايوصل سعره 150 ريال يقولك شغل اليد بـ 200 ريال، وهذا الي يقهر ^^" ..

اما بخصوص الضمان .. الحق يقال وكالة النيسان عمري ما اشتكيت منها من هالناحيه واي شي يخترب على الضمان كانوا يغيرونه مباشرة .

طيب اخوي هم ما يغيرون الزيت و الفلتر لما تروح لهم؟!!!..لانك تقول فوق انك ما عمرك غيرت زيت وفلتر عندهم

انا ما اعرفهم اذا كانوا زينين و الا لا ... بس صديق لي اشترى التيما و على طول يشتكي من صيانتهم امامي...نبي الاخوان و الاخوات اللي جربوا النيسان يدلوا بدلوهم
:telephone:

[khaldoon]

بو محمد يقول لكم اذا الله منعم عليكم .. واموركم طيبه بعد 5 سنوات بيعوا السياره
مامنها فايده خلاص ولا اتعورون اقلوبكم لا مع الوكاله ولا مع الكاراج ولا مع الفحص الفني
انا ما عندي كلام كثير في هالموضوع .. بس حبيت اعطيكم نصيحه الوالد
جاري البحث عن سياره جديده .. ايش تنصحوني ؟؟


جملكم الله برضاه

الله يطول في عمر الوالد و يحفظه لكم يا رب

بخصوص الاستغناء عن الضمان...عاد يعتمد انا ابي السيارة لاكثر من خمس سنوات و الا ناوي ابيعها بعد خمس سنوات و هالنية عندي قبل الشراء اصلا

هل السيارة غالية و الا رخيصه

هل هي رخيصة بس صيانتها و قطع غيارها نار و الا ايضا القطع و اجور التصليح و الصيانه رخيصة مثل سعر السيارة

هل قدراتي المالية تخليني ادفع اي تصليح كبير و مفاجىء و مكلف و ليس لي به ذنب و الا لا

هل اوفر و افضل لي بيعها بدون تصليح و الا التصليح الغالي اوفر

كل الشكر و التقدير على المرور الرائع...خلاص اشتري بورش او x6:rolleyes2:

[khaldoon]

المشكلة ان الضمان راح يتكنسل اذا ما شيكت عندهم

صحيح كلامك و سيارتك ما شاء الله غالية و الله يبارك لك فيها و لا يوريك شرها فما انصحك تتخلى عن الضمان

[khaldoon]

والادهى من ذي كله اني خذت السيارة من شخص هو مالك اوا وانا مالك ثاني وقالوا لازم تدفع 1000 ريال تغير الاسم علشان ينتقل الضمان على اسمي

قلتلهم الضمان على السيارة مب على راعي السيارة
رد على : هذا النظام عندنا لازم تدفع 1000 ريال علشان تغير الاسم
((( طبعا هذا موظف بالاستقبال ))) وكالة المرسيدس

بعد فترة رحت مرة ثانية اسأل عن نفس الموضوع وماحصلت الموظف اللي قال نفس الكلام

وحصلت موظفة وسالتها عن دفع المبلغ 1000 ريال لتغيير الاسم في الضمان
وانصدمت بردها ان ما في داعي لدفع المبلغ لان الضمان ساري المفعول على السيارة مب على راعي السيارة

يعني تناقض ما بين الموظف والموظفة

استغلال ما عقبه استغلال

مشكلة لما يوظفون ناس مب فاهمين شغلهم صح

من اسبوعين رحت انا و زوجتي نعيد فتح حساب لها بالبنك الدولي الاسلامي اهلمته ن 5 سنوات فالموظف اعطانا اوراق لفتح حساب جديد و ما اعطانا رقم الحساب و قالنا بعطيكم رقم الحساب ثاني يوم ...المهم اودعت زوجتي الفلوس اول يوم و اخذنا وصل من البنك و ما في رقم حساب

ثاني يوم اتصل يقولنا لازم تدفعوا 150 ريال لانه زوجتك ما سكرت الحساب زمان و سحبت المبلغ و بس و صار في غرامات فلازم تدفع ال 150 ريال السابقه علشان نفعل الحساب و مدير الفرع ايده بعد بهالكلام

زوجتي قالت هونت و سحبنا الفلوس ثاني يوم ...بعد اسبوع رجعت لهم تفتح الحساب على اساس تدفع الغرامة فراحت عند موظفه اخرى مكتبها ملاصق لمكتب الموظف السابق فأعطتنا رقم الحساب القديم و قالت لنا ما في غرامة و لا شي و فعلا ما صار غرامات ..ايش رأيك مين الصاحي فيهم كلهم...المدير و الا الموظف و الا الموظفة؟!!

[khaldoon]

يعتمد عليج انتي شتحبين ؟



أف الله يعينك، أكره شي عندي هالحركة وتناقض الأقوال بين موظفين نفس الشركة..





حبيبتي

ما احب الصالون ولا احب الفور ويل
احب الي بالنص .. " نص فور ويل " هذا شيسمونه :) ؟؟
نفس ستايل البورش .. والاودي


جملك الله برضاه

:nice::nice::nice:

[khaldoon]

انا عندي لكسس وديته الوكاله وقالوا لي تشيك وتغير سفايف ووو بيطلع حوالي 7000 الى 8000 ريال
وطلعت موتري وديته الخبر 2000 ريال

لا حول ولا قوة الا بالله

حاولت تسألهم على اي أساس بيكلف هالرقم العجيب هذا ...7000 الى 8000 ريال

المشكله كم واحد يقدر يروح السعودية و يشيك سيارته

ما راح تخسر ضمان السعودية

هذا حل لبعض المستهلكين بس مب للغالبية منهم

كل الشكر على مرورك اخوي

[khaldoon]

جربي نيسان مورانو أو لكزس فوريل الصغيرة:shy:



حاضر .. شكرا لك
فسر الماء بعد الجهد بالماء .. :) جملك الله برضاه




الله يرضى عليج
الوالده عندها لكزس
اما نيسان علاقتي معاها مب طيبه ..
صرنا نسولف حتى بالسيارات .. البنات مشكله


جملك الله برضاه

ايش صار معاكي الحين...على ايش استقريتي اخت تحداني

[khaldoon]

يجب ان يوضع حل من أهل القرار لحل أزمة الآكلات قصدي الوكالات رافعين الاسعار في البيع وفي الخدمه لا واذا جيتهم بتشيك طلعوا لك عشرين عذروب ولا هي فيه بس على قولتهم "لهط"

افضل التشييك خارج الوكاله وبالاحرى خارج قطر.

بارك الله فيك على هذه الاضافة القيمة للموضوع

[khaldoon]

محد مرتاح لا في السيارات الجديدة ولا في السيارات المستعمله:weeping:

الوكلات من صوب والكراجات من صوب ثاني يصلحون شي ويخربون شي

يعني الواحد يسوق سيكل احسن له:discuss:

الحمد لله على كل حال

الله يكون في عون الجميع

[بوخالد911]

لا

مش منطقية

استغلال
وابتزاز بداعي الضمان

والوكالات دووم القوانين معاهم وصايغين شروط الضمان عدل مدل

[khaldoon]

مب قادر اتخييل شلون الناس مستحمله التشيك في الوكالة كل 5 الاف كيلو

ابتزاز


فعلا اتفق تماما معاك بس يا اخوي مضطرين علشان ما يخسرون الضمان خاصة لو سياراتهم غالية او قطع غيارها و تصليحها مكلف

[khaldoon]

ابدا طال عمرك شكرا نأسف على الازعاج
اكملوا حديثكم عن التشييك


جملك الله برضاه

حياكي الله اختي... ما في اي ازعاج

[khaldoon]

تسلم اخوي خلدون على الطرح المفيد حق الجميع

شوف بالنسبه لي انا مدمن نوعين من السيارات يا اما نيسان باترول

يا اما اي نوع امريكي بس لازم يكون 8 سلندر سواء جمس بيكم او يوكن او سبورت المهم

لازم يكون 8 سلندر و بكل صراحه انا ما خذت و لا موتر من الوكاله كل مواتري مستعمله

طبعا الي تكنسل و الي صارت لي اعطال وياه صرت مدمن صناعيه و عقب الفتره الطويله مع

هالمواتر احب اقولك انه قمت اشتغل على الموتر بنفسي لا كراج و لا شي ثاني و ان بغيت قطع

غيار خصوصا حق الامريكي اروح السعوديه وارد في نفس اليوم و بسعر لا يوصف

سنة 2002 كان عندي موستنج و سويت توظيب حق المكينه قطع الغيار في الدوحه كانت

8500 رحت الحسا خذت كل الاغراض على 1400 و ما كلفني الموتر شي و سنة ال 2006

كان عندي كورفيت c5ضرب قيره تكلفته بالشركه 18500 رحت الرياض و خذت القير جديد ب

5500 و ركبته وز لا في احلى منه بعد و تم على الموتر لين بعته الحين انا و ربعي كلنا

ماشين على نفس السيستم مواترنا نشتغل عليها بنفسنا و ان خلاص قفلت في كراجات نعرفهم

متخصصين في في هالمشاكل نوديها لهم لا ضمان وكاله و لا شي و بصراحه نشرد عن اي

موتر الماني لانه ندري الالماني لو صاده شي ما بنعرف نشتغل عليه :secret:

الحين مواترنا و حتى في من ربعنا لو تعطل وياهم شي يكلمونا و نفحص مواترهم و نقولهم ذي

المشكله حلها كذا و كذا و كذا ......

و مرتاحين لا وكاله و لا عوار راس :nice:

ما شاء الله اهنيك على هذه الخبره الرائعه يا الغالي...يبيلها والله الواحد يعرف عن سيارته

صدقني حتى الوكالات المحترمة عندها موظفين ما يفهمون شي و يصيروا يتحزرون و يبدلون بالقطع و كله على حساب صاحب السيارة ...خلنا نجرب كذا يمكن يروح الصوت...و لو ما راح الصوت معناته بيكون الخراب بكذا ....:rolleyes2:

اهنيك على خبرتك :victory:

[khaldoon]

موضوعك مفيد ,,,,,,,,,,,,لو كان في استطلاع يكون افضل واسهل لجمع الأجوبه
..
كل وكاله تقدم تنازلات أوعروض على حسب............. العرض والطلب
ففي شركه الطلب عليها ضعيف .. تعطيك الموتر شامل الصيانه و قطع الغيار ل5سنوات
...ولاتخلى من عذاريب بضاعتها
وشركات الثانيه عليها طلب قوي ... وانت والأخوان أدرى بتصرفاتهم؟؟

....
في النهايه أنا أو انت ,,,,,,,,,,,,,,,,,,,,,,,,أو اي واحد يهمه أمري ويهمني أمرة
للأسف ............ عطينا الجشع فرصه يستغلنا ويتمادى ,,,, وحنا نتذمر ونعصب
وندفع....................وهو مايشبع
وهل من مزيد

جزاك الله كل خير على هذا المرور الطيب....ما كنت اعرف انه كثير اعضاء ما راح يردون على الاسئله و انت يا عزيزي منهم :shy:

طيب يا اخوي ما قلت لنا تنصح بالضمان و الا ما تنصح.....

[khaldoon]

اسعار التشييك في الوكالات ضاربه في العلالي و ما اشوف اي مراقبة عليهم
شكرا لاثارتك هالموضوع المهم

بارك الله فيك ...شرفني تواجدك بالموضوع

تنصح بالاحتفاظ بالضمان و الا لا :omen2:

[khaldoon]

حتى لو لم تكن منطقية

ماعليك وعلينا الا الدفع ونحن ساكتين
أبرك لنا

:eek5::eek5:

فعلا معاك حق....اتفق تماما معاك و لا حول و لا قوة الا بالله

[khaldoon]

مكان عندي مرسيدس 350s من قبل وغيرت البطارية على الضمان لكن قبل مايبدلون البطارية قالوا لي بنشيك على البطارية قعدوا 4 ايام تشيك وبعدين بدلوا لي :weeping:


بااااال ...4 ايام ليش...هم سووولها تحليل مثلا و الا تشريح

كلها نص ساعة و بتظهر النتيجة انا مجربها في ac delco من قبل

[khaldoon]

لا

مش منطقية

استغلال
وابتزاز بداعي الضمان

والوكالات دووم القوانين معاهم وصايغين شروط الضمان عدل مدل

لا حول و لا قوة الا بالله

الله يكون في العون

اسعدني جدا مرورك

[محاسب]

جزاك الله كل خير على هذا المرور الطيب....ما كنت اعرف انه كثير اعضاء ما راح يردون على الاسئله و انت يا عزيزي منهم :shy:

طيب يا اخوي ما قلت لنا تنصح بالضمان و الا ما تنصح.....

الضمان .......نعم أنصح فيه,, لكن للأسف في معاناه تخلي البعض يتنازل عنه
من :
1- الخدمه وطولة الأنتظار
2- الأستغلال

[khaldoon]

الضمان .......نعم أنصح فيه,, لكن للأسف في معاناه تخلي البعض يتنازل عنه
من :
1- الخدمه وطولة الأنتظار
2- الأستغلال

جزاك الله كل خير اخوي على تعقيبك

كل الشكر و التقدير

بس نصيحه حاول ما تتخلى عن الضمان رغم الابتزاز و الاستغلال لانه في اشياء كثيره تحتاج تبديل او تغيير بالسيارات و يلزمها شغل من فك و اعادة تركيب و الكراجات الثانية حتى لو كانت التيسير ترفض انها تسويه ...لعدة اسباب منها انها ما تعرف و منها انها تعرف بس صعوبة الفك و التركيب بيغنيها عن الاجرة

:nice:

[Riku3]

طيب اخوي هم ما يغيرون الزيت و الفلتر لما تروح لهم؟!!!..لانك تقول فوق انك ما عمرك غيرت زيت وفلتر عندهم

انا ما اعرفهم اذا كانوا زينين و الا لا ... بس صديق لي اشترى التيما و على طول يشتكي من صيانتهم امامي...نبي الاخوان و الاخوات اللي جربوا النيسان يدلوا بدلوهم
:telephone:
لا ما اغير الايل عندهم ودايماً ابدلهم في التيسير .. الا في البداية بس بعد الـ 40 الف ما اعتقد اني غيرت الايل والفلتر عندهم ابداً ..

ضماني كان 100,000 او 5 سنوات .. وكنت ادخل السيارة كل 10,000 في البداية وثم 20,000 ، والتشييك بين 300 و 600 وكله بحسبته على حسب الادوات الي بيحطونها لانها شامله سعر التشييك .. واذكر اخر مره دخلتها على الضمان كان الموتر ماشي 99,000 :] ..

ووقتها غيرت البور كامل لان كان في لييك قوي .. بدون الضمان كان يكلفني قريب 5000 ريال @_@ .. بس مادفعت شي وحسبوها على الضمان، وفي النهاية طلعت الفاتورة يمكن 700 ريال شاملة التشييك واصلاح عطل في المكيف ومشكلة كان عندي صوت قوي لما اسرع ..

غير الجامبين الي كان فيه مشكله مصنعيه غيروه لي اكثر من مره بدون مقابل ..

سيارتي التيما v6 وكنت اوديها ايام الضمان للصناعية وبعد الضمان صرت اخذها الوكره شغل سريع سريع 4 ساعات يغيرون السيور وينظفون البريكات والامور الي اطلبها او يحصلونها وخلاص :] ..

واكثر من مره جلست معاهم الـ 4 او 3 ساعات وما مشيت وشغلهم نظيف ومايتركون السيارة وبالفعل يحتاجون كل هالوقت للعمل ! ..

مشكلتهم الوحيده بقطع الغيار ! .. مره احترقت علي دينمة الشرش وكان سعرها بالوكالة 4800 !! .. بس جبتها من وكالة النيسان في الامارات بـ 1970 درهم بس :] .. كلمت حماية المستهلك على هالموضوع بس ما حسيت بالجديه وسفهت للسالفة ..

وايضاً في شي ايجابي عندهم .. مره جبتلهم قطعه من الخارج وركبوها لي من كم شهر ، مع اني كنت ابي اركب دينمة الشرش عندهم من سنتين بس رفضوا p: .. ما ادري هل هي قرارات شخصية ام قانون عندهم .

[khaldoon]

لا ما اغير الايل عندهم ودايماً ابدلهم في التيسير .. الا في البداية بس بعد الـ 40 الف ما اعتقد اني غيرت الايل والفلتر عندهم ابداً ..

ضماني كان 100,000 او 5 سنوات .. وكنت ادخل السيارة كل 10,000 في البداية وثم 20,000 ، والتشييك بين 300 و 600 وكله بحسبته على حسب الادوات الي بيحطونها لانها شامله سعر التشييك .. واذكر اخر مره دخلتها على الضمان كان الموتر ماشي 99,000 :] ..

ووقتها غيرت البور كامل لان كان في لييك قوي .. بدون الضمان كان يكلفني قريب 5000 ريال @_@ .. بس مادفعت شي وحسبوها على الضمان، وفي النهاية طلعت الفاتورة يمكن 700 ريال شاملة التشييك واصلاح عطل في المكيف ومشكلة كان عندي صوت قوي لما اسرع ..

غير الجامبين الي كان فيه مشكله مصنعيه غيروه لي اكثر من مره بدون مقابل ..

سيارتي التيما v6 وكنت اوديها ايام الضمان للصناعية وبعد الضمان صرت اخذها الوكره شغل سريع سريع 4 ساعات يغيرون السيور وينظفون البريكات والامور الي اطلبها او يحصلونها وخلاص :] ..

واكثر من مره جلست معاهم الـ 4 او 3 ساعات وما مشيت وشغلهم نظيف ومايتركون السيارة وبالفعل يحتاجون كل هالوقت للعمل ! ..

مشكلتهم الوحيده بقطع الغيار ! .. مره احترقت علي دينمة الشرش وكان سعرها بالوكالة 4800 !! .. بس جبتها من وكالة النيسان في الامارات بـ 1970 درهم بس :] .. كلمت حماية المستهلك على هالموضوع بس ما حسيت بالجديه وسفهت للسالفة ..

وايضاً في شي ايجابي عندهم .. مره جبتلهم قطعه من الخارج وركبوها لي من كم شهر ، مع اني كنت ابي اركب دينمة الشرش عندهم من سنتين بس رفضوا p: .. ما ادري هل هي قرارات شخصية ام قانون عندهم .

بارك الله فيك على هذا الشرح الوافي.....صراحة هذا تشجيع رائع لشراء النيسان لانه صيانتهم بناء على ما تفضلت ممتازة

الله يوفقك