د. عبدالعزيز الجفيري .. عملية اللحمية

[بنت ذياب]

السلام عليكم ورحمة الله وبركاته

شخباركم

عساكم طيبين

بغيت استفسر عن عملية اللحمية عند د.عبدالعزيز الجفيري

لان قالي بيسويها لي مع عملية الانحراف

ومترددة

هو اقترح علي اقتراحين

يا اسوي عملية اللحمية بروحها

او اسوي الثنتين ..انحراف ولحمية..

بس قالي لو اللحمية بروحها يمكن ترجع مرة ثانية بس لو العمليتين مع بعض خلاص مرة وحده

فماعرف الحين

من سواها عنده؟؟ وشلونكم الحين

ويعطيكم الف عافيه ...

[البرجوازي]

اختي الكريمه لاحظت على الدكتور الجفيري دايما كلمة عملية او اجراء جراحة بسيطه . معاي وايضا مع ولدي وخاصة مع الولد لما وديته استشاري ثاني قالي مايحتاج تدخل باي طريقة كانت وفعلا تشافى الولد بالادويه فقط . فدخل في نفسي شك من ناحية الدكتور مع انه يعتبر دكتور العائله . من وجهة نظري تشوفين رأي دكتور اخر فاذا توافقو في التشخيص توكلي على واعمليها عند الدكتور الجفيري

[بنت ذياب]

طيب استشير من ؟؟

استشرت الدكتور ياسر فالاهلي.. قالي مافيج اي انحراف واول مرة اشوف حد خشمه سيدا وماتحتاجين الا ادوية فقط .. ومحتارة ماعرف شاسوي.. وواحد ثاني قالي بعالجج بالادوية واحتمال اضعيف تحتاجين عملية

فمادري اروح استشير من ...؟؟؟؟

[هجمة مرتدة]

انا واثنان من أفراد أسرتي قمنا بإجراء عملية اللحمية والإنحراف في العمادي عند الدكتور عبدالعزيز الجفيري . .

الحق لا بد أن يقال؛ أننا جميعاً -ولله الحمد- تشافينا من إختناق الليل الذي كان يشكّل كابوساً مزعجاً لفترة طويلة جداً . .

وكان هذا بفضل من رب العالمين في أول المطاف ومن ثم يد الدكتور الجفيري الحريرية ودماثة أخلاقه التي كانت بمثابة الدواء المعنوي لنا . .

الله يجزيه كل خير ويعطيه دوم على قد نيته . .

أوصيك بالصلاة ومن ثم الإستخارة لتنير بصيرتك وتزيل الغشاوة عن عينيك . .

شفاك الله وعافاك شفاء لا يغادر سقماً . .

[Mishaal]

رضيعتي سوت العملية عند نفس الدكتور والحمدلله امورها طيبه وعال العال

مثل ما قال اخونا هجمة مرتده استخيري وتوكلي على الله الدكتور وايد شاطر

[تحداني]

حبيبتي بنت ذياب

ما اتشوفين شر يارب واجر وعافيه
لا اتحاتين مافيج الا كل خير .. حقيقه الدكتور عبدالعزيز انسان رائع
وطبيب ثقه بشهاده الجميع تبارك الرحمن
لكن هم مافي مانع تاخذين راي طبيب ثاني وثالث
واذا مب مرتاحه من الكشف هم استخيري واسإلي اكثر

ما عندي فكره عن الانف
الوالده كانت اتراجع للاذن فقط واليوم الحمد لله امورها طيبه


طمنينا عليج حبيبتي


جملك الله برضاه

[مفكّر]

لا تخافين وتوكلي على الله ترى عملية الانحراف واللحمية بسيطة جداااا ومن اسهل العمليات ...
والدكتور اللي انتي رايحة له والنعم فيه هو ممتااااااز في هذا المجال بشهادة الكل ...
ماتشوفين شر ان شاء الله ...

[حسن الاحمد]

طيب استشير من ؟؟

استشرت الدكتور ياسر فالاهلي.. قالي مافيج اي انحراف واول مرة اشوف حد خشمه سيدا وماتحتاجين الا ادوية فقط .. ومحتارة ماعرف شاسوي.. وواحد ثاني قالي بعالجج بالادوية واحتمال اضعيف تحتاجين عملية

فمادري اروح استشير من ...؟؟؟؟

روحي الدكتور احمد حندوسة يشتغل يمكن في مركز مغربي وهو احسن دكتور ant
بقطر

[Halawala]

روحي الدكتور احمد حندوسة يشتغل يمكن في مركز مغربي وهو احسن دكتور ant
بقطر

انا كانت لي تجربة مش ولابد مع الدكتور احمد حندوسة في الأهلي
ولهذا ما أنصح كلش ،،،،
بعدين قسم التخدير في المستشفى الأهلي تقول مقصب ما تقول قسم تخدير
أول مره أعرف ان المريض ممكن يقوم من البنج وسط العملية !!!!
وهذا صار مع وحدة اعرفها شخصياً !!!
ما أنصح بحندوسة،،، اما الدكتور الجفيري فهو جيد جدا عن تجربة ،،،
سلامات

[بنت ذياب]

تسلمون والله ماقصرتوا

باستخير واجوف

الله كريم

وحتى لو باستشير دكتور ثاني... هو تقريبا احسن واحد فالدوحه ..

[المتحدث الرسمي]

.....

اختي الكريمه ,

سويت عملية الانحراف و اللحميه عند الجفيري من 3 اسابيع تقريبا

صج تعذبت اول اسبوعين بس الحمدلله الحين اموري كلها طيبه

و اتنفس براحتي بعد ما كان خشمي يتسكر و خصوصا قبل النوم

انا اقول استخيري و توكلي على الله

و اجر و عافيه ان شالله

.....

[قلم صادق]

اختي روحي عند الدكتور كانيش في حمد عنده مسائي بصراحه ممتاز ... وخذي استشاره ثانيه احسن

[Kitchen]

انا بالنسبة لي استشارة الدكتور عبدالعزيز الجفيري تغنيني عن الكل

انسان محترم يجبر الناس على احترامه وفوق هذا كله هو الافضل في البلاد بشهادة كل من تعامل معه

ما تشوفين شر اللحمية ترا وايد عملية سهلة كل من يسويها

[السحابة]

سبحان الله سويت لولدي مرتين ورجعت مسكين في الليل شخيرة يوصل للدوار سويتها عند عبدالعزيز والثانيه في لبنان وابني عمره 6 سنوات الحين

[بنت ذياب]

.....

اختي الكريمه ,

سويت عملية الانحراف و اللحميه عند الجفيري من 3 اسابيع تقريبا

صج تعذبت اول اسبوعين بس الحمدلله الحين اموري كلها طيبه

و اتنفس براحتي بعد ما كان خشمي يتسكر و خصوصا قبل النوم

انا اقول استخيري و توكلي على الله

و اجر و عافيه ان شالله

.....


ماتشوف شر اخوي والحمدلله على سلامتك

بس ليش تعذبت اخوي

قالي مالها اي اعراض او اثار بعد العمليه؟؟

[بنت ذياب]

اختي روحي عند الدكتور كانيش في حمد عنده مسائي بصراحه ممتاز ... وخذي استشاره ثانيه احسن

سمعت عنه

بس مواعيده اتطول .. بالشهوووور

شلون اجوفه ؟؟ وين عيادته ويداوم مسائي ف وين؟

[بنت ذياب]

سبحان الله سويت لولدي مرتين ورجعت مسكين في الليل شخيرة يوصل للدوار سويتها عند عبدالعزيز والثانيه في لبنان وابني عمره 6 سنوات الحين

اتوقع لانه ياهل

انا ولد عمي الصغير مسويها ..وارجعت له

بس يمقن لانه ياهل .. والله مادري :omen2:

[حسن]

الدكتور عبد العزيز الجفيري ممتاز بس مافي مانع تشوفين حد الاستشاريين في حمد ولا الخور ولا الكوبي

[حراير قطر]

صباح الخير

ما عليج شر يا بنت ذياب

العملية بسيطه انا سويتها لولدي من 2008

وكان عمره 5 سنوات وما رجعت له الحمدلله

اذا تبين تدخلين العيادة المسائية روحي من وقت

وكلمي الاستقبال وبيعطونج كرت مواعيد وبيقولون لج

اذا عنده وقت وبيشوفج خله يختم على الكرت

ووقفي عند باب غرفته عشان تدخلين بين دخول المرضى عشان الختم

اذا ختم زين وان ما ختم جربي يوم ثاني انا من اسبوع سويت هالحركة

والحمدلله الدكتور كان متعاون وختم على الكرت :shy:

[المتحدث الرسمي]

ماتشوف شر اخوي والحمدلله على سلامتك

بس ليش تعذبت اخوي

قالي مالها اي اعراض او اثار بعد العمليه؟؟


.....

الشر ما يجيج اختي

الله يسلمج حط لي قطنه طويله داخل الخشم خلال العمليه ( طبعا العمليه بنج كامل ) و شالها في نفس اليوم في الليل بعد ما طلع من عيادته و خلال هالوقت كان التنفس من الفم


و تكون في قطعة بلاستيك في الخشم ما تنشال الا بعد اسبوع ، و خلال هالاسبوع طبعا التنفس يكون من الفم :secret:

بعد ما يشيل قطعة البلاستيك يبي لج يومين 3 و ترجع الامور طيبه ان شالله :victory:

و هذي رحلتي مع عملية اللحميه و الغضروف :rolleyes2:
.....

[qatari4]

ما شاالله على الدكتور عبدالعزيز الجفيري عالج وعمل عمليات لمعظم هلي والحمد الله أمورهم طيبه

[إينشتاين]

انا سويت اللحمية عند الدكتور الجفيري امس ،، مدة العملية أقل من 20 دقيقة وبصراحة ماحسيت بأي ألم ،، مادري ليش يسمونها عملية :)

بس قالي بتحس انك مزكوم او بتحس باحتقان خلال الثلاث ايام الجاية وفعلا احس اني مزكوم زكام خفيف..

بالتوفيق وماتشوفين شر

[Aziz jassim]

الدكتور الجفيري عمل لي عملية اللحمية اليوم في العياده وماشاالله سهله

[غرِيبهـ]

اختي شوفي الدكتور غنيشن في حمد دكتور هندي ممتاز
اختي كانت تعاني من اللحمية و سنوات مع توماس
بس الدكتور جنيشن عطاها ادوية وضمرت اللحمية و ماحتاجت عملية الحمدلله

مواعيده صج بعيده بس تقدرين تروحين الصبح او المساء وتكلمينه يدخلج

وماعليج شر ان شاء الله

تقومين بالسلامه

[المتحدث الرسمي]

انا سويت اللحمية عند الدكتور الجفيري امس ،، مدة العملية أقل من 20 دقيقة وبصراحة ماحسيت بأي ألم ،، مادري ليش يسمونها عملية :)

بس قالي بتحس انك مزكوم او بتحس باحتقان خلال الثلاث ايام الجاية وفعلا احس اني مزكوم زكام خفيف..

بالتوفيق وماتشوفين شر


.....

انت سويت الكي اخوي ، عطاك بنج موضعي

هاذي سويتها من 3 سنين و رجعت لي اللحميه مره ثانيه


في عمليه ثانيه بعد اسمها الكي لكن بنج كامل

و اجر عافيه ياخوي
.....

[آنا غيــر]

الجفيري اخر دكتور ممكن اروح له

[آنا غيــر]

آينشتاين ..

ياريتك ماسويتها

مثل ماقال المتحدث الرسمي

يا انك عقب فتره بسيطه بتحس انها مافادتك

او ممكن تطول الفتره لحد سنتين ثلاث وبترجع لك مره ثانيه

لان الكي بس اللهم يصغّر حجمها لكنها تبقى موجوده

عكس العمليه اللي يكون فيها استئصال كامل للحميه وتفتك منها للأبد

[وطن]

اختي

اختي سوّت عنده نفس العملية من شهرين
والحمدلله امورها طيبه


بس للعلم
اللحمية ترجع
انا شلتها بجراحة لما كنت في الثانوي
ورجعت لي

والحين عايشه معاها

:)

[وطن]

آينشتاين ..

ياريتك ماسويتها

مثل ماقال المتحدث الرسمي

يا انك عقب فتره بسيطه بتحس انها مافادتك

او ممكن تطول الفتره لحد سنتين ثلاث وبترجع لك مره ثانيه

لان الكي بس اللهم يصغّر حجمها لكنها تبقى موجوده

عكس العمليه اللي يكون فيها استئصال كامل للحميه وتفتك منها للأبد

ترجع مره ثانية اختي

:victory:

[بنت ذياب]

تسلمون والله

الحين شاسوي :(

خذت موعد عند دكتور كنيش شهر 7!!! وانا مستعيله

يدخلوني قبل؟؟

ولا اتوكل على الله واسوي العملية عند الجفيري :(

[بوعلي2]

ماعليج شر بنت ذياب اجر وعافيه ان شاء الله

[بنت ذياب]

ماعليج شر بنت ذياب اجر وعافيه ان شاء الله

يعافيك خالي

[المتحدث الرسمي]

تسلمون والله

الحين شاسوي :(

خذت موعد عند دكتور كنيش شهر 7!!! وانا مستعيله

يدخلوني قبل؟؟

ولا اتوكل على الله واسوي العملية عند الجفيري :(


.....

روحي حق دكتور احمد حندوسه في الاهلي

شوفي شيقولج ؟

الجفيري ممتاز و الحمدلله صارلي شهر وشوي مسويها و اموري في السليم

و 2 من عيال خالتي مسوينها عندها من 3 سنين و الحمدلله ما يشتكون من شي

استخيري
.....