نيسان باترول ياشباب طالب رايكم

[rpg7]

السلام عليكم ورحمة الله وبركاته





بختصار ناوي أخذ نيسان بترول 2012
400 حصان اتمنى من الي عنده الموتر يعطيني رأيه العيوب والمزايا
وهل تنصحوني أخذ الموتر
وتشيكاته في الوكاله كيف
اي معلومه لو سمحتوا

وجزاكم الله خير

[وكر الذيب]

ماعلية كلام موتر ريف ريف
وقطع الغيار اسعارها معقولة
الله يوفقك

[بومحمد 00]

أنا عندي واحد ٢٠١٢

بس ٣٢٠ حصان صراحه موتر ريف وفخم وراسي على الخط خزان البترول افوله ب ١٠٠ ريال

يمشيني ٤٠٠ كيلو بس يقولون ال ٤٠٠ حصان صرفيته اقل بس ماجربت

خذته عن قناااعه لأني ما اعرف غير الكروزر

جربته واستعملته وبعد ما اقتنعت فيه خذته

حاليا المواصفات الي في موتري احلى من مواصفات الجكسار ٢٠١٢ وارخص منه في

السعر ب 235 الف

شاشه وفتحه ونفقيشن بالعربي وثلاجه وباب الشنطه اتوماتيك وحساسات ورى وقدام

وسنسر ضغط هوى التواير

تحكم في الدركسون للصوت وتغيير محطات الراديو والتلفون ومثبت سرعه

بالنسبه التشييكااات اول ١٠٠٠ بلاش

بعدين ٥٠٠٠ تبديل الأيل والفلتر تدفع بس ١٣٠ ريال

ال ١٠ الاف تسووي تشييك كامل وانا للحين ماوصلتها

يعني كل ٥ الاف تبديل ايل وفلتر وكل ١٠ الاف تشييك كامل

من ناحيه العيوب للحين ما شفت في عذروب *

[qtr qtr]

يعجز اللسان في مدحه .. ابدعوا فيه الصراحه

اذا تبي فخامه ورزه وراحه وسعه واقتصادي فالبترول ويحسسك تسوق موتر سبورت .. نيسان باترول ال اي 400 حصان

الروابط راح تفيدك

http://www.qatarspeed.com/forum/t163839.html
http://www.qatarspeed.com/forum/t163685.html
http://www.qatarspeed.com/forum/t163069.html

[rpg7]

جزاكم الله خير ياشباب ما قصرتوا

يعني مافيه احد يشتكي من الموتر

[barod]

عندي 400 حصان 2011 شوف من ناحيه الحجم كبير واحس التويوتا ملموم اكثر منه ولما تلف مع اللفات تحس صوت المكينه كبير كانك معطيه ريس واوقات اسمع قرقشه بالسياره بس خفيفه وبالنسبه للبترول احس التويوتا واللكسز اخف منه صرفيه وبالنسبه لثلاجه التويوتا اريح لما تسند عليها اما النيسان نازله كثير ومب مريحه لليد لكن بالنسبه للخط فهو من افضل شي مقارنه مع اللكسز والعزم عجيب خصوصا 400 حصان

[ابوصالح1]

النيسان أشوف أنه أخذ حقه من السوق وبقوه عقب ماكان نادر تراه وفيه المقصات الخلفيه. تكنلوجيا تعطي ثبات علي الطريق. اللتي لا توجد في الكروزرات. النيسان لم أجربه ولاكن جربت الكروزر. الكروزر عيبه الأسيات غير مريحه بعض الشي إذا ركبت علي السيت تبي تنزل مره أخري علشأن تعدل الجلسه مره أخري. ( استخير وجرب استعماله من حد من الربع )

[qtr qtr]

عندي 400 حصان 2011 شوف من ناحيه الحجم كبير واحس التويوتا ملموم اكثر منه ولما تلف مع اللفات تحس صوت المكينه كبير كانك معطيه ريس واوقات اسمع قرقشه بالسياره بس خفيفه وبالنسبه للبترول احس التويوتا واللكسز اخف منه صرفيه وبالنسبه لثلاجه التويوتا اريح لما تسند عليها اما النيسان نازله كثير ومب مريحه لليد لكن بالنسبه للخط فهو من افضل شي مقارنه مع اللكسز والعزم عجيب خصوصا 400 حصان

اخوي تأكد من موترك وده الوكاله .. اللي عندي ما في من الكلام اللي قلته ولله الحمد
دام انه عالضمان

[rpg7]

ماقصرتوا ياشباب انا شكلي بتوكل على الله وبأخذه تراهم مسوين عرض ٦٠ الف كيلوا صيانه مجانيه

[اتعبني غروري]

الصراحه أنا خذت ٢٠١٢ بس ٣٢٠ حصان بدون فتحه ..... ما شاء الله سياره مالها حل صراحه .. مع انه عندي جي اكس أر ٨ سلندر ٢٠١١... بس ما في مقارنه أقلك كرهت اليوم الي خذت فيه الكروزر وقلت ليتني خذت نيسان من لاول تحس انه فلوسك ما راحت بلاش ... وسيرفس احسن .. عل اقل تلاقي ابتسامه من الموظفين مب مثل التيوتا يبي يعطيك كف ويقلك اطلع بره تقول مأخذ حلاله ..... ودمت بود اخوي

[rpg7]

هههههههههههه اي والله

[حسن]

انا عندي 400 الصراحه ماعليه كلام وسواقته سلسه وخفيف في القومه عكس الكروزر اتحس انه بقره دفش

[الشاااهين]

النيسان بلا منازع واسأل اخوك تبيه خط تبيه بر من أفضل السيارات والخدمه بصراحه مافيه مقارنه مع التويوتا كلش يكفيك لاخلص موترك من التشييك طرشوا لك مسج .

[ولد المنصور]

نيساااااان وبسسسسسس رهييييييييب ماعقبه فورويل الا اللكزس