@@ سؤال بخصوص مخالفة مرورية ؟ @@

[بنـ الدحيل ـت]

جاني ولدي يقول :

يمه سيارتي في الحجز ويبونج تدفعين 5000


شدعوى ..

كل هذي شمسوي .. هو ذابح احد يعني

معقولة ..؟؟

شالحل ..؟؟

[شبح الصمت]

اختي اتصلـي

44890666

قولي لهم حولوني على المخالفات وعطيهم رقم السيارة وبيقولون لج وش عليها مخالفه !

او المعموره اهم المسؤولين عن هالامور

والله يحفظ عيالنا وعيال المسلمين أجمعين

[khaldoon]

لا حول و لا قوة الا بالله

الله يكون في العون....روحي اختي شوفي مركز المرور و بتعرفي ايش السالفه

[bu-3bdulla]

عاااااااااااااااد مرة وحدة 5000

لاحول ولا قوة الا بالله

الله يعيينج اختي

[ضوى]

الله يعينج ياااااارب على تربيته حاسة فيج والله

[ابوعلي]

جاني ولدي يقول :
يمه سيارتي في الحجز ويبونج تدفعين 5000
شدعوى ..
كل هذي شمسوي .. هو ذابح احد يعني
معقولة ..؟؟
شالحل ..؟؟

عذرا اختي (( ما عجبتنا كلمة هو ذابح احد ))

هل سألتي الولد ايش مسوي عشان عشان يحجزون السيارة ويدفعونه مخالفة 5000

اتمنى اختي ما تاخذج العاطفة وتكونيين مع الولد (( والصح انتي بهالحالة ضد الولد )) لأن احتمال مرتكب خطأ كبير لا سمح الله

إرجعي اختي لإدارة المرور وتأكدي ونتمنى تذكرين لنا نوع المخالفة

[السحابة]

لاتأخذك العاطفة كوني حاسمة معه واعرفي السبب وان كان ولدك مخطأ نصيحه للتدفعيها خله يحس بقيمة النعمه يعني عقاب لاكن ان دفعتيها كل يوم بيسوي نفس الشئ ويدري انك مو هتجصري نصيحة من اختك في الله

[حسن]

راجعي المرور وبيقلونلك وش امسوي

[بنـ الدحيل ـت]

جزاكم الله خيرا

[راشد محمد]

الله يعيييينج

[راعي الدتسن]

الله يحفظ ولدج ويخليه لج ان شاء الله ..
ياريت لو تتأكدين وش سبب الحجز وبتعرفين حق وشو ٥٠٠٠ ريال..
هاي ال ٥٠٠٠ ريال يدفعها للمرور مب عشان ذابح حد بس عشان مايعيدها مرره ثانيه..!!!!

[بـن عدوان]

يمكن مسابق ؟

او قاطع اشارة ... ؟

اسباب كثيرة

راجعي الادارة

[Rashid554]

الجرائم المرورية التي لا يجوز التصالح عليها وتعرض على المحكمة المختصة للنظر فيها

- الحصول أو محاولة الحصول على ترخيص تسيير مركبة أو رخصة سوق جديدة أثناء فترة سحب الترخيص الأصلي أو الرخصة الأصلية.

- عدم تقديم سائق المركبة المساعدة اللازمة للمصابين في حالة وقوع حادث على الطريق وإصابة شخص أو أكثر، أو عدم إبلاغ الشرطة فوراً، أو تحريك المركبة من مكان الحادث بغير إذن من الشرطة أو بدون ضرورة لإسعاف مصاب.

- امتناع مالك المركبة من إخبار العسكريين من قوة الشرطة عن إسم وعنوان الشخص الذي كان يسوق المركبة وقت إرتكاب أي مخالفة، أو تعمد إعطاء بيانات كاذبة.

هذي المخالفات التقديريه الي يكون سعرها من 3000 الى 10000

ويجوز غيرها او اشياء ثانيه تخص التحريات

جربي بموقع الداخلية استفسار عن المخالفات يمكن تطلع لج هناك

[ولد البدر]

اللي في التحريات ناس طيبين ومحترمين وإذا أول مرة احتمال تخف العقوبة أو مدة الحجز

[قطرية مثقفة]

دخلي موقع حكومي وعلى رابط المخالفات اكتبي رقم السيارة وبتطلعج نوع المخالفة @@

[بنـ الدحيل ـت]

الله يسعدج حبيبتي

ما تقصرين