لخبـراء فرنسـا " مرسيليـا " !!؟؟ أفيدونـا ؟؟ [الأرشيف]

مشاهدة النسخة كاملة : لخبـراء فرنسـا " مرسيليـا " !!؟؟ أفيدونـا ؟؟

أسير الاسهم

25-03-2012, 12:41 PM

ALJokar

25-03-2012, 02:11 PM

مرحبا اخوووي

قبل سنتين كنت في كان ونيس في فرنسا وكنت بروح لمرسيليا بس سويت شوي بحث في قوقل وحصلت اكبر نسبه جرايم في مرسيليا وسرقات وعصابات

انا لا جاي اخوفك لكن تقدر تروح اماكن ثانيه غيرها واحلا الا اذا انت مجبور فالحذر والحرص واجب

والله يحفظك يالغالي

ولدQTR

27-03-2012, 07:33 AM

ك مدينه فهي حلوة أخوي..

بس مشكلتها انه فيها بوعراب وااايد وبشكل مب طبيعي ..

ومثل ما انت عارف اخوي كل ماكثروا العرب بمكان تكثر مشاكلهم ..

مانصحك فيها ..

اذا تبي مدن في فرنسا غير باريس ف انصحك في بوردو وكان ونيس وستراسبورغ ورين ..

أسير الاسهم

27-03-2012, 07:44 AM

المشكله انا رايح لهالمدينـه شغل .. وقلت اسأل عن السياحه فيها وهالاشياء ؟؟
خوفتووني الله يهداكم

أسير الاسهم

16-04-2012, 10:48 AM

هااا حد يعرف عنها شي !!؟؟ او على الاقل عقب ما اخلص شغلي علموني اروح باريس والا اروح كان والا شسالفه .. ابي اتمشى شوي مب كله شغل

قطريه ماركه

16-04-2012, 11:16 AM

^
^

روح باريس بالمرة تزور المعالم السياحية الشهيرة .....

برج ايفل - قوس النصر - متحف اللوفر ............

أسير الاسهم

16-04-2012, 12:11 PM

كان .. فيها شي حلوو .. والا اطنشها واروح باريس ؟

شيوخه

16-04-2012, 01:52 PM

السلام عليكم

اللي قد راح مدينـة مرسيليا الفرنسـية ..

أبي اعرف الجوو كيف خلال الاشهر القادمه 4 - 5
الاماكن السياحية هناك .. الاسعـار .. الفنادق ..؟

كم تبعـد عن باريس .. ؟

شنو أحلى المدن الفرنسيـة ؟

وتسلمووون فديتكم :victory:

بخصوص الجو الحين بارد درجة الحراره من 10 إلى 15 بس في شهر 6 يبتدي الحر توصل درجة الحراره عندهم من 20 إلى 25

أحسن الفنادق عندهم في مرسيليا او غيرها فندق مركر وفندق إبيز

منطقة مرسيليا تبعد عن باريس ساعه إلا ربع

أحلى المدن عندك نيس وموناكو

وترى صج أن المنطقه خطيره فيها سرقات وحاله وااايد فيها عرب الفرنسيين في هالمنطقه عددهم قليل

وأي استفسار ثاني آنا حاظره

Chambray

16-04-2012, 05:43 PM

انا عايش بفرنسا وعارف الوضع
مرسيليا صحيح نسبه الجرايم كبيره ، لكن راح تنصدم من الوضع هناك . كأنك في دولة عربيه مش في فرنسا :)
نسبه كبيره جداً من العرب المهاجرين هناك خاصه الجزائريين والجزائريين يسمون مرسيليا الولايه رقم 49 بالجزائر خخخخخخخخخخ من كثر الجزائريين هناك
وتعتبر اكبر 3 مدينه بعد باريس وليون

ومرسيليا مشهوره بانها ميناء رئيسي في فرنسا

صحيح فيها نسب جريمة مرتفع
لكن ايضاً باريس وليون بها نسب جريمة مرتفع ايضاً ..

المسافة من باريس لين مرسي ( مرسيليا ) 800 كيلو تقريباً بالسيارة ..
http://maps.google.com/maps?saddr=Paris,+France&daddr=Marseille,+France&hl=en&sll=46.076325,3.837865&sspn=10.166837,26.784668&geocode=FSZ-6QIdXuQjACkPt-IGH27mRzFglIxow4ILBA%3BFeKmlAIdtO9RACkzU9pEQ7_JEjE gApf9pRkIBA&oq=marsille&t=h&mra=ls&z=6

المسافة بالـ TGV القطار السريع 3 ساعات وربع ..
الاسعار للون وي تتراوح مابين 65 يورو و 160 يورو
بس عطني مدة اقامتك في فرنسا ؟ كم شهر ؟؟
اذا استخدامك للقطار كثير .. وعمرك 25 سنه او اقل . في بطاقة اسمها LE CARTE 12-25 مدتها سنه قيمتها 55 يورو .. تعطيك خصم 50% على اسعار القطارات ..

أسير الاسهم

17-04-2012, 09:15 AM

الدبلوماسي

20-04-2012, 12:50 AM

انصحك بالقطار tgv افضل

الزلزال

20-04-2012, 01:01 AM

تروح وترجع بسلامة

Chambray

27-04-2012, 02:13 PM

اوووو اخيراً حصلت اللي عندهم خبره عنها ,, انا بروح لها بداية شهر 5 تقريبا الاقامة هناك أسبوع للعمل فقط .. إذا فيها شي يشجع راح اعطيها اسبوع آخر للوناسه

اعتقد بيكون الجوو حلووو .. من 15 لي 20 حدهااا فالنهار

اما باريس ساعة الاربع بالطياره والا كيف .؟

والقطار هل هوو زين لو اروح عليه والا اديها طياره .؟؟ لو فكرت اروح باريس او كان او ليون .. بالقطار والا اطير ؟
بالقطار 3 ساعات وشوي
بالطيارة ساعه و20 دقيقه

هالامر راجع لك انت

القطار ميزته انه ينزلك في نص المدينة
لكن المطار دائماً يكون على ضواحي المدينة وخارج المدينة

القطار من مساوئه انك انت تشيل اغراضك بنفسك ومافي حد يساعدك
يعني اذا عندك اكثر من شنطتين الله يعينك بتتوهق مضبوط خخخخخخخخ

لان الانسان له يدين بس
وحده لشنطة والثانية لشنطة ثانية ، كيف بيشيل الشنطة الثالثه خخخخخخ
عموماً

ما اعتقد ان مرسيليا بتستانس فيها وايد
حدها اسبوع
خصوصاً اذا لوحدك

لكن يمكن تستانس ويحلالك الجو .. الناس اذواق ..

بخصوص كان ونيس مب غلط تروح لهم

مرسيليا - نيس ( ساعتين ونص ) بالقطار التذكرة ذهاب عوده ب 60 يورو تقريبا
مرسيليا - كان ( ساعتين بالضبط ) في حدود 50 يورو رايح راجع

ليون ما انصحك فيها صراحة ما حبيتها
جرب تروح شرق فرنسا
انسي شامونيه شامبغي لي با ...الخ ...

بخصوص الفنادق في مرسيليا
اذا تبي نظام شقق عليك
باداجيو
Adagio Marseille République

او
App-Arte Marseille Vieux-Port

واذا تبي فندق عليك بفندق سوفيتيل
Sofitel Marseille Vieux-Port

وانا انصحك بفندق السوفيتيل ..

اخوي بخصوص الجرايم في مرسيليا لاتشيل هم .. العرب اهناك عاملهم نفس اخوانك ولاتقولهم انك قطري .. قولهم اي جنسية ثانية يمني مثلاً .. وخلك لطيف معاهم واكسبهم .. ترا المغاربه والجزارئييين حبوبين بس محتاجين الي يفهمهم :)
النصيحه الثانية لاتتمشى في الليل لوحدك
ودايماً ركز على السنتر والاماكن الي فيها تجمعات كثيره ..
لاتسمع كلام اي حد غريب .. ولاتوقف حق اي حد غريب .. حتى لو تحس ان هالشخص يبي يسألك لاتعطيهم وجه

وبالتوفيق

Chambray

27-04-2012, 02:33 PM

بخصوص الجو الحين بارد درجة الحراره من 10 إلى 15 بس في شهر 6 يبتدي الحر توصل درجة الحراره عندهم من 20 إلى 25

أحسن الفنادق عندهم في مرسيليا او غيرها فندق مركر وفندق إبيز

منطقة مرسيليا تبعد عن باريس ساعه إلا ربع

أحلى المدن عندك نيس وموناكو

وترى صج أن المنطقه خطيره فيها سرقات وحاله وااايد فيها عرب الفرنسيين في هالمنطقه عددهم قليل

وأي استفسار ثاني آنا حاظره

هلا اختي
انتي تتكلمين عن اي منطقة ؟؟؟
مرسيليا باريس ساعه إلا ربع !!!!!!!!!
مرسيليا باريس 800 كيلو بينهم !!!!
بالطيارة ساعه و20 دقيقه تقريباً
وانتي تقولين ساعه إلا ربع !
واحسن فنادق مرسيليا على قولتج ايبيس وميركور !!!
اصلن فنادق ibis و mercure هم فنادق عاديه جداً
فنادق mercure 3 نجوم وهي حق مش حالك يومين ثلاثه
ibis نجمتين .. ونفس الكلام
وموجودين هالفنادق في كل مدن فرنسا بالاضافه إلى النوفيتيل
اصلن كلهم تحت مظلة شركة اكورد accor
مب شرط في مرسيليا

وبخصوص شهر 6 في مرسيليا توصل الحراره إلى 35 على فكرة

المفروض اذا شخص طلب مساعدتنا نعطيه معلومات صح متأكدين منها ....

واشكرج على المداخله