عروض الخطوط الجويه ( القطريه ) [الأرشيف] - منتديات شبكة الأسهم القطرية

الفورتك

25-03-2012, 10:10 PM

السلام ورحمة الله وبركاته ..

هذا بالنسبه لي اول موضوع ومب متعود اكتب ولا احب .. بس قال وشحدك يالمسمار قال المطرقه

في زياره لــ مملكة البحرين الشقيقه وفي احدى العيادات اللتي كنت متواجد فيها .. واثناء انتظاري في الاستراحه تميت افرفر في الجرايد واقرى لين يخلص المريض اللي في غرفة العمليات ( الله يشفيه)

والا بعروض القطريه .. وعروض مغريه ولا قد شفت مثلها في قطر
وماخبر اصلا اني قد شفت عروض للقطريه في قطر ..
انا من باب اللقافه صورت لكم العرض وانتوا احكموا ..

وللعلم العروض في جريدتين مخلتفتين وكل جريده فيها دول غير ..

احنا نعرف ان لو كانت الرحله دايركت بتكون التذكره اغلى .. بس اغلى بكم ..

رجل الجزيرة

25-03-2012, 10:14 PM

ذولا صاحين وإلا خبلان؟

كلاسيك قطر

25-03-2012, 10:15 PM

من صجهم ذيله وله يتغشمرون

اذا صج بنسافر

الفورتك

25-03-2012, 10:18 PM

ذولا صاحين وإلا خبلان؟

لا اكيد صاحيين ..

الفورتك

25-03-2012, 10:21 PM

من صجهم ذيله وله يتغشمرون

اذا صج بنسافر

اي اكيد من صجهم .. بس شلون بتسافر ؟

كلاسيك قطر

25-03-2012, 10:22 PM

اي اكيد من صجهم .. بس شلون بتسافر ؟

اشلون بسافر باروح الحرين واقصلي تذكره واتوكل على الله

الريان76

25-03-2012, 10:25 PM

اشلون بسافر باروح الحرين واقصلي تذكره واتوكل على الله

مايصير لانك قطري والسعر اللي لك غير :secret:

كلاسيك قطر

25-03-2012, 10:26 PM

مايصير لانك قطري والسعر اللي لك غير :secret:

يعني اذا رحت اهناك بيكون سعر القطري

عذاري قطر 2011

25-03-2012, 10:30 PM

لا حول ولا قوة إلا بالله :weeping:

Rashid554

25-03-2012, 10:31 PM

والله حلوه الاسعار

QtriHero

25-03-2012, 10:56 PM

يالربع السعر ماله علاقه بالجنسية ..

والمعروف ان الدايركت طبعا اغلى من الترانزيت..
بس في هالعرض الفرق جدا كبير ماشاءالله يعني
لو بسافر لندن

من البحرين بــ 1000 ريال
ومن قطر بـــ 3900 ريال..

لكن الواضح ان السعر لدرجه معينه في السياحيه وعليها شروط كثيره..

@الأدعم@

25-03-2012, 11:16 PM

يااخوان افهموها القطريه لنهب القطرين

رآعي موآجيب

25-03-2012, 11:45 PM

بانكوك بـ 1280 ريال !!

سألتهم الليله عن السعر قالوا 3900 ريال :)

2620 ريال الفرق ليش مايكون المواطن اولى بهالفرق !!؟

بن كهلان

25-03-2012, 11:53 PM

ما قووووووول الا حسبي الله عليك ياللي في بالي خليت خيرنا لغيرنا

..er..

26-03-2012, 12:04 AM

الله يبتليهم لهدرجه القطري متمرمط

A l i

26-03-2012, 12:06 AM

حسبي الله عليهم

QatarSafety

26-03-2012, 12:26 AM

يا شباب والله قهر
والحل فضحهم بالجرايد الوطنية
زايد القصاصات من اعلاناتهم في
الجرايد الاخرى ومطالبتهم بل بألزامهم
بمعاملتنا بالمثل .
ومحاسبة مسوؤلين القطرية هذا اذا كانت
الشركة وطنية ! و أذا العكس صحيح فأنا
اطالب واعتقد غيري الكثير من القطريين
بأن يزال اسم القطرية من اسم الشركة لن
الاسم كبير ولا يستحقونه .

الزلزال

26-03-2012, 12:35 AM

روح البحرين وحجز من هناك عادي قطري ولا غير قطري

مخطط قطري

26-03-2012, 12:40 AM

ليش بس القطريه الي مسموح لها تخيط وتبيط في قطر وترفع الاسعار وتقدم الخمر مجانا وترفع السعر على المواطن واي شخص غير مواطن له الاسعار الرخيصه!! ماسبب كل هذا .......شمعنا

آنــه

26-03-2012, 12:56 AM

روح البحرين وحجز من هناك عادي قطري ولا غير قطري

من قال هالكلام ؟

انا صديقتي بحرينيه الاصل وزوجها من قطر وكان في عرض على باريس و قالوا لها اهلها تعالي أخذي التذكرة من البحرين أوفر لج راحت البحرين ويوم جأت بتحجز قالوا لها انتوا من قطر والعرض لا يشملكم

قرنقووش

26-03-2012, 01:18 AM

^^

اشدااااااعواااه
انزين بحجز من النت هو شدراه انا قطري ولا نيبالي ؟
اوكي قلنا عنصريه بس مب لهالدرجه

عموما الاسعار اللي فالجرايد ماتكون شامله حزات
يحطونها بدون تاكس احيانا
التاكس عادي يكون دبل السعر

وتتصل يقولون لك فول

القلم الصريح

26-03-2012, 01:19 AM

بس الملاحظ ان اسعار التذاكر غير شاملة الضرايب

وبعض الاحيان الضرايب تطلع اغلى من التذكره

q6ri_vip

26-03-2012, 01:20 AM

من قال هالكلام ؟

انا صديقتي بحرينيه الاصل وزوجها من قطر وكان في عرض على باريس و قالوا لها اهلها تعالي أخذي التذكرة من البحرين أوفر لج راحت البحرين ويوم جأت بتحجز قالوا لها انتوا من قطر والعرض لا يشملكم

طيب تحجز عن طريق النت بحرين باريس بحرين ع القطرية

آنــه

26-03-2012, 01:23 AM

^^

راحت عليها هالي ألفه ومعوضة ان شاء الله بالجايات
تجرب شوراها

الـراسي

26-03-2012, 01:29 AM

والله العظيم مدري وش اقول

ولكن ما اقول الا حلالنا لغيرنا

كلاسيك قطر

26-03-2012, 03:29 AM

شباب شباب عادي الموضوع

وانا اتصلت فيهم قبل لا ارقد

يقولي هاي اسعار البخرين وقطر غير قلتله اشلون قطر غير

يقولي علشان نكسب سياحه

قلتله انا عندي استفسار انا قطري وابي احجز من البحرين قالي عادي حتى لو انت مدير القطريه وتبي تحجز في البحرين هو نفس السعر

الفورتك

26-03-2012, 03:36 AM

خلكم من السعر ليش مرتفع ..

انا ابي اشوف عروض مثل هذي في قطر
عروض للقطرين في المواسم ..
ليش العروض دايما تكون خارج قطر ولغير القطرين وفي المواسم ..

احنا مانبيهم ينزلون من اسعار التذاكر ونعرف ان الدايركت غالي ونعرف انها شركة طيران ٥ نجوم ..

بس نبي عروض نحس ان الشركه سوت لنا شي في يوم من الايام ..

ومانبي العروض تكون عن طريق الايميلات .. نبيها في الجرايد ..
يعني بدال مايطرشون لك العرض على الايميل .. يحطون العروض في الجرايد وفي المجمعات عشان يعرف اكبر عدد ان الشركه ( الوطنيه ) مسويه عرض ( للمواطنين ) ..

كلاسيك قطر

26-03-2012, 03:45 AM

وانت صادق يالغالي ومانبي العروض في كل دوله غير

ونبي عروض مثال قطر دبي قطر اب 1500 ريال

والمفروض كل دوله جذي لين اخر الشهر

مبي كل دوله غير

بوجاسم566

26-03-2012, 06:58 AM

خل يعطون الطلاب تخفيضات نفس باقي دول الخليج

عقب بيفكرون بالباقـي

ماقـول غير الله كريـم

catqat

26-03-2012, 07:49 AM

موضوع القطرية خلاص مفروغ منها

همر

26-03-2012, 08:27 AM

هدّوا الاعصابكم يا شبابين ..

هذا كله خرطي في خرطي .. اعلانات ما تأكل عيش..

دخلت النت اشيك على اسعار التذاكر من قطر 3400 ومن البحرين 2900 .. يعني الفرق مب وايد .. اضافه الى ان الترانزيت ارخص .. هذي عروض من البحرين .. وفي عروض بعد من قطر .. شوفوا الصور ..

بس مادري ليش كلها عروض حق الخدامات ؟!! :secret:

faisalqatar

26-03-2012, 09:19 AM

اهو فعلا الفرق كبير في السعر
بس تره لا تنسون ان الترانزيت يطيح من السعر و شوفوا كم ساعه بينقعون في مطار الدوحه اللي لو تقعد فيه ساعه يمكن تنتحر من الوناسة

الفيصل

26-03-2012, 09:27 AM

عملة العرض مب واضحه عندي قلت اسوي حسبه بسيطه

تصدق حولت المبلغ بالريال طلع بلاش

حولته بالدولار نفس الشي طلع ببلاش

باليورو,, بالجنيه الاسترليني بالشيكل

بكل العملات طلع رخيييص

"صبرا ال ياسر موعدكم الجنه"

fhd4

26-03-2012, 09:33 AM

يا جماعة الخير ...

العرض غير شامل للضرائب ... ومعروف إن الضرائب أكثر من سعر التذكرة ...

سعر الضرائب فقط لتذكرة بحرين-لندن-بحرين 173 دينار يعني حوالي ... 1700 ريال ...
وسعر التذكرة حوالي 1000 ريال ... يعني المجموع حوالي 2700 ريال ...

abo saif

26-03-2012, 09:50 AM

اذا بتروح البحرين وتحجز من هناك بتقول لك القطريه
العب غيرها كان غيرك اشطر
انا مره كنت بالاردن وابي اغير من الدرجه السيحيه الين الاولى ؛ طبعا عطوني نص السعر والله نص السعر يوم جيت بادفع الا قالوا لي لا
لا
لا
انت قطري قلت اي وماخذ تذكرتك من قطر اجل ادفع بسعر قطر
ودفعت و انا اضحك

تحياتي

سطح القمر

26-03-2012, 10:23 AM

القطرية وما ادراك ما القطرية ... احسن طيران ... ارخص طيران ... طيران الخمس نجوم ... اسطول عملاق ... لكن على حساب المواطن القطري

ابوالكلام

26-03-2012, 10:33 AM

في حملة على القطرية في تويتر ياريت الكل ينظم لها

يحفظك ربي

26-03-2012, 10:59 AM

بلللل لندن 100دينار= 1000 ريال تقريبا

واحنا ناخذها بـ4000 ريال يامال الويعه @@

بوعلي2

26-03-2012, 11:14 AM

ياساتر

الله المستعان

وجب التاكد

للصبر اخر

26-03-2012, 11:20 AM

ههههههههههههههههه
المقاطعه لها 4 شهور
ولا حياة لمن تنااادي
اكبر الباكر سليييب
هع هع

الصمت

26-03-2012, 11:27 AM

انا مسافر اكثر من مره بنفس الطريقه(ترانزيت) وانا قطري ولا عمر احد سالني....

تلفزيون قطر

26-03-2012, 11:29 AM

المشكلة الكبيرة إن المسؤولين عارفين هذا الشئ وساكتين وراضين وبرنامج وطني الحبيب صباح الخير كل يوم شكاوي على القطرية من تأخير وضياع الأمتعة وغلاء الأسعار ولكن للأسف تأذن في خرابه ....

حسبي الله عليهم ونعم الوكيل فيهم

تلفزيون قطر

ابوالكلام

26-03-2012, 11:32 AM

ههههههههههههههههه
المقاطعه لها 4 شهور
ولا حياة لمن تنااادي
اكبر الباكر سليييب
هع هع

مافي شي بين يوم وليلة النتائج تبين بعد فترة وإنشاء الله فيكم لبركة

AL-MAYSTRO

26-03-2012, 12:44 PM

انا من باب اللقافه صورت لكم العرض وانتوا احكموا ..

بالعكس مافيها لقافه .. هذي تعتبر حقوق لازم نطالب فيها احنا كمواطنين
نشوف العروض للغير والفايده تطلع منا احنا يالمواطنين

انقلبت الايه بدال ماتكون الفايده من غير المواطنين والعروض للمواطنين
صارت العكس ,, بتذكره مواطن ,, يسافرون 4 من دول اخرى بنفس سعر التذكره :anger1:

لزوم المواطن يقاطع عشان يحصل على افضل العروض :weeping:

كازانوفا

26-03-2012, 12:46 PM

يعني اذا رحت اهناك بيكون سعر القطري

ينفع اعطيك جوازي :nice:

الفورتك

27-03-2012, 12:56 PM

يعني الحمله اللي على القطريه مانفعت ههه

الذيبـــ

28-03-2012, 06:44 AM

ياشباب انا قريت الجريده و كلتهم .. هاذي الاسعار بدون الضرايب و مع الضرايب يتدبل سعر التذكره
والاسعار اكيد ارخص لان فيها ترانزيت فالدوحه .. واحنا من قطر ناخذ دايركت مافي ترانزيت .. ونف الكلام الخطوط الثانيه على سبيل المثال الاماراتيه .. لما اتكون عايش فالامارات و بتسافر دايركت تطلع غاليه و اذا خذيتها من الدوحه تطلع ارخص لانك بتروح مطارهم وبتقعد ترانزيت ... وهذا كل في مصلحت البلد الترانيت .. لان راح يشتري من سوق الحره ومن هالكلام ..

وبتلاحظ ان القطريه ارخص من الخطوط الثانيه في السفر الدايركت

والي يقول اذا انا قطري بسافر من البحرين نفس السعر او غير لا يبا نفس السعر واذا حاب تتاكد دش النت وسو نفسك بتحجز ولا النت بيعرف انت قطري ولا لا ...

بس حبيت اوضح لكم هالكلام ..

moonبنتnight

28-03-2012, 07:55 AM

ليش هذه الاسعار ليست أول مرة تعرضها القطرية 00
هذا ترويج للشركة واكثر من مرة اشوفها ويمكن ما تصدقون لو اقولكم أن تذكرة توصل 100 ريال فقط 00
لكن ما سألتوا ليش ؟
سبب أن قطرية تحاول قدر الامكان تحارب شركات الطيران في عقر دارها وتروج في وقت تكسر سوقها وقت الاجازات 00 ولا تخافون ما تخسر لانها بالمقابل تعادلها في مكان ثاني وأكثر لي ياكلها القطريين 00 هي ترخص في دولة وترفعها في قطر تعادل أرباحها 00
مشكلة يدرون أن القطرية القطريين ما يقدرون يستغنون عنها أبد 00

شطاره هي تدورون علي عروض شركات آخري 00 واذكر أن القطريين راحوا على شركات أخري 00 ايش سوتة القطرية أصدرت تعميم برفع الاسعار ليش ؟ حتى ما يكسرون سوقها هههههههههه
( من سوه يستويه ) 00

تبون تعرفون شلون تحاربون أسعارهم 00 لي يروح دول الخليج يروح بسيارته ولي يبي يسافر دول أرووبا أو أسيا أو أي مكان يروح اقرب دولة خليجية مسوية عروضات وياخذها 00 والكتاب لي طرشوه لندن بشأن القطريين 00 ليس له صلاحية بالدول الاخرى 00

الله يفكنا منهم أن شاء الله ومن شرهم 00