مكاتب السفريات هل لها حق ولا

[الـراسي]

السلام عليكم ورحمة الله وبركاته

امس راح واحد من الربع لمكتب سفريات في الريان

اسمه السليمان وحجز تذكره الى احد الدول وطلعت التذكرة عليه 1200 ريال وقالو له

ادفع 2% اي عشرين ريال عمولة لانه راح يدفع عن طريق الصرافة

او البطاقة الائتمانية

يوم سئلهم ليش قالوا له هذي عمولة لبنك الدوحه وبنا وبينه اتفاقية

اللي اخبره ان العمولة على صاحب المحل لهذه الخدمة مب على العميل

فما ادري هل المحل له الحق بأن ياخذ 2%من العميل

[قرنقووش]

هو دامه حاط لزقة الكردت كارد على الباب خلاص المفروض دايركت يحسب حساب ال٢٪ اللي ياخذونها منه البنك كرسوم لاستخدام مكينة البنك
يعني المفروض يقول سعر التذكره ١٢٢٠ بدون مايذكر نسبة البنك والخ عشان مايسوي حق روحه سالفه مع الزباين

في محلات يقولون والله لو كردت كارد شعرك كذا ولو كاش سعرك كذا .. هذا اشوفه يسوي شوية مشاكل مع الناس اللي ماعندهم فكره عن هالموضوع
حط سعر واحد وفك نفسك

[catqat]

صح كلام قرنقووش.

وان كنت تبي تتأكد خل يرويك ورقة مكتوب فيها هالبند اللي قاله لك،،

[التايه]

على حسب علمي

لا يحق اي محل او مكتب ان يأخذ عمولة عن طريق الفيزا من الزبون

الا في حال وجود نشرة من البنك او من مصدر الفيزا بخصوص ، انه سوف يتم

استقطاع من قيمة المبلغ بنسبه معينه مثلآ 2%من العميل.

اصلآ النسبة يتحملها المحل وليس الزبون ، حسب الاتفاق من البنك مع المحل من الخدمة اللي يقدمها

البنك في تسهيل التسديد عن طريق الفيزا من قبل الزبون .

اللي أعرفه ان كرت الفيزا تابع لأمريكان اكسبرس هم اللي يخذون نسبة 2أو 3 % فقط.

[sendarala]

من كل صوب عطنا وبس


الله يرحمنا برحمته

[الـراسي]

والله امر غريب

يعطيكم العافيه على الردود والتوضيح

[ANONYMOUS]

اسال حماية المستهلك وخبرنا

ننتظر عودتك

[الخزرجي قطر]

بعض المحلات اذا الدفع عن طريق البطاقه يدفعك النسبه
لكن المفروض ان صاحب المحل او السفريات هو يدفع النسبه
انا صارلي مثل هذا الموقف في محلات الذهب ؟؟؟؟؟؟؟؟؟؟؟؟؟

[==النور==]

اهلا اخوي
حتى سفريات أوربت فرع الخريطيات - تدفع كاش - اذا بطاقة بنك ياخذ عمولة 2 او اكثر ٪
واستغربت قال لي عمولة البنك الظاهر حسابهم ببنك ثاني !
قلت له حتى السوبر ماركت ماياخذ عمولة ليش انت تاخذ ، قال هذا نظامي ؟؟؟!
طبعا اظطر اسحب كاش وادفع فرق ؟؟

ياليت حد يفيدنا ?

[@north_star@]

بعض المحلات اذا الدفع عن طريق البطاقه يدفعك النسبه
لكن المفروض ان صاحب المحل او السفريات هو يدفع النسبه
انا صارلي مثل هذا الموقف في محلات الذهب ؟؟؟؟؟؟؟؟؟؟؟؟؟
,وانا نفس الشي صار معاي بمحل ذهب والمفروض يضيفون القيمة من البدايه على سعر السلعة

[الجديد]

سفريات كثيرة تأخذ هذه العمولة في حالة الدفع بالبطاقة

[الـراسي]

اسال حماية المستهلك وخبرنا

ننتظر عودتك

توي متصل بحماية المستهلك الحين قالولي بالضبط اذا المحل بلغك انهم بياخذون نسبة 2%

فهذا يعتبر من سياسة المحل ولكن اذا ما بلغوك فمن حقك تشتكي عليهم

جزاكم الله كل خير على الردود وبيض الله وجيهكم

[R 7 A L]

على خبري


كل محلات الجوالات الى في السد
طايحين في هالحركة


مادري تغير الوضع عندهم ولا لا

[الـراسي]

على خبري


كل محلات الجوالات الى في السد
طايحين في هالحركة


مادري تغير الوضع عندهم ولا لا

والله الخوف من انهم يستغلون هالحركة

وكل واحد يقولك ادفع 2%

طالعين ماكلين نازلين ماكلين