قانون التكتلات

[ابوالكلام]

السلام عليكم ورحمة الله وبركاته

لماذا لا تقوم الحكومة بانشاء قانون التكتلات ليحمي الفئات القليلة هل لاحظتو بان هناك مافيات منظمة تستولي على الأشغال وكل العاملين في الشركات من جنسية محددة والباقي لايجد وظيفة او يهمش ويحارب وهذا حالنا أيضاً كمواطنيين علينا حرب عشواء من قبل هذي الجنسيات مثال ( قطر للبترول ) كلها هنود وهذا يهدد الأمن القومي أيضاً ويصبحون قوة ويتحكمون في اقتصاد البلد في المستقبل

واللهم احفظ بلدنا

[catqat]

شكلك اخوي ماتابعت مواضيع قديمة بهالخصوص..

توظيف هالنوعية من الموظفين وراها أهداف،،هم يعلمونها في نفوسهم، واايد أعرفهم شغالين بهالمجال ويشتكون من الهنود، لو كانت وظايفهم هندسية (ونادرة التخصص) راح انقول معليش، لكن وظايفهم ادارية بحتة،، يعني أي قطري بشهادة ثانوية يقدر يمسكها فليش مازالوا متمسكين بهالفئة!!

بقولك فيه بعض المزايا المستفيدة من هالجنسيات عند بعض المدرا،،

- رواتبهم أرخص: مع انه هذي خدعة كثير ماتستخدمها الشركات، مع سكن وتعليم وتأمين وسيارة صار أغلى من القطري.

- يشتغلون مثل ( الحمير) الله يعزكم لكن القطري انت عارف وغير السمعة اللي لاصقة فينا ( نغيب كثير ونشتغل قليل)

- مايقول لا، لكن القطري لسانه يطول أذانه وكثير الشكوى

- مايشكل خطر على المسؤول القطري وان ترقى مستحيل ياخذ مكانه

- الشللية: يعني كلن وشلتي وربعي وتلقاه موظفه لانه يعرفه وكان سواق فلان الفلاني

- متعدد الاستخدامات: اداري، مالي، مقهوجي، دريول لعياله، ويخلص معاملاتك الخاصة.

- وسهل تعطيه نصيب صغير من الكيكة ولا يتذمر ، وان انصادوا ، خلوه كبش الفدا ..

[آنــه]

اخوي ابو الكلام انت تتكلم عن تقريبا شركة خاصه و كثير ما يتحججون بان القطري ما يداوم الفطري ما يسعى القطري ما يسوي و في الحقيقة العكس من خلال مجالستي لكثير من القطريات العاملين في قطر للبترول انا أشوف هم شعلة نشاط غير الشباب اللي كانوا معانا في الفصل وقت العروض التقديمية أشرفهم مميزين حرام نظلمهم ونقول انهم مؤ جادين ومقصرين

انا عرفت وايد ناس قطرين كانوا يدرسون معاي في بريطانيا كانوا قطر للبترول وقطر غاز ياهلونهم سواء لغه او هندسه او اتصالات يعني في كل المجالات مب في مجال واحد الظاهر يمشون شوي شوي لين يكتسبون القطرين كل شي و تصير الشركة قطريه ميه باليه هذا اللي انا فهمته من البعض

وان شاء الله هالكلام ما يكون إنشائي