اليوم مخالفة مستخدمي إطارات «البالون» !

[ask_and_get]

الدوحة- الراية:

تبدأ إدارة المرور اعتباراً من اليوم مخالفة مستخدمي الإطارات الرملية (البالون) لمخالفتها المواصفات القياسية، إلى ذلك كشف مستهلكون وعاملون بسوق الإطارات عن ارتفاع الأسعار بنسبة 20 % لجميع أنواع الإطارات من قبل المورد وأوضحوا أن الأسعار تتفاوت حسب الأنواع وبلد المنشأ.

وقالوا إن محلات الإطارات توقفت منذ شهور عن تركيب إطارات البالون والمستعمل مشيدين بقرار منع استخدامها لانفجارها المفاجئ وعدم تحملها درجة الحرارة وتسببها في الحوادث. وأفادوا أن الإطارات المستعملة يتم التخلص منها يومياً بحملها إلى المكان المخصص لها في البلدية ولا يتم تركيبها مرة ثانية، وتوقعوا أن ينعكس قرار حظر إطارات البالون على انتعاش مبيعات السوق من الإطارات الأخرى.

[R 7 A L]

مع اني من زمااااان ما استخدمتها

الا أنني أرئ ان القرار غريب شوي


ولكن مالنا الا اننا نطبق القانون ونمشي عليه

[S A A D]

القرار على كيف جريدة الراية

والمرور تنفيه

اتمنى عدم ترك الامور سايبه على كيف الجريدة !!

[المستريح]

مافيه شى رسمى من المرور اخبار بين الشباب والجرايد اما من مصدر رسمى مافيه انا سالت واحد يشتغل فى المرور ومركب بالون قالى مافيه شى رسمى

[بوخالد911]

وداعا للبالون

[شبح الصمت]

يا هالسالفه الي ما تبي تخلص

[بوخالد2]

اخاف يخالفوني وانا امشي على رجلي ويقولون ( ليش لابس غتره حمره ) البس بيضه

هههههه حاله والله

[رذاذ]

جان زين يعطون بدل المخالفة وصل للذهاب الى ورشة الشرطة وتبديل التواير بتواير مطابقة للموصفات والمقايس . والى يرفض وخلال شهر من تاريخه يتم استدعائة .

جد الحلول قبل فرض العقوبات .

هذا مبدا الانسان الواضح والى يحب الخير لكل الناس

[bo_s3ood]

المفروض قبل لاينززلوون اي قرار بتنزيل البالون

يشوفون محلات التواير الي من عرفة انا البالون ممنوع صار التاير من 750 الى 950

والحين بعد هالقرار الي بيطبقونه مدري متى خل نشوف التاير من 950 الى كم الله اعلم

خل يمسكون المحلات الي تقول انا الشركه الي رفعت الاسعار ومشكله رفعت اسعار التواير بس في قطر

رساله الى ادارة المرور وحماية المستهلك شووفو لنا البديل بعدين امنعوو الي تبون وخالفو اي محل رفع سعر تاير بدون سبب

[عزووز قطر]

القرار طالع من جريدة الراية فقط
وهالجريدة لازم تتحاسب على أخبارها ...

والشي الثاني هم منعوا بيع البوالين في نص شهر 9 واحنا الحين في شهر 3

يعني نفرض لو واحد شرى التواير على أيام ماكان التاير مصرح والتاير للحين فيه نقشة على أي أساس يروح يغيره ويدفع دبل السعر في فترة لاتتجاوز 6 شهور !!؟؟؟

[ask_and_get]

^
وانا توني مركب البوالين من اسبوع :( من السعوديه ..

هم امنعوا استيراد البوالين مامنعوا تركيبه .. والحين توهم مانعين تركيبه

[bu 3li]

والله الوضع صاير مثل المدرسه الابتدائيه

اي شي يشاغبون فيه الطلاب يصير ممنوع .. يعني المسؤولين يشوفون النسبه البسيطه اللي تخالف وتسوي مشاكل وتفرض عقوبات على الكل مع العلم ان الاغلب يستعملون البالون لانه خفيف على الموتر ومب وعر كلش

ياخي بدال ماتمنع كل شي وباقي انك تفرض حظر تجول بعد الساعه 10 من الليل .. افرض عقوبات قاسيه على المخالفين وخلهم يتحملون مسؤولية المخالفات ذي وافرض عليهم ( خدمه اجتماعيه ) في رميله ولا الشفلح عشان يعتبرون ويشوفون نتايج الحوادث والسرعه والاستعراض شنهي

لكن كل شي ممنوع ممنوع ممنوع .. ياخوفي عقب كم يوم يقولون ممنوع نركب مخفي خير شر ولا ممنوع نركب ليتات زينون او حتى نغير اي شي فالسياره !!!!

بغض النظر القرار صدر ولا ماصدر ( لي الحين ) اتمنى يدرسون الموضوع عدل ويقتدون بالدول المجاوره في سن القوانين وفرض العقوبات .. لانه ماشوف اللي ممنوع عندنا ممنوع عندهم مع ذلك الحوادث نسبتها كبيره بالنسبه لـ عدد سكان الدوله

[بوحمد111]

طبق القانون او لا ولله الحمد ما اركب بالون ولا عمري فكرت فيه

الله يحفظ شبابنا

تحياتي

[المتحدث الرسمي]

.....

يقولون اشاعه :omen2::telephone:

.....

[بوخالد88]

هالمره الاشاعة من جريدة الراية وليس من البلاك بيري

[سطح القمر]

جريدة الراية ما عندها مصداقية بالفترة الاخيره اصبحت تكتب اخبار الناس تبحث عنها بغرض بروز الخبر بالجريده ..

ايش معنا الخبر فقط بجريدة الراية ... المرور و حماية المستهلك ما عندهم جريده الا الراية ...

[عربسات]

انا حاس ان الجريده وبالتعاون مع المرور يحطون هالاخبار عشان يرصدون ردوود الافعال و لجس نبظ الشارع

[R 7 A L]

مافية لا دوار ولا اشارة ماجيتها اليوم
ماحصلت ولا دورية تفتش




الا بأسلكم وين الدوريات مانشوفها مثل الدول الثانية ؟

[بوعلى 1]

الصراحة هاي البالون امسوي سالفة في قطر البالون والبالون في الراديو وفي المنتدى انا مع قرار منع هذا التاير من التركيب والبيع في قطر والاسباب كثيرة

[الفورتك]

الدوحة- الراية:

تبدأ إدارة المرور اعتباراً من اليوم مخالفة مستخدمي الإطارات الرملية (البالون) لمخالفتها المواصفات القياسية، إلى ذلك كشف مستهلكون وعاملون بسوق الإطارات عن ارتفاع الأسعار بنسبة 20 % لجميع أنواع الإطارات من قبل المورد وأوضحوا أن الأسعار تتفاوت حسب الأنواع وبلد المنشأ.

وقالوا إن محلات الإطارات توقفت منذ شهور عن تركيب إطارات البالون والمستعمل مشيدين بقرار منع استخدامها لانفجارها المفاجئ وعدم تحملها درجة الحرارة وتسببها في الحوادث. وأفادوا أن الإطارات المستعملة يتم التخلص منها يومياً بحملها إلى المكان المخصص لها في البلدية ولا يتم تركيبها مرة ثانية، وتوقعوا أن ينعكس قرار حظر إطارات البالون على انتعاش مبيعات السوق من الإطارات الأخرى.

موضوع انهم يشيدون .. كذبه كذبه كذبه .. لان 90٪ من المحلات خسرت بعد قرار المنع
وموضوع انفجارها المفاجئ .. انا من عرفت السيايير وانا استخدم البالون ماقد انفجر عندي ولا سمعت انه انفجر عن حد ..
وموضوع تسببها في الحوادث .. التاير صار يسبب حادث والخمور ماتسبب حوادث !!

[chillis]

ونعم القرار وزين يسون بمنعه

[شبح الصمت]

ونعم القرار وزين يسون بمنعه

:anger1:

[الـراسي]

والله ما عرفنا الصدق

الجريدة تقول كلام والمرور يقول كلام

يا ليت واحد من الاخوان اللي في المرور من الاعضاء

يوضح الامور للاعضاء

[عزووز قطر]

أخوي الراسي انا اتصلت بالمرور وسألتهم: بتخالفون الناس يوم الاثنين ؟؟

وقال هذا كلام من الجريدة واحنا للحين ماجانا شي رسمي بخصوص المخالفات