ياادارة المرور لاتستخفون بعقول الناس مع مطراشكم الفريد !! [الأرشيف]

مشاهدة النسخة كاملة : ياادارة المرور لاتستخفون بعقول الناس مع مطراشكم الفريد !!

سهم عتيج

26-03-2012, 03:26 PM

لطالما سمعنا مدير ادارة المرور وهو ينتقد الناس بانهم مش ملتزمين بالقوانين والتعليمات التي تصدر من وزارة الداخلية وادارة المرور من اجل راحة وسلامة الناس والاجراءات

ولكن ماحدث لي ولغيري الذين صار لاكثر من واحد نفس الموقف بصراحة اعتبره قمة الاستهزاء وعدم احترام اوقات الناس

الموضوع هو انني قمت بتجديد استمارتي قبل ايام ، وقالوا لي انتظر لين تجيك رسالة مطراش عشان تغير الرقم الجديد
وبالامس جاتني رسالة من مطراش العزيز
بان لوحتك جاهزة ولازم تركبها خلال 30 يوما والا تعرضت لعقاب شديد
وبالفعل توجهت الى ادارة مرور المطار القديم بناء على تهديد مطراش الجديد

وانتظرت بالدور اكثر من ساعة او يزيد
وعند اقترابي لتغيير لوحة سيارتي بعد قضاء وقت عسير
لاتفاجأ بان لوحة سيارتي لم تطبع وعلي الانتظار من جديد

هل هذا يعقل في زمن رجل المرور الحديد
والذي طالما تغنى بانه استطاع ضبط السير في زمن يسير
مع اننا ندرك انه سبب ازدحاما مروريا براداراته الحديد
واعتمد على رسائل مطراش لتسديد المخالفات بدلا من ساعي البريد

والان كيف سيبرر فعلته واهداره لاوقات الناس ببرود شديد
هل سيقول ان مطراش انسان وهو يخطئ واصبح رديء
ام سيقول للذي التزم بتعليمات المرور بانك جئت لتبديل رقمك وكانك مب مصدق بان عندك رقم جديد

رسالة الى وزارة الداخلية وادارة المرور لاحترام عقول الناس واوقاتهم وما اعتقد عندكم تبرير بعد في ذلك ونتمنى التحقيق في ذلك لان الناس ليست الات من حديد

ونصيحة لاخواني الذين انتهت استماراتهم
لاتعتمدون على رسائل مطراش عشان ماتضيعون وقتكم لان ادارة المرور تناشدكم باحترام التعليمات وهي اصلا ماتحترم عقولكم وهذا ماحصل لي بالضبط قبل قليل

*

شموع قطريه

26-03-2012, 04:34 PM

والطامه الكبرى ان الهندي اللي يسجل الرقم على اللوحة يكتبها غلط وصار معانا هالشي وما اكتشف ولدنا الرقم انه غلط اللا يوم وصل البيت .. سلامي يا ادارة المرور

كلنا قطر 1981

26-03-2012, 04:42 PM

صدقت اخوي سهم عتيج بكل كلمه قلتها :victory:

بس خاطري اعرف ليش غيروا اللوحات ؟؟؟؟؟؟؟؟؟

وين المشكله فيها غير سالفة انه الارقام المستخدمه الحين هي الارقام العربيه و الي كانت

مستخدمه قبل ارقام هنديه بصراحه ما شفت القرآن الكريم و اياته العطره تستخدم فيها الارقام

العربيه حاليا ام ان القرآن الكريم كانوا يستخدمون فيه الارقام الهنديه ؟؟؟

ودي اعرف ليش غيروا الارقام و خصوصا انه شيابنا ما يعرفون الارقام الحاليه واايد عليهم

الارقام السابقه فلو لا سمح واحد دعم احد شيابنا و شرد عنه شلون بيقدر يثبت الرقم الحالي؟؟

زحمه في تركيب الارقام و عقب لا تاخرت دفعوك قيمة الارقام :rolleyes2:

حسن

26-03-2012, 04:42 PM

ليش بهدله الناس دام انا جي اجدد الاستماره ليش ماركبها على طول ليش ارجع مره ثانيه
للاسف مافي احترام للناس كانه احنا في نيكاراجوا

GENIUS

26-03-2012, 04:43 PM

أنا ركبت اللوحات الجديدة وبعدها بخمسة وثلاثون يوما بالتمام والكمال جاني مسج من مطراش بأن اللوحات جاهزه الآن ويتوجب علي تركيبها. يعني بعد ما أستلمتها وركبتها بأكثر من شهر.

بوخالد911

26-03-2012, 05:03 PM

لله يعيينك

جل من لا يسهو

س : استمارة موتري تنتهي في شهر 11

يصير أغير اللوحة الحين؟

jeep-srt8

26-03-2012, 05:19 PM

كان احسن للمرور بأنهم يسلمون الناس لوحهم الجديده وهم يركبون برة او عندهم احرار المشكلة انه المرور محتكر لذالك الزحمة وكان ممكن ياخوي تروح عند مكتب تسليم اللوح وتقوله لوحي عندك ؟؟؟ايه ادخل السيد وامرك لله ..لا قوله شلون يجي مسج انا ايش ضمني انكم بترسلون مسج للوحة الصجية لما تطلع ؟؟والله تبهذلهم بهالسالفة ..!!

يالله لعله خير ياخوي

ذيب ازغوى

26-03-2012, 05:29 PM

مع اننا ندرك انه سبب ازدحاما مروريا براداراته الحديد
واعتمد على رسائل مطراش لتسديد المخالفات بدلا من ساعي البريد

^^^^^

عجبتني هذي الجمله لان فعلا تشكي الواقع

الخزرجي قطر

26-03-2012, 06:01 PM

الحمد لله انا ماصادفتني مثل هذه المواقف
انا جددت استمارات السيارات وركبت اللوحات
الجديده في موعد الرساله الي وصلتني في مرور
المطار القديم يمكن تختلف الأجرات من مكان لأخر

سهم عتيج

26-03-2012, 06:38 PM

والطامه الكبرى ان الهندي اللي يسجل الرقم على اللوحة يكتبها غلط وصار معانا هالشي وما اكتشف ولدنا الرقم انه غلط اللا يوم وصل البيت .. سلامي يا ادارة المرور

بال صج مصيبة
تقصدين انهم ركبوا رقم غير رقمكم ، هذي مصيبة اخرى
لا سمح الله لو صار حادث وشرد صاحب الرقم الغير حقيقي وتم سحب صاحب الرقم الاصلي بتكون مشكلة وبهدلة ثانية

وياريت الهندي كمل احسانه اليوم يوم سجل الارقام وقال لنا انه ماوصلت الارقام
مش ينتظر لين نوصل عند خط النهاية وبعدين يقولون لنا مافي رقم بابا

سهم عتيج

26-03-2012, 06:41 PM

سهم عتيج

26-03-2012, 06:48 PM

ليش بهدله الناس دام انا جي اجدد الاستماره ليش ماركبها على طول ليش ارجع مره ثانيه
للاسف مافي احترام للناس كانه احنا في نيكاراجوا

عاد شتسوي يابوعلي
موضوع تجديد الاستمارة بروحه سالفة مع الفحص
الود ودك تشتري سيارة كل 3 سنوات عشان تتجنب الفحص
وبعد فوق هذا يجيك موضوع اللوحة

ربك كريم

أنا ركبت اللوحات الجديدة وبعدها بخمسة
وثلاثون يوما بالتمام والكمال جاني مسج من مطراش بأن اللوحات جاهزه الآن ويتوجب علي تركيبها. يعني بعد ما أستلمتها وركبتها بأكثر من شهر.

يالله عاد شتقول حق ادارة المرور
ياريت تجينا الرسالة بعد التركيب المصيبة يقوللك يالله ركب واذا ماجيت فبعد 30 يوم راح يتلفون اللوحة وبعدين راح يدفعونك ثمن لوحة جديدة
يعني انه مش عارف ليش يتلفون اللوحة
عشان تدفع والا ايش
يا اخي المفروض يقولون لك روح مدينة خليفة لانه حنا رجعناها وتقدر تستلمها من هناك
واذا جيت السنة الجاية تجدد الاستمارة فاذا ماركبتها اهني يدفعونك

وطن

26-03-2012, 06:51 PM

انا وصلني المسج بعد ما ركبت اللوح باسبوع

:secret:

سهم عتيج

26-03-2012, 06:53 PM

لله يعيينك

جل من لا يسهو

س : استمارة موتري تنتهي في شهر 11

يصير أغير اللوحة الحين؟
والله مادري اذاد يصير او لا
ننتظر حد من ادارة المرور يوضح هالنقطة اذا شاف الموضوع

كان احسن للمرور بأنهم يسلمون الناس لوحهم الجديده وهم يركبون برة او عندهم احرار المشكلة انه المرور محتكر لذالك الزحمة وكان ممكن ياخوي تروح عند مكتب تسليم اللوح وتقوله لوحي عندك ؟؟؟ايه ادخل السيد وامرك لله ..لا قوله شلون يجي مسج انا ايش ضمني انكم بترسلون مسج للوحة الصجية لما تطلع ؟؟والله تبهذلهم بهالسالفة ..!!

يالله لعله خير ياخوي

والله ياريت يعطوني اللوحات وانه باركبهم برع
خاصة ان معظم السيارات فيها فرسم جاهز وما يحتاج جهد كبير لتركيب اللوحة
يعطيك العافية

سهم عتيج

26-03-2012, 06:57 PM

مع اننا ندرك انه سبب ازدحاما مروريا براداراته الحديد
واعتمد على رسائل مطراش لتسديد المخالفات بدلا من ساعي البريد

^^^^^

عجبتني هذي الجمله لان فعلا تشكي الواقع

هههه
خلوني اكتب شعر من القهر

الحمد لله انا ماصادفتني مثل هذه المواقف
انا جددت استمارات السيارات وركبت اللوحات
الجديده في موعد الرساله الي وصلتني في مرور
المطار القديم يمكن تختلف الأجرات من مكان لأخر

يمكن السيارة اللي تجيب الارقام من مدينة خليفة ضيعت الطريق لين المرور
فلذلك ماوصلت ارقام سيارتي مع اني جددت استمارتي في المرور القديم مثلك

سهم عتيج

26-03-2012, 06:59 PM

انا وصلني المسج بعد ما ركبت اللوح باسبوع

:secret:

يحيك على الاقل ماوقفتي اكثر من ساعة في السيد وبعدين يقولون لك ماوصل الرقم

ماكو رقم ،، بعد اسبوع ( على قولة غلام في درب الزلق ) :rolleyes2:

الجوكر90

27-03-2012, 06:00 AM

السالم عليكم
انا بروح بكره عشان اجدد استماره موتر الوالد
اتوقع نفس اليوم بركب اللوحه اليديده
طبعا بدون واسطه بروح العصر مافي حد وبخليهم يطبعونها لي
وبالتوفيق ان شاء الله

R 7 A L

27-03-2012, 07:20 AM

إدارة المرور
((( تعانـــــي )))

لا أحنا بالى حصلناهم في الشوارع في كل زمان ومكان
ولا أحنـــا بالى أستفدنا بوجودهم في مكاتبهــــم

الله المستعان

ابوالكلام

27-03-2012, 07:38 AM

[QUOTE=jeep-srt8;8101053]كان احسن للمرور بأنهم يسلمون الناس لوحهم الجديده وهم يركبون برة او عندهم احرار المشكلة انه المرور محتكر لذالك الزحمة وكان ممكن ياخوي تروح عند مكتب تسليم اللوح وتقوله لوحي عندك ؟؟؟ايه ادخل السيد وامرك لله ..لا قوله شلون يجي مسج انا ايش ضمني انكم بترسلون مسج للوحة الصجية لما تطلع ؟؟والله تبهذلهم بهالسالفة ..!!

يالله لعله خير

اتفق معك بس الظاهر المرور ماتثق في الناس

دااانة قطر

27-03-2012, 08:28 AM

الله المستعاان

شبح الصمت

27-03-2012, 08:34 AM

عن نفسي جددت الملكيه

عقب يومين جاني مطراش انه اروح اركب اللوح في مدينة خليفة

رحت وتميت اقل من ساعة على الزحمة خلصت واموري طيبه !

بس غريبه مطراش يوم طرشوا لك وليس اهو دفاع عنهم

يكتبون لك

يرجى مراجعة مرور خليفة لتركيب اللوحات الجديدة للمركبة رقم ..... خلال 30 يوم وفي حالة عدم المراجعة ستتلف اللوحات واعادة تصنيعها برسوم

وين التهديد اهم معطينك مجال ابلاش

وتقبلوا مروري

Rashid554

27-03-2012, 08:46 AM

:) الله يخلي المندوب

مرحوم قطر

27-03-2012, 09:49 AM

انا قالولي عقب اسبوع

قلت حق العسكري خاطري اركبها الحين

قالي مب مخليها في خاطرك ركبوها لي فس نص ساعه

يارجال هي فوضه اذا يبون يخلصونك خلصوك و اذا ما يبون الله يعينك

و اهني كل شي معروف كل الي يبونه يسوون شو و عرض عضلات

ان حنى طيبين و اورنا طيبه و نقدر نسوي و نسوي و نسوي و اخرتها على فشوش

و هلكلام ما ينطبق بس على المرور

الا ينطبق على اكثر من مكان مثل المجلس الاعلى للتعليم

و ينطبق على الكثير من القرارات الي مالها داعي

مثل قرار منع البوالين انا عن نفسي موتري عليه مياجر

بس بعد اشوف انه قرار ماله داعي ولا له شغل في السالفه

و من وجهة نظري قرار فقط لتنفعة بعض اصحاب وكالات التواير في قطر

الوضع صار جداً ماساوي الله يعيين و الله يستر من الجاي

الحين اخوي سالفة تاخرو في الرقم ولا نقعوك على الفاضي شي متعارف عليه في الدوله المتقدمه المتطوره الي حلة مشكلة لبنان و جزر القمر و ليبيا و مصر و و و و تطول اللسته و لين الحين خط الخراره شارع واحد رايح و شارع جاي و اذا تصافقو سيارتين وجه بوجه يكون السبب ان المتوفي في الحادث مركب بالون واذا ما كان مركب بالون قبل هلتاير الي مركبه كان مركب بالون

الله كريم

بوخالد2

27-03-2012, 09:52 AM

ابتسم انت في المرور

سطح القمر

27-03-2012, 10:01 AM

المرور محتاج تجديد دماء شابه فيها طاقه وحيوية مش فقط اصدار قرارات

حسن

27-03-2012, 11:28 AM

المرور محتاج تجديد دماء شابه فيها طاقه وحيوية مش فقط اصدار قرارات

انا ارشح بورومي:victory:

fhd4

27-03-2012, 12:31 PM

شبح الصمت

27-03-2012, 12:39 PM

يعطيك العافية على التنبيه والله ...

أنا جددت الاستمارة الاسبوع الماضي ... وجاني المسج بعدها بيوم ... مع إن الموظفة قالت ان المسج المفروض يجيك بعد 4 ايام ...

لكن الصراحة للحين ما فضيت أروح ...

أجل أروح أسألهم إذا اللوح جاهزة قبل لا أوقف طابور ...

وقف موترك على جمب وانزل اسالهم اللوحه اجهزت بيطلعونها لك بيعطونك الملكيه بيقولون لك جيب موترك روح جيبه وركب اللوحه والسلام عليكم

صج زحمة في زحمة بس يمشون بسرعه

BO.ABDULLA

27-03-2012, 01:01 PM

انتظروا المبنى الجديد وبتشوفون اللي يسركم