الإعلان الرسمي من إدارة المرور بشأن (البوالين)!

[Ussop]

الآن على موقع وزارة الداخلية...

http://www.7ammil.com/index.php/files/guest/BallonPNG

http://www.moi.gov.qa/site/arabic/news/2012/03/26/24921.html

[الارض]

الله لايسامحهم

[الحاقول]

المخالفات المروريه مثل المنسار طالعه نازله تقطع في رواتبنا

انا اشوف بعض الشوارع الخارجيه عندنا خطرها اكبر من البوالين

[الهاجري 2]

افا والله البالون احسن من الميجر

[قرنقووش]

قانون سخيف

[رجل الجزيرة]

قولوا الحمد لله الحين فرصة للتبديل توايركم.

[Ussop]

أعتقد أن القانون لن يكون بشكل دائم، فحالماً ينسى الشباب متعة إطارات البالون، وتفقد بريقها في أذهانهم، وتزول هذه الموضة، وهذا حتى تمر عدة سنوات... حينها، ستقوم إدارة المرور بفتح المجال مجدداً والتصريح لإطارات البالون، لكن بشروط معيينة.

[ذيب ازغوى]

قولوا الحمد لله الحين فرصة للتبديل توايركم.

استاانس ياعم :weeping:

ممكن اسالك سؤال بسيط بسيط


انت شنهو بينك وبين البالون :secret: مزعلك قايلك شي قولي :tease:

الله يهداك بس

[الخزرجي قطر]

البوالين ممكن حد يقراها بمعنى اخر (اطارات البالون)
اكيد في مصلحة قيادة السياره والا ماكانوا منعوه؟؟؟؟؟

[ANONYMOUS]

يعني من صجهم

على بالي غشمره

[حيهور]

مع اني مادري شالفرق بين البالون والميجر

بس ليش امنعوه؟

[qtr1]

انشهد انه قانون سخيف والي عنده حلال ويطلع له كل اسبوع ولا اسبوعين شنو الحل ورمال وطعوس اذا البالون وهو بالون يتعب شلون لو يركب ميجر



حسبي الله ونعم الووووووووووكيل

[الـراسي]

اكيد ادارة المرور تسوي مع الشباب الكيمره الخفية

تراهم يمزحون

[الموضوعي]

اكيد في بديل للبالون مب معقولة ان بعض الشباب يفهم احسن من شركة تويوتا ونيسان

[ممنوع اللمس]

ضاق صدري وعيني والدموع ذرفت...واتصبر واقول الصبر عيا يبين :(

اما الجمس بدون بالون؟ لا مستحيل صعبه

[Anas_G]

انزين متى بيمنعون المواتر السبورت

[لاجئ عاطفي]

المرور: لا مخالفات على إطارات البالون حاليا


الدوحة-الشرق:
نفت إدارة المرور بوزارة الداخلية تطبيق مخالفات إطارات البالون حاليا، مؤكدة انه سيتم الاعلان لاحقا عن بدء تطبيق مخالفات اطارات البالون بالتنسيق مع ادارة حماية المستهلك وذلك مراعاة لظروف بعض مستخدمي إطارات البالون الذين لم يتمكنوا من استبدالها حتى الآن لكونهم لا يزالون في موسم التخييم أو بسبب وجودهم خارج البلاد
وناشدت إدارة المرور كافة مستخدمي إطارات البالون أهمية البدء فوراً في استبدالها قبل الإعلان عن بدء تطبيق المخالفات بعد انتهاء الفترة الممنوحة لهم في هذا الشأن.

[R 7 A L]

والله لو يشغلون أنفسهم أخواننا في إدارة المرور
بتنظيم سير المرور وفك الزحمات أبرك من مخالفات البالون الى مالها داعي

[الصغيره]

افتكرت انه قانون للي ي...... بالشوارع وانه بيحاسبون لانهم الصراحه زادوا بكثره

كلمة البوالين لها معنى ثاني ياليت مثل ما قال الاخ تكون باللغه العربيه مثلا اطارات البالون افضل :)

لكن سؤال وش قصه هلااطارات وليه ممنوعه يمكن سيارتنا لها اطارات بالون ومش عارفه ممكن شرح شوي يا شباب

[Ussop]

يعني من صجهم

على بالي غشمره

أغلبية الشباب هذا ظنهم...


مع اني مادري شالفرق بين البالون والميجر

بس ليش امنعوه؟

الميجر هو إطار الشركة...
والبالون هذا هو ...

http://www8.0zz0.com/2010/11/04/04/868911466.jpg

إمنعوه للإستخدامات الخاطئة لهذا الإطار من قبل الشباب الصغار ... وبذلك إحرموا الجميع من أجل فئة معيينة طائشة...

وهذا برأيي أسلوب متخلف في التعامل مع المشكلة، فبالإمكان أن يسيطروا على الموضوع بسن شروط معيينة لا حرمان كل من يستخدم البالون الإستخدام الصحيح.

[بوخالد2]

والله لو يشغلون أنفسهم أخواننا في إدارة المرور
بتنظيم سير المرور وفك الزحمات أبرك من مخالفات البالون الى مالها داعي

:nice::nice:

[سطح القمر]

الله يعين الشباب الي مركبين بوالين ..

اكيد الحين زحمة على محلات التواير كلن يبدل ... السوال من الربحان بالعملية ... والسوال الثاني كم بترتفع اسعار التواير

اتمنى حماية المستهلك تحدد الاسعار للتواير قبل لا يطلع قرار المنع علشان ما يستغل الوضع تجار التواير الجشعين ...

[بوجاسم566]

البوالين ممكن حد يقراها بمعنى اخر (اطارات البالون)
اكيد في مصلحة قيادة السياره والا ماكانوا منعوه؟؟؟؟؟

وصلني برودكاست :secret: ان تواير بروجستن

حق واحد شغال في المرور



<<وهل يخفى القمر>>

[كتكوت الوحش]

انزين متى بيمنعون المواتر السبورت

الدراسة الجاية انشالله :nice:

[الـقـاسـي]

يستعبطون والله العظيم .. من عرفنا المواتر وهي عليها بوالين ولا احد اشتكى منها بس مادري من الفهلوي هذا عرف الحل وهو تواير البالون ..

طيب كم بيوصر سعر البرجستون والمياجر الحين بتروح فوق ومن بيحمينا احنا بعد من ارتفاع اسعارها اذا اصلا اسعارها حاليات غاليه جدا..

[بو الجوري]

زين خل يمنعون الفراري و اللمبرجيني
لأنه سعرتهم فوق الـ 300 وهذا خطر على السائق :..

نفس ماهم يقولون البالون خطـــر !!!!!


يعني ممكـن واحد يشتري فراري ويتمشى فيهـا بس :..
وممكن الثاني يمشي فيها 300 و ينقلب ويموت


نفس الشي البالون ، مخصص للرمل لكـن مب معناته إني أنا راعي إستعراض وشيل

يعني المستخدم هو اللي يتحكم ،


أنا شذنبي أبدل البوالين وهم توهم جداد و أشتري رنقات ،
لأن عندي الشنابر حاليا :(

و أدفع فوق الـ 6000 ريال !!!!

أنا إنسان أستعمل البالون من سنة 2001 :) و الحمدلله الأمور طيبه :..

ماعندهم سالفه

[آهـل شَـرق]

بخصـوص ؟؟؟؟؟؟؟؟؟؟؟؟؟؟؟؟؟؟؟؟؟؟؟

[آهـل شَـرق]

ليش حماية المستهلك مشتطين على موضوع البالون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

في ان في الموضووووع انا متاكد انه مش لسوووووواد عيووووونااااا !

[الزلزال]

انا بدلتها وريحت راسي

[qaa]

لم نعتد من ادارة المرور هذه القرارات الغريبة سابقاً !!

ولكن اعتدنا هذه القرارات الغريبة والحمقاء حالياً !!

قرار منع اطارات البالون قرار تخبط ادارة المرور من جهه وحماية المستهلك من جهه اخرى .

*(حماية المستهللك )
تم منع الاستيراد بعذر عدم مطابقت الاطارات لمقاييس بنتشري حماية المستهلك !!

(هذا النوع من الاطارات يستخدم من قبل سنه 1970 في قطر )
(هذا النوع من الاطارات يستخدم في كل دول العالم )
(هذا النوع من الاطارات تنتجه صانع عملاقة مثل بريجستون ..الخ)
(هل حليتم مشكلة قطع الغيار المقلده!!)
(هل تراقبون بضائع التموين المدعوم من الدولة )!!
(هل قمتم بدراسة العوامل التي ادت الى انتشار السرطان بيننا حتى صار من النادر
وجود عائلة لم يصب احد منها بهذا المرض اجارنا الله واياكم)!!!
(هل ستقومون بمراقبة اسعار الاطارت المطابقة لمقاييس بنتشريكم )!!

(هل و هل وهل و هل ....ألخ)

*(المرور )

ستتم مخالفة من يستخدم هذا النوع من الاطارات من قبل جماعة المرور !!
(بناء على اعلان المرور المبهم والذي قلنا سابقاً انه قرار يدل على ..... وذلك بسبب

تم اعطاء مهلة بسبب موسم التخييم !!(هل هذه الاطارات ليست خطرة في موسم التخييم!!!)
(هل هذه الاطارات ليست خطرة بالنسبة للشاحنات )
(هل هناك مايدل على تسبب هذه الاطارات بشكل مباشر بالحوادث!!)
(هل السكيرة والخميرة اهون من هذه الاطارات )
(هل حليتم مشكلة الاختناقات المرورية في كل الدولة)
(هل لكم ان توضحوا مدى قانونية الرادارات المتحركة!!)
(هل لكم ان توضوحوا الهدف من اخفاء الرادارات المتحركة!!)
...................................

فالنهاية اسف على الاطالة ولكن السيناريو القادم سيخرج علينا مسؤول من المرور ليؤكد
انخفاض نسبة الحوادث بعد تطبيق قرار مخالفة البالون !!:victory::victory:

[الاجوديه]

.
.


وانا اقول ليش اخوي يتحلطم :D





بس القانون ماله داعي ..! :sneaky:





.
.

[Qatar-Qa]

الفايده الوحيده اللي بتصير هي ان اسعار اللاندكروزر بتطيييح في التراب وخصوصا المستعمل
قليل اللي بيرضى يسوق كروزره بالميجر بدون هيبته ورزته (( البالون ))

كلنا نعرف وحتى الي يستخدمونها ان السيفتي ولاشي فييها
والبريك مايمسك هذا غير ثبات الموتر يصير ضعيف