وبعدين يا راعي الكروزر!! (جريدة الشرق )

[R 7 A L]

لست في اليابان ولا تقف أمام وكالة تويوتا حين تلاحظ العدد الكبير من سيارات اللاندكروزر، أنت فقط تقف في أحد شوارع الدوحة. حيث تُفضل الغالبية اقتناء هذه السيارة على أي سيارة أخرى. ويكاد يكون من النادر أن تجد بيتا قطريا يخلو من هذه السيارة بل قد تجد أكثر من سيارة لاندكروزر تقف أمام المنزل. فقد استقطبت جميع فئات المجتمع القطري من الرجال والنساء والكبار والصغار واصبح من احلام الطفل القطري حين يكبر ان يقتني سيارة لاند كروزر، وهناك اسباب لرغبة الناس في اقتناء هذه السيارة فإن لطبيعة الدولة ومناخها الصحرواي وطرقها الوعرة الفضل في إقبال الغالبية على هذا النوع من السيارات. حتى أنه بات من العادي أن ترى الفتيات أيضاً يقتنين هذه السيارة لما توفره لهم من أريحيه أثناء القيادة ولكن هل هذا هو السبب الرئيسي في رغبة الناس في قيادة اللاند كروزر؟
على الرغم من استخدام البعض لها للسير عبر الطرق البرية الوعرة أو للمرور فوق بعض الشوارع شبه المتهالكة؛ إلا أن البعض بات يتخطى حدود الضرورة إلى حد التجاوزات التي تضايق مستخدمي الشارع من سيارات ومشاة حيث اصبح البقاء للاقوى والاقوى في شوارع الدوحه تكون سيارة اللاند كروزر، فهناك البعض من اصحابها من بات يفهم السيارة بطريقة خاطئة، حيث تكون هذه الفئة من الشباب الطائش الذي يظن انه بامتلاكه هذه السيارة يجب على الكل ان يحترمه ويخاف منه وهو يجب ان يمشي بطرق مفروشة بالورود "ومحد يوقف جدامه" يسرع، يتجاوز، يزعج، يتسبب في حوادث، وفي نهاية الامر يقول "افف محد يعرف يسوق في الدوحة" اتمنى انه يراجع نفسه ويشوف من اللي ما يعرف يسوق.
تلك السلوكيات جعلت هذه السيارة محط أنظار رجال شرطة المرور في السنوات الاخيرة على حد قول مستخدميها أنفسهم، وعكست مظهراً مختلفاً عن الهدف وراء اقتنائها.ليكثر النقد حولها حتى بات البعض يرى أن مقتنيها من الشباب ليسوا سوى متسابقين على الطرق العامة ولايحترمون قانون المرور والقيادة بطريقة جنونية على الشوارع العادية ومخالفة قوانين المرور من تسابق وقطع إشارة المرور والركوب على الأرصفة بغرض التجازو ومضايقة الآخرين خصيصا لرواد سيارات الصالون جعل البعض يطالب بضرورة احترام الشارع، وأن تكون لدى السائقين ثقافة مرورية عالية تلزمهم باحترم قانون المرور بدلاً من فرض سياسة "البقاء للأقوى"، فالأفضليه ليست لأمثال هؤلاء فالشوارع لم تخصص لفئه وليست ملكاً لأحد كما يعتقدون بل هي ملك عام يجب احترام كل من ينتفع به. ولا يقتصر الجهل بالثقافة المرورية على تلك الفئة فقط "أصحاب سيارات اللاندكروزر" إلا أن الجهل بالثقافة المرورية للأسف يمتد إلى بقية مقتني السيارات الأخرى أيضاً والذي يعد أحد أكبر أسباب الحوادث المرورية. لذلك أصبح من الضروري المطالبة بجديه بأن تكون هناك ثقافة مرورية رادعه لتلك السلوكيات غير المقبولة حفاظاً على أروح مرتادي الشارع. وذلك كله يتطلب جهودا جبارة ليس فقط من إدارة المرور بل من قِبل جميع مؤسسات الدولة تشمل المؤسسات التعليميه والإعلامية والصحية لخلق ثقافة جديدة وهي " القانون فوق الجميع" وأن القيادة فن يتقنه من يحترم قوانين الشارع حفاظاً على الأرواح ويستخدمه وسيلة للوصول للهدف، فالشارع لم يوجد من أجل خرق القوانين وإثبات الذات بالقوة ولفت الأنظار ولا ليكون حلبة سباق لهواة القيادة السريعة.



جريدة الشرق
2012.3.27




شرايكم في نظريه جريدة الشرق عن أصحاب الكروزرات بالذات ؟



شرايكم في قيمه الموضوع هل هو هادف ؟

[ام السعف]

اتفق معاهم

لو يعملون احصائية بعدد الحوادث والتجاوزات راح يكتشفون
ان اصحاب الكروزرات ينطبق عليهم ما ذكر في المقال
المخالفين من اصحاب الكروزرات وايد متفرعنين وطبيعة سيارتهم مساعدتهم
على التفرعن والتجاوز ،،

[@north_star@]

نظرية خاطئة برأيي لانه احترام قوانين المرور واحترام الناس لا يقتصر على نوعية السيارة بل يعتمد على مدى احترام السائق لقواعد الطريق والذوق والاخلاق والموضوع هادف اذا شمل الفئة التي لا تحترم قواعد وقوانين المرور ويقومون بالاعتداء على حقوق الاخرين بالتجاوز والحركات الصبيانية

ملاحظة (( ما عندي كروزر ))

[R 7 A L]

اتفق معاهم

لو يعملون احصائية بعدد الحوادث والتجاوزات راح يكتشفون
ان اصحاب الكروزرات ينطبق عليهم ما ذكر في المقال
المخالفين من اصحاب الكروزرات وايد متفرعنين وطبيعة سيارتهم مساعدتهم
على التفرعن والتجاوز ،،



شي طبيعي النسبة تكون كبيرة لو أفترضنا 90% من أهل قطر يستخدمون الكروزرات

بس الغير طبيعي
أن نصف غيرهم ( بعدم ذكرهم ) بأنهم أكثر مثالية في فن القيادة .


انا راعي كروزر ولا أرضى بالموضوع
من أطلع من البيت وانا رابط الحزام ولا عمري ضربت رصيف ولا تجاوزت من يمين
وفوق هذا أسمح حتى لأهل السياكل يتجاوزوني من يمين .:anger1:

[طلعة الروح]

إذا جينا للمنطق ماراح يكون هناك من منطق في تعميم الأمر على طراز سيارة معينة
لكن لو جينا ع الواقع نعم في تجاوزات من بعض أصحاب هذه المواتر ويمكن لانهم أكثر نوع سيارة
منتشره عندنا في الدوحة فيصير التعميم سهل

ملاحظة جانبية : صادني أمس موقف مع سيارة لاند كروزر ساد الطريق عند احد المطاعم ولا راضي يتحرك اللي في الموتر على الهرنات اللي هرناها لين ما اضطريت اتصل بالشرطة واخرتها اكتشفت انه في سائق في الموتر وماحرك الا عقب ما صار طابور سيارات وهرنات جماعية...

[سطح القمر]

انا مع منع الاندكروزر من الدوحه سيارة ما فيها امان ولا وكيلها يقدم خدمات عدله

[R 7 A L]

نظرية خاطئة برأيي لانه احترام قوانين المرور واحترام الناس لا يقتصر على نوعية السيارة بل يعتمد على مدى احترام السائق لقواعد الطريق والذوق والاخلاق والموضوع هادف اذا شمل الفئة التي لا تحترم قواعد وقوانين المرور ويقومون بالاعتداء على حقوق الاخرين بالتجاوز والحركات الصبيانية

ملاحظة (( ما عندي كروزر ))



انا أعتقد والله أعلم
أن صاحب هالنظريه أو هذا الموضوع

يقصد أهل قطر بأنهم كلهم مايحترمون قواعد المرور
ومتفرعنين
ويخطون على الناس.

[ابوالكلام]

بهدلونا اصحاب الكروزرات الكلام صحيح حيث ان اغلبية اصحاب الكروزرات لايبالون بالناس الاخرى واغلبهم اشترى الكروزر لكي يحترمه الناس في الطريق واصبح الشارع مثل الغابة الكبير يأكل الصغير

[khalid Qtr]

يجب ان لا نعمم بهذه الطريقة ، كثير من الشباب يستخدمون الكروزر ولكنهم يمشون بشكل محترم ومنظم في الشارع ، وهناك عدد ليس بالقليل ممن ذكرهم صاحب الموضوع وتكون الكروزر عند هالنوع مضبطة بشكل معين من تواير بالون وغيرها من الحركات

همسة : الكروزر افضل سيارة للاستخدام في شوارع قطر ..

[R 7 A L]

إذا جينا للمنطق ماراح يكون هناك من منطق في تعميم الأمر على طراز سيارة معينة
لكن لو جينا ع الواقع نعم في تجاوزات من بعض أصحاب هذه المواتر ويمكن لانهم أكثر نوع سيارة
منتشره عندنا في الدوحة فيصير التعميم سهل

ملاحظة جانبية : صادني أمس موقف مع سيارة لاند كروزر ساد الطريق عند احد المطاعم ولا راضي يتحرك اللي في الموتر على الهرنات اللي هرناها لين ما اضطريت اتصل بالشرطة واخرتها اكتشفت انه في سائق في الموتر وماحرك الا عقب ما صار طابور سيارات وهرنات جماعية...





نعم
هذا هو الكلام السنع
و الواقعي


شكراً

[R 7 A L]

انا مع منع الاندكروزر من الدوحه سيارة ما فيها امان ولا وكيلها يقدم خدمات عدله



معك في ان الوكاله لم تعد مثل ما كانت

بس مو معك أنهم يمنعونها

[همر]

مش "كل اللي" يركبون كروزرات بلشتيه .. انما "كل البلشتيه" يركبون كروزرات.. في فرق ..

وهذا اللي مشوه سمعة السياره..

ومن اشوف موضوع "جرائدي" مثل هذا كاتبه صحفي "فلته" في ساعة تجلي يضربني الحارج..

قال في كل بيت قال .. بيتنا مافيه كروزر اشرايك ؟!! ولا بيت اخوي.. ولا بيت اخوي الثاني .. ولا بيت جيرانا ..

حركات الدعايه الغير مباشره هذي من صوب .. وحسد اهل قطر من صوب .. ترا مفضوحه ..

بس ما يندرا .. يمكن العائد مجزي .. سواء مادي او معنوي..


ملاحظه (( ما اتشرف اشتري كروزر))


الجمس يأدي الغرض :victory:

[R 7 A L]

بهدلونا اصحاب الكروزرات الكلام صحيح حيث ان اغلبية اصحاب الكروزرات لايبالون بالناس الاخرى واغلبهم اشترى الكروزر لكي يحترمه الناس في الطريق واصبح الشارع مثل الغابة الكبير يأكل الصغير

:omg:


شدعوة غابه

يعني أهل الكروزرات يأكلون اهل الكامريات والصوالين :tease:

[boamir]

لازم يمنعون الكروزر لأنه يسبب حوادث

الله المستعان

[ام السعف]

شي طبيعي النسبة تكون كبيرة لو أفترضنا 90% من أهل قطر يستخدمون الكروزرات

بس الغير طبيعي
أن نصف غيرهم ( بعدم ذكرهم ) بأنهم أكثر مثالية في فن القيادة .


انا راعي كروزر ولا أرضى بالموضوع
من أطلع من البيت وانا رابط الحزام ولا عمري ضربت رصيف ولا تجاوزت من يمين
وفوق هذا أسمح حتى لأهل السياكل يتجاوزوني من يمين .:anger1:

شوف لكل قاعدة شواذ،، الشواذ من مستخدمي الكروزرات هم الملتزمين
وهذا ما يعني ان اللي ما عنده كروزر ملتزم ،،

بس طبيعة السيارة هذي تفتح لهم المجال انهم يتجاوزون ويركبون ارصفة
ويطلعون على الحصى ويسرعون ويغبرون على خلق الله ،،

[Rashid554]

بخصوص اللاندكروزر اعتقد اصبحت ضمن " العادات والتقاليد " في البلد
يعني معظم البيوت تحصل عندها كروزرات اذا مو كروزرات لكزس 570 هههه الناس الي يجونا من برى يستغربون واحد من الجيران والله 6 سيارات كروزر قدام بيته ههههههههههههه

المقصد من المقال والله اعلم طريقة لجذب الانتباه فقط اما هو فيقصد احترام قواعد المرور وليس الكروزر فقط

[MHA]

هو تقريبا الكلام الي هو البقاء للاقوى صح..

و العالم قامت تشوف الناس بمواترها ..

انا شخصيا اذا اطلع في موتري احصل احترام من قبل الي قدامي و موتري مب كروزر ..

بس خلني اطلع في عروه البيت ولى موتر الدرويل..هههههههههههه

والله مافي موتر ما يحترمك..ألي يلف عليك..والي يخليك غصب تفتح بس عشان الطريق يكون مفتوح قدامه و تحصل الشارع و السيد الي انت فيه مضغوط و باليالله تمشي فيه 80..

وانا مع اخوي همر الي قال "ليس كل من ركب كروزر بلشتي..انما كل البلشتيه يركبون كروزرات "

[R 7 A L]

يجب ان لا نعمم بهذه الطريقة ، كثير من الشباب يستخدمون الكروزر ولكنهم يمشون بشكل محترم ومنظم في الشارع ، وهناك عدد ليس بالقليل ممن ذكرهم صاحب الموضوع وتكون الكروزر عند هالنوع مضبطة بشكل معين من تواير بالون وغيرها من الحركات

همسة : الكروزر افضل سيارة للاستخدام في شوارع قطر ..



كلام مضبوط و موزون و واقعي :victory:

[R 7 A L]

مش "كل اللي" يركبون كروزرات بلشتيه .. انما "كل البلشتيه" يركبون كروزرات.. في فرق ..

وهذا اللي مشوه سمعة السياره..

ومن اشوف موضوع "جرائدي" مثل هذا كاتبه صحفي "فلته" في ساعة تجلي يضربني الحارج..

قال في كل بيت قال .. بيتنا مافيه كروزر اشرايك ؟!! ولا بيت اخوي.. ولا بيت اخوي الثاني .. ولا بيت جيرانا ..

حركات الدعايه الغير مباشره هذي من صوب .. وحسد اهل قطر من صوب .. ترا مفضوحه ..

بس ما يندرا .. يمكن العائد مجزي .. سواء مادي او معنوي..


ملاحظه (( ما اتشرف اشتري كروزر))


الجمس يأدي الغرض :victory:





تهقى دعاية :omg:

[khaldoon]

اكيد انها نظره سطحية بحته للامور لان اللي يركب كروزر فيه منه الصالح و فيه الطالح و المسألة مب مسألة ايش تركب...المسألة هي اخلاق السائق نفسه و احترامه للاخرين و قواعد المرور و السواقه فن و ذوق و اخلاق مب كروزر و الا مب كروزر ....في اصحاب سيارات صغيره جدا جدا يسكرون الشوارع و يعملون زحمة في شارع فاضي و يمشون اقصى اليسار و بسرعات منخفضة جدا و بيجيبولك الضغط و المرض فهل اقدر اقول انه كل اصحاب السيارات الصغيره سيئين و غير محترمين لمن حولهم...طبعا لا

ما تحس انه هجوم على اصحاب الكروزر....عيل باقي اصحاب الفوريل و الصالون و البيكابات و الباصات و الشحانات و التريلات و الموترسيكلات من طبقة الملائكة مثلا وما عليهم شي...يعني الحين انا بعد هالمقال كل ما اشوف كروزر اتعوذ من ابليس و من شر اللي يسوقها

كلام فارغ و نظره بدائيه جدا

المفروض انه كاتب الموضوع يركز على السائقين غير السويين و لا يستشهد بنوع سياراتهم و التعميم خاطىء و ما له معنى...

ملاحظه: انا ما عندي كروزر

[قلبي الطيب]

عموما أصحاب السيارات اللي عليها القيمة يستصغرون أصحاب السيارات العادية لان سياراتهم عزمها أقوى مايعطونا مجال عشان سيارتنا تسرع كأن لهم الاولوية في الطريق
أنا أحاول على قد ماأقدر ماأحتك معاهم أعطيهم طريق وأفتك من شرهم

[R 7 A L]

لازم يمنعون الكروزر لأنه يسبب حوادث

الله المستعان



:omg:

بعد

شبقى بعد البوالين والكروزرات :weeping:

[عزووز قطر]

ووين راحوا أصحاب النيسان القديم :rolleyes2:

بعيداً عن موضوع الكروزر ،،، اللي أشوفه ان شوارعنا أصبحت مثل الغابة ،،،
اللي عنده سيارة صغيرة مثل الكامري والكورولا يطلعون في وجهه من الدوار ويتجاوزونه واللي يديم له واللي يسب ويأشر

وهالحركات تصدر من ناس يمتلكون لاند كروزر والرنج والمرسيدس (( طبعا مب الكل )) على العموم يمكن هالمسكين اللي انت مستقوي عليه وتتجاوزه يمكن يدعي عليك ودعوة المظلوم مستجابة وان ضاع حقه في الدنيا مابيضيع عند الله ...

والسواقة فن وذوق وأخلاق

[R 7 A L]

شوف لكل قاعدة شواذ،، الشواذ من مستخدمي الكروزرات هم الملتزمين
وهذا ما يعني ان اللي ما عنده كروزر ملتزم ،،

بس طبيعة السيارة هذي تفتح لهم المجال انهم يتجاوزون ويركبون ارصفة
ويطلعون على الحصى ويسرعون ويغبرون على خلق الله ،،



كلام جميل

بس في نظرك شنو تقترحين على شان مايكون في تجاوز ؟

يكبرون الارصفه ويحطونها مثل أرصفته الكورنيش
ولا يمنعون الكروزرات ويستبدلونها بالفورويلات الاخرى !

[R 7 A L]

بخصوص اللاندكروزر اعتقد اصبحت ضمن " العادات والتقاليد " في البلد
يعني معظم البيوت تحصل عندها كروزرات اذا مو كروزرات لكزس 570 هههه الناس الي يجونا من برى يستغربون واحد من الجيران والله 6 سيارات كروزر قدام بيته ههههههههههههه

المقصد من المقال والله اعلم طريقة لجذب الانتباه فقط اما هو فيقصد احترام قواعد المرور وليس الكروزر فقط



تعميم غير منطقي

[jeep-srt8]

فئة شباب البوالين هم الي يقصدونهم بالمقال

ذول ولا عمرهم شافوا الاحترام ومايعرفون الاحترام ومزعجين ويرعبون دايم خلق الله طبعاً مانجمع كل الي عندهم كروزرات

مانقول غير الله يهديهم

[R 7 A L]

هو تقريبا الكلام الي هو البقاء للاقوى صح..

و العالم قامت تشوف الناس بمواترها ..

انا شخصيا اذا اطلع في موتري احصل احترام من قبل الي قدامي و موتري مب كروزر ..

بس خلني اطلع في عروه البيت ولى موتر الدرويل..هههههههههههه

والله مافي موتر ما يحترمك..ألي يلف عليك..والي يخليك غصب تفتح بس عشان الطريق يكون مفتوح قدامه و تحصل الشارع و السيد الي انت فيه مضغوط و باليالله تمشي فيه 80..

وانا مع اخوي همر الي قال "ليس كل من ركب كروزر بلشتي..انما كل البلشتيه يركبون كروزرات "




انا مره أستأجرت كامري

راعي المطعم ماعطاني وجه :weeping:

[الـقـاسـي]

هالنظره تبين محدوديه تفكير القائمين على الاداره في المرور , يعني مثال لو لاندكروزر مركب بالون وعليه فلتر ويمكن من المطبات نازل وجه الموتر شوي سيده بيودونه الحجز ,,

اما خل يمر مرسيدس ولا رنج ولا اي موتر من هالمواتر ومركب دباب صوتها ينسمع من كيلو ولاحد يخالفه ولا يقول له شي حتى لو معطي الموتر مثلا عازل بنسبه قويه محد يقول له شي ..

اما اي حركه يسويها راعي الكروزر يخالفونه مب منطق ..

[ام السعف]

كلام جميل

بس في نظرك شنو تقترحين على شان مايكون في تجاوز ؟

يكبرون الارصفه ويحطونها مثل أرصفته الكورنيش
ولا يمنعون الكروزرات ويستبدلونها بالفورويلات الاخرى !

بما اني عنصرية واكره الكروزر اكيد بقول لك يمنعونه
مافي احسن من الشفافية عند الإجابة :shy:

[R 7 A L]

اكيد انها نظره سطحية بحته للامور لان اللي يركب كروزر فيه منه الصالح و فيه الطالح و المسألة مب مسألة ايش تركب...المسألة هي اخلاق السائق نفسه و احترامه للاخرين و قواعد المرور و السواقه فن و ذوق و اخلاق مب كروزر و الا مب كروزر ....في اصحاب سيارات صغيره جدا جدا يسكرون الشوارع و يعملون زحمة في شارع فاضي و يمشون اقصى اليسار و بسرعات منخفضة جدا و بيجيبولك الضغط و المرض فهل اقدر اقول انه كل اصحاب السيارات الصغيره سيئين و غير محترمين لمن حولهم...طبعا لا

ما تحس انه هجوم على اصحاب الكروزر....عيل باقي اصحاب الفوريل و الصالون و البيكابات و الباصات و الشحانات و التريلات و الموترسيكلات من طبقة الملائكة مثلا وما عليهم شي...يعني الحين انا بعد هالمقال كل ما اشوف كروزر اتعوذ من ابليس و من شر اللي يسوقها

كلام فارغ و نظره بدائيه جدا

المفروض انه كاتب الموضوع يركز على السائقين غير السويين و لا يستشهد بنوع سياراتهم و التعميم خاطىء و ما له معنى...

ملاحظه: انا ما عندي كروزر




سطحية لأبعد الحدود
،
تصدق بالله أن هالنوعيه الى ماسكين يسار ويمشون شوي شوي ( الغشم ) هم السبب الرئيسي في تهور الشباب وتخليهم يسرعون بعد مايعانون من برود دوم هالغشيم :anger1:


،


هجوم قاسي
ولو سمحت لو شفتني مار قدامك لاتعوذ من أبليس :tease:


،


لأثبات صحه ملاحظتك صور أستمارة سيارتك ونزلها للاثبات فقط ان ماعندك كروزر :tease:

[R 7 A L]

عموما أصحاب السيارات اللي عليها القيمة يستصغرون أصحاب السيارات العادية لان سياراتهم عزمها أقوى مايعطونا مجال عشان سيارتنا تسرع كأن لهم الاولوية في الطريق
أنا أحاول على قد ماأقدر ماأحتك معاهم أعطيهم طريق وأفتك من شرهم

بعض السيارات الصغيرة
عزمها وسرعتها وقيمتها تفوق الكروزر بكثير

[R 7 A L]

ووين راحوا أصحاب النيسان القديم :rolleyes2:

بعيداً عن موضوع الكروزر ،،، اللي أشوفه ان شوارعنا أصبحت مثل الغابة ،،،
اللي عنده سيارة صغيرة مثل الكامري والكورولا يطلعون في وجهه من الدوار ويتجاوزونه واللي يديم له واللي يسب ويأشر

وهالحركات تصدر من ناس يمتلكون لاند كروزر والرنج والمرسيدس (( طبعا مب الكل )) على العموم يمكن هالمسكين اللي انت مستقوي عليه وتتجاوزه يمكن يدعي عليك ودعوة المظلوم مستجابة وان ضاع حقه في الدنيا مابيضيع عند الله ...

والسواقة فن وذوق وأخلاق



تقول لي :(

حسيت أني منبوذ بعد هالموضوع :weeping:

[الكبير الله]

اخر مساوء الكروزرات انه تم منع البالون بسبتهم وخربوا على الناس التكانه اللي عندهم جموووس

[R 7 A L]

فئة شباب البوالين هم الي يقصدونهم بالمقال

ذول ولا عمرهم شافوا الاحترام ومايعرفون الاحترام ومزعجين ويرعبون دايم خلق الله طبعاً مانجمع كل الي عندهم كروزرات

مانقول غير الله يهديهم



فئه شلة البوالين
ماقصروا فيهم
أسوء أسبوع مر عليهم :weeping:


بس التعميم مرفوض
يعني أشتري كرولا على شان يرضون علي الناس :anger1:

[الزلزال]

لكروزر فارض نفسه بقوه

[جرح الزمان]

طاح سوقك يا الكروزر

الناس الحين بتحول لسيارات غير مشبوهه :p

[R 7 A L]

هالنظره تبين محدوديه تفكير القائمين على الاداره في المرور , يعني مثال لو لاندكروزر مركب بالون وعليه فلتر ويمكن من المطبات نازل وجه الموتر شوي سيده بيودونه الحجز ,,

اما خل يمر مرسيدس ولا رنج ولا اي موتر من هالمواتر ومركب دباب صوتها ينسمع من كيلو ولاحد يخالفه ولا يقول له شي حتى لو معطي الموتر مثلا عازل بنسبه قويه محد يقول له شي ..

اما اي حركه يسويها راعي الكروزر يخالفونه مب منطق ..



تصدق حسيت الى كاتب الموضوع
قاعد في غرفة مساحتها 2X2




،


لا المرسدس والرنج
يقولون صوتها حلو ويطرب :anger1:

[تاجر كشخة]

كبييييييييييييييييييييييييييير يا كروزر يا معذبهم يا مطلع عينهم ارحمناااااا

[R 7 A L]

بما اني عنصرية واكره الكروزر اكيد بقول لك يمنعونه
مافي احسن من الشفافية عند الإجابة :shy:



أكيد من شله النياسين مكينه فتك :tease:

[R 7 A L]

اخر مساوء الكروزرات انه تم منع البالون بسبتهم وخربوا على الناس التكانه اللي عندهم جموووس



تهقى ان الكروزر هو المتسبب

[qaa]

سبحان الله الكتاب من زود السخافة اللي فيهم هذي مواضيعهم !!!!

الشرها على رئيس التحرير اللي سمح بنزول مثل هالمواضيع البايخه , صاروا يقيمون اخلاقنا على

نوع سياراتنا !!!

[ام السعف]

بعض السيارات الصغيرة
عزمها وسرعتها وقيمتها تفوق الكروزر بكثير

تدري،، مالي في عالم السيارات ،، بس بحكم اني كنت اصيغ واكتب لأحد الاصدقاء
بعض ردوده ومشاركاته في موقع للسيارات
فكنت اضطر اني افهم اللي اكتبه حتى لو هو اللي بينقلني ،،

فكنت ادخل الموقع اللي يدخله ،، واشوف تقارير عملية عن الكروزر
واشلون سيارة مخصصة لأمور معينة ويتم تلغيمها علشان تصير نفس السيارات
السريعة ،، وقريت حقائق غريبة وعجيبة عن قوة المكينة وغيره وغيره ،،

من يومها حملت على عاتقي كره هالسيارة ،، لأن العالم في تطور واحنا
انمجد اذواقنا للأسف ،،
وعيالي واحد من نفسه راح بعيد عن الكروزر ، والثاني قلت له تعال
شوف هالموقع وشوف فلان اللي يلعب ويانا مشارك فيه وشوف رايه
وشوف واحكم بنفسك ،،
البعض علشان يصير قطري وتتوافق سيارته مع اللون العنابي
لازم ياخذ له كروزر ......> هي ثقافة فكرية لا اكثر ولا اقل ،،

ولا شتسمي اللي يدفعون 300 الف حق سيارة تمشي على الشارع
وهي مخصصة اصلا للبرور ؟

[مرتبش]

في فئة مظلومة من اصحاب الكروزر
لدرجة ان بعضهم مايعرف يشغل الدبل.. بس يبي السيارة تكفيه المشاوير العائلية وبعض الاحيان طلعات بحر على بر وماننسى الحسا ..مالنا غنى عنها

[هبوب الكوس]

من سقت وانا على الكروزر

يعني صرت مثل السمكه ان طلعتها من البحر تموت :(

مره شريت سياره صالون قلت بغير عاد خذ ارصفه ومطبات اخذها سيده :rolleyes2:

بعتها خلال شهر

وسالفة التجاوزات والتلفلف على الناس مب لنا هذي فيئه انقول عنهم جهال

[عـ العبيدلي]

مافي تعميم فالموضوع ..

الي بيقرى الموضوع عدل بيقرى مليون مره كلمة (بعض) .. وكلمة بعض لا تخص التعميم اله لو انا ما افهم عدل ..
كل من جه وقالي تعميم !! .. شدخل مادري

البعض يقرى الموضوع ويفهمه بالطريقه الي يبيها .. ويفسر مثل ما يبي .. وهو اصلا ما فهم الموضوع عدل
هدف المقال شي والتعلقيات شي ثاني ..

فاتمنى الي يبي ينقد نقد (بناء) يقرى الموضوع ويفهمه عدل قبل ما يتكلم على كاتب الموضوع او شي ..

* ملاحظه مب انا الي كاتب الموضوع بس كلام الحق ينقال ..

ويعطيك العافيه اخوي رحال على طرحك الموضوع .. الي اجوفه طبيعي وفيه وكاتب الموضوع بين وجهة نظره حق الي بيفهم المغرى والهدف من الموضوع ..


إذا جينا للمنطق ماراح يكون هناك من منطق في تعميم الأمر على طراز سيارة معينة
لكن لو جينا ع الواقع نعم في تجاوزات من بعض أصحاب هذه المواتر ويمكن لانهم أكثر نوع سيارة
منتشره عندنا في الدوحة فيصير التعميم سهل

ملاحظة جانبية : صادني أمس موقف مع سيارة لاند كروزر ساد الطريق عند احد المطاعم ولا راضي يتحرك اللي في الموتر على الهرنات اللي هرناها لين ما اضطريت اتصل بالشرطة واخرتها اكتشفت انه في سائق في الموتر وماحرك الا عقب ما صار طابور سيارات وهرنات جماعية...
يعطيج العافيه على الرد الطيب .. بصراحه كلام عدل مليون بالميه


في فئة مظلومة من اصحاب الكروزر
لدرجة ان بعضهم مايعرف يشغل الدبل.. بس يبي السيارة تكفيه المشاوير العائلية وبعض الاحيان طلعات بحر على بر وماننسى الحسا ..مالنا غنى عنها
صحيح .. عدل كلامك والموضوع كان عن الفئة الثانيه .. اشكرك على ردودك دايما تكون عقلانيه ..

[OREO]

لست في اليابان ولا تقف أمام وكالة تويوتا حين تلاحظ العدد الكبير من سيارات اللاندكروزر، أنت فقط تقف في أحد شوارع الدوحة. حيث تُفضل الغالبية اقتناء هذه السيارة على أي سيارة أخرى. ويكاد يكون من النادر أن تجد بيتا قطريا يخلو من هذه السيارة بل قد تجد أكثر من سيارة لاندكروزر تقف أمام المنزل. فقد استقطبت جميع فئات المجتمع القطري من الرجال والنساء والكبار والصغار واصبح من احلام الطفل القطري حين يكبر ان يقتني سيارة لاند كروزر، وهناك اسباب لرغبة الناس في اقتناء هذه السيارة فإن لطبيعة الدولة ومناخها الصحرواي وطرقها الوعرة الفضل في إقبال الغالبية على هذا النوع من السيارات. حتى أنه بات من العادي أن ترى الفتيات أيضاً يقتنين هذه السيارة لما توفره لهم من أريحيه أثناء القيادة ولكن هل هذا هو السبب الرئيسي في رغبة الناس في قيادة اللاند كروزر؟
على الرغم من استخدام البعض لها للسير عبر الطرق البرية الوعرة أو للمرور فوق بعض الشوارع شبه المتهالكة؛ إلا أن البعض بات يتخطى حدود الضرورة إلى حد التجاوزات التي تضايق مستخدمي الشارع من سيارات ومشاة حيث اصبح البقاء للاقوى والاقوى في شوارع الدوحه تكون سيارة اللاند كروزر، فهناك البعض من اصحابها من بات يفهم السيارة بطريقة خاطئة، حيث تكون هذه الفئة من الشباب الطائش الذي يظن انه بامتلاكه هذه السيارة يجب على الكل ان يحترمه ويخاف منه وهو يجب ان يمشي بطرق مفروشة بالورود "ومحد يوقف جدامه" يسرع، يتجاوز، يزعج، يتسبب في حوادث، وفي نهاية الامر يقول "افف محد يعرف يسوق في الدوحة" اتمنى انه يراجع نفسه ويشوف من اللي ما يعرف يسوق.
تلك السلوكيات جعلت هذه السيارة محط أنظار رجال شرطة المرور في السنوات الاخيرة على حد قول مستخدميها أنفسهم، وعكست مظهراً مختلفاً عن الهدف وراء اقتنائها.ليكثر النقد حولها حتى بات البعض يرى أن مقتنيها من الشباب ليسوا سوى متسابقين على الطرق العامة ولايحترمون قانون المرور والقيادة بطريقة جنونية على الشوارع العادية ومخالفة قوانين المرور من تسابق وقطع إشارة المرور والركوب على الأرصفة بغرض التجازو ومضايقة الآخرين خصيصا لرواد سيارات الصالون جعل البعض يطالب بضرورة احترام الشارع، وأن تكون لدى السائقين ثقافة مرورية عالية تلزمهم باحترم قانون المرور بدلاً من فرض سياسة "البقاء للأقوى"، فالأفضليه ليست لأمثال هؤلاء فالشوارع لم تخصص لفئه وليست ملكاً لأحد كما يعتقدون بل هي ملك عام يجب احترام كل من ينتفع به. ولا يقتصر الجهل بالثقافة المرورية على تلك الفئة فقط "أصحاب سيارات اللاندكروزر" إلا أن الجهل بالثقافة المرورية للأسف يمتد إلى بقية مقتني السيارات الأخرى أيضاً والذي يعد أحد أكبر أسباب الحوادث المرورية. لذلك أصبح من الضروري المطالبة بجديه بأن تكون هناك ثقافة مرورية رادعه لتلك السلوكيات غير المقبولة حفاظاً على أروح مرتادي الشارع. وذلك كله يتطلب جهودا جبارة ليس فقط من إدارة المرور بل من قِبل جميع مؤسسات الدولة تشمل المؤسسات التعليميه والإعلامية والصحية لخلق ثقافة جديدة وهي " القانون فوق الجميع" وأن القيادة فن يتقنه من يحترم قوانين الشارع حفاظاً على الأرواح ويستخدمه وسيلة للوصول للهدف، فالشارع لم يوجد من أجل خرق القوانين وإثبات الذات بالقوة ولفت الأنظار ولا ليكون حلبة سباق لهواة القيادة السريعة.



جريدة الشرق
2012.3.27




شرايكم في نظريه جريدة الشرق عن أصحاب الكروزرات بالذات ؟



شرايكم في قيمه الموضوع هل هو هادف ؟

ما الوم الكاتب بعنصريته لاهل قطر ،، اللوم في المقام الاول على وزارة الداخليه ( ادارة المرور ) على التسيب الحاصل و هذا اذا فعلا كلام الكاتب كان صحيح ،، لان للاسف ما توجد دوريات في الشوارع و هذا لا يختلف عليه اثنين ،،

اما اذا طلع كلام الكاتب غير صحيح و التجاوزات تطلع من جميع انواع السيارات ،، فعلى وزارة الداخليه تاخذ الاجراء و تحاسب جريدة الشرق و الكاتب ،، لان اساءوا لاهل قطر جميعاً و بدون استثناء و بمن فيهم رموز الدولة ،،

[واحد في حاله]

انا مع منع الاندكروزر من الدوحه سيارة ما فيها امان ولا وكيلها يقدم خدمات عدله

لاتستغرب بكره المرور يمنعون الكروزر لانه يسبب الحوادث وغير مطابق للمواصفات والمقاييس
ويحطون مخالفه لاصحاب الكروزر ويعطونهم مهله للتخلص منه :secret:

[واحد في حاله]

وبخصوص الموضوع ،، اذكر كنت في كورس سيفتي وكان المحاضر اجنبي ،، يقولنا باستغراب " تصدقون اني مره شفت واحد راكب كروزر وماسك الجريده ويقرى واهو يسوق !!؟ .. طبعآ تعرفون من اصحاب الكروزر " ،،

[OREO]

مافي تعميم فالموضوع ..

الي بيقرى الموضوع عدل بيقرى مليون مره كلمة (بعض) .. وكلمة بعض لا تخص التعميم اله لو انا ما افهم عدل ..
كل من جه وقالي تعميم !! .. شدخل مادري

البعض يقرى الموضوع ويفهمه بالطريقه الي يبيها .. ويفسر مثل ما يبي .. وهو اصلا ما فهم الموضوع عدل
هدف المقال شي والتعلقيات شي ثاني ..

فاتمنى الي يبي ينقد نقد (بناء) يقرى الموضوع ويفهمه عدل قبل ما يتكلم على كاتب الموضوع او شي ..

* ملاحظه مب انا الي كاتب الموضوع بس كلام الحق ينقال ..

ويعطيك العافيه اخوي رحال على طرحك الموضوع .. الي اجوفه طبيعي وفيه وكاتب الموضوع بين وجهة نظره حق الي بيفهم المغرى والهدف من الموضوع ..


يعطيج العافيه على الرد الطيب .. بصراحه كلام عدل مليون بالميه


صحيح .. عدل كلامك والموضوع كان عن الفئة الثانيه .. اشكرك على ردودك دايما تكون عقلانيه ..

الكاتب خص بعض سائقي الكروزرات فقط ،، كلامك صحيح ،، لكن من الغير معقول فقط المخالفين من اهل قطر ( اصحااب بعض الكروزرات ) ،، لماذا لم يتم التطرق لبعض سيارات الباجيروا / الشيروكي / الولز / الخ ؟؟

يخرب بيت العنصريه اللي في الكاتب ،، يا ولد العبيدلي ،، القطريين مهب مغفلين و نعرف نقرا و نكتب مثل الشاميين ترا ،، لا يغرك سكوت القطري ،، اهل قطر فيهم طيبه غير طبيعيه و انت عارف هالشي اما يتم استغفال الراي العام لاجل حقارة البعض فهذا اللي ما نرضاه ،،

روح شوف اصحاب الباجيروهات و الشروكيات اللي يشقحون الارصفه و يسكرون الشوارع سواء في النصر و السد و صوب البندر سابقا ،، ياخي حدث العاقل بما يعقل ،،

لكن في الاخير ما الوم الكاتب لانه يبي يعيش على حساب المواطن ،،

[faisalqatar]

والله انا اايد كلام كاتب الموضوع بأن اغلب سائقين الفورويل بشكل عام عبالهم ان الشارع ملك لهم و يداعس و يلصق في العالم و يحرق الديم و حالة .. طبعا مب الكل

و بالمناسبة انا قريت كذا موضوع في احب المنتديات الانجليزيه القطرية واللي فيها يمكن 80% من الاجانب في قطر وكلهم يتكلمون عن نفس الموضوع

[jeep-srt8]

فئه شلة البوالين
ماقصروا فيهم
أسوء أسبوع مر عليهم :weeping:


بس التعميم مرفوض
يعني أشتري كرولا على شان يرضون علي الناس :anger1:


ههههههههه
لا اخوي بس بسواقتك تجبر الاخرين على احترامك

بس في هالفترة قاعد امر بظروف وراكب موتر قديم ومعفن قبل كان عندي مكسيما بس بهالموتر الجديد باااااااال كل الناس تبي تاكلني وكله يبي يلبسني الرصيف وحاااااله والله

[حسن الاحمد]

كل اللي تتكلم عنهم الجريدة اعمارهم تحت 25
ومفروض العنوان يكون وبعدين معاك يالبزر اللي راكب كروزر

مرة كنت واقف على اشارات الوعب ولاني اشرت بالضو للسيارة اللي جدامي علشان يسرع قبل لاتسكر الاشارة راح وقف فجاة وحجزني وراه حتى سكرت الاشارة بس طلع ولحق عالاشارة وتركني
لما لحقته عالاشارة الثانية طلع بزر عمره مايتعدى 22

[دنيا الاسهم]

انا اشوف جريدة الشرق واجد متحاملة على القطريين لانها تدري ان الغالبية من اهل قطر هم مستخدمي هذا النوع من السيارات لذلك لا استغرب ان يصدر منهم هذا الراي
وكذلك اشوف ان جريدة الشرق ماعندهم مواضيع تجذب الناس وافلست لذلك افترت على القطريين
مالت على جريدة الشرق واللي يسوقون اللاندكروزز تاج على روسهم

[خليفـة]

يعطيك العافية اخوي رحال
:nice:
وللأمانة :
الكروزر .. ليست مجرد مركبة
:)

خليفــة

[مابدل العادات]

للأسف انه تفكير كاتب المقال في جريده الشرق نفس تفكير الكثير من الأجانب عندنا

والي اساسا هم الي تكونت عندهم هاي الفكره وقامو يشترون الكروزر لهاي الغرض

انا ماقول انه كل القطريين ملتزمين ولاكن الأكثر ملتزمين وشوفو حواليكم في الشوارع وركزو وبتشوفون من هو الي موب ملتزم

[أسد الجزيرة]

الظاهر المرور بيمنعون الكروزر مثل ما امنعوا البوالين

[نتفـه]

للاسف الكلام على الاغلب صحيح .. اللي يسوق لاند كروزر يحسسني انه يسوق بنتلي والا رولز رويس!!! وكله ما يبون حد جدامهم !! وكله مسرعين ولايعه جبودهم من الاوادم !!! لوعوا جبدنا بحركاتهم اللي ما تخلص .. مادري شسالفتهم ذيلا على الناس ؟؟؟؟ يا دافع البلا ,,

[Arab!an]

المشكلة ليست في الكروزر .. المشكلة في القطري (وطبعا كل اهل قطر عندهم كروزرات)

ماهي المشكلة في القطري ؟

هناك ما يعرف بالقانون .. الشكل الحدّي الذي لا تفاصيل فيه ولا انحناءات او تقوسات
وهناك ما يعرف بروح القانون .. تطبيق الهدف من القانون بدون الالتزام دائما بنص القانون

المشكلة في الاجانب عادة انهم متزمتين جدا بالالتزام بالقانون (اذا عرفوه طبعا) والمشكلة في القطريين انهم متساهلين في التطبيق الجامد و متوسعين جدا في الاخذ بالمسموح ولو كان هذا المسموح للوازم ضرورية

مثلا .. (شكلي برسم بالرسام) =)


http://desmond.imageshack.us/Himg692/scaled.php?server=692&filename=12177766.jpg&res=medium

في هذه الحالة الحبيب رقم واحد سد الطريق على اللي يبي يروح يمين 3.. بس ملتزم في مساره والاشارة حمرا ما يقدر يتحرك وما يقدر يلصق في السيارة اللي على يساره رقم 2

http://desmond.imageshack.us/Himg600/scaled.php?server=600&filename=13261738.jpg&res=medium

في حالة لو كان القطري هو رقم 1 .. بيفتح الطريق حق اللي وراه بس بيضيق على اللي يساره ويمكن يقعد يتحرك شوي قدام و شوي يسار ويلف ويلصق

ايضا مثال اخر وانا هنا اتكلم عن معظم القطريين وليس الجميع ..

لو الاشارة صارت خضرا بس في زحمة في الشارع اللي بعد الاشارة والزحمة واصلة لين الاشارة .. يعني لو انضافت لهم سيارة ثانية بيسكرون الاشارة

القطري او معظمهم ماراح يحرك حتى لو صارت الاشارة خضرا لأنه بيسد الاشارة وبتصير ربكة ويمكن يصير حادث .. فينتظر لين تخف الزحمة اللي قدامه وعقب بيحرك ولو صارت الاشارة حمرا قبل لا تخف الزحمة لا حول ولا قوة

الاجنبي يلتزم بالقانون بجمود .. وهذا حقي وما علي من غيري بيروح وبيوقف بنص الاشارة وعادي ما عنده مشكلة

القطري في حالة اخرى لو صارت الاشارة صفرا (برتقالية) وقربت تصير حمرا وهو جاي مسرع بيحسبها صح في غالب الاحيان وبيلحق حتى لو صارت حمرا بثانية وحده .. عادي اهم شي ما يدق بريك قوي ويمكن يتسبب في حادث ..

الاجانب لا .. من تصير صفرا او يصير النور اخضر متقطع بيوقف حتى لو انت وراه ومسرع .. خلاص راحت عليك بيدق بريك

ما نقدر نقول صح و خطأ.. كلهم في جانب من الخطأ و من الصحة بس في قلة يلتزمون بالاثنين ..

اعتقد ان طريقة الاثنين لها اسبابها ..

القطري تعود ومنذ نعومة اظفاره على ان السيارة فائدة + متعة وفي قيادتها نوع من الانطلاق و عدم الحذر .. بالاضافة الى الثقافة العامة في التعامل مع القانون .. يعني نقدر نكلم الضابط نقدر نشرح اسبابنا نقدر نحصل حد من ربعنا في المرور .. فصار في نوع من المرونة تجاه القانون

الاجنبي السيارة بالنسبة له حاجة + مسؤولية .. فيتعامل معها ومع القانون بحذر شديد مبالغ فيه . بما انه اجنبي فالقانون القطري بالنسبة له مافيه تهاون ويمكن يجيه ضرر من وراء خرق القانون

الحريم قصة اخرى .. مشابهين للأجانب وليس لديهم نفس اسباب الاجانب .. اسبابهم تختلف شوي

اعتقد من ناحية سيكولوجية =) التردد و الخوف فيهم صفة اصيلة ما نقدر نغيرها

[الخزرجي قطر]

التعميم في هذا الموضوع خطا يمكن كثرة مستخدمي هذا النوع من السيارات
وتقاس على اساس نسبه وتناسب ؟يعني الي مب راكب كروزر ماله تجاوزات واخطأ

[hamad almohd]

للاسف الكلام على الاغلب صحيح .. اللي يسوق لاند كروزر يحسسني انه يسوق بنتلي والا رولز رويس!!! وكله ما يبون حد جدامهم !! وكله مسرعين ولايعه جبودهم من الاوادم !!! لوعوا جبدنا بحركاتهم اللي ما تخلص .. مادري شسالفتهم ذيلا على الناس ؟؟؟؟ يا دافع البلا ,,

هههههههههه والله صادق ياخوي اشاركك الراي تصدق مره كان قدامي vxr واكبسله ابيه يفتحلي ولا يفتح ويدعس ويدعس ماخله شي مانثره على موتري وانا موتري ام ال 63 لكن قلت ذيه ماينفعله الا يشوف غبرة الموتر واتجاوزه من اليمين ورويته سنع الله عشان مرا ثانيه مايمزح معا الأكبر منه معا احترامي لأصحاب الكروزرات المشكله في فئة من الناس تخرب سمعت اصحاب الكروزرات

[غايه الطواش]

الصراحه يوم اسوق الكروزر اصير مثل الي يقصدهم الكاتب بس لما اسوق سياره ثانيه اكون في قمه الذوق :)
يعني عادي اشقح صيف وانا فالكروزر وخاصه في المنطقه الي فيها فندق دبليو ..الصراحه لفه شكبرها عشان ادخل الفندق اركب الرصيف واشقح وخلاص ....

[الصغيره]

والله انه اراد ان يهلكني انا وامي باحد شوارع الدوحه سواقه رعناء لو ماستر الله واستوداعي نفسي واهلي وبيتي لكان جاب خبرنا بتهوره مالحقت من سرعته اخذ رقم السياره :(

[بوحمد111]

قالوا شنهو قالوا لاند كروزر

اعوذ بالله منهم ومن تصنيعهم الفاشل وانا من القلة القليله الي ما امتلك لاند كروزر ولا حتى اي سيارة يابانيه وحطيت عليهم اكبر x في العالم وافضل اسوق فيات ولا اسوق كروزر والحمد لله بديت اقنع ولدي بعد ما يكبر لا يلتفت على الكروزر ولا على السيارات اليابانيه والسبب ردائه التصنيع

الماني او امريكي وبس

تحياتي

[R 7 A L]

لكروزر فارض نفسه بقوه

الزين يفرض نفسه :victory:


طاح سوقك يا الكروزر

الناس الحين بتحول لسيارات غير مشبوهه :p

تدري لو في الدول المتقدمه كان شركة أو وكيل تويوتا رفع قضيه على صاحب الموضوع :secret:


كبييييييييييييييييييييييييييير يا كروزر يا معذبهم يا مطلع عينهم ارحمناااااا


:tease:

[R 7 A L]

سبحان الله الكتاب من زود السخافة اللي فيهم هذي مواضيعهم !!!!

الشرها على رئيس التحرير اللي سمح بنزول مثل هالمواضيع البايخه , صاروا يقيمون اخلاقنا على

نوع سياراتنا !!!

ياليت التقييم شي طيب أو ايجابي

كله سلبي :(




تدري،، مالي في عالم السيارات ،، بس بحكم اني كنت اصيغ واكتب لأحد الاصدقاء
بعض ردوده ومشاركاته في موقع للسيارات
فكنت اضطر اني افهم اللي اكتبه حتى لو هو اللي بينقلني ،،

فكنت ادخل الموقع اللي يدخله ،، واشوف تقارير عملية عن الكروزر
واشلون سيارة مخصصة لأمور معينة ويتم تلغيمها علشان تصير نفس السيارات
السريعة ،، وقريت حقائق غريبة وعجيبة عن قوة المكينة وغيره وغيره ،،

من يومها حملت على عاتقي كره هالسيارة ،، لأن العالم في تطور واحنا
انمجد اذواقنا للأسف ،،
وعيالي واحد من نفسه راح بعيد عن الكروزر ، والثاني قلت له تعال
شوف هالموقع وشوف فلان اللي يلعب ويانا مشارك فيه وشوف رايه
وشوف واحكم بنفسك ،،
البعض علشان يصير قطري وتتوافق سيارته مع اللون العنابي
لازم ياخذ له كروزر ......> هي ثقافة فكرية لا اكثر ولا اقل ،،

ولا شتسمي اللي يدفعون 300 الف حق سيارة تمشي على الشارع
وهي مخصصة اصلا للبرور ؟


ليش تكفيرك كذا:rolleyes2:


في فئة مظلومة من اصحاب الكروزر
لدرجة ان بعضهم مايعرف يشغل الدبل.. بس يبي السيارة تكفيه المشاوير العائلية وبعض الاحيان طلعات بحر على بر وماننسى الحسا ..مالنا غنى عنها


:nice:



من سقت وانا على الكروزر

يعني صرت مثل السمكه ان طلعتها من البحر تموت :(

مره شريت سياره صالون قلت بغير عاد خذ ارصفه ومطبات اخذها سيده :rolleyes2:

بعتها خلال شهر

وسالفة التجاوزات والتلفلف على الناس مب لنا هذي فيئه انقول عنهم جهال

كلام صحيح
التعميم مرفوض


مافي تعميم فالموضوع ..

الي بيقرى الموضوع عدل بيقرى مليون مره كلمة (بعض) .. وكلمة بعض لا تخص التعميم اله لو انا ما افهم عدل ..
كل من جه وقالي تعميم !! .. شدخل مادري

البعض يقرى الموضوع ويفهمه بالطريقه الي يبيها .. ويفسر مثل ما يبي .. وهو اصلا ما فهم الموضوع عدل
هدف المقال شي والتعلقيات شي ثاني ..

فاتمنى الي يبي ينقد نقد (بناء) يقرى الموضوع ويفهمه عدل قبل ما يتكلم على كاتب الموضوع او شي ..

* ملاحظه مب انا الي كاتب الموضوع بس كلام الحق ينقال ..

ويعطيك العافيه اخوي رحال على طرحك الموضوع .. الي اجوفه طبيعي وفيه وكاتب الموضوع بين وجهة نظره حق الي بيفهم المغرى والهدف من الموضوع ..


يعطيج العافيه على الرد الطيب .. بصراحه كلام عدل مليون بالميه


صحيح .. عدل كلامك والموضوع كان عن الفئة الثانيه .. اشكرك على ردودك دايما تكون عقلانيه ..

مرحباً بك


ما الوم الكاتب بعنصريته لاهل قطر ،، اللوم في المقام الاول على وزارة الداخليه ( ادارة المرور ) على التسيب الحاصل و هذا اذا فعلا كلام الكاتب كان صحيح ،، لان للاسف ما توجد دوريات في الشوارع و هذا لا يختلف عليه اثنين ،،

اما اذا طلع كلام الكاتب غير صحيح و التجاوزات تطلع من جميع انواع السيارات ،، فعلى وزارة الداخليه تاخذ الاجراء و تحاسب جريدة الشرق و الكاتب ،، لان اساءوا لاهل قطر جميعاً و بدون استثناء و بمن فيهم رموز الدولة ،،


:telephone:




لاتستغرب بكره المرور يمنعون الكروزر لانه يسبب الحوادث وغير مطابق للمواصفات والمقاييس
ويحطون مخالفه لاصحاب الكروزر ويعطونهم مهله للتخلص منه :secret:


:secret:


وبخصوص الموضوع ،، اذكر كنت في كورس سيفتي وكان المحاضر اجنبي ،، يقولنا باستغراب " تصدقون اني مره شفت واحد راكب كروزر وماسك الجريده ويقرى واهو يسوق !!؟ .. طبعآ تعرفون من اصحاب الكروزر " ،،


:secret:
من يقصد ؟



الكاتب خص بعض سائقي الكروزرات فقط ،، كلامك صحيح ،، لكن من الغير معقول فقط المخالفين من اهل قطر ( اصحااب بعض الكروزرات ) ،، لماذا لم يتم التطرق لبعض سيارات الباجيروا / الشيروكي / الولز / الخ ؟؟

يخرب بيت العنصريه اللي في الكاتب ،، يا ولد العبيدلي ،، القطريين مهب مغفلين و نعرف نقرا و نكتب مثل الشاميين ترا ،، لا يغرك سكوت القطري ،، اهل قطر فيهم طيبه غير طبيعيه و انت عارف هالشي اما يتم استغفال الراي العام لاجل حقارة البعض فهذا اللي ما نرضاه ،،

روح شوف اصحاب الباجيروهات و الشروكيات اللي يشقحون الارصفه و يسكرون الشوارع سواء في النصر و السد و صوب البندر سابقا ،، ياخي حدث العاقل بما يعقل ،،

لكن في الاخير ما الوم الكاتب لانه يبي يعيش على حساب المواطن ،،

أهل الباجيروا / الشيروكي / الولز
مايلبسون غتره وعقال


والله انا اايد كلام كاتب الموضوع بأن اغلب سائقين الفورويل بشكل عام عبالهم ان الشارع ملك لهم و يداعس و يلصق في العالم و يحرق الديم و حالة .. طبعا مب الكل

و بالمناسبة انا قريت كذا موضوع في احب المنتديات الانجليزيه القطرية واللي فيها يمكن 80% من الاجانب في قطر وكلهم يتكلمون عن نفس الموضوع


هذا بلاء بوك ياعقاب

[king fish]

هو تقريبا الكلام الي هو البقاء للاقوى صح..

و العالم قامت تشوف الناس بمواترها ..

انا شخصيا اذا اطلع في موتري احصل احترام من قبل الي قدامي و موتري مب كروزر ..

بس خلني اطلع في عروه البيت ولى موتر الدرويل..هههههههههههه

والله مافي موتر ما يحترمك..ألي يلف عليك..والي يخليك غصب تفتح بس عشان الطريق يكون مفتوح قدامه و تحصل الشارع و السيد الي انت فيه مضغوط و باليالله تمشي فيه 80..

وانا مع اخوي همر الي قال "ليس كل من ركب كروزر بلشتي..انما كل البلشتيه يركبون كروزرات "


وانا اقوووووووووووووووول الناس الراقيه حولت على البورش او الرنج اوالجمس وتمت فئه على الكروزرات الي تقول عنهم بلش !!
وبعدين
ما معنى بلشتي؟؟ تعرف المنتدى يدخله جنسيات مختلفه البناني ولا المصري كيف راح يعرف كلمه بلشتي يمكن يقول هاي مشلتت

[نجدي قطري]

في فئة مظلومة من اصحاب الكروزر
لدرجة ان بعضهم مايعرف يشغل الدبل.. بس يبي السيارة تكفيه المشاوير العائلية وبعض الاحيان طلعات بحر على بر وماننسى الحسا ..مالنا غنى عنها

وآنا أقول أنا الوحيد اللي هالشكل. :nice:

[Mohammad ALG]

تعبوني الصراحة مش كلهم طبعا

[وحيد-الشوق]

افشل سيارة واخس بريك

وصلت 300 الف والقطريين يشترون !!!!!!!!

[jaf111]

اكثر سيارات تنقلب ويحصل لها حوادث وقدر الله وماشاء فعل

والسبب : ان البعض يحسب نفسة راكب فراري مب كروزر بيروح يشرب كرك ولا بيروح الدوام كله واحد عنده بيسرع
عكس الناس اللي يعرفون شلون يسوقون هالمواتر
أنا اشوف اللي مب مستعجل لشي ضروري وطارئ انه مايتجاوز 120

ولا الكروزر أفضل سيارة حق لمنطقة الخليج وبلامنازع

[jaf111]

بعدين لاتمنظرون فالمواتر ، المواتر حدايد لاتودي ولاتجيب ، اهم شي راحة السايق لها ، لو كانت بيكب غمارة ، او غيرها من السيارات

[OREO]

الكروزر وسيلة و ليست غاية ،،

[رجل الجزيرة]

انا أعتقد والله أعلم
أن صاحب هالنظريه أو هذا الموضوع

يقصد أهل قطر بأنهم كلهم مايحترمون قواعد المرور
ومتفرعنين
ويخطون على الناس.

حبيبنا رحال:
راعي المقال قال:

بعض الصغار وبعض البنات والبعض الآخر هو:
إلا أن البعض بات يتخطى حدود الضرورة إلى حد التجاوزات التي تضايق مستخدمي الشارع من سيارات ومشاة حيث اصبح البقاء للاقوى والاقوى في شوارع الدوحه تكون سيارة اللاند كروزر، فهناك البعض من اصحابها من بات يفهم السيارة بطريقة خاطئة، حيث تكون هذه الفئة من الشباب الطائش الذي يظن انه بامتلاكه هذه السيارة يجب على الكل ان يحترمه ويخاف منه وهو يجب ان يمشي بطرق مفروشة بالورود "ومحد يوقف جدامه" يسرع، يتجاوز، يزعج، يتسبب في حوادث، وفي نهاية الامر يقول "افف محد يعرف يسوق في الدوحة" اتمنى انه يراجع نفسه ويشوف من اللي ما يعرف يسوق.

وهذا هو قصد راعي المقال.

فهو خص ولا عم.

[رجل الجزيرة]

طاح سوقك يا الكروزر

الناس الحين بتحول لسيارات غير مشبوهه :p

الحين وقت الجماسي.

[vxr]

انا أشوف ان الموضوع عنصري من الدرجة الاولى
وصاحب الموضوع عنصري جداً
واغلب الاعضاء عنصريين

والسبب ان. الطيش والتهور مب مشروط على الاندكروزر وين راحوا اهل النياسين والجماسي والولزات والسيارات السبورت بمختلف أشكالها

ولا عشان الاند كروزر موجود على قولة الكاتب في كل بيت يعني اهل قطر كلهم هم المقصودين في الموضوع وانتو خبر خير مع الخيل يا شقراء
دققوا في الموضوع عدل لا يغركم اللي يدس السم في العسل

اخوي رحال يقول


هو تقريبا الكلام الي هو البقاء للاقوى صح..

و العالم قامت تشوف الناس بمواترها ..

انا شخصيا اذا اطلع في موتري احصل احترام من قبل الي قدامي و موتري مب كروزر ..

بس خلني اطلع في عروه البيت ولى موتر الدرويل..هههههههههههه

والله مافي موتر ما يحترمك..ألي يلف عليك..والي يخليك غصب تفتح بس عشان الطريق يكون مفتوح قدامه و تحصل الشارع و السيد الي انت فيه مضغوط و باليالله تمشي فيه 80..

وانا مع اخوي همر الي قال "ليس كل من ركب كروزر بلشتي..انما كل البلشتيه يركبون كروزرات "

انا عندي موتر والعلم عند الله اكشخ من موترك بمراحل بس ما أشوف اللي انت تقولة يعني خص ولا تعم

اخوي همر انت شقاعد تقول وشهذا المثل اللي قلتة قسم بالله عيب يعني اهل قطر كلهم بلشتية
مع العلم ان والله العظيم ان موتري مهب جي ولا تويوتا من الاساس
بس حدث العاقل بما يليق

[MAZEN37]

الله يديمها نعمه علينا وما تسكر وكالة التيوتا بس
هههههه

[تاجر كشخة]

الحين اليابانيين بيرفعون عليكم قضية تشهير يا جريدة الشرق حطوا مواضيع سنعه ولا اسكتوا
الكروزر سياره اثبتت كفائتها وصنعت مجدها وانتوا الحين يا بياعيين الكلام تطنزون :nice:

[تاجر كشخة]

قالوا شنهو قالوا لاند كروزر

اعوذ بالله منهم ومن تصنيعهم الفاشل وانا من القلة القليله الي ما امتلك لاند كروزر ولا حتى اي سيارة يابانيه وحطيت عليهم اكبر x في العالم وافضل اسوق فيات ولا اسوق كروزر والحمد لله بديت اقنع ولدي بعد ما يكبر لا يلتفت على الكروزر ولا على السيارات اليابانيه والسبب ردائه التصنيع

الماني او امريكي وبس

تحياتي


مع نفسك يالحلو :nice:
والي ما يعرف الصقر يسويه مندي

[آنا غيــر]

السالفه مب فالكروزر

السالفه ان الله كتب ان الناس المجانين واللي كله يتجاوزون ويخالفون عندهم نفس الذوق في نوع السياره ... والحظ طاح على الكروزر

ووبس والله

[vxr]

[QUOTE=آنا غيــر;8193423]السالفه مب فالكروزر

السالفه ان الله كتب ان الناس المجانين واللي كله يتجاوزون ويخالفون عندهم نفس الذوق في نوع السياره ... والحظ طاح على الكروز


[COLOR="Red"]ممكن تتكرم علينا وتقول لنا وين الله سبحانة وتعالى كتب علينا

ولا هو كلام وينقط ما دريت عنة

[قرنقووش]

الكروزر يشكل نسبة كبيرة من السيارات الموجوده في الشارع
طبيعي بتكون صاحبة اعلى نسبة حوادث في قطر ياجماعه هذي حتى الغبي بيفهمها
لو بدل كل كروزر بنتلي .. طبيعي بتكون اكثر نسبة حوادث من صالح البنتلي لانها الأكثر انتشارا

معظم البيوت فالدوحه فيها كروزر سواء للدريول او للاب او لأي سواق في البيت .. شارع بيتنا بس فيه ٨ كروزرات ويمكن اكثر ..

[بوسلمان 2010]

لاتعليق نتظر الاراء من باقي العضاء