المساعد الشخصي الرقمي

مشاهدة النسخة كاملة : ما هو التخصص المناسب لطالب حاصل على 60% في الثانوية ؟


فارس الكلمة
10-06-2006, 09:59 AM
سألني صديق .. عن أفضل الجامعات أو التخصصات و التي لها مستقبل واعد .. أو الجهات التي ينتسب لها للعمل بها ليحصل على بعثة دراسية .. لأبنه الحاصل على 60% في الثانوية العامة قسم علوم / رياضيات .. علماً بأن الطالب قطري .. ؟
فقلت له .. سؤجه سؤالك للأخوة و الأخوات النشامى في المنتدى .. :shy:
فهل من نصيحة بارك الله لكم .. :)
بدور
10-06-2006, 10:08 AM
سألني صديق .. عن أفضل الجامعات أو التخصصات و التي لها مستقبل واعد .. أو الجهات التي ينتسب لها للعمل بها ليحصل على بعثة دراسية .. لأبنه الحاصل على 60% في الثانوية العامة قسم علوم / رياضيات .. علماً بأن الطالب قطري .. ؟
فقلت له .. سؤجه سؤالك للأخوة و الأخوات النشامى في المنتدى .. :shy:
فهل من نصيحة بارك الله لكم .. :)

عفواً اخوي هالنسبه نازله وااااااايد وما اعتقد اي جامعه تقبل هالنسبه

ولكن اذا كان على حسابه الخاص ممكن يدخل النورث أتلانتيك وتقريباً السعر 25000

سنوياً أو أنه يقدم أوراقه الى مؤسسة البترول ويقدم عندهم التوفل والسات

وعن طريقهم يدخل مبتعث الى النورث

أو يسجل في تخصصات في المدينه التعليميه ولكن على حسابه الخاص

والوضع السائد والأهم في قبول الطلبه هو التوفل

انا عطيتك اخوي فكره بسيطه عن المعلومه اللي عندي والمفروض يحاول

الاتصال بأكثر من جهه لتقديم أوراق الطالب وهناك أعلانات ستنزل في الجرايد

عن البدأ بقبول الطلبه والنسبه المطلوبه لكل جهه
الأختصاصي
10-06-2006, 10:21 AM
من رايي الشخصي ان يحاول بالجامعات لدول مجلس التعاون مثل السعوديه او البحرين اذ كان يدور جامعات برا قطر ولاكن بالنسبه لقطر اقترح انه يدخل شمال الاطلنطي وطبعا مبلغ وقدره او الكليات العسكريه
مهاوي
10-06-2006, 11:46 AM
هذا اذا كان عند ولدك لغه اخوي
لانه شمال الاطلنطي قبلها يعلمون له اختبار لغه

حتى اختي جايبه 62 ومحتاسين معها الله يهديها
مش راضيه تعيد ثالث ثانوي اذا ولدك يقدر يعيد خله يعيد افضل له يجيب نسبه اعلى

الله يوفق ولدك اخوووووووووووووي
فارس الكلمة
10-06-2006, 01:33 PM
الأخت .. بدور ..
شكرا لك .. وبارك الله فيك على هذا الجهد . و هذه النصيحة ..
مشكلة النورث اتلانتك .. أنها تعطي دبلوم فقط .. أي أن الخريج يظل في عداد صغار الموظفين .. يعني جهد ضايع نوعا ما .. على الأقل يتخرج بشهادة جامعية بعد كل هذه المصاريف ..
فارس الكلمة
10-06-2006, 01:34 PM
الأخ .. محلل شجاع .
شكرا لمشاركتك الطيبة ..
في ظنك الجامعات الخليجية .. تقبل هذه النسبة ..؟ و ما هي التخصصات المفيدة فيها ..؟
صقر بلادي
10-06-2006, 01:52 PM
في معهد موجود في قطر تدرس عندهم 3 سنين دبلوم عالي

واذا تبي باكلوريس اقرب مكان لك الشارجه تدرس لمده سنه

بحاول ادور لكم المكان

على فكره تراه من النورث
مخاوي بورصه قطر
10-06-2006, 02:23 PM
خله يقدم على التوفل اول لانه صار مرغوب فيه وايد....
المخلب
10-06-2006, 02:55 PM
اخوي الكريم ..

حط في بالك ان نسبه ماتدخله اي مكان ! ..

ولايحلم بالبعثات ابد ! ..

اقل نسبه تقبلها البعثات (( 65 % ووين !! شمال الاطلنطي !! )) ..

بالنسبه لخياره الوحيد .. اما ان يذهب بفلوسه الى خارج الدوله .. او يذهب الى جامعه الخليج بالبحرين ( 15 الف تكلفه الكورس الواحد ! ) ويتخرج ببكلريوس ..!!

او انه يدخل كيو بي ( قطر للبترول ) بيرزونه وبشغلونه عندهم فني ! ..

منها يترزق الله بكم ريال ( معاش طالب ) ومنها يمشي ..

لكن ان حبيت رااي الشخصي .. مافي احسن من انه يروح بعثه على حسابه ويفتك ببكلريوس ويرجع ..

او جامعه الخليج الي بالبحرين .. ( بس اهم شئ وفر له السكن لانه سكنهم غالي !! حدود 2500 في الشهر ! في غرفه مشتركه ) ..


تحياتي المخلب ..
بدور
10-06-2006, 04:00 PM
الأخت .. بدور ..
شكرا لك .. وبارك الله فيك على هذا الجهد . و هذه النصيحة ..
مشكلة النورث اتلانتك .. أنها تعطي دبلوم فقط .. أي أن الخريج يظل في عداد صغار الموظفين .. يعني جهد ضايع نوعا ما .. على الأقل يتخرج بشهادة جامعية بعد كل هذه المصاريف ..


هلا اخوي فارس

عفواً نسيت أذكر لك هالنقطه نعم النورث يعطون الطلبه دبلوم عالي وبعدين

يوفد الطالب الى كندا أو بريطانيا أو الامارات لمدة سنه ويحصل على البكالوريوس

وبعد على حسابه الخاص إذا لم يتم بعثته عن طريق أحد المؤسسات مثل البترول

أو مستشفى حمد وأعتقد كيوتل تبعث طلبتها الى النورث

مشكلة الطالب نسبته 60% والمشكله الكبرى المطلوب التوفل بكل الجهات

قبل قبوله بأي جهه يحاول يقدم التوفل حتى تتسهل أموره إن شاء الله

والتوفل يكون أنترناشيونال ويحاول يقدم التوفل عن طريق السفاره الامريكيه

أو المعهد البريطاني أو عن طريق المدينه التعليميه (( التوفل مهم جداً ))
فارس الكلمة
10-06-2006, 05:59 PM
الأخ مهاوي ..
شكرا لك على هذه النصيحة ..
اللغة الإنجليزية مهمة و مطلوبة ..
الله يساعد أختك .. و تتوفق في دراستها الجامعة أو العملية ..
فارس الكلمة
10-06-2006, 06:01 PM
الأخ .. صقر بلادي
تحية لك .. بأنتظار أسم المعهد لو سمحت .. أو أي معلومات أخرى عنه ..
و جزاك الله خيراً ..
لمت داون111
10-06-2006, 07:25 PM
السلام عليكم

اخوي قبل لاتفكر بالاطلنطي فكر الف مره

علي كلام الربع الي شغالين بالكيو بي يقولون انه شهاده الاطلنطي مب معترف فيها ! الا في كهرماء والكيو بي طبعا

وبالتوفيق ان شاء الله
فارس الكلمة
10-06-2006, 07:29 PM
الأخ ..ابودانة
الأخ .. المخلب
شكرا لكما ..
أخوي المخلب أفكارك عملية .. و مفيدة .. لكن لم تذكر لتخصص المناسب ..
تحية لك ..
المخلب
10-06-2006, 08:24 PM
ان صحيح ونوى .. والرجال يحب يدرس من قلب ! .. قله يدش علوم حاسب .. (( مايندم بعون الله )) ..

اما ان كان يعني اي كلام .. خله يدش اداره اعمال .. بيمشي فيها حتى لو ماحضر ..

تحياتي لك .
فارس الكلمة
11-06-2006, 04:55 PM
شكرا لك .. أخوي لمت داون ..
على هذه المشاركة ..
شهادة النورث معترف فيها .. كدبلوم فقط ..
و قطر للبترول تعترف بها .. بدليل أنها ترسل الطلبة لهم ..
جود
12-06-2006, 07:58 AM
من وجهة نظري إذا كان الطالب له خاطر انه يكمل لحد يحبطه ويقول نسبته ما تنفع

وانا اشوف ان بكل الأحوال لازم انشجعه ياخذ البكالريوس

لأن الجامعي يوصل بسرعة ,,, صج انه بيتعب في البداية لكنه بيحصل كل الي يبيه

المهم,,
الطريقة الأولى:
1/يتقوى بالانجليزي قدر الإمكان في هذي الصيفية,, وإذا كان سريع بياخذ التوفل.
2/يقدم على:
أ- جامعة كارنيجي ميلون اللي بالدوحة اللي بها تخصصات إدارة الأعمال وغيره.
ب- جامعة قطر موازي (ويشوف التخصصات), وإذا عالنسبة دايما في تجاوزات للبنين.
جـ- الجامعات الخليجية :البحرين (في جامعة بريطانية هناك في الادارة والاقتصاد جداً قوية بحاول اجيب لك اسمها)
الامارات (جامعة زايد واجد قوية ويقبلون كل النسب بس اهم شي اللغة)
الجامعة الامريكية اللي بالشارقة

وغيرها من الجامعات لأن حاليا هذا اللي يحضرني.....

الطريقة الثانية:
1/يقدم على مؤسسة البترول .
2/يدرس عندهم سنة لغة او أكثر على حسب ويقوونه بعد بالرياضيات, يعني يطلع بروفيشنل
وهذا عن تجربة اخوي هناك,,( ما استمر بالكيو بي لأن لقى شغل افضل)
3/ممكن يبتعثونه إذا شد حيله نورث اتلانتيك ولو انه تعطي دبلوم ,, إلا أنه بامكانه يكمل البكالوريا برى لما يخلص.
4/أو أنه يكمل سنتين التريني مالتهم ويطلع من عندهم مكتسب اللغة والخبرةوبعدين يقدم عالجامعات.

وفي النهاية اهم شي ميول الولد ,,, عشان يقدر يواصل حياته
ومن وجهة نظري التخصصات الادارية مطلوووووووووبة جدا

وربي يوفق جميع ابنائنا وبناتنا ويا رب انشوفهم كلهم ناجحين في حياتهم
فارس الكلمة
12-06-2006, 05:01 PM
أخوي المخلب ..
تخصصات ممتازة إللي ذكرتها ..
بس .. بعد إدارة أعمال تحتاج إلى شغل و كدح .. مب بهالسهولة إللي تتصورها ..
تحية لك .. و لمشاركتك ..
Abu Omar
12-06-2006, 05:09 PM
أخوي هذه نصيحتي لك
اذا كان الولد يحب الدراسه
خله يعيد السنة ويحصل مجموع اعلى
لان حسب ظني لا يمكنه يدرس لا في قطر ولا خارج قطر بهذا المجموع
والشهاده الجامعيه تحتاج مجهود اخوي
وسنة لو ضاعت من عمره ولكن يرتب مستقبله
المهم انه يكون يحب الدراسه ويشعر انه ممكن العام القادم باذن الله يجيب مجموع اعلى

وترى دراسه علوم الكمبيوتر وخاصه ( هندسة البرمجه ) هي المستقبل في قطر

ودمتم في خير
فارس الكلمة
13-06-2006, 05:59 PM
الأخت .. جود
تحية لك .. و لمشاركتك الجميلة .. تعليمات مفيدة ..
و أتمنى أن يؤخذ بها ..
طاب مساؤك ..