خاطره

[كلنا قطر 1981]

في كوريا كاميرات للسرعه كل 20 كيلو متر :omg:

و قبل كل 3 كيلومتر كميرا بفلاش تحذيري :sneaky:

لانه الهدف من الردارات هو التوعيه و ليست المخالفه :victory:


شفتوا شلون يا ادارة المرور السالفه توعيه مب فلوس :anger1:


هني ربعنا ما شاء الله عليهم رادار ورا نخله و رادار في البالوعه اجلكم الله و رادار ورا درام

زباله اللله يكرمكم و شرطي منسدح ورا الاشاره يسجل مخالفات :(

اتمنى منكم يا ادارة المرور انكم تصرفون فلوسنا الي تاخذونها عن طريق المخالفات بحملات

توعويه ناجحه حق عيالنا مب تحطون استيكرات على الرادار الثابت و صورة شرطي معصب

على كل بيب او عامود :anger1:

كلام كان في خاطري و قلته و السموحه منكم :oops:

[abdo222]

صدقت,, الدليل اننا هني ما نبطأ السرعه الا قدام الرادار,, اما في بريطانيا مثلا كنا نتبع القوانين حتى لو 5 الفجر ومحد بالشارع, نلبس الحزام ولدرجه نحط اشاره قبل كل لفه,,

[البيرق]

في تركيا لوحة تنبيه الكترونيه تبين سرعتك في كثير من الشوارع هذه من زمان
فما اعتقد ان قطر بتلحق بهم ولا بتطور بسبب عقلية المديرين التي لاتقبل التطور

[رُفق المجنّا]

ولا تنسى الرادار وجنبه رجال يعدل البنشر ولا يا بلفيت يسولفون !

في السعودية 5 مليارات هي حصيلة المخالفات وفي قطر اعتقد ان الرقم لا يقل بكثير !



لا اعتقد ان الكفة متوازنة بين ما تقدمه ادارة المرور وما تأخذه

[ام السعف]

صدقت,, الدليل اننا هني ما نبطأ السرعه الا قدام الرادار,, اما في بريطانيا مثلا كنا نتبع القوانين حتى لو 5 الفجر ومحد بالشارع, نلبس الحزام ولدرجه نحط اشاره قبل كل لفه,,

شلي يخليك تلتزم هناك يا اخوي ؟

[بصمة قطرية]

كلامك صحيح أخوي ..
مادري شالهدف من الرادارات المخفية ..!!!
مرة اخوي راجع من الحسا بعد ما دخل الدوحة ..
يقول فجأة ولع فلاش ..
انا و رفيجي ندور من وين هالفلاش ..
ما في رادار ..
رجعوا و تموا يحوسون في المكان من وين هالفلاش ..
آخرتها طلع الرادار في درام الزبالة و انتو بكرامة . :secret:

ليش ذابحين العالم بالرادارات هني ..
و مع ذلك محد يلتزم او نقول قليل اللي يلتزمون ..
و ليش برع الكل يلتزم ..!!