استفسار بخصوص الانترلوك الحكومي لخارج البيت

[حياة]

السلام عليكم ورحمه الله
الله الشاهد اني حابه اشكركم جزيل
الشكر بعد شكر الله
وذلك لتعاونكم معي ولاستفادتي منكم في
مراحل بناء البيت
وابشركم اني خلاص ع وشك اخلص الحين
في مراحل التشطيب الاخيره
واشكر كل الاعضاء وبالاخص اخي شموخ
دائم اللي استفدت من خبرته الكبيره...
وحابه بعد اشكركم وبعد الشكر عندي
سؤال اخير بيتي ع 3 جهات وزاويه وعلى شارع
رئيسي ونبي نركب انتر لوك على الجوانب
بس مكلفه جدا جدا
حد يعرف من اي جهه اقدر اطلب من البلديه
رحنا لهم ولعوزونا مانعرف من وين نطلب
ومانقدر نركبها على حسابنا لانها غااااليه
واجد والبلديه مركبه حق البيوت الكبار اللي
حوالينا وبيوت الشيوخ وحرام ندفع اشكثر
وهو ببلاش
ياليت استفيد من خبرتكم انا وباقي الاعضاء
الكرام
والسلام عليكم

[شموخ دائم]

,

,


مرحبا

عليكم السلام ورحمه الله

منزل مبارك ان شاء الله

والشكر لجميع الاعضاء ولشبكه الاسهم الي اتاحت لنا تبادل الخبرات
ما شاء الله الشبكه عامره باهل الخير واهل التخصص كل في مجاله

الوالد الله يرحمه دائما يقول لي مثل شعبي قديم

من جاور السعيد يسعد

يعني لو جنبكم حد من الكباريه كان الحين كل الي ساكنين بالشارع استفادوا وجاهم الخير
الانتر لوك وتشجير الشارع والورد الملون واناره الشارع وارقام البيوت الجديده
حتى عمال النظافه تلاقونهم ما يطلعون من الشارع وينطر اورقه تطيح يركض يشيلها
هههه
:)

امزح طبعا لاحد ياخذها جد

يمكن البيوت الي ذكرتوها عاملين الانتر لوك على حسابهم والله اعلم

بالنسبه للانتر لوك هو مسئوليه البلديه شوفوا البلديه الي تابعه لمنطقتكم
قسم صيانه الطرق

والحل الاخير تعملون مثلي والله يعينكم
سكنت وبعد كم سنه اعدل الي اقدر عليه مره هالشارع ومره الشارع الثاني
ومره اعدل الحوش واكمل النواقص او نحط شي افضل لما الميزانيه تسمح
:)

وبالتوفيق لكم


,

,


اخوكم


شموخ دائم

[كود نمبر]

هلا اخوي
بنسبه للإنتر لوك اذا تقصد داخل البيت صعبه البلدين ماتًركب لحد
لكن اذا تقصد الرصيف الخارجي هذا تبع أشغال اذا منطقه جديده واذا
اعادة تأهيل على البلديه التي تتبع لها

فيه شغله اخرى وهي الإنتر لوك القديم او الشوارع الي يعيدون ترصيفها
هذا تقدر تستفسر عند قسم البناء في البلديه الي تتبع لها لان انترلوك يتم حذفه
فهم يعطونه لأي شخص بحاجته

[حياة]

الله يجزاكم خير
لا اقصد خارجي بحانب السور من برا
جهه الشارع الرئيسي