استفسار عن المسافة بين الحائط والحمام الافرنجي

[ابوعلي]

السلام عليكم ورحمة الله وبركاته

لو تكرمتوا تساعدوني في تحديد الافضل في المقاس للحمام الافرنجي الله يعزكم*

والمقصد المسافة بين الحائط بعد السيراميك وفتحة التصريف*

هل الافضل 21 او 23

والفرق بينهم*

شاكر لكم تعاونكم معانا*

[حسن]

على حسب الله يعزك الحمام شي 25 سنتيميتر وشي منه 30 الافضل انك تشوف المرحاض اللى تبيه وقولهم
ككم المسافه عقب السيراميك

[كود نمبر]

عليكم السلام ورحمة الله وبركاته

ماهو شرط اخوي بوعلي ٢١/٢٣ هو حسب الإفرنجي الي انت راح تشتريه
والقاعدة لاهم مقاسات مختلفه اعتقد الاستنادر في حدود ٣٣

والأفضل تتأكد من السباك

[ابوعلي]

على حسب الله يعزك الحمام شي 25 سنتيميتر وشي منه 30 الافضل انك تشوف المرحاض اللى تبيه وقولهم
ككم المسافه عقب السيراميك

المهندس حدد لي هالمقاسين اخوي والمتعارف عليهم على كلامه

والمسافة الي ذكرهم بعد تركيب السيراميك

فحبيت استفسر منكم واشوف رايكم وحسب تجاربكم

[ابوعلي]

عليكم السلام ورحمة الله وبركاته

ماهو شرط اخوي بوعلي 21/23 هو حسب الإفرنجي الي انت راح تشتريه
والقاعدة لاهم مقاسات مختلفه اعتقد الاستنادر في حدود 33

والأفضل تتأكد من السباك

اخوي تقصد الاستاندر قبل او بعد السيراميك

وقلت اشتري بعد ما اركب الارضية

ولكن باشوف تجاربكم ونشوف الافضل اخوي

[حسن]

بوعلى اترك المهندس على جنب السباك معاه انت لازم تعرف وش نوع المرحاض اللى بتاخذه اول
علشان مايكسر وغيره والسباك ماهوب هو اللى بيشتري الحمام علشان يعرف مقاسه هو يعرف ان فيه 25 و30 على حسب اختيارك انت

[ولد المنصور]

اشتر اللي تبي من الحين وعقب السباك يشوفهم ويقيسهم ... انا سويت هالشكل وحدتله اي مديل بيركب في اي حمام الله يعزكم

[شموخ دائم]

,

,


مرحبا


اخوي الكريم


الشباب ما قصروا بالرد

الموضوع هذا راجع لك وبضرب لك مثال

انا احب المراحيض ماركه ( توايفورد ) انجليزي ودائما اتعامل معاهم وكيلهم شبيب العطيه
وفي ماركه ( ايديل ستاندر) واحب اللون الابيض
ماركات عالميه ونادر ما تخرب وعمليه وشكلها جميل وانيقه
قبل اركب الارضيات امر عليهم واخذ نوع معين ( نجيبه للفيتري ) نشتري قطعه وحده
او نجيب ( الكتالوج) ماله وموضح فيه المقاس وكم المسافه بين الحيط والمرحاض
ويعمل حسابه لباقي الحمامات نفس القياس

على فكره الشركات تنزل موديلات مقاساتها تختلف كل كم سنه
يطلعون بمقاس جديد يضاف على المقاسات المتعارف عليها

بالتوفيق لك


,

,

اخوك

شموخ دائم

[khaldoon]

اخوي ابوعلي اعمل بكس يعني فراغ ما يجي داخله خرسانة و لا حديد بمساحة 25سم*25سم او اقل شوي في صبية الخرسانه للارضيه و خلها بعيده المسافة اللي ذكرتها فوق عن الحائط يعني بحدود 25 سم و بعدين يوم تختار الحمام و المرحاض و انتوا بكرامة يقدر البايفتر يحدد بالضبط مكان بايب تصريف المرحاض بالضبط في بعده عن الحيطه

الحين انت ما بينت في الموضوع اصلا المسافة اللي تبيها بعد تركيب السيراميك او قبل فاتبع هذه الطريقه و ان شاء الله امورك طيبه

[كبير المتداولين]

انا الي ركبته كان 24 سم وهذا يعتمد على المساحه الموجوده عندك اذا انت سويت الخرسانه وسويت البايب

بالنسبه للفرق يعتمد على نوع الشركه المصنعه في شركات تصنع 21 وماتصنع 23 وفي العكس انت لو في بالك نوعيه محدده في البدايه اشترها او قرر شالي تشتريه من مراحيظ الجلكم الله وبعدها تحط المسافه بناء على المقاس الي انت بتشتريه
والله يوفقك

[الزلزال]

بالتوفيق ان شاء الله

[ابوعلي]

بوعلى اترك المهندس على جنب السباك معاه انت لازم تعرف وش نوع المرحاض اللى بتاخذه اول
علشان مايكسر وغيره والسباك ماهوب هو اللى بيشتري الحمام علشان يعرف مقاسه هو يعرف ان فيه 25 و30 على حسب اختيارك انت

معاك اخوي وخذت بالنصيحة واخترت النوعية والحمدلله اني ماخليتهم يحطون المقاس بكيفهم لأن الي اخترتهم 30 سم

ويعطيك العافية اخوي

[ابوعلي]

اشتر اللي تبي من الحين وعقب السباك يشوفهم ويقيسهم ... انا سويت هالشكل وحدتله اي مديل بيركب في اي حمام الله يعزكم

خذت بنصيحه والحمدلله ما استعجلت

وتسلم اخوي على الرد

[ابوعلي]

,

,


مرحبا


اخوي الكريم


الشباب ما قصروا بالرد

الموضوع هذا راجع لك وبضرب لك مثال

انا احب المراحيض ماركه ( توايفورد ) انجليزي ودائما اتعامل معاهم وكيلهم شبيب العطيه
وفي ماركه ( ايديل ستاندر) واحب اللون الابيض
ماركات عالميه ونادر ما تخرب وعمليه وشكلها جميل وانيقه
قبل اركب الارضيات امر عليهم واخذ نوع معين ( نجيبه للفيتري ) نشتري قطعه وحده
او نجيب ( الكتالوج) ماله وموضح فيه المقاس وكم المسافه بين الحيط والمرحاض
ويعمل حسابه لباقي الحمامات نفس القياس

على فكره الشركات تنزل موديلات مقاساتها تختلف كل كم سنه
يطلعون بمقاس جديد يضاف على المقاسات المتعارف عليها

بالتوفيق لك


,

,

اخوك

شموخ دائم

مرحبتين اخوي شموخ

رحت شبيب العطية وشفت الي ذكرتهم وانواعهم ممتازة ورحت نابينا وكافود


ولكن الاختيار بطلب من الداخلية على توتو من نابينا وما نقدر نرفض لهم طلب:shy:

ما قصرت اخوي على النصيحه

[ابوعلي]

اخوي ابوعلي اعمل بكس يعني فراغ ما يجي داخله خرسانة و لا حديد بمساحة 25سم*25سم او اقل شوي في صبية الخرسانه للارضيه و خلها بعيده المسافة اللي ذكرتها فوق عن الحائط يعني بحدود 25 سم و بعدين يوم تختار الحمام و المرحاض و انتوا بكرامة يقدر البايفتر يحدد بالضبط مكان بايب تصريف المرحاض بالضبط في بعده عن الحيطه

الحين انت ما بينت في الموضوع اصلا المسافة اللي تبيها بعد تركيب السيراميك او قبل فاتبع هذه الطريقه و ان شاء الله امورك طيبه

اخوي الفاضل المكان كان جاهز ولكن السباك كان يبي الله يعزك المرحاظ حتى يحدد المقاس الفعلي وتم الاخذ بالنصيحة الله يبارك فيكم وشريت النوع المطلوب وتم التحديد

وتسلم اخوي على الرد والتوضيح

[ابوعلي]

انا الي ركبته كان 24 سم وهذا يعتمد على المساحه الموجوده عندك اذا انت سويت الخرسانه وسويت البايب

بالنسبه للفرق يعتمد على نوع الشركه المصنعه في شركات تصنع 21 وماتصنع 23 وفي العكس انت لو في بالك نوعيه محدده في البدايه اشترها او قرر شالي تشتريه من مراحيظ الجلكم الله وبعدها تحط المسافه بناء على المقاس الي انت بتشتريه
والله يوفقك

ويوفقك اخوي وتم الحمدلله الشراء وتحديد المقاس ومثل ما وضحت ان الحمدلله ما استعجلت واخذت بشوركم

يعطيك العافية خوي على الرد

[ابوعلي]

بالتوفيق ان شاء الله

ويوفقك اخوي

[كبير المتداولين]

موفق يامشرفنا الغالي والله يقويك عالبنيان وعلى قرارات الداخليه :)

[@north_star@]

ما شاء الله الشباب ما قصروا واحب اضيف اخوي انه المقاس 30سم هو الستاندر الامريكي وبس واما الاوروبي يبدا من 21 الى 27 والتوايفورد 22سم
وبالتوفيق ان شاء الله

[ابوعلي]

موفق يامشرفنا الغالي والله يقويك عالبنيان وعلى قرارات الداخليه :)

صدقت اخوي الله يعينا على قرارات الداخلية

ولكن الفكرة انهم الي قاعدين في البيت فنخلي الاختيار لهم وصج بنفلس بس نستحمل:secret:



ما شاء الله الشباب ما قصروا واحب اضيف اخوي انه المقاس 30سم هو الستاندر الامريكي وبس واما الاوروبي يبدا من 21 الى 27 والتوايفورد 22سم
وبالتوفيق ان شاء الله

الله يجزيك ويجزيهم كل خير على تجاوبكم وتسلم على الاضافة والمعلومة الطيبة وان شاء الله الكل يستفيد

والله يوفق الجميع

[محمدوميار]

معاك من 30 سم الى ما هو اكثر