الفترة الي بين الملجه والعرس

[برويقن]

السلام عليكم ورحمة الله وبركاتة

الحمدلله رب العالمين والصلاة والسلام على رسول الله

حبيت اعرف تجاربكم وخبارتكم بالنسبة للفترة الي بين الملجة وموعد العرس

هل الافضل تكون فترة طويلة او فترة قصيرة؟

[أسد الجزيرة]

قصيرة

[غايه الطواش]

قصيره افضل ..

[حلم الطفولة]

كلما كانت الفترة قصيرة كانت افضل .. لاتزيد عن ثلاثة اشهر

[khaldoon]

لو بين الاقارب و الزوجين يعرفون بعض مسبقا فيفضل انها تكون قصيرة اما لو ما يعرفون بعض فيفضل انها تكون طويله لانهم بتعرفوا على بعض بشكل افضل و بيملوا من التمثيل و التجمل و اظهار افضل ما عندهم من اخلاق حميدة و ذوق و تصنع...و بفتكوا من التكلف و المجاملات امام بعضهم البعض...يفضل انهم يتعاملوا مع بعض مثل الاصحاب على ما اعتقد و ليس مثل العشاق اللي خايفين على زعل بعض...يعني بيكونوا اكثر صراحه و وضوحا امام بعضهم البعض

بس في نفس الوقت انتبهوا انه لما العريس يظل يروح بيت العروس و يقعد مع اهلها مثلا ومع عروسته و يعرف اخبار و اسرار البيت يوميا او على التليفون و بالاخير يبطل....بعد مشكله

مجرد رأي

[حسن]

تبي النصيحه لاطولها وهي قصيره كل ماطالت يقولون بارت
كل ماطولت كل مازادت الطلبات والراي لك

[بوخالد911]

من 3 - 4 شهور

والله يهني سعيد بسعيدة

[النهار]

املج اليوم وبعد اسبوع الزواج وعرس وانتهى الموضوع

[ميلاف]

نصيحه لاتعرس خلك عزوبي

[شهر سبعة]

^
^
هههههه
_________
تكون قصيره احسن

[الارض]

نصيحه لاتعرس خلك عزوبي

:nice:

[بصمة قطرية]

تكون الفترة قصيرة أفضل ..
كل ما زادت الفترة تعقدت الأمور ..
اربع شهور كأقصى حد كافية لتجهيز كل شي ..:victory:

[ممنوع اللمس]

والله انا اقول 8 شهور او سنه حلوه

[khaldoon]

حتى الان 8 ردود تقول قصيرة و ردين يقولون طويله

ممكن لو احد يقولنا اذا في علاقة طردية او عكسية بين قصر فترة الخطوبه و حالات الانفصال بعد الزواج

يعني ما تحسون انه في علاقة قوية و طردية بين الخطوبه القصيرة و الانفصال بعد الزواج لانه كل طرف ما اكتشف الطرف الاخر فعلا خلال فترة زمنية قصيرة جدا

الحين لو واحد يبي يشتري بيت و الا سيارة و الا ينتقل الى مكان جديد او يغير البلد اللي هو فيها او يبي يسافر اجازة و الا يروح اي جامعة و الا مدرسة و الا مطعم و الا اي مكان يقعد يدور و يفكر و يسأل و يستشير الناس و بالنهاية هو يعرف انه بيسوي شي مؤقت ما راح يدوم لاكثر من عدة سنوات بالكثير و مصيره ينهييه و يبدله و يروح لشيء جديد....فما بالكم بشريك العمر اللي راح يترك اهله علشانه و يعيش معاه تحت سقف واحد و بيت مغلق عليهم الاثنين

شريك لا يعمل عنه شيء مسبقا لا اخلاقياته و لا ماضيه و لا طباعه و لا شاف الا الظاهر منه و اللي سمعه عنه

فايش رأيكم ....ربما تكون وجهة نظري خطأ و بالنهاية الامر بيد كل واحد فيكم

[ANONYMOUS]

احلا الايام هذي

احلا من الزواج نفسه هههه

موفق ابوي

[بوحمد111]

من وجهة نظر شيبتكم حلاتها من ثلاث شهور الى ستة شهور

وبالتوفيق ان شاء الله

تحياتي

[رآعي موآجيب]

عجل عجل

الرجال إلى تملك يعرس ويخلص

مهوب يقعد كل خميس راز خشته في بيت نسابته :victory:

[ضوى]

ست شهور كافية للتجهيز

[قطري !]

في الفتره هذي



الزوج في أفضل حالات الاستقامه


من البيت الى المسجد الي بيت النسابه

في السوق تقول محنط مايفر راسه يمين ولا شمال ( سيده)


عند الاشاره مايرفع تلفونه ويتقزقز


في الدوام مثالي ومافيه احسن منه




أنا اتمني يخلونه سنه كامله عشان يتعود علي اللي ذكرتها فوق ويصتلب عدل ...:victory:

[غايه الطواش]

عجل عجل

الرجال إلى تملك يعرس ويخلص

مهوب يقعد كل خميس راز خشته في بيت نسابته :victory:

هههههههههه :victory:

[NINA RICCI]

ثلاث شهور اشوفها كاااافيه

[@north_star@]

الفترة القصيرة أفضل لانه كل ما زادت الفترة رح تسبب بعض الامور اللي ممكن توصل للانفصال لاسمح الله ... وبخاصة انه البنت حولها أهلها وقرايبها وصديقاتها ورح يبدا شغل سوي هالشكل ولا تسوي هالشكل والبنت مسكينة بينتفخ راسها من الافكار والوساوس اللي أكيد راح تنعكس بشكل سلبي على حياتها وعلاقتها بخطيبها أو زوجها .... والله يسعدهم ويهنيهم

[ماريسا]

من أسبوعين الى شهرين

[بو خليفه 123]

السلام عليكم ورحمة الله وبركاتة

الحمدلله رب العالمين والصلاة والسلام على رسول الله

حبيت اعرف تجاربكم وخبارتكم بالنسبة للفترة الي بين الملجة وموعد العرس

هل الافضل تكون فترة طويلة او فترة قصيرة؟


مبروكين على مادبّرتوا

من وجهة نظري كل ماقصرت المده كل ماكانت افضل .. الطرفين اذا اجتمعوا تحت سقف واحد ابرك من انه يرز وجهه في بيت نسباه "ولا اذا كان اكلهم زين" تحجج كل شوي بزيارة المره عشان تاكل :tease:

لكن لا تنسى انك مرتبط في حجوزات للقاعه و هنا تكمن المشكله في تجهيزات المره و اهلها و يا ليل مطولك إن مشيت على شورهم ..

[hma]

اتوقع 6 شهور كفاية

[نشميه]

الأفضل أن تكون قصيره لأن طول المده يخلق مشاكل لها أول ما لها تالي،وتزيد الطلبات والاقتراحات التي تنغص على العرسان فرحتهم :(

[GOOKLUCK]

كل ما قصرت المده كان احسن

لان كل ما طالت المده ممكن تمل منها وانت للحين ما دخلت عليها

وثانيا طول المده يولد المشاكل

استعجل بارك الله فيك ولا تخلي الموضوع يطول عن 3 شهور

[رذاذ]

2
or
3
onley

[جرح الزمان]

وعليكم السلام ورحمة الله وبركاته

هالفتره من عمر الزواج مهمه جداً

اذا أحسن الطرفين إستغلالها

فأتوقع من 3 الى 5 شهور

[كازانوفا]

لا تكثر الوقت احسبها من وقت الملكه لحد ما تجهز البيت من كل شي وهي تكون جهزت كل امورها ويتم الزواج يعني شهور قليله
وهذه برائي احلى ايام العمر هذه الفتره

[تحداني]

البنات عندنا الله يهنيهم " يطولون فيها "
والحمد لله رب العالمين قالوا استمتعنا وايد .. وقدرنا انعرف بعض اكثر
وتقربنا وايد من اطباعهم وهم هم تقربوا من اطباع ازواجهم
خاصه الي يدور في هالفتره على شخصيه الشخص اكثر من وساعه الصدر


الله يسعدكم يارب

جملكم الله برضاه

[قلب قطر..!]

3-5 شهووور

والله يوفق الجميع ^^

[كلنا قطر 1981]

لو بين الاقارب و الزوجين يعرفون بعض مسبقا فيفضل انها تكون قصيرة اما لو ما يعرفون بعض فيفضل انها تكون طويله لانهم بتعرفوا على بعض بشكل افضل و بيملوا من التمثيل و التجمل و اظهار افضل ما عندهم من اخلاق حميدة و ذوق و تصنع...و بفتكوا من التكلف و المجاملات امام بعضهم البعض...يفضل انهم يتعاملوا مع بعض مثل الاصحاب على ما اعتقد و ليس مثل العشاق اللي خايفين على زعل بعض...يعني بيكونوا اكثر صراحه و وضوحا امام بعضهم البعض

بس في نفس الوقت انتبهوا انه لما العريس يظل يروح بيت العروس و يقعد مع اهلها مثلا ومع عروسته و يعرف اخبار و اسرار البيت يوميا او على التليفون و بالاخير يبطل....بعد مشكله

مجرد رأي

اتفق معاك اخوي خلدون بالراي بستثناء الج

زئيه الاخيره

لو طالت الفتره و صار الانفصال و هم في فترة الخطوبه افضل من انهم يكتشفون

طبايعهم بعد الزواج و تكون طبايعهم مختلفه عن بعض و عقب اما يحدث طلاق مع وجود اطفال

او انه الرجل يهجر البيت و يدور على خليله بالحرام :rolleyes2:

و هذا الشيئ المرفوض نهائيا :nono:

الله يوفق يسعد المتزوجين و المقبلين على الزواج اللهم امين :shy:

[قطريه ماركه]

4 الى 5 شهور .............

[عزووز قطر]

نصييييييحة

لا تطول المدة وخلها بين شهرين أو 3 بالكثيييييييير

كل ماطالت المدة بتزيد المشاكل ،،، والزيارة خلها مرة كل اسبوعين
وخلك طبيعي في التصرفات ولا تتصنع ،،،
لأن عقب العرس بتصير مقارنة وبتقولك قبل العرس كنت وكنت وكنت (( خبرك سوالف حريم ))

والشي الثاني في شباب الله يهديهم ياخذون معاهم في كل زيارة هدايا غالية ،،، ونصيحتي لك لاتعودها على هالشي ،،، نوّع في الهدايا مرة شي غالي ومرة شي عادي ...

وحاسب على كل كلمة تقولها ،،، وانتبه انك توعدها بشي وانت ماتقدر عليه لأنهم ماينسون ماشاءالله عليهم ،،،

ومبروك مادبرت والله يتمم لك على خير ..

[سلامي للكل]

نصيحه لاتعرس خلك عزوبي

هههههههههههههههههههههههه

ضحكتني الله يكتب الوناسة والفرح بالخير

.............

وعليكم الســلام ورحمــة الله وبركاته

وبالنسبة للسؤال: مب اكثــر من 6 شهــــور :victory:

وبالتوفيـــق

:victory:

[باراكودا]

يعتمد على نوع الرقابة اذا كانت شديدة - حلاته شديدة - خلها تطول أقل شىء ثلاثة شهور .
واذا الرقابة معدومة شهر بالكثير

[Charisma]

نصييييييحة

لا تطول المدة وخلها بين شهرين أو 3 بالكثيييييييير

كل ماطالت المدة بتزيد المشاكل ،،، والزيارة خلها مرة كل اسبوعين
وخلك طبيعي في التصرفات ولا تتصنع ،،،
لأن عقب العرس بتصير مقارنة وبتقولك قبل العرس كنت وكنت وكنت (( خبرك سوالف حريم ))

والشي الثاني في شباب الله يهديهم ياخذون معاهم في كل زيارة هدايا غالية ،،، ونصيحتي لك لاتعودها على هالشي ،،، نوّع في الهدايا مرة شي غالي ومرة شي عادي ...

وحاسب على كل كلمة تقولها ،،، وانتبه انك توعدها بشي وانت ماتقدر عليه لأنهم ماينسون ماشاءالله عليهم ،،،

ومبروك مادبرت والله يتمم لك على خير ..


هههههههههه سلامي عليك :nice:

[chillis]

حده 6 شهور

[مرتبش]

6-9 شهور

[الـقـاسـي]

احسن شي كلها في وقت قريب وماتطول ,, الا اذا كانت بنت العم او بنت الخال وعارفها زين مافي مشكله يعني لو تملك ورتب اموره على راحته

[مهرة]

يفضل اتكون لا طويلة ولا قصيرة وايد.. يتفقوون مع بعض ويشاورها اول باول عشان تاخذ راحتها بالتجهيز وماينقصها شي او تستعجل بكل الأمور عقبها تتحسف وتراها هذي ليلة العمر الي بتم بالذاكرة محفورة وان شاءالله تكون ذكرى حلوة وطيبة .. والله يسعدهم ويهنيهم ويوفقهم ..

[Lollipop]

نصيحه لاتعرس خلك عزوبي - نايس

أأيد الفترة الطويلة أفضل، الناس تقول الفترة القصيرة أحسن خوفا لاقدر الله انه يحصل خلاف والموضوع يتفركش... وبصراحة عندي يتفركش الموضوع ولا ان البنت ترجع مطلقه بعد شهور قليلة من الزواج ......

[ANONYMOUS]

يعتمد على نوع الرقابة اذا كانت شديدة - حلاته شديدة - خلها تطول أقل شىء ثلاثة شهور .
واذا الرقابة معدومة شهر بالكثير


اذا الرقابه شديده خلها سنه

اذا الدعوه خرابيط اسبوع كفايه بعد الملكه عقبها زواج

[مكسورة]

مب اكثر عن 6 شهور

[OM_OMAR_QATAR]

من 3 - 4 شهور

والله يهني سعيد بسعيدة


اؤيد :nice:

يعني خطوبة من الباب ، ولازم تعجل الملجة لآن ماعندنا رجاجيل غرب يدخلون على حريمنا..
املج وتزوج على طول ..... وبعدين يتسائلون ليه الطلاق يُكثر بالمجتمع

الزواج عشرة وقرار العمر مو لعبة ولا تجربة
ومن حق الرجل يعرف مين رح ياخذ والمرأة مين تاخذ

[الزلزال]

الله يوفقك ويستر عليك
والف مبروك
خذ راحتك وقت الملجه تقترب من شريكة حياتك وتفهماها وتفهمك اكثر
وحاول تفهمها على اطباعك اكثر عشان ماتتعب بعد الزواج

[رآعي موآجيب]

يعتمد على نوع الرقابة اذا كانت شديدة - حلاته شديدة - خلها تطول أقل شىء ثلاثة شهور .
واذا الرقابة معدومة شهر بالكثير


اذا الرقابه شديده خلها سنه

اذا الدعوه خرابيط اسبوع كفايه بعد الملكه عقبها زواج


انا اقول اذا الرقابه ميح لا يخسر عمره في تكاليف الزواج :eek5:

ويردد هالجمله ، هذي حلالك يازنهار هذي حلالك يازنهار :omen2:

اقول شرهتكم على اللي بيعطيه مجال يقيس نوع الرقابه اصلا :secret:

اذا تملك يقبض الباب ولا يوطوط إلا ليلة عرسه :tease:

[احمد1]

انه ملكتي كانت الاحد والعرس كان الخميس خلها قصيره وخلك من خرابيط نتعرف على بعض ولا غيره تراها مثل ما قالو لك تبور اذا طولت الحين الحمدلله لي 8 سنوات متزوج والامور عسل الحمدلله ولي 3 عيال

[khaldoon]

احب اوضح شي....لما قلت خطبة طويله يعني سنة على الاقل...اكيد معناتاه بالنسبة لنا انها تكون مع كتب كتاب من اولها مع قراءة الفاتحة و ليست خطبه بدون كتب كتاب ..حتى لا تكون خلوة غير شرعية بينهم....يعني هي زواج مع وقف التنفيذ فمتعارف عليها عندنا انه اسمها خطبة

[ابداع قلم]

اشوف سنة للي ما بينهم صلة قرابة وايد حلوة
اما اللي بين الاهل ف 6 شهور على اكثر احتمال لوجود المعرفة بين البنت والولد

[ام السعف]

نصيحه لاتعرس خلك عزوبي

:taunt:

[Scout Sniper]

تكون قصيره
ولا ترا بعد الزواج بيجيك الملل

هذا الغالب

[بوسلمان 2010]

فترة قصيرة يكون افضل مابين 3 و4 شهور وايد انسب لانها كل ماطات بارت يقولون شياب الاول الله يرحمهم

[محمد]

ست شهور كافية للتجهيز

:nice:

المشكلة اغلب الي ردوا اتوقع انهم مب متزوجين اصلا ..
والي يقول استعجل لا تكثر المشاكل .. اذا الواحد بيشرد من المشاكل بفترة الخطوبة او ما بعد الملجه .. اشلون بيعيش حياته و باقي عمره مع هالانسانة ؟! والله منطق غريب !

انا عن نفسي 6 شهور و بعدها تزوجت والحمدلله .. هو يوم بالعمر ولا يسوى عليك تضغط زوجتك وتحشرها في فترة قصيرة ماتعرف كوعها من بوعها ولا تعرف تجهز نفس خلق الله .. بنت الناس مب طايره :) .. خلها تجهز نفسها وانت جهز نفسك و الصالات الي تبيها و حط جدول حق سفرتك في شهر العسل ورتب بما يليق لاهم حدث في حياتك !! .. مب زواج والسلام


والله في ناس مادري اشلون عايشه :secret:

[almaf1a]

6 شهور ولا يتردد اي طرف للانفصال في حالة عدم الراحه من الطرف الثاني

[fahad123]

انا اقول اذا الرقابه ميح لا يخسر عمره في تكاليف الزواج :eek5:

ويردد هالجمله ، هذي حلالك يازنهار هذي حلالك يازنهار :omen2:

اقول شرهتكم على اللي بيعطيه مجال يقيس نوع الرقابه اصلا :secret:

اذا تملك يقبض الباب ولا يوطوط إلا ليلة عرسه :tease:


:nice::nice::nice::victory:

تملك وعطهم المهر وجهز ترتيبات العرس وشف الحجوزات وعلى الحجوزات
حدد موعد العرس واحسن شي 6 شهور كافيه ترتب امورك
ولا تزورها ولا تجيها ولا ترز فيسك هههههههههه
الا ليلت العرس اكيد ماخطبتها الا عارف اخلاقها واخلاق اهلها
المقابلات والطلعات قبل العرس ((طبعا بعد الملكه)) ما أأيدها ابد
لان بعد العرس راح تصير مشاكل لان عادت الشخص يتغير لما يتملك الشي

حدد عرسك بعد الحجوزات علششان تتأكد من الحجز بالاول

[هبوب الكوس]

لا ذكرني بالماضي الجميل :(

لا طول بتصيدك حاله نفسيه

[khaldoon]

انا اقول اذا الرقابه ميح لا يخسر عمره في تكاليف الزواج :eek5:




http://im12.gulfup.com/2012-04-01/1333262266131.jpg (http://www.gulfup.com/show/Xd2dzg9i5tsi)

[ثابت]

يفضل اخوي تكون قصيرة بقدر المستطاع
اسبوع كافي لنة شهر او شهرين او اكثر تصير الانظار عليكم من الاهل او الناس الحاقدة و انت لين الحين ماشفت واقع حياة الزوجة وهي ماشافت واقع حياتك وحقيقة بعض قد يزرع احدهم الفتنة بينكم وتتفرقوا و انت عادك مادخلت وتظلم نفسك وتظلم البنت معاك فعجل بالزواج وصدقني بترتاح

[المحاميه]

قصيره ...

[pinky-qtr]

قصيره .....

[رآعي موآجيب]

http://im12.gulfup.com/2012-04-01/1333262266131.jpg (http://www.gulfup.com/show/Xd2dzg9i5tsi)


سامحك الله ياخلدون :nop:


:deal::deal::deal:

[khaldoon]

سامحك الله ياخلدون :nop:


:deal::deal::deal:

ههههههههههههه لانها مرت بسلام و لا احد علق قبلي ....بس صراحة اعجبتني:nice:

[رآعي موآجيب]

ههههههههههههه لانها مرت بسلام و لا احد علق قبلي ....بس صراحة اعجبتني:nice:


طيب كان اقتبست كلامي كله لا حد يفكر اني اتكلم جد :tease:

خذيت الجانب الأسود وخليت الباقي ياشيخ :telephone:

[أنت]

3 شهور حد أقصى

[khaldoon]

طيب كان اقتبست كلامي كله لا حد يفكر اني اتكلم جد :tease:

خذيت الجانب الأسود وخليت الباقي ياشيخ :telephone:










انا اقول اذا الرقابه ميح لا يخسر عمره في تكاليف الزواج :eek5:

ويردد هالجمله ، هذي حلالك يازنهار هذي حلالك يازنهار :omen2:

اقول شرهتكم على اللي بيعطيه مجال يقيس نوع الرقابه اصلا :secret:

اذا تملك يقبض الباب ولا يوطوط إلا ليلة عرسه :tease:

ولا يهمك انت تؤمر امر....هذا ردك كله...انا حطيت اللي يهمني بس خخخخخ....السموحه يا الغالي

[رآعي موآجيب]

ولا يهمك انت تؤمر امر....هذا ردك كله...انا حطيت اللي يهمني بس خخخخخ....السموحه يا الغالي


عزيز وغالي ياخلدون ، كنت بهزر معاك فديت خشمك

انت كذا :nice:

[khaldoon]

عزيز وغالي ياخلدون ، كنت بهزر معاك فديت خشمك

انت كذا :nice:

بارك الله فيك و انت اخ عزيز و غالي و الله لا يحرمنا التواصل معاك :nice:

[Abdulraman]

عن نفسي الفتره كانت شهر وكنت ادور اي حجه عشان اروح بيتهم اتذكر اني كنت اي ليت محروق اغيره واي شي خربان اصلحه بس كل هذا عشان اشوفها:)
وعقب الزواج من عيد لعيد اروح بيت عمي:secret:

[برويقن]

مشكووورين جميعا ً على الردود والنصايح الطيبة

ولكن للاسف تقرر ان الفترة تكون طويلة 10 شهور تقريبا

والحين صادتني حاله نفسيه :(

كيف اتجاوز هذي الحاله؟

[كلاسيك قطر]

والله انا اقول 8 شهور او سنه حلوه


:nice: وانا معاك يالغالي

[Um Yousif]

انا افضل تكون الفتره طويله والمعرس يخف الدوس مب كل يوم راز ويهه بيت العروس ويتم لين نص الليل خلاص الساعهة 10 تفضل من غير مطرود حسسها انك ثقيل حتى لو كنت ميت عليها

في بعضهم خلاص ملج عليها يعني مرتي كل يوم بشوفها

ما يعمل حساب كلام الناس

زوجتك بعد العرس ولما تكون في بيتك في عادات وتقاليد لازم الشخص يحترماه

[بوعيود]

افضل ان الفتره تكون طويله عشان تعرف الطبع الي بيعيش معاك

[باراكودا]

مشكووورين جميعا ً على الردود والنصايح الطيبة

ولكن للاسف تقرر ان الفترة تكون طويلة 10 شهور تقريبا

والحين صادتني حاله نفسيه :(

كيف اتجاوز هذي الحاله؟

أشتر حب شمسي يكفيك 10 شهور وكثر من الشاى بالكافور.

[برويقن]

أشتر حب شمسي يكفيك 10 شهور وكثر من الشاى بالكافور.

:rolleyes2: شدعوه رايح مباراة

[المزواج]

أخوي الله يوفقك وخذ بنصيحتي

الاني جربت اكثر من فتره

الطويله والمتوسطه والقصيره واحسنهم الفتره القصيره ولكن الازم يكون الحديث مع الزوجه بكل صدق ولا تجاملها في شئ :victory::nice:

[باراكودا]

تحمل تقول اى شىء عن الماضي حاسب ترى المره ماتنسى وتاخذ منك موقف طول حياتها
خل الماضي سر من الاسرار وأتمنى لك التوفيق وحياة زوجية سعيدة .

[تحداني]

^
^

انا معاك في هذا لا تتكلم عن الماضي لو شنو ما كان
المرأه لا تنسى ابدا حتى لو اوعدتك بالنسيان خاصه في امور القلب والمشاعر
حب الامتلاك وحب الذات يراودها دائما ..
مع العلم الماضي هو من حق الانسان شنو ما كان
ولم نخلق للكمال والكمال لم يخلق لنا ..
بس سبحان الله في ناس ودها تنبش دائما في الي راح
وكأنها ملكت كل شي .. وما تعرف ان هالانسان جاها في نهايه المشوار معاها هي
فالي راح راح


الله يهنيك يارب


جملك الله برضاه

[al wafi]

الخطوبه خمس سنوات والعرس كفايه 3 شهور




وحاسب على كل كلمة تقولها ،،، وانتبه انك توعدها بشي وانت ماتقدر عليه لأنهم ماينسون ماشاءالله عليهم ،،،

..



واحد قعد مع زوجته وقال لها اتذكرين الوعود ايام الخطوبه
قالت اي وعدتني ببيت وسياره وذهب ومادري شنو

قال لها شفتي شي منهم

قالت لا :(

قال هذا البرنامج الانتخابي مالي
اوعد عشان افوز وماحقق شي :rolleyes2:

[al wafi]

مشكووورين جميعا ً على الردود والنصايح الطيبة

ولكن للاسف تقرر ان الفترة تكون طويلة 10 شهور تقريبا

والحين صادتني حاله نفسيه :(

كيف اتجاوز هذي الحاله؟


الله يوفقك اخوي ويتمم عليكم بالخير
ان شاء الله تكون خيره لكم
الخيره فيما اختارها الله لكم