افضل مكيف اسبليت

[tradesman]

السلام عليكم

حاب اركب مكيفات اسبليت في البيت بس محتار

فما هو افضل مكيف اسبليت

وامس رحت حق توشيبا و وايت وستنجهاوس وسامسونج

سمعت انه جنرال زين

فما اعرف تنصحوني باي مكيف ؟؟

وبعد ابغي مكيف ويندو ايهم افضل ؟؟؟

[بومحمد 00]

الاسبليت

الاول متسوبيشي دايا وكيله التيسير

الثاني جنرال وكيله العمادي

الثالث فوجي وكيله الريس

الفوجي نفس الجنرال يفرقون بس في كور المكيف والسعر تقريبا يفرق ٢٠٠ الى ٣٠٠


الوندو

عندك يا جنرال الي وكيله العمادي او فووجي الي وكيله الريس

لان كمبريسرهم بستن ويستحمل جو الخليج

اما باقي المكيفااات كلها مصخرة لان الكمبريسور راوتري ما يستحمل حرارة الجو

[سهم طايح]

بعد معاناة مع الجنرال والمتسوبيشي لقيت ان افضل مكيف هو الفوجي بلا منازع

[tradesman]

يعطيكم العافيه


الاول متسوبيشي دايا وكيله التيسير
ممكن تقول لي وين مكانهم

وياريت مزيد من الاقتراحات

عشان نرسي على بر :)

[سبع الظلما]

انا اقولك الزبدة من واقع تجربة اشتر فوجي من الريس رقم واحد لا تقولي جنرال او متسوبيشي
رقم اثنين فية مكيفات اسمها ( قري ) وايد ممتازة وخدمة مابعد البيعد بروحهااا تكفيك انا جربت مكيفاتهم اشوفها ممتازة
والشور لك بالاول والأخير

[almaf1a]

فوجي ممتاز بس لا تاخذ اقل من 2 طن لانه سيئ

[حسن]

متسوبيشي التيسير الدايو مقابل محطه بترول التيسير شارع سلوى قبل الرفاعي
بالنسبه للمكيفات مثل ماذكرو الربع متسوبيشي ولا جنرال ولابانوسونيك ناشنل سابقا والتوشيبا المناعي بعد زين
المهم في خدمه المكيفات السرفس ككلهم تعيسين ماعدا البناسونيك خدمه ممتازه
الوندو الجنرال ممتاز

[بوخالد2]

لاتفكر في شي ثاني غير مكيف ( دايكن ) من شركة تدمر افضل مكيفات السبلت و المركزي والله بارد و يعمر وممتاز جداا

[ASK2]

كل المكيفات اللي اشتغالها عن طريق البستن زينه

اما المكيفات اللي اشتغالها عن طريق الرتوري فاشله عندنا بسبب ارتفاع درجة الحراره

يعني عندك كارير بستن جنرال بستن فوجي بستن ترا جنرال وفوجي نفس الشركه يعني نفس الجمس والشفر

عندك موتسوبيشي اخبر بستن وياباني الحين سمعت ان تيواني عندك دايكن بستن

عندك قري عندهم نوع يجي بستن

يبقى مكان الصناعه شوف صناعتهم وين وعقب شوف الاسعار وخذ اللي يناسبك ..

[tradesman]

يعطيكم العافيه

على النصايح

وشكلي بمر على جنرال وعلى فوجي وعلى متسوبيشي


وانشوف اسعارهم والله كريم

بس اشوف اكثر الاصوات تصب في صالح جنرال

[tradesman]

السلام عليكم

الحين احترت
بين جنرال وفوجي وتوشيبا

جنرال حوالي 29 الف

وفوجي حوالي 27 الف

وتوشيبا حوالي 25 الف

وشو الافضل ؟؟

[ASK2]

السلام عليكم

الحين احترت
بين جنرال وفوجي وتوشيبا

جنرال حوالي 29 الف

وفوجي حوالي 27 الف

وتوشيبا حوالي 25 الف

وشو الافضل ؟؟

جنرال وفوجي نفس الشي مثل ماقلت لك الشركه الام وحده

نفس الشفر والجمس

والله التوشيبا جربته فتره بسيطه كان جيد بس شوف راي الاعضاء يمكن جربوا فتره اكثر ..

اما من بين هذي الاسماء اشوف الجنرال والفوجي هم الافضل ..

[tradesman]

تسلم على الرد ask2

بس بعضهم قالوا انه فوجي افضل من ناحية الخدمة وبعضهم بالعكس

حاليا 90% فوجي

توشيبا مجربينه في البيت وما شاء الله يبرد بس ابغي اقارنه مع فوجي

للعلم توشيبا راوتري اما فوجي بستن

[تحداني]

جنرال وفوجي
روعه


جملك الله برضاه

[الدوحه1]

ياخي الكريم شوف نوعية المكيفات المستخدمه في مساجد الدوله وبتعرف الزين...

[الزلزال]

توشيبا القديم ماله حل

[ASK2]

تسلم على الرد ask2

بس بعضهم قالوا انه فوجي افضل من ناحية الخدمة وبعضهم بالعكس

حاليا 90% فوجي

توشيبا مجربينه في البيت وما شاء الله يبرد بس ابغي اقارنه مع فوجي

للعلم توشيبا راوتري اما فوجي بستن

دامه رتوري مانصحك فيه لان اللي جربته انا كان بستن بس من فتره طويله نوعاً ما

رتوري زين بس ماينفع حق جونا ..

[بوخالد911]

جنرال

فوجي

[محمدوميار]

انا استعمل ال جى وممتاز معى