المساعد الشخصي الرقمي

مشاهدة النسخة كاملة : من يقدر يوفر لي الة ديرما رولر الاصلية من امريكا



شموع قطريه
28-03-2012, 02:45 PM
السلام عليكم ..

حبيت استفسر اذا حد من تجار المنتدى يقدر يوفر لي من امريكا الاه الاصلية
( ديرما رولر ) او حد يطلبها لي من موقع اي باي وهذي صورتها

http://img103.herosh.com/2011/01/08/945053306.jpg

راية الفخر
29-03-2012, 07:55 AM
بالتوفيق

يحفظك ربي
29-03-2012, 12:07 PM
انا بعد احتاجها اذا حد يقدر يوفر لنا :)

محمد الجفيري
29-03-2012, 11:42 PM
Up up up up up

فيدراليه
30-03-2012, 07:51 PM
وانا بعد محتاجه هالجهاز مادري ليش التاجرات مايوفرونه والمنتديات الخليجيه مليانه منه

بوسيف الهاجري
30-03-2012, 07:54 PM
شمالته هذي

Aljoker
30-03-2012, 11:57 PM
فيه منه 3 سايزات تقريبا واكثر

وكل سايز بيكون حق استخدام مختلف على حسب رغبتج

في .5 ملم... وفي 1.5 ملم وفي 2 ملم.. بشوف بقرا عنه لان يحتاج تعقيم الجهاز حسب المعلومات اللي قريتها وبشوف شنو اجود وأأمن الانواع وانشالله نوفره لكم

Aljoker
31-03-2012, 12:27 AM
السلام عليكم ..

حبيت استفسر اذا حد من تجار المنتدى يقدر يوفر لي من امريكا الاه الاصلية
( ديرما رولر ) او حد يطلبها لي من موقع اي باي وهذي صورتها

http://img103.herosh.com/2011/01/08/945053306.jpg

بعثتلج المعلومات على الخاص اختي.. اذا لج خاطر تطلبينه

تمون
31-03-2012, 08:36 AM
شمالته هذي

نفس السؤال

Aljoker
31-03-2012, 10:25 AM
هاي في منها سايزات على حسب السايز توفرلك احتياجك

هاي ابر مع بعض اتنشط الكولاجين في البشره وتساعد على اخفاء الاثار العميقه.. ا

0.5 حق حب الشباب يخففه
1 حق التجاعيد .. حبوب.. حفر عميقه.. اثار جروح وعمليات
1.5 و 2 حق التجاعيد الشديده والسيلوليت واثار

هو مجموعه ابر يعني توخز الجلد ولها طريقه استخدام.. في العيادات الخاصه يسون الجلسات بالليزر او بنفس هالطريقه حسب المعلومات ان على 700 وطالع للجلسه

لكن مع هالجهاز بيكون عندك وتستخدمه لحالك.. مع العلم هاي ابر يعني في شويه الم خفيف ويزيد الوخز مع الارقام الكبيره.. تقدر تقرون عنه بالبحث في النت

بن عبس
31-03-2012, 02:21 PM
الله يوفقك

حسن
31-03-2012, 10:34 PM
شمالته هذي

هذه يلمعون فيها السيارات:victory:

Aljoker
02-04-2012, 01:04 PM
للي حابين ياخذون الديرما رولر.. حصلت منها اون لاين وهي كالاتي

1. سايزات من 0.5 - الى سايز 2.5 (حق الاستخدام المنزلي لاينصح باستخدام رقم 2 و 2.5 لان يحتاج اشراف طبي) لكن سايز 1 وسايز 1.5 هم الاكثر طلبا وممكن استخدامه في البيت
2. كريم الفيتامينات اللي يجي معاه

في نوعين للطلب - تجي مجموعه متكامله سعرها 1150 ريال
1. يجي رولتين السايز اللي تبينه 0.5 او 1 او 1.5
2. كريمين مع الرولتين.. عمر الروله الوحده الافتراضي 3 شهور


وفي االنوع الثاني بالمفرق
1. الروله السايز حسب الطلب وسعرها يتراوح بين 110 - و 350 حسب النوع لان في انواع تيتانيوم وتجي غاليه
2. الكريم تبع الكولاجين ه فيه 30مل - سعره 300 ريال للعلبه
3. علبه سيروم كولاجين وسيروم تفتيح وسيروم حبوب وسيروم شد يجون 4 مع بعض - سعرها 200 ريال

سعر الشحن لحاله .. واغلب الوقت يكون الشحن كامل 110 ريال قطري تقريبا وانشالله مايتعدا

اللي تبي بالحبات تعطينا خبر واللي تبي باكج كامل تعطيني خبر.. واللي لها نيه دفع عربون اذا ممكن عشان اطلبلها انشالله ويوصل خلال 10 ايام بالكثير وانشالله قبل

السديم
02-04-2012, 01:47 PM
انا ابغي منه ماعليك امر

Aljoker
02-04-2012, 11:26 PM
انا ابغي منه ماعليك امر


تم الرد على الخاص

Aljoker
05-04-2012, 11:08 PM
اتمنى من مرتادين المنتدى الجديه في الموضوع.. واذا الواحد غير رايه مابه اشكاليه بس يكون جدي بالموضوع.. المهم تم طلب الاغراض وانشالله بعرضها في المنتدى للبيع.. مشكورين على حسن تعاونكم

المزوحي
08-04-2012, 01:25 AM
سعر الاصليه مع الشحن 168 ريال
توصلج تقريبا من 7 الى 11 يوم

Aljoker
08-04-2012, 08:20 AM
سعر الاصليه مع الشحن 168 ريال
توصلج تقريبا من 7 الى 11 يوم



صحيح كلام اخوي المزوحي.. تتراوح اسعارهم من 140 الى 300 وشي بعضهم تيتانيوم مثل ماقلت..

اخوي انا طلبت لهم عقب الاتفاق على الخاص.. والبعض منهم ماجا منهم رد بعد ما اكدوا وطلبت.. نصحيتي لاتطلب الا لما تاخذ عربون.. وانا الاجهزه عندي.. وبعرضهم للبيع انشالله اول ماكتب الشرح..

نتمنى التوفيق للجميع.. والجديه من الطالبات

المزوحي
08-04-2012, 02:07 PM
موفق انشالله يالغالي
وبيعتهم سهله انشالله صور وشرح بسيط بالتوفيق يالجوكر

روح الاطلس
08-04-2012, 07:25 PM
الديرمارولر .. لازم تحدد احتياجك منها ولازم استمرارية.. اكثر ماتفيد في الحفر بالويه لكن هي فايدتها الاساسية تزيد امتصاص المنتجات اللي تنحط على الويه لانها عبارة عن ابر تسوي تخريم بالبشرة ( طبعا تخريم خفيف مب مؤذي لانها ابر رفيعه جدا) لكن تحذير للي عندهم حبوب بالويه (حب شباب) لانها بتزيدها وتسوي انتشار للباكتيريا

Aljoker
10-04-2012, 10:57 PM
منتج ديرما رولر
1. عندي نوعين روله سعرها 200 ريال وعندي نوع ثاني سعره 350 ريال – عمرها الافتراضي 3 شهور
2. كريم الكولاجين – 30 مل عندي نوعين – عندي نوع بـ بـ 150 ريال ونوع ثاني ب 300 ريال وفي ب 450 ريال
3. كريم مرطب بالصبار – 30 مل 150 ريال و
4. كريم للحبوب والبقع – 30 مل – 150 ريال
5. كريم ازاله السيلوليت هذا غالي شوي ب 600 ريال
جميع الاسعار شامله سعر التوصيل
الروله موجود منها سايز 1.5 وسايز 1:
1. سايز 1 تستخدم للحبوب واثار البقع والجروح البسيطه - لاثار السيلوليت – شد البشره (اما حجم واحد اهي مخصصة حق السترج مارك الصغار وفروة الراس وتستخدمينها مرة اسبوعيا او مرة كل 10 ايام مع العناية بالبشرة والشعر)
2. سايز 1.5 تستخدم للاثار والبقع الغامقه – ولعلاج السيلولليت - شد التجاعيد الغزيره – (حق السترج مارك وواحد ونص تستخدم حق السليوليت خاص)
الاستخدامات
1. لمعالجه ندبات حب الشباب
2. لمعالجه المسامات الكبيره
3. لمعالجه خطوط التمدد البيضاء والحمراء
4. لمعالجه علامات التمدد بعد الحمل والولاده
5. ازالة السلولايت
6. التجاعيد
7. تساقط الشعر او فروة الرأس المصلعه
8. ازالة آثار الحروق والجروح واثار التعرض للشمس .
9. بهتان البشرة وفقدان بريقها الحاصل من قلة وجود الكولاجين بالبشره .

طريقه الاستخدام:
1. تعقيم الوجه وللأداة قبل وبعد كل استخدام
2. عقمي وجهك مثلا بمسحات او غسول منظف
3. عقمي الرولر بتمريرها على فوطه دافيه نظيفه
4. استخدام فيو سيدين للبشرة الحساسة قبل وبعد الاستخدام - مش ضروري لكن جيد ان تستخدمينه
5. تمررين الرولر على المنطقه المراد معالجتها بشكل افقي 10 مرات وبشكل عمودي 10 مرات ، تمررينها بضغطه خفيفه لين تحسين بالوخز مو بشكل قوي تعورين نفسك – (ملاحظه: لاتستخدمين الروله بشكل دائري)
6. استخدام الكريم المرفق مع الروله بعد الاستخدام لكن مش على طول – تتركين البشره ترتاح شوي وبعدين تحطين الجل
7. لاتنصدمين اذا كان في اثار في البدايه.. يعني استخدميه في الويكند قبل النوم لان البشره تتجدد بالليل
8. استخدام مغديات للبشره ثاني يوم بعد مايخف الاحمرار – اذا حابين اوفرها لكم مافي اشكاليه لكن الفيتامينات والمغذيات غاليه.. ممكن تستخدمون كريمات من ماركات مثل استيلودر او بودي شوب.. واللي لها نيه اشوفلها كريم طبي جيد من الصيدليات مافي اشكاليه.. اوفرلها اسمه او اوفره لها بسعر السوق


في اول كم استخدام راح تحسين بألم لكن بعد كذا تتعودين ولا تحسين الا بدغدغه بسييييطه لا تكاد تذكر
كرري العمليه مره في الاسبوع او كل 10 ايام


نتائجها مضمونه ومن احسن الاداوت اللي نزلت بالسوق لان توفر فلوس جلسات الليزر وبدون ماتاخذين مواعيد واي شي الجهاز عندج بالبيت وجدا بسيط استخدامه

Aljoker
16-04-2012, 10:52 PM
انا كل ماحطيت موضوع احذفوه مادري ليش.. الجهاز متوفرعندي.. اللي تبيه تكلمني على الخاص