وأخيراً .. رجعتنا الغربة للكتابة !!!!!!!

[بدوي]

المواقف كثيره !!

ولكن ننساها او نتناساها احياناً ، لإنشغالنا مع ظروف الحياه

وعندما نعانق الغربه !!!!!! وتبدأ الوحده بمرافقتنا .. وبكل أسف ، تعيد لنا شريط الذكريات ( المؤلم )

فتبدأ الحروف وتتزاحم في صدورنا .. الى هنا أقف ......!!

وليس لدي الا ان اترجمها لكم !!

وانثر كلماتي بين يديكم ، علّها ان تلامس ذائقتكم الشعرية*



تغيب وتترك الذكرى في قلبي والعذر مجهول
.................... تغيب وتدري في غيابك بشيل الجرح وآسافر

وانا قلبي فتحته لك .. وهو قبلك ترى مقفول
.................... ولا غيرك سكن وسطه اذا ماكنت انا خابر

صغير وماتعرف الحب وشفتك للأسف معزول
.................... وقلبي جاك واختارك ، سكنت بصرحه العامر

دقيقة !! لحظه بشرح لك قبل حتى الغياب يطول
.................... تعال اذكرك في من .. سهر في ليلك الماطر

تعال اذكرك في من .. لقاك بعالمك مذهول
.................... خذا ايدك واعلنها ( أحبك ) بعمري الحاضر

انا مابيك ترجع لي .. تبرر لك ، عذر وحلول !!
.................... عزيز النفس ياجاهل .. يأقلم عمره من باكر

اذا تبغي الغياب أبشر قسم بالله انا مسؤول
.................... رحيلك كاتبه ربي .. ولالي قوه او ناصر

قصيده في نهايتها وخلاصتها (بدوي) يقول:
.................... فراقك أجمل ايامي .. ومن بكره انا مسافر !!*




سلاامتكم .. RF



آسف
للغياب + المقدمة الطويلة :shy:

[بصمة قطرية]

صح لسانك
و تسلم يمناك اخوي بدوي
ماشاء الله عليك
كلمات في غاية الروعة ..

الله يعينك على الغربة ~
الغربة والوحدة تولد المشاعر وتفجر الأحاسيس ..
مرهف الاحساس يترجمها بالشعر ~

[R 7 A L]

صح لسانك ملايين


أبدعت فأمتعت

[بدوي]

صح لسانك
و تسلم يمناك اخوي بدوي
ماشاء الله عليك
كلمات في غاية الروعة ..

الله يعينك على الغربة ~
الغربة والوحدة تولد المشاعر وتفجر الأحاسيس ..
مرهف الاحساس يترجمها بالشعر ~


صح بدنج

لاهنتي على مرورج ، شاكر لج هذا الحضور والإطراء

تحياتي

[بدوي]

صح لسانك ملايين


أبدعت فأمتعت


صح بدنك يالغالي

وانت كذلك امتعتني بحضورك الجميل

واعتذر لك ولمن سبقك .. تأخري في الرد عليك

لك مني أصدق الامنيات واطيبها