استشاره يا اهل الخبره

[أم خـالد]

السلام عليكم ورحمة الله وبركاته

حبيت استشيركم وش الاحسن

جيكسار 2012 او نيسان 2012 ؟

ويعطيكم العافيه

[الشوق عطري]

بدون تردد


تويوتا وبس


ان جيتي للرزه فما فيه غير التويوتا

وانج راعية مقناص ف go head

[أم خـالد]

هههههههههههه انا راعيه مقناص !! بروحي اخاف من الطير

الجيكسار حلو شكله والنيسان بعد احترت

[الشوق عطري]

دامج محتاره


استخيري ربج


والله يوفقج

[alwahesh]

ما فرق بينهم


حسب الرغبه ويمكن خدمات النيسان احسن من ناحية السيرفس ولكن قطع الغيار في النيسان اغلى شوي

[بوحمد111]

نصيحتي ابتعدي عن الياباني وحطي سعرج في الالماني ولا عوار راس ولا سنداره

واذا الالماني غالي انصحج باليوكن او التاهو او الكاديلاك وكلهم احسن من الفي اكس ار والنيسان من ناحية الرفاهيه والخدمة بعد البيع واهم شي السعر اقل من الياباني بكثير

[بويعقوب]

التاهو lt دبل سعره بــ 153 ألأف

في واحد معروض رصاصي 2012

ضمان 5 سنوات

كيمرا + دبل دفرنش+ تشغيل عن بعد + تيك

الصراحه احسن من الجكسار والنيسان مقارنه بالسعر

والله يوفقكم

[ولد المنصور]

.......والله من جربت النيسان طاح من عيني الفي اكس ار .. لا ورجعوا الخطوط القديمه ومن زين اللون اللي داخل اتحسه مايل على الاصفر وشكله مايطول يطير لونه....... نصيحه يالنيسان ولا التاهو واليوكن كلهم ماعليهم كلام ......

[ولد الانصاري]

اختي انا قريب ان شاء الله باخذ النيسان الجديد

اليوم رحت وسالت عن الموتر

ضمان 3 سنوات او 60 كيلو .. كل شي عليهم الا السفايف والتواير ع المشتري

واذا دفعتي 3000 ريال .. يمددون الضمان .. لكن السيرفس عليج عقب ال60 كيلو

والمواصفات والسعر والضمان .. (من وجهة نظري) احسن من التويوتا

الي بيفرق معاج حزة البيع ..

التويوتا تبديل السفايف كل 3 شهور تقريبن اما النيسان وبتجربت ربعي فوق ال10 شهور

صلي استخارة وتوكلي ع الله

والله يبارك لج مقدما

[الأرجنتيني]

نصيحة أخوية

أبتعدي عن التيوتا قدر الأمكان الموتر عادي مافيه اي مميزات وغالي على الفاضي
شالفرق بين الجيسكار والهولكس غير أنه منفخ شوي وهاتشباك :nice:
والسيرفس تعبان بعت موتري سنة 2008 بسبب الخدمه التعبانه
والحمد لله الى الآن مبتعد عن التيوتا ومرتاح آخر راحه
مافي احسن من الألماني والأمريكي احس أني كنت ظالم عمري في الياباني وخاصة التيوتا
ماعتقد في حد بيأيد رأيي الا بعد تجربة الألماني والأمريكي
واذا ماتقدرين على الألماني والأمريكي توكلي على الله واخذي النيسان

[..er..]

تويوتا وقت البيع اصمل .. ويروح بدون اي تردد
النيسان وقت البيع ينشب في حلق راعيه
وانتي واللي تبينه يعني السالفه ( راحه )

استخيري وباذن الله مايصير الا كل خير ..

ومبروك الموتر مقدمآ ..

[أسد الجزيرة]

اذا السيارة لج خذي برادو افضل و اذا حق السواق خذي سيكويا اوسع و اشرح و ارخص من الباترول و الكروزر و تويوتا في نفس الوقت و سعرها ارخص من الاثنين سعرها حوالي 160 الف ريال