بالنسبه لشركة gulf GRC افيدوني جزاكم الله خير

[PGR]

السلام عليكم ,,, حبيت اعرف عن هالشركه والفنشينج في شغلها لانه رحت موقعين يشتغلون فيهم وشغلهم زين (ماقدر اقول ممتاز) مع اني مالي خبره في الجي ار سي ,, فحبيت اعرف هل هالشركه شغلها زين ؟ لانه هم مشتغلين في مشاريع وايد في الدوله منها اللؤلؤه ومشاريع وايد غيرها ,, افيدوني جزاكم الله خير قبل لا اوقع العقد معاهم وهذا هو موقع شركتهم www.gulfgrc.com

[i.qatar]

اعتقد واحد من الاخوان كاتب موضوع فيهم وما مدحهم كلش

[i.qatar]

http://qatarshares.com/vb/showthread.php?t=504102

شوف رد الاخ خلدون في الرابط

[king999]

على لسان الاخ خلدون انهم سيئيين جدا

[PGR]

انزين شنو في شركات حق الجي ار سي محترمه وشغلها فنان منتظر ردودكم

[السد]

شركة جي آر سي ماسترز

[@north_star@]

شغلهم ممتاز لانه هذول غير اللي يقصدهم الاخ خلدون بس سعرهم غالي وهم اعتقد تابعين لمجموعة شركات الدرويش

[khaldoon]

شوفوا يا اخوان ...هم باكستانيين انا اعرفهم و اشتغلت معاهم مشروع و غلبونا وايد ...قوالبهم مب نظيفه و هذا اسم الشركه صحيح gulf GRC

يا ريت صاحب الموضوع بس يقول اسماء الاشخاص اللي تعامل معهم او ايش جنسيتهم....في واحد عندهم اسمه اكبر او كبير مب متذكر لانه هالكلام من سنة 2008....والله ما لي هدف الا النصح و انتوا و كيفكم ...

ايضا اضطرينا غير انه نصلح القطع كلها اننا ندهنها يعني ضاعت قيمة الجي ار سي تمااااااااااااااااما في انه يظهر مثل الحجر و هذا اصلا سبب طلبنا له و ارتفاع سعره ....اصبح حاله حال البلاستر المدهون

على فكره شفت الرابط الحين و هم اللي اقصدهم من المشاريع اللي مشتغلينها ....اللهم اني بلغت اللهم فاشهد

عاد انتوا و كيفكم

[حسن الاحمد]

مركز تحميل الملفات (http://www.gulfup.com/)http://im29.gulfup.com/2012-04-01/1333230706511.jpg (http://www.gulfup.com/show/X3moc89klr009)


انصحك بشركة ارابيسك وهذا شغلهم اللي تشوفه
المناطق اللي مأشر عليها هي جي ار سي والباقي حجر اردني وسوري

[khaldoon]

الصوره يا اخوي رائعه و ما عليها كلام...بس انا بقولك شي...لما اتكلم عن الجي ار سي و انتقده فأنا اتكلم عن الجي ار سي اللي لما يكون راكب اكون واقف امامه تماما مثل درابزين او حيطه او واجهة يعني اقدر المسه بيدي مب شي موجود بنفس الصوره ما اقدر اشوف عيوبه عدل الا لو ركزت فيها

يعني مب جي ار سي على الدرو الثاني او يدي ما توصله

حتى شركة جلف جي ار سي تقدر تسوي اشياء حلوه بس من بعيد....نبي نشوف من قريب و نلمسه يا اخوي

طبعا في شركات جودتها منخفضة جدا جدا بس لما تركب القطع من بعيد يعني مثل اللي بالصوره على الدور الثاني و فوق فراح تختفي الكثير من العيوب و لا تبين و في بعضها حتى لو من بعيد تبين و تكون ظاهرة

تحياتي

[khaldoon]

بخصوص شركة ارابيسك ...مب متأكد من اسمها بس انت تقدر تسألهم...لو هي اللي اشتغلت مدرسة قطر فونديشن اللي بالوكره فبلغني لو سمحت علشان اقول ردي

[@north_star@]

بخصوص شركة ارابيسك ...مب متأكد من اسمها بس انت تقدر تسألهم...لو هي اللي اشتغلت مدرسة قطر فونديشن اللي بالوكره فبلغني لو سمحت علشان اقول ردي
سبحان الله جبت الذيب من ذيله .... أرابيسك هي اللي تابعة لشركات الدرويش وشغلهم ممتاز بس السعر غالي

[PGR]

اخواني الجميع جزاكم الله خير ..

اخوي خلدون انزين عطني شركة محترمه اقدر اشتغل معاها ,, وشلون شغل شركة ارابيسك هل شغلها زين ولا لك عليه ؟

ارجوا الافاده عشان تعم الجميع ان شاء الله

[khaldoon]

اخواني الجميع جزاكم الله خير ..

اخوي خلدون انزين عطني شركة محترمه اقدر اشتغل معاها ,, وشلون شغل شركة ارابيسك هل شغلها زين ولا لك عليه ؟

ارجوا الافاده عشان تعم الجميع ان شاء الله

ما عندي والله اسم شركة تشتغل جي ار سي زينه و لو انت لقيت دلني لو سمحت

و ما تعودت اني اهجو اي شركه وهذه الصراحه ثاني مره و الله يسامحني بس ما راح استمر و اقول شي عن لانهم يستحقون فعلا

قال تعالى:
‏{‏لَا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ وَكَانَ اللَّهُ سَمِيعًا عَلِيمًا ()إِنْ تُبْدُوا خَيْرًا أَوْ تُخْفُوهُ أَوْ تَعْفُوا عَنْ سُوءٍ فَإِنَّ اللَّهَ كَانَ عَفُوًّا قَدِيرًا‏}‏ النساء (148 - 149 )

....اما ارابيسك فما ابي استمر و اقول شي عنهم....بيكفي اللي قلته فوق :secret:

[PGR]

ما عندي والله اسم شركة تشتغل جي ار سي زينه و لو انت لقيت دلني لو سمحت

و ما تعودت اني اهجو اي شركه وهذه الصراحه ثاني مره و الله يسامحني بس ما راح استمر و اقول شي عن لانهم يستحقون فعلا

قال تعالى:
‏{‏لَا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ وَكَانَ اللَّهُ سَمِيعًا عَلِيمًا ()إِنْ تُبْدُوا خَيْرًا أَوْ تُخْفُوهُ أَوْ تَعْفُوا عَنْ سُوءٍ فَإِنَّ اللَّهَ كَانَ عَفُوًّا قَدِيرًا‏}‏ النساء (148 - 149 )

....اما ارابيسك فما ابي استمر و اقول شي عنهم....بيكفي اللي قلته فوق :secret:


ههههه اخوي جذي خليتني في النص لا يمين ولا يسار ,,, انزين ارابيسك زينه يعني ولا ابتعد عنها ؟ وفي بعد جي ار سي ماسترز شلون هاي ؟

[khaldoon]

ههههه اخوي جذي خليتني في النص لا يمين ولا يسار ,,, انزين ارابيسك زينه يعني ولا ابتعد عنها ؟ وفي بعد جي ار سي ماسترز شلون هاي ؟

جي ار سي ماسترز

ما اعرفهم

[الزلزال]

بالتوفيق

[كبير المتداولين]

اذا الي بشارع ٨ شغلهم ممتاز ماقصرو