عندي شكوى

[مرحوم قطر]

:anger1:

السلام عليكم و رحمة الله و بركاته


انا مش متعود اكتب مواضيع بس صراحه مقهور


انا عندي شركة مقاولات

اليوم اخوي مسكين فضى نفسه و خذ اجازه عشان يروح يخلص امور الشركه

لان الشركه باسم اخوي مب باسمي


مسكين من الصبح قاعد من الساعه 6 الساعه 7 ونص تقريباً كان البصمه على طريق سلوى

قالوله ما نقدر عندنا زحمه و روح اعتقد صوب الصناعيه راح لهم قالوله اسمح لنا السستم خربان


طيباً و انا شذنبي قالوله شنسوي يعني خربان ما عندنا حل

طلع من عندهم و خلا العمال يروحون يشوفون اشغالهم و راح جوازات مسيمير

لان ابغي اييب 3 عمال جداد طبعاً حصلت العمال بعد ما شفت كل انواع المذله و التلطيع من لجنة الاستقدام


لان خبركم العمال الي بيجيني هو الي بيخرب التركيبه السكانيه في قطر


بس الحمدلله لقيت لي رفيج يمشيني لان ما يمشي في البلاد الى كذا :confused:


المراد لح لهم الجوازات قالوله لا مافي تقديم الصبح مافي الا العصر


تكلم مع الضابط و بعد تلطيع و كلم فلان و كلم علان قالوله خلاص بنسويلك

اشوي الا يقولون له الاوراق ناقصه قالهم طيب بروح اجيبها و بجي قالوله لا خلاص تعال العصر

يه وش السالفه مذله يعني لازم اكلم فلان بن فلان عشان يخلص الموضوع ولا شسالفه :anger1:


المراد طلع من عندهم راع النيابه عشان يسويلي تخويل بالتوقيع و يفك نفسه مني :weeping::tease:


المراد راح لهم الا قالوله لا السجل منتهي من كم يوم مايصير نسويلك روح جدده

طيب انا ما بقدر احفظ التواريخ و يا السجل التجاري انتو قايلن انكم ترسلون مسجات قبل

انتهاء السجل وين مسجاتكم طبعاً ولا شفنا شي (( مشارك في جميع الخدمات الحكومية :victory: )


المراد انا اخبر ان يعطون مجال شهر بس قالوله لا مايصير قالهم طيب و امنت بالله

راح وزارة الاقتصاد يجدد السجل غرفت التجاره قالوله السستم خربان ما نقدر نسويلك شي :tease:


ولين الحين السستم خربان و قالوله اذا صارة 1 و ما اشتغل اسفين بنسكر

طيب انا شذنبي طبعاً ذنبي انا ما شفتلي احد اكلمه قبل ما اروح :secret:

و الجوازات طبعاً لازم السجل يكون مجدد و اليوم الخميس و بكره الجمعه و عقب بكره السبت


يعني حيج لين يوم الاحد و يا اخوي اخذ اجازه عشان تروح و تخلص تاخذ هلفه مره ثانيه

و الغرامات تزيد على الشركه


و في نفس الوقت

يوم الخميس الي راح معود من السعوديه تميت في جمارك سلوى ساعتين ناطر دوري

و في جمارك بو سمرا ساعتين و السبب ان السستم عندنا في قطر خربان فا العالم تاكل هوا و تنطر

و كانة الساعه 4 العصر و وصلت الدوحه الساعه 9 في الليل لان مانقدر ندعس الشارع كله رادارات

حاطتها المرور عشان اذا دعما يكون الغلط على البوالين و ضاع علي عرس ولد عمي

الي متربي معاه بسبب ان السستم خربان


قبل 11 شهر اتممت تشطيب بيت في عين خالد و سويته من احسن ما يكون

طبعاً صاحب البيت جنني يتاخر علي بالدفعات

يتاخر علي في المواد لان كان السيراميك عليه

سافرت اسبوع و سكرت اول يومين انقطع تلفوني من كثر اتصالاته

واحد وقح يتصل الساعه 1 في الليل شكله ظارب انكل شيبي يقولي ياخي حاطلي بس 10 عمال يركبون سيراميك


يعني وصلت فيه الوقاحه ان خلا حدى العمال من شركه ثانيه يغسل سيارته

انسان سيئ بمعنى الكلمه المهم قدر الله و الله اكرمني و قدرت اخلص الشغل و افتك منه

في الموعد المحدد و طبعاً هو زاد على العمال وايد باشيا مش في العقد و ماخذ معاهم اسلوب اخذكم بالصوت

طبعاً هلشي لما كنت مسافر المراد بعد ما خلصنا الشغل قلت له باقي الدفعا الاخيره الي هي 18 الف يعني مش مبلغ كبير

قالي لا مش معطيك قلت له ليه ان شاء الله :mad:

رجال عمره في الستين ماسك منصب حلو في الدوله و معروف على مستوى قطر

يطلع في التلفزيون وايد ابكل وقاحه و ابكل قلت تربيه و ابكل خبث يقولي عندك ما يثبت انك اشتغلت في بيتي ( يقصد عقد )


قلت له و اذا ما عندي :funny:


المراد قلت له يعني انت ما تذكر انك وقعت عقد قالي لا ما خبر

قلت له اوكي و رفعت عليه قضيه و انصدم لما شاف ان في عقد مكتوب بس شكله يوم وقعده كان سكران او شي من هلقبيل

و العقد صحيح و موقع بتوقيعه و مرفع صورة بطاقته الشخصيه

و واضح و 3 نسخ و عليه ختم محامي الشركه و ختم شركتي

و كل البنود واضحه وضوع الشمس في النسخ الثلاثه و الاختام في النسخ الثلاثه و توقيعه في النسخ الثلاثه

و العقد واضح و صريح يعني مافي لف ولا دوران واحد + واحد = 2


و اطلبونا مركز الصناعية للتحقيق و حققو و هو قال اي نعم باقيلهم 18 الف

وانا ما عطيتهم و مكتوب هلشي في المحضر و انا شفت هلشي ابعيني يعني قريت المحضر


و السبب يقول بس انا اشوف ان هلاتفاق ما كان لازم يكون على هلسعر احس ان سعرهم غالي

و هم ما يستحقون هلسعر و ما كان جايب عمال كفايه يشتغلون حتى لو كانو خلصوا في الموعد

بس بعد كانو يقدرون يخلصون قبل


يعني كل شي واضح و صريح


بس خبركم لان احنى ممن الدول المتقدمه

الي من زود ما احنى متقدمين حلينا كل المشاكل و الدرجه ان عندنا شوارع عالميه على مستوى عالي

اول ما طق المطر تقشرت و عندا شوارع مثل الخراره رايح راد و اذا واحد تجاوز و مات السبب يكون البالون


تحولة القضيه للنيابه

و من النيابه للمحكمه

و الجلسه الاولى : الاخ ما حضر و تاجلة الجلسه

الجلسه الثانيه : الاخ ما حضر و تاجلة الجلسه

الجلسه الثالثه : الاخ حضر لان يدري لو جا بيصدرون حكم
طلب تاجيل القضيه و تم التاجيل

الجلسه الرابعه الجلسه الخامه الجلسه والله ماعرف كم جلسه وصلنا


المراد قالو الجلسه للنطق بالحكم قلت الحمدلله فرجة :victory:


و كان الحكم كالتالي : يعين خبر

طيب جيبو خبير و الجلسه يوم الخميس الجاي و المفروض الخبير يجتمع فينا

وبعدين يجتمع فيه و بعدين يكتب التقرير و لين اليوم ما شفناه و اتصلت فينه

و لما نروح نسال يقولون لنا بيتصلكم

و الحين بنكمل سنه على هلحال

و كل هذا طبعاً لان دولتنا الحبيبه متطوره و لما خلصة مشاكلنا لحنى نحل مشكلة لبنان

و الصومال و جيبوتي و ليبيا و مصر و و و و القائمه تطول



اشرايكم يالربع في قصتي و لكم المايك

[بوعلى 1]

هي شكوى ولا قصة !

[sweet qatar]

لاحول ولاقوة الا بالله..

الله يهديه ويصبرك على ما بلاك..

بس الشي الي استغرب منه.. هو اعترف ان لك فلوس عنده.. والمحضر موجود ليش التأجيل وليش الخبير..؟؟!!

[المقاول]

اولا لازم تتحلى بالصبر.
ثانيا : هناك اخطاء منك . اخطاء ادارية.
ليش تأخرت في تقديم اجراءات الاقامة للعمال؟
العقد اكيد في احد بنودة تحكيم .. وهذي بحد ذاتها مشكلة لو لم تذكر
هذا البند كان المحكمة خلصت قضيتك .
لان لازم الطرف الثاني يتفق معك على المحكم ويدفع رسوم التحكيم .
والله يعينك على محاكم قطر.

[أنت]

لو مكانك انا بموت والله

[بوحمد111]

الله يعينك على القصص الي قلتها واكثر ما عجبني فيها البالون ههههههه

الله يصبرك اخوي والقوانين عندنا الله بالخير والي يعرفون لها يعرفون شلون يتخطونها وحالي من حالك انا على شيك اربعين الف ما اندفع لي وراعيه ما عنده رصيد وصار للسالفه اكثر من سنه وصاحب الشيك يتجول ويلعب على الناس بدون حسيب ولا رقيب

[المحاميه]

وايد طويله السالفه .. قريت ربعها .. بحاول ارجع للموضوع بس اصلا في كلام انت كاتبه ماعجبني

[jassim_007]

:rolleyes2:هههههههههههههههه والله حالتك صعبه الله يعينك

بعدين المفروض تكتب عندي شكاوي مب شكوى :tease:

و صج قلبك متروسه:shy:


:p

[مرحوم قطر]

هي قصه على شكوى على قهر يعني مزيج و خليج من المشاعر

و طبعاً السبب الاول و الاخير هو البوالين



بخصوص الاخطائ الاداريه نعم انا اعترف ان عندي اخطاء اداريه و تاخرت في الاقامه

و انا مستعد ادفع الغرامات الي علي ما عندي مشكله في اني اتحمل نتيجة غلطتي

بس هل يعقل ان السستم في الجوازات و في غرفة التجاره خربان في الدوله

و هل المواطن هو الي يتحمل نتيجة هلخلل في السستم الي في وزارتين من وزارات الدوله

هذا شي

و بخصوص القضيه

الرجال معترف في مركز الصناعيه و قايل ان لهم عندي 18 الف ريال بس مابي ادفعها

يعني بغض النظر في عقد ولا مافي عقد هو معترف يعني ماعنده اي مانع

و يعلل عدم سداده للمبلغ ان انا العمل ما يستحق هلسعر و في نفس الوقت

كان لازم اترس بيته عمال عشان اخلص قبل مدة العقد الي هو اساساً اخره

في توريد المواد و في الدفعات السابقهو في كل مره يبي يغير شي

يعني في اعتراف صريح منه بس بعد هذا قانون الدوله وهو يعرفله

لان اصلا ماسك منصب في الدوله و اكيد في مكانه في محاميين و علموه اشلون يماطل


و للعلم حق الي يعرفون في البنيان :- الدفعه الاخيره كانة باقي حساب تركيب السيراميك

وانا معطيه سعر تركيب السيراميك و المواد علي هو بس عليه السيراميك على 25 ريال للمتر


السؤال الي يطرح نفسه اذا هلسعر مش عاجبه كم يبي يكون السعر ؟.؟



اختي المحاميه اقري وقت ماتبين على راحتج


اي والله يا اخوك قلبي متروس

[hamoor4ever]

اخوي دام قضيتك بالمحكمه ليش زعلان والمبلغ انت بأعترافك مب كبير بعدين احنا سمعنا لك وماسمعنا للرجال ، وللاسف كثير اصلا من المقاولين هم اللي يخلون بالعقد ويماطلون والله اعلم .

[كلنا قطر 1981]

اخوي مرحوم قطر

كم مره قلت كلمة ((المراد )) في الشكوى :nice:

اخوي لا تزعل ترى اتغشمر فديت خشم من رباك

المشكله اخوي انه انت منقهر و بصراحه انا تهت في الشكوى و ما عرفت وين المشكله

في الطرق و لا السيستم و لا المحاكم و لا الرجال الي يتصلك اخر الليل و لا البالون :rolleyes2:

صراحه فصلت :(

بس كلمة حق تنقال المحاكم في قطر يومهم بسنه و هالشي يخلي الناس تتعمد النصب و

الاحتيال من مبدا ((من امن العقوبه اساء الادب))

الله يفرجها عليك ويعوضك خير

[رجل الجزيرة]

الله يعنيك على مشكلتك،

أنا حاولت أقرأ موضوعك فطلع مشتربك فلو تخلي على شكل نقاط يكون أفضل.

[wadha-qa]

الله يعينك على هالزطي اللي مب راضي يدفع اللي يقهر انه مقتدر يعني منصب مب فقير ولا متقاعد نقول مسكين مب قادر يدبرها

و معاك حق تطالب بفلوسك لو انها 10 ريال لا تخليها له

بس حسب علمي المحكمه ممكن تستقطع المبلغ من حسابه مباشره حاول تسال قاضي ثاني يكون حقاني وياليت يكون قطري

[منهم وفيهم]

الله يعينك ..تعليقي على موضوع السيستيم ..فعلا المواطن هو اللي ياكلها يعني لو متأخر يوم.. بسبب السيستيم بتتأخر ايام او حتى اسبوع وبدل لاتدفع مخالفة يوم تدفع اسبوع ...سبق ومريت بنفس المشكله في مكان آخر ..

[الخزرجي قطر]

الله يعينك ان شالله

[قرنقووش]

السستم خربان .. عباره يرددها اي واحد يبي يصرف المراجعين هههههههه

[الصغيره]

راسي عورني

الله يعينكم يارب

ماقدرت اكمل الموضوع الصراحه حاله

[قلبي الطيب]

المحاكم عندنا سلحفاه
ماعندهم ضمير يفكرون أنهم يشاركون الظالم في ظلمه بتأخيرهم في اعطاء المظلوم حقه ؟؟

[المحاميه]

:anger1:

السلام عليكم و رحمة الله و بركاته


انا مش متعود اكتب مواضيع بس صراحه مقهور


انا عندي شركة مقاولات

اليوم اخوي مسكين فضى نفسه و خذ اجازه عشان يروح يخلص امور الشركه

لان الشركه باسم اخوي مب باسمي


مسكين من الصبح قاعد من الساعه 6 الساعه 7 ونص تقريباً كان البصمه على طريق سلوى

قالوله ما نقدر عندنا زحمه و روح اعتقد صوب الصناعيه راح لهم قالوله اسمح لنا السستم خربان

شلون يعني مانقدر عندنا زحمه .. زين ينطر حاله حال خلق الله ..

طيباً و انا شذنبي قالوله شنسوي يعني خربان ما عندنا حل

طلع من عندهم و خلا العمال يروحون يشوفون اشغالهم و راح جوازات مسيمير

لان ابغي اييب 3 عمال جداد طبعاً حصلت العمال بعد ما شفت كل انواع المذله و التلطيع من لجنة الاستقدام

لان خبركم العمال الي بيجيني هو الي بيخرب التركيبه السكانيه في قطر

اخوي لو كل واحد بيفكر نفسك وبيقول هالكلام بتنترس الدوحه عمال ومحد حاس من جذي هم لازم يحاسبون ويتخذون الاجراءات المناسبه .. والمفروض يعني اذا قالوا لا خلاص لا لكن اهني من يسمع الكلام ويحترم القوانين؟؟؟

بس الحمدلله لقيت لي رفيج يمشيني لان ما يمشي في البلاد الى كذا :confused:

رفيج يمشيني!!! الحين عرفت ليش كل شي يتعطل ومعاملاتك ماتمشي.. لان كل واحد مسوي نفسك يدور حد يمشيه .. ليش بعد نحط أنظمة وقوانين دام كل واحد يجيب واسطه ويمشي.. هذا اسمه فساد اداري

المراد لح لهم الجوازات قالوله لا مافي تقديم الصبح مافي الا العصر

تكلم مع الضابط و بعد تلطيع و كلم فلان و كلم علان قالوله خلاص بنسويلك

عادت حليمه لعادتها القديمه .. مافي احترام للانظمه والقوانين .. قالولك العصر غصب يعني تسويها الصبح

اشوي الا يقولون له الاوراق ناقصه قالهم طيب بروح اجيبها و بجي قالوله لا خلاص تعال العصر

يه وش السالفه مذله يعني لازم اكلم فلان بن فلان عشان يخلص الموضوع ولا شسالفه :anger1:

لا بس لان من باب اولى انك تقدم الاوراق العصر مب الصبح .. وبتروح وبترد وبتطول السالفه من جذي يقولونلك يعني خلص شغلك يبه وتعال العصر

المراد طلع من عندهم راع النيابه عشان يسويلي تخويل بالتوقيع و يفك نفسه مني :weeping::tease:


المراد راح لهم الا قالوله لا السجل منتهي من كم يوم مايصير نسويلك روح جدده

طيب انا ما بقدر احفظ التواريخ و يا السجل التجاري انتو قايلن انكم ترسلون مسجات قبل

انتهاء السجل وين مسجاتكم طبعاً ولا شفنا شي (( مشارك في جميع الخدمات الحكومية :victory: )

لاتعليق .. صحيح ان هذا تقصير من جانبهم بس المفروض انت بعد تشيك يعني من باب اولى ..

المراد انا اخبر ان يعطون مجال شهر بس قالوله لا مايصير قالهم طيب و امنت بالله

راح وزارة الاقتصاد يجدد السجل غرفت التجاره قالوله السستم خربان ما نقدر نسويلك شي :tease:

ولين الحين السستم خربان و قالوله اذا صارة 1 و ما اشتغل اسفين بنسكر

عاد هذي ظروف قاهره وطارئه بس بعد المفروض يشوفون حل سريع .. زين اخوي دوامهم يخلص الساعه 1 شتبي يسون يعني يتمون لين العصر ولا لين باجر عشان يعوضون النقص اللي صار.؟؟ في النهاية هم بشر حالهم حالك متى خلص دوامهم خلاص يبون يرجعون بيوتهم ..

طيب انا شذنبي طبعاً ذنبي انا ما شفتلي احد اكلمه قبل ما اروح :secret:

شفت شلون تفكيرك .. كله تبي تشوفلك واسطه وبس

و الجوازات طبعاً لازم السجل يكون مجدد و اليوم الخميس و بكره الجمعه و عقب بكره السبت


يعني حيج لين يوم الاحد و يا اخوي اخذ اجازه عشان تروح و تخلص تاخذ هلفه مره ثانيه

و الغرامات تزيد على الشركه

لاتعليق .. واللي يخلص اموره اول باول مابتصير عليه غرامات ..


و في نفس الوقت

يوم الخميس الي راح معود من السعوديه تميت في جمارك سلوى ساعتين ناطر دوري

و في جمارك بو سمرا ساعتين و السبب ان السستم عندنا في قطر خربان فا العالم تاكل هوا و تنطر

و كانة الساعه 4 العصر و وصلت الدوحه الساعه 9 في الليل لان مانقدر ندعس الشارع كله رادارات

حاطتها المرور عشان اذا دعما يكون الغلط على البوالين و ضاع علي عرس ولد عمي

الي متربي معاه بسبب ان السستم خربان

دام عندك مناسبه وانت عارف وراك طريق وجمارك والمفروض تتوقع كل شي وتحسب حساب ان ممكن تتأخر او تتعطل .. فالمفروض انك تطلع قبلها بوقت كافي .. وليش يعني مفكر ان السرعه حل .. وبعد ماتبون ردارات .. ؟

قبل 11 شهر اتممت تشطيب بيت في عين خالد و سويته من احسن ما يكون

طبعاً صاحب البيت جنني يتاخر علي بالدفعات

يتاخر علي في المواد لان كان السيراميك عليه

سافرت اسبوع و سكرت اول يومين انقطع تلفوني من كثر اتصالاته

واحد وقح يتصل الساعه 1 في الليل شكله ظارب انكل شيبي يقولي ياخي حاطلي بس 10 عمال يركبون سيراميك


يعني وصلت فيه الوقاحه ان خلا حدى العمال من شركه ثانيه يغسل سيارته

انسان سيئ بمعنى الكلمه المهم قدر الله و الله اكرمني و قدرت اخلص الشغل و افتك منه

في الموعد المحدد و طبعاً هو زاد على العمال وايد باشيا مش في العقد و ماخذ معاهم اسلوب اخذكم بالصوت

طبعاً هلشي لما كنت مسافر المراد بعد ما خلصنا الشغل قلت له باقي الدفعا الاخيره الي هي 18 الف يعني مش مبلغ كبير

قالي لا مش معطيك قلت له ليه ان شاء الله :mad:

رجال عمره في الستين ماسك منصب حلو في الدوله و معروف على مستوى قطر

يطلع في التلفزيون وايد ابكل وقاحه و ابكل قلت تربيه و ابكل خبث يقولي عندك ما يثبت انك اشتغلت في بيتي ( يقصد عقد )


قلت له و اذا ما عندي :funny:


المراد قلت له يعني انت ما تذكر انك وقعت عقد قالي لا ما خبر

قلت له اوكي و رفعت عليه قضيه و انصدم لما شاف ان في عقد مكتوب بس شكله يوم وقعده كان سكران او شي من هلقبيل

زين انك موثق كل شي فالعقد وزين رفعت عليه قضيه ..


و العقد صحيح و موقع بتوقيعه و مرفع صورة بطاقته الشخصيه

و واضح و 3 نسخ و عليه ختم محامي الشركه و ختم شركتي

و كل البنود واضحه وضوع الشمس في النسخ الثلاثه و الاختام في النسخ الثلاثه و توقيعه في النسخ الثلاثه

و العقد واضح و صريح يعني مافي لف ولا دوران واحد + واحد = 2


و اطلبونا مركز الصناعية للتحقيق و حققو و هو قال اي نعم باقيلهم 18 الف

حلو يعني يعترف ..

وانا ما عطيتهم و مكتوب هلشي في المحضر و انا شفت هلشي ابعيني يعني قريت المحضر


و السبب يقول بس انا اشوف ان هلاتفاق ما كان لازم يكون على هلسعر احس ان سعرهم غالي

و هم ما يستحقون هلسعر و ما كان جايب عمال كفايه يشتغلون حتى لو كانو خلصوا في الموعد

بس بعد كانو يقدرون يخلصون قبل

ههه شالكلام .. انت شفت العقد وقريته ووقعت .. لا والجماعه مخلصينلك الشغل فالموعد .. بعد مب عاجبك ..الصراحه كلامه مش منطقي وماله حق

يعني كل شي واضح و صريح


بس خبركم لان احنى ممن الدول المتقدمه

الي من زود ما احنى متقدمين حلينا كل المشاكل و الدرجه ان عندنا شوارع عالميه على مستوى عالي

اول ما طق المطر تقشرت و عندا شوارع مثل الخراره رايح راد و اذا واحد تجاوز و مات السبب يكون البالون

زين شدخل هالكلام الحين في قضيتك .. يعني الريال معاند ومب راضي يدفع شدخل اللي صار معاك في تقدمنا وشوارعنا؟؟ هذي قضية شخصية يبه ..

تحولة القضيه للنيابه

و من النيابه للمحكمه

و الجلسه الاولى : الاخ ما حضر و تاجلة الجلسه

الجلسه الثانيه : الاخ ما حضر و تاجلة الجلسه

الجلسه الثالثه : الاخ حضر لان يدري لو جا بيصدرون حكم
طلب تاجيل القضيه و تم التاجيل

الجلسه الرابعه الجلسه الخامه الجلسه والله ماعرف كم جلسه وصلنا

لما الخصم مايحضر هذا نوع من انواع الدفاع اللي يستخدمه الخصم .. وهالشي من حقه ,, مانقدر نمنعه ولا بنكون اخلينا بحقه في الدفاع ..

المراد قالو الجلسه للنطق بالحكم قلت الحمدلله فرجة :victory:


و كان الحكم كالتالي : يعين خبر

طيب جيبو خبير و الجلسه يوم الخميس الجاي و المفروض الخبير يجتمع فينا

وبعدين يجتمع فيه و بعدين يكتب التقرير و لين اليوم ما شفناه و اتصلت فينه

و لما نروح نسال يقولون لنا بيتصلكم

و الحين بنكمل سنه على هلحال

و كل هذا طبعاً لان دولتنا الحبيبه متطوره و لما خلصة مشاكلنا لحنى نحل مشكلة لبنان

و الصومال و جيبوتي و ليبيا و مصر و و و و القائمه تطول

ماله خص هالكلام .. القضايات فالمحاكم تطول وهالشي معروف .. عشان جي الناس تروح حق التحكيم لان اسرع من اجراءات المحكمه .. وبعدين المحكمه مب قاعده بس تشوف قضيتك عندها مليون قضيه والقضايا متنوعه فيها الخطير وفيها الاقل خطوره ... وحقك ان شاء الله بتاخذه حتى لو طالت السالفه .. فصبرٌ جميل والله المستعان

اشرايكم يالربع في قصتي و لكم المايك

الله يهديك شكلك صج كتبت هالكلام وانت مشحون حدك ..

[المحاميه]

الله يعينك على هالزطي اللي مب راضي يدفع اللي يقهر انه مقتدر يعني منصب مب فقير ولا متقاعد نقول مسكين مب قادر يدبرها

و معاك حق تطالب بفلوسك لو انها 10 ريال لا تخليها له

بس حسب علمي المحكمه ممكن تستقطع المبلغ من حسابه مباشره حاول تسال قاضي ثاني يكون حقاني وياليت يكون قطري


صحيح اختي لكن هالشي مب عالطول .. اول شي لازم تقوله ادفع .. اذا رفض واستمر على عناده ذيك الساعه تاخذ المبلغ بالقو منه بما انه مقتدر ..



بس كلمة حق تنقال المحاكم في قطر يومهم بسنه و هالشي يخلي الناس تتعمد النصب و

الاحتيال من مبدا ((من امن العقوبه اساء الادب))

الله يفرجها عليك ويعوضك خير

حتى لو يومهم بسنه .. هالشي مب سبب عشان الواحد يسكت عن حقه او يتنازل .. المفروض مهما كانت السالفه صعبه الواحد يتم وراها ..



السستم خربان .. عباره يرددها اي واحد يبي يصرف المراجعين هههههههه

معقووووله!!! اذا هالكلام صج .. شنقول بعد غير ان ناس ماعندها لا ذمه ولا ضمير .. اذا ماتحاسب فالدنيا بيتحاسب فالاخره .. ليش عيل تتوظفون دام ماتبون تشتغلون .. يعني تبون تاخذون راتب على ولاشي .. الله يهدي اي شخص يفكر او يسوي هالحركه ..

[مرحوم قطر]

السلام عليكم و رحمة الله و بركاته

موضوعي هذا رديف لموضوعي السابق كتبته قبل كم يوم وهذا هو الرابط

http://www.qatarshares.com/vb/showthread.php?t=504279

و اليكم ما حدث و كيف ان كل شي في قطر يخلص في خمس دقايق :nice:


اول شي انا عندي شركة مقاولات و عندي عمال و ابي اسوي اقامتهم

و هي البصمه و غيره من الاجرأه

و كانة البداية في رحلة العذاب يوم الخميس الي راح


المراد يوم الخميس اخوي ودا العمال مركز مسيمير عشان يبصمهم قاله الموظف

ان السستم خربان بس يوم الاحد خلي يجوني و انا بخلصهم و عدد الي نبي نبصمهم اربع ما يحتاج انت تجي

راحو يوم الاحد قالوله تعالو بكره و راحو امس قالولهم لا لازم الا الكفيل

فا قلت انا بروح

وانا ما اعرف الاجرأت المتبعه في هلامور كلمة وزارة الداخليه قسم الاستفسارات

و كانة الاساله هي :- :telephone:

1_ عندي عمال في شركتي و ابي ابصمهم ؟.؟
روح بكره مركز مسيمير و بيبصمونهم .

2_ هل يطول الموضوع ؟.؟
لا خمس دقايق و انت واقف .

3_ عندي ثلاث عمال جداد ابي اجيبهم ؟.؟
قالولي نفس المبنا بتلاقي موظفين بيخلصونك .

4_ الجل التجاري منتهي و جددته بس باقي قيد المنشأه ؟.؟
قالولي نفس الموظف الي بيسويلك الفيز هو الي بيجددلك .

5_ قيد المنشأه عندي ظايع ؟.؟
عادي اخوي نفس الموظف بيسويلك اياه .

6_ هل باخذ وقت ؟.؟
لا خمس دقايق و انت واقف .

7_ وشهي الاوراق المطلوبه ؟.؟
1,2,3,4,5,6 ... الخ .

8_ اوقات العمل في البصمه و الجوازات ؟.؟
دوام عسكري من الساعه 6 يفتحون و يتم استقبال المراجعين لين وحده و من ثنتين لين سبع .


حلو الكلام و مشكوره و ماقصرتي


رحت عند طباع قلت له ابي كذا كذا

قال اوكي بس بعد ترى انت محتاج بعد كذا كذا

الظاهر نسو يقولون و سويت كل المطلوب و سويت نسخ من كل شي عندي

و رتبتهم في الملف الازرق :victory:

ما حدث اليوم تاريخ 03/04/2012 :secret:


صحيت من النوم الساعه خمس و نص الساعه 6 طلعت الساعه 6 و ربع انا عند مركز مسيمير

رحت عند البصمه طلع الباب مقفول :secret:

سالت العسكري قالي يفتحون الساعه 6 ونص المهم انطلعت لين 7 ونص

و اهني بدا التحلطم :anger1:


الحمدلله افتحو بواباتهم و قلت يلا خمس دقايق و انا واقف

انا اول واحد كلمة الموظف و قلت له موضوعي من الخميس و قالي الطامه


لا اخوي اسمح لنا بصمة الشركات تخلص في الصناعية

اظربة اعصابي قلت له شلحل

قالي روح الصناعيه

طلعت و دخلت على الظابط و نفس الحاله مالقيت عند حل


طلعة و اتصلت على وزارة الداخليه قسم الاستعلام قلت لهم انتو قلتولي كذا كذا كذا

قالولي طيب شلمشكله قلت لهم في مركز مسيمير في بصمه حق الشركات قالولي اي نعم في :eek5:

قلت لهم بس انا رحت لهم قالولي مافي شركات قالت لي الموظفه هو مافي :omg:

قلت اها يعني كذا الموضوع لو سمحتي حوليني على قسم الشكاوي :telephone:

خبركم و رانه فزعه و الدنيه مش سايبه قالت لي ان شاء الله يردون عليك :discuss:

حولتني و انتظرت 5 دقايق لين ردو علي

ردة علي موظفه قلت له عندي شكوى قالت لي شنو قلت لها كذا كذا كذا

قالت اي ايي بس ترى موضوعك مب عندنا هذا في قسم الشكاوي :omg:

قلت لها عيل انتو شنو قالت لي لا اهني اصدار مادري شنو

قلت لها عيل ليه ما قلتيلي من 10 دقايق و انا اقولج القصه :anger1:

قالت معلي اتصل مره ثانيه و قولهم يحولونك عدل :victory:


قلت حق العمال خلاص روحو


رحت حق موظف الفيز قلت له ابي اسوي فيز جديده و قيد المنشأه ما جددته و اصلاً ضايع


قالي اخوي لازم تسوي اول شي صوره مصدقه من الرخصه التجاريه و هذا يسوونها في البلديه

قلت له طيب ليه ما قالولي قالي شدراني قلت له اي بلديه قالي ماعرف اتصلهم


طلعت و رحت دوامي متحطم شافني ضابطي قالي شسالفه قلت له كيت كيت قالي توكل على الله

انت مرخوص و روح خلص شغلك طلعت و اتصلت على وزارة الاقتصاد قلت لهم كذا كذا الموضوع

قالولي وين مكتبك قلت له شارع الفروسيه

قالولي تعال اهني و ان شاء الله بيخلصونك خمس دقايق و انت واقف

رحت لهم قالولي لا انت تبع بلدية الريان قلت اي اي قالولي لا هلموضوع ما بيخلص الى في الريان

لازم تروح اهناك و يعني الموظف طيب عطاني فورمه قالي عبها قلت له يصير يدوي قالي اي يصير

قلت له طيب و رحت اهناك و دخلت البلديه و رحت حق الموظف الاول

ومن مكتب لين مكتب لين اخر شي

رحت اهناك الا 5 في مكتب واحد سوالف و ضحك لين برع و المكتب عليه جبن و جام و عسل و خبز و زعتر


كان خاطري اسويلي شي اكله :eek5:


المهم سلام عليكم ما ردو السلام مره ثانيه سلام عليكم قالولي وعليكم امر :tease:

قلت لهم موضوعي قالولي لازم تعبي الفورما قلت له اوكي قالي لا لازم بالكمبيوتر

طيب عندكم طباعين لا لاوح ال شافي و رحت و خلصت و رجعت و تلطشت عندهم

خلصت و رجعة مركز مسيمير و معاي الصوره المصدقه

قالي الموظف زين خلصت قلت له الحمدلله و علامات الشقا على وجهي

قالي عطني الاوراق عطيته

قلت له اتفضل الا قالي وين قيد المنشأه قلت له قلت لك انه ضايع قالي ما اذكر :omg::anger1:

المهم بعد كلام قالي روح المبنى الي جنب مبنانه و اهناك بيخلصونك

و سهالات خمس دقايق و انت واقف خخخخخخخ

رحت المبنى الثاني الاستقبال حولوني على الوكيل الوكيل حولني على الوكيل

و الوكيل قالي لا هلموضوع مب عندنا اهني انهرت قطيت الملف الازرق وقلت خلاص

مابي الشركه قام مسكيت يهديني و يابلي ماي و كرك

وقالي صراحه هلموضوع ما بيخلص الى في مركز الريان لازم تروح اهناك و تقدم بلاغ

و ترى الموضوع بسيط كلها 5 دقايق و انت واقف :secret:


رحت مركز الريان قالولي اي موضوعك عندنا استبشرت خير قالي بس ما نقدر اليوم

الى بكره الصبح لان البنات الي يطبعون الاوراق محد رخصناهم قلت له للحين باقي وايد على الوحده

قالي شاسوي يعني راحو

قلت له و الحل قالي روح مركز مسيمير جدد ليوم واحد و ادفع 200 ريال و سو الفيز

اتصلت الداخليه و قلت لهم القصه قالولي اي يصير

رحت مركز مسيمير قالولي لا مايصير لان قيد المنشأه محد خخخخخخخخخخخ

و اظربت عندي ام الديفان بس مافي فايده و رجعت البيت ماكل هوا


السوال هل يعقل ان كل ذي يصير في وزارات مهمه في الدوله ؟.؟

هل يصير هلشي ؟.؟


هلقصه اهداء حق الوزارات الثلاثه الي مريت عليهم


ولكم التعليق

:)

[طيوب]

بإنتـظار الجزء الثاني "

[hamoor4ever]

مدري اخوي ، كان عطيت مندوب يخلصك ، بعدين اخوي اوراقك ناقصه شلون تبيهم يخلصونك وسالفه ضاعت ونسيتها هاذي ماتمشي بالوزرات ، ولازم اتعرف ان مستند ضايع اكيد يبي له وقت لين اتطلع البديل اتحط اللوم على الوزارات وانت اوراقك ناقصه والعاده اغلب الوزرات الساعه 12 ماتحصل حد ، الله يعينك

[مرحوم قطر]

مدري اخوي ، كان عطيت مندوب يخلصك ، بعدين اخوي اوراقك ناقصه شلون تبيهم يخلصونك وسالفه ضاعت ونسيتها هاذي ماتمشي بالوزرات ، ولازم اتعرف ان مستند ضايع اكيد يبي له وقت لين اتطلع البديل اتحط اللوم على الوزارات وانت اوراقك ناقصه والعاده اغلب الوزرات الساعه 12 ماتحصل حد ، الله يعينك


الشيخ يمكن ما قريت الموضوع عدل


اوراقي مش ناقصه سويتها كلها امس

و الي كان ناقص اوراق لما اروح للموظف او اكلم الوزاره ما يقولون لي عنها

و لما يقولون لي عن الاوراق المطلوبه ما يقولون لي كل شي

و الي كان ضايع اورقه وحده وهي قيد المنشأه

و كل الي كنت اقولهم يقولون لي لا ما يحتاج بيسوون لك

و لما اروح يطلع الكلام ثاني

عرفت الحين


انا رايح مرتب نفسي بس هم الله بالخير

و غير كذا يقولون لي في مبنى و يطلع المبنا غلط

و موظف يقولي تعال بعد كم يوم و يطلع موضوعي اصلا مش عنده

و كل موضف يحولي على موضف ثاني و الثاني يحولني على الثالث

و الموضوع اساسا مش عندهم


يعني مسخره في مسخره

[كلنا قطر 1981]

ههههههههههههههههههههههههههههههههههههههههههههههههه


اخوي الله يعينك بصراحه بس ما اقولك الا انتظر 5 دقايق و برد عليك خخخخخخخخخخ


وسع صدرك يالغالي و الله يعوض صبرك انشاء الله خير

[روح الاطلس]

مرحوم ترا وزارة الداخليه يقولون هي احسن وزارة بالبلد حط بالك !!

[doha2012]

لاحول ولاقوة الا بالله



الصبر زين .. وهذي ترى امور يوميه نعاصرها


واحد من الاخوان قال ليه مايخلصها مندوب .. وهو صادق بترتاح كثير


اموري كلها تبي الصراحه يخلصها مندوب اتعامل معاه .. ارسل له السواق بالاوراق

ويخلصها وياخذ المقسوم .. حتى ساعات لو بيتاخر اخلي السواق يوديه يخلص اوراقي


امور السفارات والخدم والبصمات والسفر اعطيها اياه ..


لو تبي رقمه ابشر ان شاء الله ..



الله يوفقك وييسر امورك ..

[قلبي الطيب]

ايه ياشيخ أنا اليوم مريت بهالسيستم التعبان
العيب بالموظفين مايبون يحللون رواتبهم

[سوق جالس]

الله يعينك و يعين الجميع .. التطور عندنا مثل السلحفاء .. و دوم يكون في الاشياء الغلط


الله المستعان

[أبوزينة]

الله يعينك ,,
ههههههههههههههههههه
تصير معاي دايما
حسيت نفسي مكانك

[وحيد-الشوق]

والله انك صادق

تخيل مره رحت اطلع شهادة راتب من جهة عملي الا الموظف يقولي تعال بكره اقوله ابيها اليوم يقولي روح وتعالي بعد ساعتين

عسى ماشر كلها الا ورقة والكل يدري انها ماتاخذ الا طباعة يعني كم دقيقة بس ولا موظفين الصحة في العلاج بالخارج خلني ساكت احسن ملف امي يقولون لي ضايع وفي الاخيرمحد يبي يدور عليه وتخيلوا دشيت لهم داخل واكلم الهندي وين الملف يقول مافي اقوله قوم دور والله انصدمت طلع ملف امي في الخزنه الي فوق مكتبه والله على ما اقول شهيد

للأسف كثير من الموظفين نفسيات وكل واحد يقطك عالثاني ولين ماتنبط جبدك

[ابوالكلام]

في ناس مرتزة في مكاتب عندنا للأسف وهي مب كفؤ المكان فلازم الخربطة راس الهرم فاسد للأسف يوميا نعاني في الوزارات والبلد ماشية بالبركة انا أشوف ان يكون في تشهير للأشخاص المقصريين لكي يكون عبرة لغيره هل يعقل أمور الناس تتعطل على ثلة من الناس محميين اما بالقبيلة او مصالح بينهم

[الخزرجي قطر]

الله يعينك ان شاالله وتتسهل امورك
المواضيع الي ذكرتها تراها عادي تحدث بشكل يومي
عند مراجعتك اي اداره بس يبيلك وساعة صدر وطولة البال

[حراير قطر]

صباح الخير

الله يعينك اخوي

المفروض بكل وزارة قسم للاستفسارات

وعندهم خلفيه بالاوراق المطلوبة والمكان المطلوب

احسن من هالشحططه اللي صايره والمشكله اشغالنا

مب كل يوم تاركينها عشانهم ما ادري متى بيحسون

ويمشون امورهم بالتلفون او الايميل او الفاكس واتخف هالزحمة

والله يكون في عون الجميع ...

[مرحوم قطر]

اليوم تاريخ 04/04/2012


تم التوجه الصباح الساعه 7 الى مركز مركز شرطة الريان

عشان اقدم بلاغ ضياع قيد المنشأه و استخرج بدل فاقد

و خبركم الموضوع مايبيله شي خمس دقايق و انت واقف


قدمت البلاغ قالولي بيخلص الساعه 10 خبركم من 7 لين 10 خمس دقايق


جيتهم الساعه عشر قالولي الموضوع ما خلص ماعندنا ظابط يوقع


دخلت داخل المركز ادورلي ظابط لاني ما صدقت الي في قسم تقديم الطلبات


وبعد بحث بسيط تم العثور على عقيد اعتقد انه مدير المركز

و كلمته في الموضوع و الحمدلله كان جداً رجال طيب اعتقد انه مهندي نسيت

و متفاهم جداً وقعلي الورقه و مشى موضوعي الله يجزاه و ايانه كل خير


و رجعنا للبنات و خلصو الموضوع مع ان البرنتر كانت خربانه

بس بمى ان لي خبره خفيفه في هلمجال اكتشفت العطل و صلحتها عشان ياخذون نسخه من الكتاب


وبعد الانتهاء تم العوده الى مركز مسيمير


و الحمدلله و الشكر له طلعولي بدل فاقد و خلصت

و الموظف الله يجزاه خير كسرت خاطره حولني على بنت و خلصتني ماقصرت فيني

و تم دفع 900 ريال رسوم تاشيرات جديده


بعدين رحت حق موظفه ثانيه و الله يجزاها كل خير ذي صدق ما قصرت و واقفة معاي

و خلصت موضوع الاقامات بس للاسف البصمه كانو مخلصين لي واحد بس و للحين باقي 3 عمال ما خلصوهم

قالت يمكن يخلصون بكره


عاد بئذن واحد احد فرد صمد قوي جبار متكبر مالك الملك هو العزيز و هو القدير وهو رب العرش المجيد

هو الله الرحمن الرحيم ذو العزه و الجبروت القادر على كل شئ

لا الله الا هو لهو الاسماء الحسنى كلنا عبيده ابناء عبيده رب السماوات و الارض و مابينهما


ان شاء الله بكره بيخلص موضوعي

[شموع قطريه]

واخيرا ههههههه الحمدلله انتهى المسلسل على خير

[شموع قطريه]

من الاخوان قال ليه مايخلصها مندوب .. وهو صادق بترتاح كثير
اموري كلها تبي الصراحه يخلصها مندوب اتعامل معاه .. ارسل له السواق بالاوراق

ويخلصها وياخذ المقسوم .. حتى ساعات لو بيتاخر اخلي السواق يوديه يخلص اوراقي
لو تبي رقمه ابشر ان شاء الله ..
.

ممكن ولا تهون تطرشلي رقم المندوب

[مرحوم قطر]

حق الي باركولي ان الموضوع خلص



اقولكم للاسف للحين الموضوع ما خلص



تاريخ 05/04/2012


الساعه 9 رحت جوازات مسيمير على اساس ان الموضوع خالص بس اللهم اعطيهم الفورمات عشان

يطلعون البطاقات الشخصيه

يوم وصلت و بعد انتظار قالت الي الموظفه لين الحين ما خلص الموضوع


قلت لها طيب وش الحال قالت لي مادري كلم الظابط

كلمت الظابط قالي مادري كلم رئيس القسم

كلمت رئيس القسم قالي روح البصمه شيك عندهم قلت له اروح الصناعيه قالي ليه اتعب نفسك


روح البصمه الي هنا كلهم اداره وحده و سستمهم موحد خخخخخخخخخخخخخخخخخ

وبيخلصونك خمس دقايق وانت واقف



رحت لهم طبعاً و قالولي لا الموضوع مب عندنا الموضوع في الصناعيه

وبيني و بينكم خلاص انا كنت عامل احسابي على الرد

و ركبت موتري و رحت الصناعيه بعد تشييك قالولي الموضوع مب عندنا


الموضوع في الادله و المعلومات البصمه الرئيسيه على خط بوسمره


ورحت الادله و المعلومات الي على خط بو سمره

و طلع السبب ان الي بصم العمال ما بصمهم عدل طيب ليه ما بصمهم عدل قالي عادي تصير وايد

و اوقات توصل لين 6 مرات وهم يعيدون البصمه و السبب يكون الجهاز وصخ او يده ناشفه وايد


المراد رجعت مكان عملهم و خذت العمال و وديتهم البصمه مره ثانيه الي في طريق بو سمرا كظمان يعني

و انا حاط في بالي هدف اني ما اطلع الا قدي واثق ان الموضوع خالص و بصمتهم مره ثانيه و قلت حق العمال

تمو قاعدين في الاستراحه لا تتحركون و خذت الاوراق و رحت حق الظابط المسؤول


و قعدت عندهم قالي خلاص اخوي البصمه بنطرشها حق الجوازات بعد ساعتين

قالت له اسف اخوي انا ما عدت اوثق في احد في هلبلاد

انا بتم قاعد عندك لين اشوفك توقع على البصمه و اشوف الموافقه بعيوني بعدين بمشي قالي كيفك


وفعلاً ما تحركة من مكاني الا لما شفته من كثر ما مللته وقع و قالي شوف هذا هو توقيعي

قلت له اسف اخوي ابي توقيعك على الثلاث فورمات

و وقع قدامي على الثلاث فورمات و فتح السستم قدامي و ارسلهم الموافقه قالي شوف تمت العمليه بنجاح

و كرر الموضوع على الثلاث فورمات اهني قلت له خلاص الله لا يهينك و مشيت


رجعت جوازات بو مسيمير و عطيتهم الاوراق مكتوب عليها بالموافقه من الادله و المعلومات

و الكتب كلها موجوده

بس للاسف كانت الساعه 11 ونص تقريباً و قالولي خلاص سكرنا تعال العصر


قلت له طيب انا بجي العصر بس ولا عليك امر شوف الاوراق في شي ناقص

تم يتفحص الاوراق قالي لا اوراقك سليميه 100% و ظرب عليهم في السستم قالي كل شي اوكي

بس تعال العصر استلم البطاقات الشخصيه قلت له تم و طلعت


العصر عودت الا زحمه تميت ناطر تقريباً من الساعه 4 لين 5 يعني حوالي ساعه

بس اول ما دخلت قلت كظمان اسال احسن

و عطيت المسؤول الاوراق قلت له يا الطيب بغيت اشوف اوراقي كامله ولا ناقصني شي


شيك هو و الموظفه الي على الكاونتر قالولي اي كامله و امورك طيبه بس انطر الدور ((( يعني منظمين )))


المراد جا دوري و رحت عند الموظفه عطيتها الاوراق


قالت لي اخوي وين عقد العمل خخخخخخخخخخخخخخخخخخخخخخخخخخخخخ


قلت لها شنو يعني عقد العمل قالت لي الموضوع ما يخلص بدون عقد عمل

و اهني تنرفزت و خلاص كنت بكسر الكبيوتر الي قدامي خذت الاوراق و رحت حق المسؤول

قلت له اخوي انت قلت لي الاوراق كامله صح قالي اي كامله

عطيته مره ثانيه قلت له دقق عليهم قالي الموظفه شقالت لك قلت له انت دقق و بعدين بقولك


دقق و قالي اي كامله قلت له مش ناقص ولا شي قالي لا مش ناقص شي

قلت له هي تقولي لازم عقد عمل قالي اي اي صح نسيت لازم تجيب عقد عمل حياك عندنا يوم الاحد ابكل برود يقولها لي


و اتلاغه معاه و يصير بينه كلام الصراحه هو ما غلط ولا قط كلام صحيح كان اسلوبه فظ و طريقه كلامه فيها نفسيه

بس ذي شي راجع له كلمة الحق ما غلط

المهم قلت له و الحل قالي سو عقد بينك و بينهم و خلهم يوقعون و انت وقع و ختم الشركه

قلت له بسيطه باقي ساعتين و اهم في العزيزيه بكلم المكتب الي في العزيزيه عنده نماذج حق كل شي

بخليه يسويلهم و يوقعون و يجيبونها لي نص ساعه ما بنطول


قالي اوكي مافي مشكله بس لازم ترى تصدقها من وزارة العمل ((( زين بعد قالي ))):tease:



و كعادة كل يوم و هذا الموضوع ما يبغي يخلص وهو اني اسوي اقامه حق عمال الشركه



للعلم الناس اهناك الي عندها عامل على كفاله خاصه اموره طيبه و اوراقه تخلص دعس و مرتاح


اما الشركات متبهدلين و اهناك كنت انا معاي قطريين و يتشكون و يتنرفزون و كذا مره شفت قدامي

يتلاغون و تصير مشاحنات بينهم و بين الموظفين

لان صراحه الدعوه مسخره حدها اهناك و عبط مش طبيعي

و تميت اسولف مع الشباب و قالولي قصصهم مع الاقامات و الي يصير فيها

و يقولون لي (( مجموعه مش واحد )) ان مهما سويت حتى لو سويت نفس الاجرأت مره ثانيه

حق عمال جدد بعد بيعقدونك زياده و بيسوون لك امور جديده و بيشيلون امور قديمه

يعني على سبيل المثال واحد قالي ان قالوله لا التوكيل مش مهم دامك اخوي المالك و كرت المنشأه معاك

الله كريم و يقول الثاني هم مثل الي ينتقمون من المراجع بالاسلوب الي يسوون

و انا شفت بعيني الموظفه لما تعطي الرجال البطاقات و الاوراق ما كانت تعطيه في يده او تمد يدها للطاوله

و تحطها عشان ياخذها كانت تحذف البطاقات و الجوازات و الاوراق حذفت

الدرجه انه كان يحط يده على نهاية الكاورنتر عشان ما تطيح البطايق على الارض

و كان الرجال مندوب سوداني و تكلمت معاه و قالي حنى المناديم عاملين حسابنا ان بنجي هنا و بنتبهدل


بس هذا هو شغلنا و خلاص تعودنا على بهدلتهم و يقول ان صار شي متعارف ان الموظفين

يتمسخرون علينا و ياخذرونه في سبيل المزاح على قولته

و لما سالت احد العساكر اذا كان ممكن اكلف اي مندوب يخلص اوراقي


قالي لا القانون الجديد يقول ان المندوب لازم يكون عنده كتاب تخويل من النيابه العامله عشان يخلص الاوراق

او يكون على كفالة الشركة و مطلع له بطاقه انه مندوب من السجل العقاري اعتقد قالي او ما تمشي المعامله





و هذا ما حدث لهذا اليوم في انتظار يوم الاحد و بعد باخذ اجازه

و بروح وزارة العمل و بصدق العقود و برجع لهم مره ثانيه

و مع اني ادري العقود ما لها اي لزمه لان هم طلعو حق واحد من غير عقد ولا اسالوني ولا كلموني عنه


و مع العلم اني قعدت مع هذا الشخص و سالته وش المطلوب بالضبط و كتبت قدامه الخطوات

الي قالي عنها و الي الي هي 4 خطوات و رفض يعطيني اسمه

بس بعد ادري ان يوم الاحد بروح و بيقولون لي في اوراق ناقصه للحين ما اكملة



و ما اقول الا الله فوق و الله ياخذ حقي

وانا مش محلل كل من ظرني في هلموضوع و ان شاء الله اني مش محلل احد منهم

و ان شاء الله ربي ياخذ حقي منهم و دعوة المظلوم مستجابه ان شاء الله



عمري ما دعيت على احد بس الي صار فيني مش شوي

[hasss1969]

الله يهديك ياخوي كان شفت لك حد تعرفه من الشباب الطيب اللي يشتغل هناك كان خلص لك الموضوع او على الاقل تدخل في تسريعه بدل البهدلة هاذي اللي مريت فيها...

[مرحوم قطر]

للاسف ما عندي احد يخلصلي اوراقي

[BoAzozz]

الله يعينك اخوي والله سالفتك سالفه
الله يسهل امورك وتخلص شغلك وترتاح
بس انت تكسب خبره في المعاملات والامور هذي .. (خلك ايجابي)

انصحك اذا معاملاتك كثير حط لك مندوب للشركه وتفك عمرك
او تتعامل مع مكتب تخليص معاملات وتشتري راحتك

تحياتي

[مرحوم قطر]

اليكم ما حدث اليوم تاريخ 08/04/2012


كلعاده كانت وجهتي ادارة الجوازات


باختصار

الموظف الاول : قالي لا اسف ماقدر اسويلك لازم يكون عندك عقود عمل .

الموظف الثاني : اسف اخوي ما اقدر اسويلك شي هذي مش شغلتي ( مع انه هو الي خلصني في البدايه ) .

الموظف الثالث : قالي لازم تجيبلي صور مصدقه من قيد المنشأه :omg: .

الموظف الرابع : كان الضابط قالي مشكلتك مشكله روح حق المدير ما اقدر اسويلك شي .

الموظف الخامس : المدير قالي انا الحين مشغول ما اقدر اشوف موضوعك تعال وقت ثاني .

الموظف السادس : اوووه انت للحين ما خلصوك تعال تعال 10 دقايق اتفضل هذي البطاقات الشخصيه .


و السلام عليكم و رحمة الله و بركاته


و فوق اصعدي فوق اصعدي