يا ناس لا تخلون عيالكم يرحون رحلات مدرسية

[قطرية وافتخر]

يا ناس احذروا ترسلون عيالكم رحلات مدرسية مع المدارس للمجمعات مثل الاند مارك وغيره

شوفوا شنو شفت بالضبط امس كنت في الاند مارك صوب الالعاب على الساعه 11 وكان في قروب مدرسي طلاب من مدرسة الكون العالمية جايبينهم رحلة مدرسية

والله والرحلة رحله مدرسه مادري شنو الثقافه اللي بيكتسبونها من المجمعات

الحين مب هاي السالفه ولا هاي المصيبه

السالفه ان اليهال قروب كبير يسرحون ويمرحون لا وراهم مشرف ولا معلم ولا مساعد مشرف ولا حتى فراش

اليهال يراكضون من مكان الى مكان يطلعون الالعاب ويرحون المطاعم والا حد معاهم ويشترون بروحهم ولا معاهم حد

يودت ياهل وكلمته وسالته انتوا اي مدرسه ولا حد قالي شي اصلا محد معاهم عشان يقولي

يعني شنو هلاهمال لو ياهل طلع من المجمع ولا حد خذه شنو بتكون ردود المدرسه علي ولا من بينفعني


زين شهو الهدف من رحلة مدرسية حق مجمع مب انتوا تودون عيالكم المجمعات متى ما تبون


يا ناس خافوا على عيالكم ولا تخلونهم يرحون هالرحلات الفاشله ..

مدرستين ثلاث طرى عليهم يرحون تمشون ويتسوقون في الاندمارك قالوا يالله نسوي رحلة

وهم مايدرون عن اليهال

[شبح الصمت]

هذولي اهم المشرفات يجيبوونهم وكل وحده تسرح وتمرح على كيفها

عيالهم لا مب عيالهم

امحق رحلات تجيب الغثى

لو صار لهم تحرش جنسي والا احد منهم طاح من مكان عالي والا تعور ..

انا اقول يفكونا من هالرحلات ويخلون عيالنا احنا نوديهم احسن

يا يودونهم اماكن تعليميه والا بلاها من رحلات

[بوحمد111]

هذا الي نسميه التخبط ولا يهمهم مستقبل الطلاب كثر ما يهمهم السمعة يبالفيت المدرسة مهتمه في طلابها

الله المستعان

[وطن]

الصراحة امس شفت مدرستين مختلفتين في فيلاجيو
وحده اولاد ومعاهم مدرساتهم
و المدرسة الثانية بنات صغار واضح انهم في مرحلة الروضة

وشفت المدرسات اللي معاهم مهتمين فيهم ويجمعونهم

اختي يعتمد من مدرسة لين مدرسة
ما نقدر نعمم

كنت اراقب شلون يمشون مع الاطفال و يجمعونهم على بعض عشان ما يتشتتون كأنهم كتاكيت :)
واضح انهم خايفين عليهم ومقدرين حجم المسؤولية اللي معطينهم اياها الاهالي
والصراحة فكرت لو انا مكانهم ما اظن اقدر اتحكم في هذا العدد الكبير من الأطفال واراقبهم عشان ما يضيعون
الله يعطيهم العافية

[ثابت]

!!!!!! مصيبة !!!!!!!

[كلنا قطر 1981]

زين شهو الهدف من رحلة مدرسية حق مجمع

هذا السؤال شنو الثقافه الي بيكتسبها الطفل من الرحله لمجمع تجاري؟؟

بيصير تاجر مثلا ؟؟ و لا بيصير محترف تشري؟؟؟

[ريماس الغلا]

لو المدرسات القطريات اللي يروحون مع اليهال ماخذين بالهم من عيالنا


جان احنا بخير وما نحاتيهم لين يروحون ولين يردون

[R 7 A L]

مدرستين ثلاث طرى عليهم يرحون تمشون ويتسوقون في الاندمارك قالوا يالله نسوي رحلة

وهم مايدرون عن اليهال



قرار الراحلات المدرسين من يصدره المدرسات ولا الإدارة
؟ ؟ ؟

[mnmn172]

الرحلات يستفيد منها الطلاب ترفيه مع ربعهم ويكتسبون جراه بس المهم من اللي يطلع مع الطلاب هالرحلات أعتقد انها مسؤؤلية الاداره تختار ناس قد المسؤؤليه

[ريماس الغلا]

الاداره وبالتنسيق مع المدرسات

[قطريه أصيله]

استهتار مهب طبيعي لاحول ولاقوة الا بالله


الحافظ الله

[قرنقووش]

من زين الرحلات ومن زين الاماكن اللي يروحونها
حديقة حيوان .. مجمعات
حتى الحيوانات لي زرناهم في الحديقه يقولون ويييي يحليلك كبرت :p

اشوف ان الرحلات تكون في مجال التعليم .. مثلا يودونهم معامل او مصانع او جامعات
والترفيه مطلوب بعد .. المفروض يودونهم نوادي مثلا ودونا مره يومنا صغار نادي الغولف .. والله وناسه بصراحه تمينا نلعب مع المدربين ونتمشى فالنادي استانسنا والله
يسوون دوري للمدارس كل فصل .. يودونهم يشجعون .. في وايد نشاطات للشباب واليهال حتى يستانسون فيه ازين من هالالعاب الخرابه .. يوم قطار متقلب ويوم واحد مختنق .. لا يبه هذول بنفسي ماوديهم ههههههههه

[alwahesh]

السبب وراء الاهمال الاستعانه بالعماله الرخيصه والاعتماد على الجنسيات الاخرى

واهمال القطريات الي بأمس الحاجه للعمل

والمعروف ان المشرفات القطريات حريصات على الطفال

[ولد ازغوى]

هالمدرسه هنديه او باكستانيه صح ؟
ماشالله عيالهم جريين ويمكن يبون يعلمونهم الاعتماد عالنفس والجراه

[الأصيلة]

المدرسة مسؤولة أولى عن الرحلة والمعلمات ثانيا
المشكلة في بنات الإعدادية والثانوية ياليت مايودونها مجمعات ومولات
تراها أكبر مصيبة ...
احنا بناتنا مستحيل نسمح لهم بمثل ها الرحلات
وبعض المدارس مانعة مثل ها الرحلاته
يعني مب كل المدارس تسمح للمدرسات
يختارون الأماكن ويودون البنات أو الأطفال..

[ام السعف]

مع رحلات المدارس

بس مدرسة عيالنا نادرا ما يودونهم

في حال وجود مثل هالمخالفة من تسيب ترك الاطفال من غير مشرفين
المفروض الو واحد على المدرسة المذكورة ،، وتقديم شكوى مباشرة،،

[qatarshark]

مساكم الله بالخير:victory:
الرحلات والزيارات المدرسية القصد منها التثقيف والترفيه
ولايجوز ان نعمم على المدارس كلها من حيث الإهمال
لان هناك مدارس مهتمة بمثل هذه الرحلات والزيارات
والسؤال الي يطرح نفسه
ماهو دور الاسرة في تثقيف الأبناء بأهمية الرحلات والزيارات العلمية
وهناك اخطاء يقع فيها القائمون على الرحلات وهي عدم الاتصال بولي الامر
بعد أخذ الموافقة منه على الرحلة لان هناك بعض الطلبة يقومون بالتوقيع
عن اولياء أمورهم وهذي نصيحة مني لكل الإدارات المدرسية لان محد راح
يرحمكم لو حصل خطاء ما
الخلاصة : الرحلات والزيارات تنفس عن الطالب من الضغوط اليومية*

[إكليل الزهور]

لو المدرسات القطريات اللي يروحون مع اليهال ماخذين بالهم من عيالنا

جان احنا بخير وما نحاتيهم لين يروحون ولين يردون

القطريات و غير القطريات.. ليش القطرية تشتري من المجمعات و غير القطرية ماتشتري؟

تحمل المسؤولية مب حكر على غير القطريات، و التشري و الاهمال في وقت الرحلة بعد مب حكر على القطريات!

لما مدرستين (قطرية و رفيجتها غير قطرية) يردون من رحلة وهم ماسكين كوفي فيد و أكياس مشتريات من كذا محل فاليد الثانية.. وباعترافهم مخلين الطلاب ورايحين يتشرون كأنه شي زين.. هذا شمعناته؟؟؟ معناته ثنتينهم مب كفو رحلة!

بليز لانقعد نخص القطرية بالاهمال...

[qatarshark]

القطريات و غير القطريات.. ليش القطرية تشتري من المجمعات و غير القطرية ماتشتري؟

تحمل المسؤولية مب حكر على غير القطريات، و التشري و الاهمال في وقت الرحلة بعد مب حكر على القطريات!

لما مدرستين (قطرية و رفيجتها غير قطرية) يردون من رحلة وهم ماسكين كوفي فيد و أكياس مشتريات من كذا محل فاليد الثانية.. وباعترافهم مخلين الطلاب ورايحين يتشرون كأنه شي زين.. هذا شمعناته؟؟؟ معناته ثنتينهم مب كفو رحلة!

بليز لانقعد نخص القطرية بالاهمال...



اكليل الزهور
كلامج عين العقل:victory:

[qatara]

بالله اين العلم في رحله للند اين الفائده التعليميه
هل اوليا الامور يرسلون اولادهم للمدارس ام للهياته في اللند والمول وغيره
؟
مصيبه

الانسان ذنبه ويرعبه هل سيغفر الله له ام لا

فمابلك من يتحمل ذنوب هولاء الاطفال او الاجيال كلهم

[سان سيمون]

لو المدرسات القطريات اللي يروحون مع اليهال ماخذين بالهم من عيالنا


جان احنا بخير وما نحاتيهم لين يروحون ولين يردون

اسمحي لي الشيخة هذا ما فيه قطرية ولا غير هذا إحساس بالمسؤولية و ثقل الامانه انا في مرة وجه معلماتي كتابيا وهم قطريات لانه وهقوا ربعهم مع البنات وراحوا يتسوقون

[نشميه]

ولدي أول أمس راح رحله على جنجل زون في حياة بلازا، كنت بمنعه بس يكسر خاطري يتم يحن اذا ما راح وقالي انهم راحو المطاعم وطلبولهم وجبات ، بس يقول ان المدرسات مش قادرين عالأولاد وعملو فوضى وازعاج.:rolleyes2:

[درر قطر]

والله ماله معنى يودون عيالنا المجمعات والأسواق ولا البحر صارت الرحلات المدرسية غير مدروسة وما لها هدف علمي ولا لها صلة بالمنهج الدرسات يبون يتسوقون ويتمشون ويرتاحون من الحصص على حساب المنهج وسلامة الطلاب
الله يرحم رحلات أول المتحف وحديقة الحيوان

[ام حمد ومحمد]

الرحلة يكتسب فيها الطفل الجراه مع اليهال ويقدر يعتمد على نفسه ويختلط بالاطفال
ياني ولدي اول ماقدمت له فى المدرسه ومعاه ورقه موافقة ولى الامر على الرحلة فى الاول ترددت وعقب وقعت ورحلتهم كانت فى سوق واقف وتعمدت اروح واشوف ولاحظت اهتمام المدرسات قطريات بعد
مجمعين الاطفال ومحد يطلع عن الطريق صج اهتمام وبصراحة يوم ولدي يسوي شي يتصلون فيني يقولون بكل احترام نبهي ولدج لايتحرك وايد مب نفس المدرسات اللى تقولج احنا نخلى مسوليتنا لو صاده شئ عيل من المسؤل الفر اش ولا السائق

تري يعتمد من مدرسة لمدرسة واتمنيت اللى يعلمون عيالنا يكون بعد قطريات لاني لاحظت بعضهم اجانب
وعيالنا مايبلهم غير مدرسة نفس الجنسية هي تفهم لهم اكثر

[الصغيره]

عادي ياكثر هم اصلا صارت المدارس بكبرها لعبه وهم بمكان اللعب مايلعبون تلقون اللي معهم يتسوقووون

لا والف لا للرحلات المدرسيه ولاي مشوار خارج المدرسه

[آنــه]

انا ارفض التعميم في هذا الموضوع سواء عن موضوع الرحلات او الاشراف والمشرفات

انا مع الرحلات المدرسية وخصوصا لما تكون بمبدأ العقاب والثواب
اي ان الطالب او صاحب الاجتهاد والطالب المثالي يجب ان يكون لهم رحلات
لكن في المقابل يجب ان تكون الرحلة مدروسة يكون لها هدف ورؤية يستفيد منها الطالب
مثل زيارات المصانع قنوات التلفاز والإذاعة و بعض الوزارات الخدمية المتاحف بعض الرحلات الترفيهية مثل النوادي الرياضية لتكوين قاعدة جماهيرية محبة للرياضة زيارة المنشآت الرياضية التي تعتبر من اجمل المنشآت في الشرق الاوسط

نستغل كل الاشياء الموجودة في البلد لأهداف مستقبليه تعود لنا بالفائدة


اما عن موضوع المشرفين والمشرفات يجب اختيار من يكون ثقه و شخص يتحمل المسؤولية ويكون هو تصرفاته رزينة مب اي شخص نكمله شي وهو ما يتحمل مسؤولية نفسه

ويعطيكم العافية

[عنزي قطر]

[QUOTE=وطن;8108682]الصراحة امس شفت مدرستين مختلفتين في فيلاجيو
وحده اولاد ومعاهم مدرساتهم
و المدرسة الثانية بنات صغار واضح انهم في مرحلة الروضة

وشفت المدرسات اللي معاهم مهتمين فيهم ويجمعونهم

اختي يعتمد من مدرسة لين مدرسة
ما نقدر نعمم

كنت اراقب شلون يمشون مع الاطفال و يجمعونهم على بعض عشان ما يتشتتون كأنهم كتاكيت.

واضح انهم خايفين عليهم ومقدرين حجم المسؤولية اللي معطينهم اياها الاهالي
والصراحة فكرت لو انا مكانهم ما اظن اقدر اتحكم في هذا العدد الكبير من الأطفال واراقبهم عشان ما يضيعون.
الله يعطيهم العافية[/QUOTE.




أنا مع وطن كلام سليم. ارجو عدم التعميم. :victory:

[بنسل]

في مدرسة خاصة بمعيذر هوايتهم الرحلات ياخذون على كل طالب مبلغ 60 ريال على كل رحلة

ويطلعوهم حديقة الحيوان او الفروسية او اي مكان فيه الرسوم قليلة يعني التعليم صار تجارة ولا يهمهم المهم

كيف يربحوا من ورى الاطفال

[السحابة]

الله يستر يعني لو يروحون المتحف الاسلامي او المتحف التراثي حتي لو اطفال اسمه مكان مامون يارب احفظ عيالنا

[الزلزال]

هذا مصيبه
الله يستر