ما هو أفضل معهد لتدريب وتدريس اللغة الانجليزية في قطر ؟

[S.T.Y.L.E]

السلام عليكم

شخباركـم عسـاكم طيبيـن ؟
بمـا أن هالايـام اللي ماعنده انجليزي كنـه ماعنده شهادة
وكل مكان يركز على اللغة قبل ما يطالعون الشهادات

حبيـت ان اعرض هالموضوع والكل يفيدنا في خبرته وتجربته عن

ما هو أفضل معهد لتدريب وتدريس اللغة الانجليزية في قطر ؟

وانا عن نفسي بشوف راي الاغلبية وبسجل فالمكان اللي تشوفونه ممتاز
بعضهم ينصحون في : البرتش كانسل - els - معهد هاي تك

منتظر آراكم وردودكم

تحياتي لكم

[رمادي]

الله يسامحكم واحد يرد عالرجل .. يعني كلكم صرتوا بلابل باللغه بدون معاهد ولا احتجتوا مدرسين ... !!!

[Al-Kuwari]

بالنسبه لي تعلمتها بشكل شخصي (قراءه , مشاهدة افلام ومسلسلات مترجمة , تحدث , الخ .. )

بس بخصوص المعاهد فأغلبها ربحية الا من رحم ربي

ويمدحون الـ els

بالتوفيق

[الزعفراني]

البرتش كانسل - els

مر عليهم وشوف شنهي مميزاتهم وشنهي البرامج اللي عندهم ، وعقب اختار واحد منهم ، وغير هالاثنين لا تفكر .

[موضي قطر]

الله يسامحكم واحد يرد عالرجل .. يعني كلكم صرتوا بلابل باللغه بدون معاهد ولا احتجتوا مدرسين ... !!!


كان رديت عليه انت :shy:

خبرك جاهلين ونقدم على وظيفة مدير واحنا ماعندنا ابتدائي :tease:



اخوي انصحك بكل امانه بــ British Council

[الحال مايساعد]

أنا خذيت دورات في معهد els إللي كان عند دوار أرامكس وحاليا تم نقله إلى خلف مركز مسيمير الصحي
المنهج رائع ، المدرسين أجانب ويتقنون اللغة ومخارج الحروف لكن رسوم المعهد عاليا جداً مقارنة بالمراكز الأخرى ، ملاحظة/ المعهد يتبع النظام الأمريكي يعني لغة إنجليزية أمريكيا

ونصيحتي لك ، جرب المعهد البريطاني ، الإمتيازات أكثر وللعلم إن اللغة الإنجليزية هنا هي اللغة البريطانية وهي أصل اللغة ، الرسوم أقل بكثير ، مشكلة واحدة فقط وهي كثافة الطلاب عاليا

وبالتوفيق

[S.T.Y.L.E]

الله يسامحكم واحد يرد عالرجل .. يعني كلكم صرتوا بلابل باللغه بدون معاهد ولا احتجتوا مدرسين ... !!!

تسلم على ردك :yu:

[S.T.Y.L.E]

الكواري
مشكور يالغالي

الزعفراني
شكلي هاللي بسويه والله

موضي
تقريبا هو اكثر شي امدحوه لي
بمر وان شاء الله خير

الحال ما يساعد
مشكور على كتابة تجربتك
واكيد تفيدني وتفيد غيري

تحياتي للجميع

[الـخـالـدي]

البرتش كنسل حتى لو كان المدرس تعبان المنهج قوي وملزوم يدرس بالمستوى المطلوب عكس المعاهد الثانيه من خلال تجربتي

و الله يوفقك

[رمادي]

كان رديت عليه انت :shy:

خبرك جاهلين ونقدم على وظيفة مدير واحنا ماعندنا ابتدائي :tease:



اخوي انصحك بكل امانه بــ British Council


والله انا ما دخلت معاهد فقط مره دخلت معهد اللغات من سنين ..
بس يمكن الغي الان .. يعني تريديني اكذب عالرجال :omen2: .
وامدح اماكن انا ما اعرف عنها شي ؟؟؟ ما يجوز :discuss: .

[كازانوفا]

مركز ايرث ورا المول ما شالله حلو وعليه اقبال قوي

[OutLaw]

كلية شمال الاطلنطي طارحين دورات في اللغة الانجليزيه مسائي

[بحرقطر]

جربت معاهد وايد وكلهم فاشلين وافشل معهد نيوهرايزن بس المعهد البريطاني ما جربته
واحسن مكان كلية الشمال الاطلنطي استفدت منهم وايد المدرسين على مستوى ويهتمون في الطالب
العام دفعت ٤٠٠٠ ريال حق الكورس في الشمال الاطلنطي مدته ست اسابيع اربع ساعات في اليوم كان ممتاز ومفيد
والله يوفقك ان شاءالله
*

[غالية قطر]

برنامج التأسيسي لكلية الشمال أطلنطي ..
وعلى فكرة في فرق بين برنامج التأسيسي وبين كورسات الإنجليزي التي تعطى لغير طلبة الكلية ..

[الخـود]

لو سمحتوا وين موقع البرتش ؟؟؟

[Al-Kuwari]

تذكرت معهد ثاني وحبيت اخبرك عنه

يمدحون كورس الانجليزي في كلية الطيران ..

[Al-Kuwari]

تذكرت معهد ثاني وحبيت اخبرك عنه

يمدحون كورس الانجليزي في كلية الطيران ..

[الأصيلة]

طيب واللي بس يبغي يتعلم فنون المحادثة
أي معهد ممكن يفيدة؟
مارأيكم في معهد اكسفورد سمعت عنه كأنه عند حديقة دحل الحمام
من منكم يعرفه؟

[منهم وفيهم]

طيب واللي بس يبغي يتعلم فنون المحادثة
أي معهد ممكن يفيدة؟
مارأيكم في معهد اكسفورد سمعت عنه كأنه عند حديقة دحل الحمام
من منكم يعرفه؟

أختي معهد بيرلتز اللي بالمطار يركز عالمحادثه بشكل حلو ..
اما لطارح الموضوع اقوله els
عن تجربه ..

[_بوشهاب_]

طيب واللي بس يبغي يتعلم فنون المحادثة
أي معهد ممكن يفيدة؟
مارأيكم في معهد اكسفورد سمعت عنه كأنه عند حديقة دحل الحمام
من منكم يعرفه؟

معهد اكسفورد بصراحه للصغار من عمر 18 واقل بس بصراحه كورساتهم للانجليزي لليهال على مستوى اعرف واحد كان فيه في فريجنا صغير هو شوفوه كيف يتكلم الحين لا اله الا الله وعدد الطلاب في الكلاس الواحد شوي عشان كل واحد ياخذ كفايته من الكورس بس ما شاء الله الكل يمدحه و الله في الفريج