لاهل الخبرة .. ابي مساعدتكم في زيارتي حق لندن

[اناقه]

السلام عليكم و رحمة الله و بركاته

اخواني و اخواتي الكرام

ان شاء الله ناويين نزور لندن شهر 5 و تقريبا بتكون الزيارة من 8 /5 لين 5/22

بكون انا و زوجي و كتكوتي الصغير

يا ليت تفيدوني من حيث السكن و الجو اشلون بيكون تقريبا في فترة زيارتي

و بالنسبة للسكن يا ليت يكون في مكان امن و نظيف اهم شي و يكون في سوبرماركت و مطعام قريبه منه و ما يكون غالي و حبذا لو تكون شقه صغيرة فيها مطبخ تحضري على شان اجهز اكل ولدي و يكون السعر مناسب مب غالي

المشكلة اني دورت بس على الفاضي:telephone: بسبب ان ما عندي خلفية عن البلاد

و للعلم هاي اول زيارة لي

و شاكرة لكم حسن تعاونكم

و عساكم عالقوه

[غزلان]

شهر 5 الجو بيكون ربيعي مع انه حطي في بالج جو لندن عمره ماثبت على شي

السكن للشقق الأخوان بيفيدونج اكثر مني

من راي تسكنون اول اسبوع بفندق وتروحون تشوفون الشقه على الطبيعه قبل ماتأجرونها
مرات الكلام شي والواقع شي ثاني

بالتوفيق

[آنــه]

السلام عليكم ورحمة الله وبركاته

عزيزتي كم ميزان يتح للسكن فقط ؟

انا عندي الماي فير من أنظف الاماكن للسكن ومكانها مقابل الهايد بارك و يمينج اكسفورد والايدجوال رود و يسارج النايتس بردج والبيكاديلي وخلفج النيوبوند ستريت بس سعرها مب رخيص

انا ع العموم ما اليد سالفة السكن في الأيدجوال رود أبدا
اذا بتسكين في اكسفورد والا النايتس بردج والا الهاي ستريت كنزكتون
انتي بس حطي الميزانية و المكان اللي تبيه يعني تسوق والا تبين شي معين
بحوال أساعدك بقدر ما اقدر

و للعلم ترى أسعار السكن زادت بشكل جنوني هاليومين وخصوصا الفنادق ومافي حجوزات

[اناقه]

ميزانيتي من ١٣ لين ١٥ الف للسكن

و بالنسبة للاسعار ارتفعت لان اعتقد عندهم اولومبيات او شي شهر ٧

انزين اخواني مب لازم شقه ممكن فندق بس اهم شي يكون فيها مطبخ

و شكرا لكم

[رآعي موآجيب]

الجو بيكون ممتاز

والسكن بطرش عليش رقم اليوم ان شاء الله

مهوب عندي الحين

[لاجل QT]

اتمنى من الاعضاء يفيدونج..لانى باذن الله مسافرة في الصيف مع العيال..وابي مكان يكون في اماكن اللعاب وترفيهي واهم شي مطاعم عربية..وكوفي

يفضل شقق فندقية

[رآعي موآجيب]

العماره الحمراء في شارع كروم ويل

مكان راقي وهادي وقريب من كل الأماكن اللي بتحتاجونها وجنبها جمعيتين

هالعماره فيها عيب واحد ، الشقق مستواها متفاوت ، لا تاخذون الشقه إلا بعد ما تشيكون عليها

وعليكم بالدور الثالث ، سكنت في شقتين راقيات جداً الأسبوع بـ 400 باوند

وبحاول انبش عندي يمكن كتبت ارقام الشقق

المهم الرجال المسؤول عن العماره اسمه اياد وهذا رقمه 447973220175 +

وعنده رقم ثاني فيه سبعات واجد بس مالقيته

بالتوفيق ان شاء الله

[doha2012]

,,



اذا اول مره نصيحه اسكني في فندق ودوري على الشقق براحتك


لو مانطبخين احسن لك فندق .. واذا محتاجه طبخ الشقق احسن


فيه شقق في اجودر رود .. قريبه من كل المحلات والمطاعم وراقيه ونظيفه

وفيه لو حبيتي في شارع الاجودر رود شقق راقيه اخرى للكويتين ويمدحونها الناس

تحتها على طول سوبرماكت الوادي الاخضر وقريبه من كل شي

فيه منطقة الماي فير .. من ارقي المناطق هناك وغاليه بس جميله ونظيفه

وبعيده عن شارع العرب ..


شوفي ويش يعجبك وابشري ان شاء الله ..


اتمنى لك رحله سعيده ..



اللحين شهر ابريل .. لندن فيها الكثير من الخليج والحجوزات فل .. احجزي قبل روحتك بفتره



,,

[اناقه]

,,



اذا اول مره نصيحه اسكني في فندق ودوري على الشقق براحتك


لو مانطبخين احسن لك فندق .. واذا محتاجه طبخ الشقق احسن


فيه شقق في اجودر رود .. قريبه من كل المحلات والمطاعم وراقيه ونظيفه

وفيه لو حبيتي في شارع الاجودر رود شقق راقيه اخرى للكويتين ويمدحونها الناس

تحتها على طول سوبرماكت الوادي الاخضر وقريبه من كل شي

فيه منطقة الماي فير .. من ارقي المناطق هناك وغاليه بس جميله ونظيفه

وبعيده عن شارع العرب ..


شوفي ويش يعجبك وابشري ان شاء الله ..


اتمنى لك رحله سعيده ..



اللحين شهر ابريل .. لندن فيها الكثير من الخليج والحجوزات فل .. احجزي قبل روحتك بفتره



,,


من جذي انا احجز من الحين

ممكن اي رابط للحجز او رقم تلفون

و شكرا

[آنــه]

هذي الشقق اللي في كنزكتون كورت

http://www.central-london-apartments.com/area-kensington.php


وهذي اللي في النايتس بردج

http://www.central-london-apartments.com/area-knightsbridge.php


وهذي اللي جهة الماي فير و اكسفورد

http://www.central-london-apartments.com/area-west-end.php

انا أحط لج الخيارات لأني ما احب اختار وبعدين يدعون علي ههههه
واذا تبين فندق أنصحك بالثيستل ماربل ارش

[doha2012]

من جذي انا احجز من الحين

ممكن اي رابط للحجز او رقم تلفون

و شكرا


ابشري ان شاء الله بجيب لك الارقام ..


الفنادق .. ثيستل ماربل ارش .. غرفه كبيره لو طلبتيها خاص .. وفيها مكان صغير ممكن تحطين للطبخ شي خفيف ..


لكن انا افضل كمبرلاند .. واطلبي غرف كبيره
قريب من كل شي ومكانه اامن من ثيستل .. وقدامه سوبرماركت والهايد بارك .. فطورهم متنوع ونظيف



اختي اللي قبلي حطت روراط الشقق مشكوره ..


الماي فير حلو جدا لكن عيبه بعيد نسبياً ..


,,

[بو خليفه 123]

انا شخصياً غير مؤيد للسكن بالفندق ان بغيتي مطبخ تحضيري

كمبرلاند غرفته كنها قرقور حتى عقب التجديد ماتنفع لعائله صغيره

ارسلت لك بالخاص رقم مره قد اجرت من عندها شقق عائليه في النايتس بريدج ابد تقطعين الشارع تدخلين هارودز


اسعارها بتكون مناسبه لك لكن الوقت الي بتروحونه ماعنطي خلفيه ان كان اسعارهم ارتفعت ام لا بسبب الاولمبياد

رحله موفقه مقدماً

[آنــه]

هذا الثيستل ماربل ارش

http://www.thistle.com/en/hotels/united_kingdom/london/thistle_marble_arch/rooms_and_suites/index.html


هذا المهوليدي ان / ماي فير

http://www.holidayinn.com/hotels/us/en/london/lonmf/hoteldetail/photos-tours

وهذا الكامبرلاند / ماي فير

http://www.cumberlandhotellondon.org/photos.html

وهذا لنك ثاني

http://www.guoman.com/en/hotels/united_kingdom/london/the_cumberland/rooms_and_suites/index.html

وانتي ممكن تقارنيني بين الأسعار على حسب اللي تشوفينه يناسبك

واتمنى ان إحنا نفيدج ما نتوهج بكثر عرض الخيارات

[almaf1a]

لا انصح بالسكن في الشقق
غروفنر هاوس ممتاز جدا مقارنة بسعره ونظافة المكان والموقع
واتركوا عنكم الكامبرلاند والثستل تعبانين

[doha2012]

لا انصح بالسكن في الشقق
غروفنر هاوس ممتاز جدا مقارنة بسعره ونظافة المكان والموقع
واتركوا عنكم الكامبرلاند والثستل تعبانين



قد لاتكون بفخامة الغروفنر .. لكنه قريب من كل شي

الغروفنر غرفه ضيقه وبعيد عن الاكسفورد والاجورد رود ..


فيه اوتيل تشرتشل بس سعره غالي صراحه ولكن موقعه ممتاز جدا بين تالاجورد رود والاكفسورد وقريب من ثيستل ..



الله يوفقك ويحفظك

[اناقه]

تسلمون ما قصرتو

انا ميزانية السكن ١٥ الف

ان شاء الله اشوف اللي يناسبني من الفنادق اللي اقترحتوها

بيض الله وجهكم

[قطرية كشخه]

اتمنى تلقين بهالمبلغ فندق زين لان الاسعار ضااااربه من قلب في لندن

شهر 2 سكنت في ثستل " ماربل ارج " بـ 35 الف بس السكن !

والحين بعد قرب اولمبياد لندن مستغلينه ورافعين سعر كلشي .. اهم شي تحملي تسكنين في اجورد رود كرييييييه بمعنى الكلمة
اذا تبين الهدوء شوفي المناطق الهاديه مثل كنقزتون هاي ستريت ولا بادنقتون او ايرلز كورت اعتقد هناك الاسعار افضل من وسط لندن .. وادخلي على هالرابط وبتشوفين الفنادق مع الاسعار http://www.agoda.ae/europe/united_kingdom/london.html
اتمنى لج رحله سعيده:shy:

[بوعيود]

الجو في شهر 5 حلو والصراحه انا اشوف فندق تيستل جيد واسعاره مناسبه موقعه في اكسفورد وكل شي قريب منك

[يحفظك ربي]

هذي مكانها حلو انا شخصيا سكنت فيها طبعا الكوالتي مب ذاك الزود بس حبيتها لانها في المايفير وقريبه من كل شي
وحطي في بالج انج رايحه تتمشين في لندن خخخ يعني وقت الرقاد بترجعين السكن ف لذلك لايهمج شكله .. اهم شي موقعه

http://www.central-london-apartments.com/apartment-17th-hertford-street-apartments.php?checkin=08%2F05%2F2012&checkout=22%2F05%2F2012&rooms=1&people%5B%5D=2&search=Search