شريكه السابق بيطلع ويبي يسجل الشركة بأسمي ؟؟

[وحيد-الشوق]

السلام عليكم

اخوكم عليمي وغشيم في هالسوالف اليوم كلمني شخص عربي مقيم في قطر من 9 شهور اعرفه عن طريق شخص تربطني به معرفة جيدة المهم هو مهندس مادري مقاول في شركة بناء فلل وبيوت والخ وقالي يبيني ادخل شريك معاهم لأنه القطري بيطلع من الشركة

يقولي الشركة سجلها نظيف ومافي اي مشاكل واحنا بنسجل اسمك وخلاص

ابي حد يشور علي ويفهمني وايش الشروط الواجب توفرها
*

[المليونير الفقير]

اخوي وحيد شيك عالشركة من كل النواحي خصوصا القروض واهم شي اتكون مخول التوقيع حتى ماتدخل في متاهات وربي يكتبلك الي فيه الخير

ولو ماحبيت تشاركهم ياريت تعطيني خبر لاني ادور شراكة في شركة مقاولات وبناء بالتوفيق للجميع

[النهار]

اخوي الله يرزقك من اوسع ابوابه
في الاول كم عدد العمال المسجلين على السجل ترى معظم الشركات عندهم عماله سائبه
شيك على رواتب الموظفين هل يستلموها في الوقت المحدد
لوقدرت تجتمع مع العمال ولو من بعيد وتسألهم عن حال الشركه والمعامله
موقع الشركه + الايجار + سكن العمال + المعدات الموجوده
تصنيف الشركه كم+ المشاكل الي مرت بها الشركه + كم عمر الشركه
سبب ترك الكفيل للشركه ( لوفيها خير ماعافها الطير ) اكيد فيها وجعت راس
المردود المادي لك كم 100% من نسبة الشغل
هل توجد مشاكل امنيه للشركه مثل شكوى العمال شكوى العملاء
تاريخ الشركه من الانجازات واكبر صفقه كم كان سعرها وكم مشروع تم تنفيذه خلال 2011
هل يوجد حساب للشركه في البنوك + هل الشركه اخذت اي نوع من انواع القروض
هل الشركة تشتغل من الباطن اوتعطي الشغل لشركه اخرى بالباطن
هل مطلوب منك دفع اي مبلغ من المال

انت لخص كل الي كتبته اسألهم ورد علي لان هناك نصائح منى ومن الاخوان

[النهار]

اخوي الله يرزقك من اوسع ابوابه
في الاول كم عدد العمال المسجلين على السجل ترى معظم الشركات عندهم عماله سائبه
شيك على رواتب الموظفين هل يستلموها في الوقت المحدد
لوقدرت تجتمع مع العمال ولو من بعيد وتسألهم عن حال الشركه والمعامله
موقع الشركه + الايجار + سكن العمال + المعدات الموجوده
تصنيف الشركه كم+ المشاكل الي مرت بها الشركه + كم عمر الشركه
سبب ترك الكفيل للشركه ( لوفيها خير ماعافها الطير ) اكيد فيها وجعت راس
المردود المادي لك كم 100% من نسبة الشغل
هل توجد مشاكل امنيه للشركه مثل شكوى العمال شكوى العملاء
تاريخ الشركه من الانجازات واكبر صفقه كم كان سعرها وكم مشروع تم تنفيذه خلال 2011
هل يوجد حساب للشركه في البنوك + هل الشركه اخذت اي نوع من انواع القروض
هل الشركة تشتغل من الباطن اوتعطي الشغل لشركه اخرى بالباطن
هل مطلوب منك دفع اي مبلغ من المال

انت لخص كل الي كتبته اسألهم ورد علي لان هناك نصائح منى ومن الاخوان

موفق انشاءالله

[رحال الدوحه]

هلا ويجمل كل اوقاتكم جميعاً

وفيتوا وكفيتوا يالربع .. ربي يوفقك اخوي
النهار والجميع

اسأل اخوي وخلك حريص
" لا خاب من استخار واستشار "

[Bozizoo]

و ازيد على الاخوان
شوف المشاريع الي ماسكتها الشركه خسرانه او عليها تاخيرات
و نصيحة اخ لاخوة لاتسلمه شي كلش
حتى عمل العقود و طلبات الشركه مثل الحديد و الخرسانه
كل شي انت ومع ذك بعد بصير تلاعب
بس شي اقل من شي
و البزنز مافيه مجاملات ولا يقطونه بالشيمه
حرص مب عيب
وعلى قولت احد رجال اعمال
اكتب العقود و اضمن حقك كنه بيبوقك

[روح الاطلس]

ما اختارك الا لانك عليمي بهالامور :) عشان ماتعور له راسه

طبعاً فيها مغامرة ومخاطرة انك تدخل حتى لو بالاسم .. شيك على الشركة بالكامل من كل النواحي ( وحتى لو شيكت بما انك ماتعرف عدل في امور المقاولات صعب تكتشف شي شوف لك حد فاهم بالسوق يقدر يساعدك اكثر)

موفق

[الخليل للاعمار]

اعطي الخبز ل خبازه وكل محامي لفحص جميع مستندات الشركة و لكتابة العقود و توضيح ما لك وما عليك

[سهم قطر]

لو مشروع غير المقاولات جان قلت لك اوكي
بس المقاولات مشاكلها كثيره ولاتقدر تراقبها وفيها متاهات وايد والتزاماتها لماليه كبيره
وممكن بعد فتره وانت ماتدري تلاقي الشركة مديونه لعده اماكن مثل شركات الردي مكس وشركات الطابوق
والحديد ومشاريع خسرانه وكلها بطيح على راسك لانك قطري والمسئول امام القانون عن الشركه
اما الاجنبي ماعليه اي مسئوليه وبيطلع منها بسهوله واقصى شي بينسجن جم يوم وبيتسفر

[وحيد-الشوق]

اذا جذي خلنا بعيد احسن انا وين وهالسوالف وين

جزاكم الله خير وماقصرتوا يا اخوان

الف شكر لكم

:)

[سوق جالس]

استشير و استخير .. و ما خاب من استخار

[بوحمد2]

اذا جذي خلنا بعيد احسن انا وين وهالسوالف وين

جزاكم الله خير وماقصرتوا يا اخوان

الف شكر لكم

:)

حاول تتخيل هل الموقف لو انت فية قولي ايش بيصير فيك؟؟؟ تخيل الاجنبي اتفق معا 10 قطريين انه بيبني لكل واحد فلتة اوكيى وقال لكل واحد ابروحه توقيع العقد بيكون 1-7-2012يعني اتفق معا احمد على الساعة 9صباح ومحمد 10صباح وخالد 11صباح وناصر 12ظهر الخ,,,لين يكمل ال10اشخاص ووقع معا كل واحد العقد على اساس الدفعة الاولى 200الف من كل قطري وفي نفس اليوم طيارتة 10في الليل يكون مكلم كفيلة انه امه ماتت او ابوه مات ويبكي والخ...عادي يذبح هله المهم ياخذ فلوس 20سنة جدام المهم ويسافر على 10مساء ويطق ولا عاد يعود يعني بيكون خذ منهم مجمل المبلغ 2مليون ريال ؟؟؟تقدر تقولي في هل حالة وات يو كان دو؟؟؟ولكم جميعا القرار واسف على الصرقعة لانه بالفعل لو صار جذية صرقعه بيكون:omg::omg::omg:

[المليونير الفقير]

بالتوفيق

[عقار]

اخوي الله يرزقك من اوسع ابوابه
في الاول كم عدد العمال المسجلين على السجل ترى معظم الشركات عندهم عماله سائبه
شيك على رواتب الموظفين هل يستلموها في الوقت المحدد
لوقدرت تجتمع مع العمال ولو من بعيد وتسألهم عن حال الشركه والمعامله
موقع الشركه + الايجار + سكن العمال + المعدات الموجوده
تصنيف الشركه كم+ المشاكل الي مرت بها الشركه + كم عمر الشركه
سبب ترك الكفيل للشركه ( لوفيها خير ماعافها الطير ) اكيد فيها وجعت راس
المردود المادي لك كم 100% من نسبة الشغل
هل توجد مشاكل امنيه للشركه مثل شكوى العمال شكوى العملاء
تاريخ الشركه من الانجازات واكبر صفقه كم كان سعرها وكم مشروع تم تنفيذه خلال 2011
هل يوجد حساب للشركه في البنوك + هل الشركه اخذت اي نوع من انواع القروض
هل الشركة تشتغل من الباطن اوتعطي الشغل لشركه اخرى بالباطن
هل مطلوب منك دفع اي مبلغ من المال


انت لخص كل الي كتبته اسألهم ورد علي لان هناك نصائح منى ومن الاخوان




اخوي النهار
كفيت ووفيت ،، بارك الله فيك

[السيليه]

الله يوفقك
لا خاب من استشار ادرس الشركه من كل النواحي يمكن خسرانه ولا ليش طلع منها الشريك القطري ؟؟؟؟؟؟
حرص ولا تخون.