ابي افتح كشك صغير في الاند مارك او اي مول ..ولكن

[saryalia4u]

السلام عليكم


انا عندي مشروع جديد ولله الحمد ناجح جدا عن طريق المنزل
لكن حابه اوسع هالمشروع بكشك صغير في اللاند مارك او اي مول

اقل مساحه راضيه فيها لكن انصدمت من الاجارات اللي توصل في اليوم الواحد 2000-2500 ريال
طيب كيف راح اظهر فايدتي وايش يضمن لي ان في اليوم راح اظهر هالمبلغ..

مش المفروض للمشاريع الصغيره والبنت القطريه اي دعم..

خصوصا ان مشروعي جديد من نوعه ومن هواياتي وشغل يدي ومميز جدا

اتمنى حد يفيدني كيف ممكن احصل على مساحه صغيره احط فيها كشك بسعر اقدر استفيد منه
ومايكون الربح فقط للاجار.

[khaldoon]

معقول 2000 -2500 ريال باليوم؟!!!....معقول مثلا اللي يبيع بالونات يحقق ربح يخليه مستمر لكل هذه الفتره ...ما شاء الله...عجيب الصراحه....يعني لو قلنا ساعات و الا اكسسوارات كمبيوتر و لاب توب و الا موبايلات معقوله بس ....

وايد هالمبلغ الصراحه...الله يكون بالعون

[رُفق المجنّا]

اخبر ان فيه اعلان قبل فترة طويلة عن تأجير كشكات ( اذا صح التعبير ) في حديقة المتحف الاسلامي

حاولي أختي تتواصلين مع المؤسسات الاجتماعية في البلد او حتى إدارات المجمعات الموجودة

اسمحيلي اذا ما كانت مشاركتي مفيدة وبالتوفيق

[يوسف الحمادي]

للأسف اختي انا احاول من فترة
ولكن للأسف الأكشاك مقسمه لقسمين أكشاك دائمة وأيجارها شهريا مابين 15000 و 18000 الف ريال ولكن للأسف كل الأكشاك محجزوة وعليها قائمة انتظار لسنتين

والقسم الثاني من الأكشاك هي اللي قالو لج عنها تكون اكشاك مؤقته وسعرها مابين 2000 الى ثلاثة آلاف ريال يوميا

طبعا المولات الي اتكلم عنها هي فيلاجيو و اللاندمارك وستي سنتر

ولكن بالمقابل حاولي تقدمين في المولات الجديدة مثل مول الخور ومول الخليج
وايضا المولات الصغيرة الي مازال عليها اقبال مثل المول وسنتر بوينت

وفي النهاية لاتيأسين لأن التجارة مب سهلة ويبيلها صبر

اتمنى لج التوفيق

[سلامي للكل]

وعليكم الســلام ورحمــة الله وبركاته

اختي جربي مجمــع المعمــورة الجديد (منطقة الهلال, مكان معهد نيوهـورازين سابقاً)

المكان جديـد وزين, وحلــو, تحت جمعيــة وفوق نظام كشك (ايجار) وما اتوقع فتحــوا الطابق العلــوي

وسعر الايجار زين بحدود 3 الاف شهـرياً (اقـل اكثــر)

بس ماعندي علم اذا للحيــن في شيء متوفــر :telephone:

اتمنــى لج التوفيــق

[doha2012]

بقول لك الصدق


كل شي بالواسطه ... حاجزينه قبلك ناس وبعضهم توه جاي من بلاده


والايجار لبنت البلد بس ويجلدونها به


لا مافيه تشجيع ..سوق واقف اول مافتح التسجيل كانت القوائم متروسه .........؟ متى دروا


الايجار غير معقول


الله يعين

[saryalia4u]

يعطيكم الف عافيه ع المرور

[saryalia4u]

وعليكم الســلام ورحمــة الله وبركاته

اختي جربي مجمــع المعمــورة الجديد (منطقة الهلال, مكان معهد نيوهـورازين سابقاً)

المكان جديـد وزين, وحلــو, تحت جمعيــة وفوق نظام كشك (ايجار) وما اتوقع فتحــوا الطابق العلــوي

وسعر الايجار زين بحدود 3 الاف شهـرياً (اقـل اكثــر)

بس ماعندي علم اذا للحيــن في شيء متوفــر :telephone:

اتمنــى لج التوفيــق

المكان وايد بعيد علي غير هذا مافيه زباين وناس تمره
يعني اكيد باخسر فيه
انا فكرت افتح كشك في احد مولات الاحساء

ارخص كاجار ..

تخيلوا بنت البلاد ماتقدر تستفيد منها ولو بشي بسيط.


تسسلموون ع المرور

[sweet qatar]

وليش ما تشوفين لج كورنر في المجمعات المحلية..

حسب علمي انتي عندج موقع اون لاين.. وشغلج حلو ماشالله..

افتحي في اي مكان في الدوحة حسب إمكانياتج.. عقب توسعي وافتحي أكشاك في المولات الكبيرة..

صوب الخريطيات عند جراند .. أو في معيذر.. مسيمير.. المرخية.. مااعرف المكان الأقرب لج..

بالتوفيق..

[saryalia4u]

المجمعات المحليه ؟؟ وين تقصدين اختي؟؟

[sweet qatar]

أقصد المجمعات الصغيرة..

مثل سفاري - باركو مول - جراند - الغرافة - وذنان - اللولو - زون - غرناطة..

واسألي بعد في وزارة الشؤون الاجتماعية اذا تقدرين تشاركين في معارض الأسر المنتجة..

والله يوفقج..

[مخطط قطري]

اختي شوفي موال لاجونا لي عند البرج المتعرج يمكن سعر يكون اقل لانه مجمع جديد ولا عليك تفتحين في سوق واقف او الحي الثقافي تجربة ...

[الزلزال]

اخبر واحد من الشباب كان ماخذ ارضيه في الاند مارك في اليوم 800 ريال
لمده شهر
بس من زمان مش الحين

[M!$s ĀŁ!eN]

انا ابي لي فيلا .. اسوي فيها
صالون ..
واتمنى احد يراعيني في الاسعار
ما يكون طماع..

[wadha-qa]

جربي في وذنان يمكن تلقين سعره افضل احب هالمكان شرح و هادي

[معماري قطري]

أنا قبل سمعت ان الكشك بألف ريال في اليوم في اللاندمارك وبمدة مؤقتة ممكن ما يعطون فترة طويلة وهو الأضمن لج

[محمد الجفيري]

الله يوفقك ان شاءالله

[تاجر كشخة]

لو كان عندي خبره كان افدتج الله يوفقج

[معماري قطري]

انا مره فتحت مشروع مثل اللي قصدتي بس كان في محل كبير في اللاند مارك وكنت شريك في المشروع وبدينا من سنتين تقريباً ووقفت عن الشراكة من ست شهور،، ورفيجي مواصل وخذنا كاونتر في حدود مترين شبه دائري وهم عطونا إياه وكان الإيجار 5000 ريال شهرياً ونسبة على المبيعات 20% ونزلوها إلى 15% وطلعنا بربح معقول أول ست شهور بس ما يسوى، والميزة كانت اننا نستخدم نفس نظام مبيعاتهم وبدون ما يكون عندنا حد يبيع ... واللي خلاني أطلع رؤيتي لإنتشار أكشاك تبيع نفس بضاعتنا وحتى الأسماء نفسها بس المحتوى يختلف وبسعر كثير أرخص ما قصروا السوريين خبراء الغش التجاري والمشكلة شغلهم ماشي، والمشكلة إدارة المحل تساعدهم في هالشيء سوريين طبعاً.

[قطرية مثقفة]

اختي قبل سنة كنت رايحه الكبائن اللي على البحر في كتارا @@ وسألتهم يومها عن سعر الأجار قالو انه مجاني في البداية لانهم يدعمون الأعمال اليدوية @@ وبصراحة انه الحين ماادري اذ موجدين او لا انتي سألي يمكن يعجبج المكان @@ والله يوفقج

[saryalia4u]

كنت اتمنى يكون لهل قطر مميزات في طلب الاكشاك
بس كل شي غالي ومش لنا
الاحظ اغلب اللي يبيعون في اللاند وباقي المجمعات اجانب ومش من هل قطر

وطبعا واضح من بضاعتهم.... وبضاعتهم رديئه وسيئه
وحولت مجمعاتنا لاسوء شكل ممكن


بالنسبه لكتارى ارسلوا اعلان وتواصلت معاهم ... انهم بيفتحون معرض
للاعمال الخاصه وللي يشتغلون من البيت
وهو هدفهم حسب كلامهم
لكن للاسف لقيت الاستغلال كله
50% من ربح التاجر..لهم..؟؟؟؟!!!! هل تعتقدين ممكن يعطوني كشك مجاني؟؟!!! مستحيل