سوق الذهب @@ !!!

[pink pearl]

السلام عليكم ورحمة الله وبركاته،،،

طيب الله أوقاتكم بكل خير،،،

اليوم عندي ملاحظتين خلال روحتي لسوق الذهب أنا وأخوي والوالدة، الملاحظة1 // بخصوص المواقف ، يعني تمينا أكثر من نص ساعة ندور على موقف، طبعاً فيه مساحة رمل كبيرة مخصصينها للمواقف، والقاذورات محذفة في كل مكان، وتجمعات الأمطار ، ومنظر أقل ما يقال عنه إنه لايليق*بنا كمسلمين أولاً ولا كقطريين ثانياً، هل هذا يرضي المسؤولين ؟!
وهل نرضاها إحنا كقطريين إن السياح يشوفون قطر بهذا المنظر؟!
*
الملاحظة2// أمي تعبانة وفيها مرض السكري، فاحتاجت الحمام- وأنتوا بكرامة- طبعاً إحنا في المبنى الداخلي للسوق الذهب، فرحت أسأل أحد المسؤولين عن التبرعات فاشار إنه على ناحية اليسار، مشيت أنا والوالدة إلا أتفاجأ بهندي داخل الحمام- وأنتوا بكرامة-
سألته : وين حق الحريم؟!
قال لي: ماما هذا يوني سكس!!! قلت له شنو @@ ؟!
وفعلاً طلع مكس وطابور عليه نساء ورجال!! والله قمة الإحراج !!!! وين قاعدين ؟؟؟ هل احنا في قطر ولا بأمريكا ؟! والله كثر ماسافرت بس ما قد صادفني هالموقف المحرج!! والله عيب اللي قاعد يصير!!
*[/color]

[بصمة قطرية]

صج احراااااااااااااج ..!!
معقولة ..!!
بالنسبة للمواقف جربت بصراحة ..
لكن الحمامات وانتو بكرامة اول مرة اسمع عنها ..!!
عيزانين يسوون حمام خاص بالنساء و الثاني خص بالرجال ..!!؟؟
صج فشيلة ..

[التقني]

اكيد هذى الشيئ غير مقبول اختي
ولا يرضينا ولا يعكس معالمنا الحضاريه
وللاسف لا حياة بمن تنادي

ملاحظه اختي حتى بامريكا ما في حمامات وانتي بكرامه يوني سكس
وبالعكي الحمامات هناك انظف بكثير الحمامات الموجوده هنا
في كثير من المجمعات الخمس نجوم عندنا سواء كان فيلاجيو او السيتي
كلهم صراحه مأساه كبيره والبلدية ساكته عنهم

[شيزكيك]

صاجه اختي عن المواقف من قبل اسبوعين رحت مع الوالده سوق الذهب وتميت ادور وادور لين حصلينا موقف

الصراحه المنطقه بكبرها تلوع الكبد وقديمه وما فيها خدمات بعد

[doha2012]

,,


ليه مايطورونها ..؟


اخر مره رحت لقيتها على عهدي بها ... لا رصيف عدل ولا مواقف ولا محلات تفتح النفس


حمامات مافيه ..؟


الله المستعان .. ياليت البلديه تهتم اكثر بالمرافق الى متى واحنا اخر ناس تتطور



,,

[فارس قطر]

البلدية ماهتمت بمواقف شوارع الاسواق المركزية والابراج بتهتم بمواقف سوق الذهب.

[Grnas]

مثل ما تشترط الجهات المعنية بالتراخيص(وزارة البلدية ووزارة الأعمال) على شروط و مساحات للكافتريا.. آن الآوان لعمل شروط معينه لتواجد محلات الذهب أو تعديل الوضع بعمل أماكن راقية تخدم السياح وسكان البلد والحفاظ على أمن محلاتهم.

[khaldoon]

كلامك صحيح 100%....الذهاب الى سوق الذهب معاناة حقيقية

[ahmaaaddd]

لاحول ولاقوة إلا بالله

[قلبي الطيب]

مشكلة والله
بس التطوير معناته هدم المنطقة واعادة بنائها
وهذا يعني قطع ارزاق وايجارات بتغلى
اوووف أحسن يتم الوضع على ماهو عليه

[b@@]

لاحول ولاقوة الا بالله
صج المكان ماساه من زمان ماغيرةه للحين ؟؟
يلا يامابنشووف

[كتكوت الوحش]

لاحول ولاقوة إلا بالله

[الخزرجي قطر]

اكيد مواقف سوق الذهب مشكله وماتحصل موقف بالساهل

[درر قطر]

أنا أقول يبنون مجمع جديد للذهب لأن هالموقع يفشل لا وأي حد يفكر يبوق الزباين الي طالعين من السوق بيقدر دام الموقع بهذا السوء وأما الحمامات المكس هذي صرعة جديدة لأن في أوروبا والدول لمتقدمة الحمامات منفصلة

[بوعيود]

لاحول ولا قوة الا بالله

[قطــ86ــر]

واللي يقول لكم ان سوق الذهب مافيه كيمرات مراقبة و لا فيه حراسة جات على مواقف ولا حمامات السالفة


لين متى هالتخلف يا وزارة الداخلية العالم وصلت القمر واحنا محلك سر :weeping:

[القانوني]

انا سمعت ان بيهدمون السوق وبكون في سوق جديد للذهب في سوق واقف وهو بكون السوق الرئيسي للذهب





القانوني ،،،

[OTOsan]

بالفعل .. سوق الذهب يحتاج الى اعادة نظر سواء في شوارعه المهترئة او مواقفه الضيقه .. او حتى موقعه الحالي باكمله ..!

[خالد البلوشي]

قمة الاحراج والله المفروض هذه تكون تحت مسؤولية البلدية _ ادارة الاسواقو لازم مثل هالملاحظات توصل لهم .. الله يخلي بلدية دبي صح ان المخالفات الصادرة منها مالها حدود لكن توفيرها للخدمات العامة يغطي على الكثير من السلبيات ..

[Lollipop]

عنوان الموضوع يبرق ذكرتوني اروح ^^

[لمعة الالماس]

وبعدين موقع السوق خطر

بالذات في الويك اند كله تجمعات من الجاليات

وغير جذي مخصصين ساحه مواقف حق باصات كروة

والواحد بصعوبة يحصل له موقف والارضيه بعد مب مرتبة وكلها تكسيرات وحفر